প্রধানমন্ত্রীগী লোইশঙ

পাক-শান্না তিকা থাবগী অসিগুম্বা খোঙজং মীওইবা খুন্নাইগী পুৱারিদা মমাঙদা অমুক্তা পাংথোকখিদ্রি: প্রধান মন্ত্রী

সাইন্তিস্তশিং অমসুং অখঙ-অহৈশিংনা মখোয় অশোই-অঙাম থোক্ত্রে অমসুং কান্নরে হায়বা ফজনা খঙলবা মতুংদা ভারত্তা পুথোকপা তিকাশিং অথু-অকায়গী শীজিন্ননবা অয়াবা পীরে: প্রধান মন্ত্রী

মালেম শীনবা থুংনা অঙাং চাদা ৬০ হেন্না ভারতনা পুথোকপা থৱায় কন্নবা তিকাশিং থারে: প্রধান মন্ত্রী

Posted On: 16 JAN 2021 1:46PM by PIB Imphal

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা ভারত শীনবা থুংনা কোবিদ-১৯ তিকা থাবগী খোঙজং হৌদোকখ্রে। মসি লৈবাক্কী মফম খুদিংমক কোনশিনবা মালেমদা খ্বাইদগী চাউবা তিকা থাবগী থবক্নি।

মমাঙদা অমুক্তা ওইখিদ্রিবা মওংদা পাক-চাউনা পাংথোকপা তিকা থাবগী থবক অসিগী অহানবা তাঙ্কক্তা, মালেমগী লৈবাক ১০০ রোমগী অপুনবা মীশিংদগী হেনবা মীওই করোর ৩ তিকা থাগনি হায়না প্রধান মন্ত্রীনা ফোঙদোকখি। মহাক্না হায়খি খোঙজং অসিগী অনিশুবা তাঙ্কক্তা অহলশিং অমসুং অতোপ্পা অরুবা লায়নাশিং মায়োক্নরিবা মীওই করোর ৩০ হেন্না তিকা থাগনি। মালেম অসিদা অপুনবা মীশিং করোর ৩০ হেন্না লৈবা লৈবাক অহুম খক লৈরি- ভারত, য়ু.এস.এ অমসুং চাইনা। অসুক য়াম্না পাক-চাউবা তিকা থাবগী খোঙজং অসি পাংথোক্নবা পুৱারিদা অমুক্তা হোৎনখিদ্রি অমসুং মসিনা ভারতকী তৌবা ঙম্বা অদু উৎলে।

প্রধান মন্ত্রীনা হায়খি সাইন্তিস্তশিং অমসুং অখঙ-অহৈশিংনা মখোয় অশোই-অঙাম থোক্ত্রে অমসুং কান্নরে হায়বা ফজনা খঙলবা মতুংদা ভারত্তা পুথোকপা তিকাশিং অথু-অকায়গী শীজিন্ননবা অয়াবা পীখিবা মরম্না মীয়াম্না তোকঙাশিং অমসুং অরানবা পাউশিংদগী লাপ্না লৈবীয়ু। হিরম অসিগী মতাংদা ভারতকী তিকাগী সাইন্তিস্তশিং, অনা-লায়য়েংগী থবকশিং, ভারতকী থবকশিং অমসুং ইন্সতিতুৎশিংগী থবকশিংদা মালেমগী লৈবাকশিংনা থাজবা লৈরে অমসুং মসিগী থাজবা অসিনা অফবা রেকোর্দ অমা ফংলে। ভারতনা শাবা অমসুং অকনবা ভারতকী সাইন্তিফিক তেস্তশিং মাইপাক্লবা থৱায় কন্নবা তিকাশিং মালেমগী অঙাংশিংগী চাদা ৬০ হেন্না কাপ্লে।

প্রধান মন্ত্রীনা হায়খি ভারতনা কোরোনা তিকা পুথোক্লবা মতুংদা ভারতকী তিকাগী হৈশিংবশিং অমসুং ভারতকী তিকাগী সাইন্তিস্তশিংদা থাজবা হেনগৎলক্লগনি। ভারতকী তিকাশিং অসি মপান লৈবাকশিংগী তিকাশিংদগী মমল হোঙবা খক নত্তনা কাপ্পদশু মখোয়না লাইবা হেল্লি। মপান লৈবাকশিংগী তিকা খরদি দোজ অমদা লুপা লিশিং ৫ ফাওবা য়ৌরি অমসুং সেলসিয়স দিগ্রি মাইনস ৭০দা থমগদবনি। অদুবু ভারতকি তিকাশিং অসি চহি কয়া ভারত্তা চাংয়েং তৌরবা অমসুং হোৎনরবা তেক্লোলোজিশিংদা য়ুম্ফম ওইবনি। হায়রিবা তিকা মখলশিং অসি ভারতকী ফিবমশিংদা পুথোক-পুশিন তৌবা অমসুং থম্বদা চুনবা তিকাশিংনি অমসুং ঐখোয়না কোরোনাগী ময়োক্তা লান্থেংনরিবা অসিদা মপুংফানা মাইপাকপদা ঐখোয়গী মতেং পাংগনি।

শ্রী মোদীনা হায়খি কোরোনাগী মায়োক্তা ভারতনা পায়খৎলিবা থবকশিং কনাগুম্বা অমনা মশা-মরোমদোম থাজবা অমসুং মশাগী ওক্নবা পুথোকচবগুম্বনিভারতমচা খুদিংমক্কী থাজবা মাঙহন্দনবা চপ য়ুংনা লেপখিবা অমা লৈখি। কোরোনা লেব অমা খক লৈরম্বদগী হৌজিক লেব ২৩০০ লৈরে; মাক্সশিং, পি.পি.ই কিৎশিং অমসুং ভেন্তিলেতরশিং মপান লৈবাকশিংগী মখা পোল্লম্বদগী মশাগী ওক্নবা পুথোকপগী মথক্তা হৌজিক মপান লৈবাকশিংদা থাদোক্লে। তিকা থাবগী খোঙজং মনুংদা মীয়াম্না মশা-মরোমদোম থাজবা অমসুং মশাগী ওক্নবা পুথোকপগী চপ মান্নবা ৱাখল্লোল লৈগদবনি।  

*****



(Release ID: 1689087) Visitor Counter : 114