প্রধানমন্ত্রীগী লোইশঙ
পি.এম. মোদীনা ভারত রত্না এম.জি.আর.দা ইকাই খুম্নবা উৎখ্রে
Posted On:
17 JAN 2021 2:12PM by PIB Imphal
প্রধান মন্ত্রী শ্রী নরেন্দ্র মোদীনা তামিল নাদুগী হান্নগী মুখ্য মন্ত্রী দা. এম.জি. রামচন্দ্রনবু ঙসি মহাক্কী মপোক নুমিৎতা চাউনা ইকাই খম্নবা উৎখ্রে। মহাক্না হায় এম.জি.আর.না ফিল্মগী স্ক্রীনদগী হৌরগা রাজনিতীগী স্ক্রীন ফাওবদা মীয়ামগী থম্মোই জয় তৌরমখি। শ্রী মোদীনা ৱাফম অসি লৈবাক অসিগী তোঙান তোঙানবা লমদমশিংবু গুজরাতকী কেৱারিয়াগা ফাওনহল্লিবা ত্রেন নিপান লমথবা অমসুং রাজ্য অসিগী রেলৱেজকা মরী লৈনবা প্রোজেক্ত কয়া শঙ্গাবগী থৌরম লোইরবা মতুংদা ভিদিও কনফরেন্সকী থোংদা ফোঙদোখিবনি।
কেৱারিয়াদা লাক্কদবা ত্রেন অমদি পুরুচি তলাইবর দা. এম. জি. রামচন্দ্রন সেন্ত্রেল রেলৱে স্তেসনদগী লামথদুনা ভারত রতনা এম.জি.আর.বু মহাক্কী মপোক নুমিৎতা ইকাই খুম্নবা উৎলি হায়না প্রধান মন্ত্রীনা ফোঙদোকখ্রে। শ্রী মোদীনা মহাক্না ফিল্মগী লমদা অমসুং রাজনিতীগী লমদা পাঙথোক্লবশিং অদুবু থাগৎখ্রে। মহাক্না হায় এম.জি.আর.গী রাকনিতীগী ওইবা খোঙচৎ অসি লাইরবশিংগীদমক কত্থোকখি অমসুং মহাক্না শোত্থরবশিংগী পুন্সি ফগৎহন্নবা চোকথবা লৈতনা হোৎনরমখি।
প্রধান মন্ত্রীনা হায় ঐখোয়না মহাক্কী ৱাখল্লোনশিং অদু থুংনবা হোৎনরি অমসুং তৌবিমল খঙবা লৈবাক অসিনা চেন্নাই সেন্ত্রেল রেলৱে স্তেসনবু এম.জি.আর.গী মমিং লৌদুনা করম্না থোনখিবগে নীংশিংখ্রে।
****
(Release ID: 1689368)
Visitor Counter : 124
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam