• কোবিদ-১৯না মরম ওইরগা হৌখিবা নুমিৎ ১২নি অসিদা লৈবাক অসিদা নৌবা শীখিবশিং ৩০০দগী তানা রেকোর্দ তৌখি
• লৈবাক অসিগী এক্তিব কেসলোদ ২,২৭,৫৪৬ ওইরি
• হৌখিবা পুং ২৪দা নৌনা ফগৎখিবা ২১,৩১৪ রেজিস্তর তৌখি অমদি মতম অসিদা অনৌবা কেস ১৮,০৮৮ রেজিস্তার তৌখি
• ফগৎলকপগী চাং চাদা ৯৬.৩৬তা হেনগৎলে
• পি.এম. কিয়র্স ফন্দ ত্রস্তনা পব্লিক হেল্থ ফেসিলিতীশিংদা দেদিকেতেদ পি.এস.এ. মেদিকেল ওক্সিজেন জেনরেসন প্লান্ত ১৬২ ইনস্তোল তৌনবা লুপা করোর ২০১.৫৮ এল্লোকেৎ তৌখ্রে
• এম/এস. সিরুম অমসুং এম/এস ভারত বাইওতেক্কী ভেক্সিনশিং অথু অকায়গী ওইনা রেস্ত্রিক্তেদ ওইবা মওংদা শীজিন্ননবা অমদি এম/এস কেদিলা হেল্থকেয়রগী ভেক্সিননা ফেজ ৩ ক্লিনিকেল চাংয়েং পাঙথোক্নবা অয়াবা পীরে‍

#Unite2FightCorona

#IndiaFightsCorona

শীবগী মশিংদা তপ্না-তপ্না হন্থরক্লে; হৌখিবা নুমিৎ ১২নিদগী লেপ্তনা নুংতিগী শীবশিংগী মশিং অসি ৩০০গী মখাদা লৈরি, অপুনবা এক্তিব কেসলোদ লাখ ২.২৭দা লৈ, মখা তানা ২.১৯%দা হন্থরকখ্রে, পুন্না মীওই ৭১দা অনৌবা য়ু.কে. ম্যুতেন্ত স্ত্রেন অসি থেংনখ্রে

লৈবাক অসিদা রেকোর্দ তৌখিবা নুংতিগী শীখিবশিংগী মশিং অসি তপ্না-তপ্না হন্থরক্লি। হৌখিবা নুমিৎ ১২নি অসিদা লৈবাক অসিদা নৌবা শীখিবশিং ৩০০দগী তানা রেকোর্দ তৌখি। হৌখিবা নুমিৎ ৭নি অসিদা মীশিং মিলিয়ন অমদা নৌনা শীখিবা অমা খক্তা ভারত্তা রিপোর্ত তৌখি। অতোপ্পা মাই পাকপা অমদা ভারতকী অপুনবা এক্তিব কেসশিংগী ত্রেজেক্তরী অসি মখা তানা লেপ্তনা হায়থরক্লি। লৈবাক অসিগী এক্তিব কেসলোদ ২,২৭,৫৪৬ ওইরি। অপুনবা পোজিতিব কেসশিংদা লৈরিবা এক্তিব কেসকী শরুক অসি ২.২%(২.১৯%)গী মখাদা হায়থখ্রে। নুংতিগী ফগৎলকপশিংনা নুংতিগী থেংনবা অনৌবা কেসশিংদগী হেনগৎলকপনা এক্তিব কেসলোদকী অপুনবদা হন্থহনবা ঙমখ্রে। হৌখিবা পুং ২৪দা নৌনা ফগৎখিবা ২১,৩১৪ রেজিস্তর তৌখি। হৌখিবা পুং ২৪দা অপুনবা এক্তিব কেসশিংদা কেস ৩,৪৯০ হন্থবগী রেকোর্দ তৌখি। হৌখিবা নুমিৎশিং অসি ভারত্তা নুংতিগী থেংনবা কেসশিং ২০,০০গী মখাদা লৈখি। হৌখিবা পুং ২৪দা অনৌবা কেস ১৮,০৮৮ রেজিস্তর তৌখি। হৌখিবা নুমিৎ ৭নি অসিদা ভারত্তা মীশিং মিলিয়ন অমদা অনৌবা কেস ৯৬ রেকোর্দ তৌখি। কেসশিংগী মশিং অসি ব্রাজিল, রুসিয়া, ফ্রান্স, ইতালী, য়ু.এস.এ. অমসুং য়ু.কে.গুম্বা লৈবাকশিংদা য়াম্না ৱাংলি। ভারতকী পুন্না ফগৎখিবশিং অসি করোর ১গী ময়া নকশিল্লক্লে অমসুং ঙসি ৯৯,৯৭,২৭২ য়ৌখ্রে। নৌনা ফগৎলকখিবশিংনা নুংতিগী থেংনবা অনৌবা কেসশিংদগী মশিং হেনবনা নাবা ফগৎলকপগী চাং অসি ৯৬.৩৬%দা হেনগৎহনখ্রে। নৌনা ফগৎলকখিবা কেসশিংগী ৭৬.৪৮%দি রাজ্য/য়ু.তি. তরাদগী ওইখি। কোবিদতগী মীওই ৪,৯২২ ফগৎখিবগা লোইননা কেরেলানা মশিং খ্বাইদগী য়াম্না ফগৎখিবগী রেকোর্দ তৌখি। মহারাস্ত্রনা অতোপ্পা নুংতিগী ফগৎলকপা ২,৮২৮ রেজিস্তর তৌখি অমরোমদা ছত্তিসগরনা হৌখিবা পুং ২৪দা নৌনা ফগৎলকপা ১,৬৫১ রিপোর্ত তৌখি। অনৌবা কেসশিংগী ৭৯.০৫%দি রাজ্য/য়ু.তি. তরাদগী ওইখি। হৌখিবা পুং ২৪দা কেরেলাদা কেস ৫,৬১৫ রিপোর্ত তৌখি। মহারাস্ত্রদা অনৌবা কেস ৩,১৬০ রেকোর্দ তৌখি অমরোমদা ঙরাং ছত্তিসগরদা অনৌবা কেস ১,০২১ রেজিস্তর তৌখি। হৌখিবা পুং ২৪দা রিপোর্ত তৌখিবা কেস ২৬৪ শীখিবা অসিগী ৭৩.৪৮%দি রাজ্য/য়ু.তি. তরাদগী ওইখি। শিখিবা ৬৪ রিপোর্ত তৌরকপগা লোইননা নৌনা শীখিবশিংগী ২৪.২৪%দি মহারাস্ত্রদগী রিপোর্ত তৌখি। ছত্তিসগরদা শীখিবগী মশিং ২৫ ওইখি অমরোমদা কেরেলাদা ২৪ নৌনা শীখি। য়ূ.কে.দা অহানবা ওইনা রিপোর্ত তৌরকখিবা নোবেল কোরোনাভাইরসকী অনৌবা স্ত্রেন্না নাবা কেসশিংগী অপুনবা মশিং হৌজিক ৭১ শুখ্রে।

অকুপ্পা ৱারোলগীদমক:

প্রধান মন্ত্রী শ্রী নরেন্দ্র মোদী অমসুং য়ু.কে.গী প্রধান মন্ত্রী দি রাইৎ ওনরেবল বোরিস জোনসনগী মরক্তা তেলিফোন্দা ৱারী শাবা

প্রধান মন্ত্রী শ্রী নরেন্দ্র মোদীনা য়ু.কে.গী প্রধান মন্ত্রী দি রাইৎ ওনরেবল বোরিস জোনসনগা ঙরাং তেলিফোন্দা ৱারী শাখ্রে। প্রধান মন্ত্রী জোনসন্না মহাকপু লাকদৌরিবা রিপাব্লিক দেগী থৌরমদা অথোইবা মীথুংলেন ওইনবা ভারতনা বর্তন তৌরকপদা মহাক্না থাগৎপা ফোঙদোকখি অদুবু মহাক্না য়ু.কে.দা ওইরিবা কোবিদ-১৯গী হোংলক্লিবা ফীভম অসি য়েংলগা য়াওবা ঙমলোইদবা অসিদা নুংঙাইতবা ফোঙদোকখি। মহাক্না মতুং তারকপদা ভারত্তা লাকনিংবগী অপাম্বা ফোঙদোকখি। প্রধান মন্ত্রীনা য়ু.কে.দা ওইরিবা ফীভম অসি মহাক্না খংঙি হায়না ফোঙদোকখি, অমসুং শন্দোরক্লিবা লাইচৎ অসি অথুবদা লাকশিন্নবা য়াইফ পাউজেল পীখি। লুচিংবশিং অসিনা মালেমগীদক্তা কোবিদ-১৯ বেক্সিন পুথোকপগী লম য়াওনা হৌজিক লৈবাক অনিগী মরক্তা চুংশিন্নরিবা অসি য়েংশিনখি। মখোয়না পোস্ত-ব্রেসিৎ, পোস্ত-কোবিদকী হিরমদা ভারত-য়ু.কে.গী পার্তনরশিপকী তৌবা ঙম্বদা পুন্না থাজবা থম্লিবা অদু নৌহৌনা ফোঙদোকখি অমদি তৌবা ঙম্বা অসি মঙফাওনবা পুম্নমক য়াওরবা রোদমেপ অমদা পুন্না থবক তৌমিন্ননবা য়ানখি।

অকুপ্পা ৱারোলগীদমক:

পি.এম. কিয়র্স ফন্দ ত্রস্তনা পব্লিক হেল্থ ফেসিলিতীশিংদা দেদিকেতেদ পি.এস.এ. মেদিকেল ওক্সিজেন জেনরেসন প্লান্ত ১৬২ ইনস্তোল তৌনবা লুপা করোর ২০১.৫৮ এল্লোকেৎ তৌখ্রে

প্রধান মন্ত্রীগী সিতিজেন এসিস্তেন্স এন্দ রিলিফ ইন ইমর্জেন্সী (পি.এম. কিয়র্স ) ফন্দ ত্রস্তনা লৈবাক অসিগী পব্লিক হেল্থ ফেসিলিতীশিংগী মনুংদা অহেনবা দেদিকেতেদ প্রেসর স্বিং এদসোর্পসন (পি.এস.এ.) মেদিকেল ওক্সিজেন জেনরেসন প্লান্ত ১৬২ ইনস্তোল তৌনবা লুপা করোর ২০১.৫৮ এল্লোকেৎ তৌখ্রে। প্রোজেক্ত অসিগী অপুনবা অচং শেলদা প্লান্তশিংগী সপ্লাই অমসুং কম্মিসন তৌবদা অমদি সেন্ত্রেল মেদিকেল সপ্লাই স্তোর (সি.এম.এস.এস.)গী মেনেজমেন্ত ফীদা লুপা করোর ১৩৭.৩৩ অমসুং কম্প্রিহেনসিব এন্যুএল মেন্তেনেন্স কন্ত্রেক্তকী লুপা করোর ৬৪.২৫ য়াওখি। হকশেল অমসুং য়াইফ-য়ুম্বাল মন্ত্রালয়গী ওতোমোমস বোদী অমা ওইরিবা সেন্ত্রেল মেদিকেল সপ্লাই স্তোর (সি.এম.এস.এস.)না প্রোক্যুর্মেন্ত তৌগনি। রাজ্য/য়ু.তি. ৩২দা অপুনবা কেপাসিতী এম.তি. ১৫৪.১৯ ওইবা অপুনবা প্লান্ত ১৬২ ইনস্তোল তৌগনি। মরী লৈনবা রাজ্যশিং/য়ু.তি.শিংগা লোইননা তান্নদুনা প্লান্তশিং অসি ইনস্তোল তৌগদবা সরকারগী হোস্পিতালশিং খঙদোকখ্রে। প্লান্তশিং অসিগী অহানবা চহি ৩গী ৱারেন্তী লৈ। মথংগী চহি ৭তা প্রোজেক্ত অসিদা সি.এ.এম.সি. (কম্প্রিহেনসিব এন্যুএল মেন্তেনেন্স কন্ত্রেক্ত) য়াওই। হোস্পিতালশিং/রাজ্যশিংদা রুতিন ও এন্দ এম তৌগনি। সি.এ.এম.সি.গী মতমগী মতুংদা ও এন্দ এম পুম্নমক হোস্পিতালশিং/রাজ্যশিংনা পুথোক্কনি। মেকানিজম অসিনা মখা তানা পব্লিক হেল্থ সিস্তেমগী মপাঙ্গল কনখৎহনখ্রে অমসুং শেল চংদবা মওংদা মেদিকেল ওক্সিজেন অসি মতম শিংনা সিস্তেমেতিক ওগমেন্তেসন তৌদুনা ফংহনবা ঙম্লগনি। অতোপ্পা তোঙান তোঙানবা মেদিকেল কন্দিসনশিংগী মথক্তা কোবিদ-১৯গী ময়াই ওইরপ কনবা অমদি য়াম্না ফীভম লুবা কেসশিংগী মেনেজমেন্তদা ওক্সিজেনগী সপ্লাই মরাং কাইহনবা অমসুং লেপহনদবা অসি য়াম্না তঙাই ফদবা অমনি। পব্লিক হেল্থ ফেসিলিতীশিংদা পি.এস.এ. ওক্সিজেন কন্সেন্ত্রেতর প্লান্তশিং ইনস্তোল তৌবা অসিনা স্তোর অমসুং সপ্লাইগী সিস্তেমদা হেল্থ ফেসিলিতীনা মপাল তাংলম্বা অসি হন্থহন্নবা মরু ওইবা খোঙথাং অমনি অমসুং ফেসিলিতীশিং অসিনা মখোয় মশাগী ওক্সিজেন পুথোকপগী কেপাসিতী লৈহল্লগনি। মসিনা রাজ্যশিং/য়ু.তি.শিংদা ফংবা অপুনবা ওক্সিজেনগী অসি হেনগৎহনবা খক্তা নত্তনা পব্লিক হেল্থ ফেসিলিতীশিং অসিদা মতম চানা পেসেন্তশিংদা ওক্সিজেন সপ্পোর্ত ফংহনবসু ঙম্লগনি।

অকুপ্পা ৱারোলগীদমক:

পি.এম.না সাইন্তিফিক কম্ম্যুনিতীদা সাইন্স, তেক্নোলোজী অমসুং ইন্দস্ত্রীদা ভেল্যু ক্রীএসন সাইকলগী মপাঙ্গল কনখৎহন্নবা অপাম্বা ফোঙদোকখ্রে

প্রধান মন্ত্রী শ্রী নরেন্দ্র মোদীনা ঙসি সাইন্তিফিক কম্ম্যুনিতীদা সাইন্সকী ভেল্যু-ক্রীএসন সাইকলদগী মাস ক্রীএসন্দা প্রমোৎ তৌনবা ঙসি ফোঙদোকখ্রে। মহাক্না নেস্নেল মেত্রোলোজী কনক্লেব ২০২১গী থৌরমদা ৱা ঙাংখি মসিদা মহাক্না ভিদিও কনফরেন্সকী খুত্থাংদা ঙসি নেস্নেল এতোমিক তাইমস্কেল অমসুং ভারতিয়া নির্দেশক দ্রব্য জাতিদা কত্থোকখ্রে অমসুং নেস্নেল এনভাইর্নমেন্তেল স্তেন্দর্দস লেবোরেতোরীগী উরেপ-উয়ুং তমখ্রে। প্রধান মন্ত্রীনা ইতিহাস্তা লৈবাক অমা হেক্তনা সাইন্স প্রমোৎ তৌনবা হোৎনদুনা দাইরেক্ত কোররিলেসন লৈহনদুনা খুমাং চাউশিনখি হায়না ফোঙদোকখি। মহাক্না মসিবু সাইন্স, তেক্নোলোজী অমসুং ইন্দস্ত্রীগী ‘ভেল্যু ক্রীএসন সাইকল’ হায়না কৌখি। মখা তানা শন্দোক্না হায়রদুনা প্রধান মন্ত্রীনা হায় সাইন্তিফিক ইনবেন্সন অমনা তেক্নোলোজী অমা শেম্মি অমসুং তেক্নোলোজীমা ইন্দস্ত্রী চাউখৎহনবা ঙম্মি। মসিগী সাইকল অসিনা ঐখোয়বা অনৌবা ওইথোকপা য়াবশিংগী মাইকৈদা লমজিংলি। প্রধান মন্ত্রীনা মখা তারদুনা হায়খি সি.এস.আই.আর.-এন.পি.এল.না ভেল্যু সাইকল অসি মাংলোমদা পুখৎপদা অচৌবা থৌদাং অমা লৌখি। ঙসিগী মালেম অসিদা লৈবাক অসিনা মরোমদোল লেপচবা ভারত অমাগী পান্দমা লোইননা চংশিল্লিবা মতম অসিদা সাইন্সকী ভেল্যু ক্রীএসন সাইকল অসিদগী মাস ক্রীএসন্দা পুখৎপা অসি য়াম্না মরু ওইবা হেল্লক্লি হায়না শ্রী মোদীনা ফোঙদোকখ্রে।

অকুপ্পা ৱারোলগীদমক:

সিরুম ইন্সতিত্যুৎ ওফ ইন্দিয়া অমসুং ভারত বাইওতেক্কী ভেক্সিন অয়াবা পীখিবদা পি.এম.না লৈবাক মীয়ামদা নুংঙাইবা ফোঙদোকখ্রে

দি.সি.জি.আই.না সিরুম ইন্সতিত্যুৎ ওফ ইন্দিয়া অমসুং ভারত বাইওতেক্কী ভেক্সিনশিং অয়াবা পীখিববু প্রধান মন্ত্রী শ্রী নরেন্দ্র মোদীনা কোরোনা লান্থেংনবগী থৌনা হাপকদবা খোঙফম চেৎলবা তাঞ্জা অমনি হায়না হায়খ্রে‍। ত্বীত পরেং অমদা প্রধান মন্ত্রীনা হায়খি, “থৌনা লৈরবা লান্থেং অসিগী খোঙফম চেৎপা তাঞ্জা অমনি‍! দি.সি.জি.আই.না @SerumInstIndia অমসুং @BharatBiotechকী ভেক্সিনশিং অয়াবা পীখিবনা হেন্না মশা মউ ফবা অমদি কোবিদ লৈত্রবা লৈবাক অমগী লম্বীদা হেন্না খোঙজেল য়াঙশিহল্লে‍। ঐখোয়গী মথৌ কনবা সাইন্তিস্তশিং অমদি ইনোভেতরশিংগী মফমদা নুংঙাইবা ফোঙদোকচরি‍।” “অথু অকায়গী শিজিন্ননবা অয়াবা পীরবা ভেক্সিন অনি অসি ভারত্তা শাবনি হায়বা ৱাফমসিনা ভারত মচা পুম্নমকপু চাউথোকহল্লগনি‍! মসিনা ঐখোয়গী সাইন্তিফিক কম্ম্যুনিতীগী মরুদগী মিনুংশি অমদি চেকশিঞ্জবগা লোয়নরিবা আত্মনিরভর ভারতকী মঙলানবু মঙফাউনহন্নবগী ইথিল উৎলি‍।”

অকুপ্পা ৱারোলগীদমক :

পি.এম.না রাজকোত্তা এম্সকী উরেপ-উয়ুং তমখ্রে

প্রধান মন্ত্রী শ্রী নরেন্দ্র মোদীনা শগোলশেল নুমিৎতা ভিদিও কনফরেন্সকী থোংদা এম্স রাজকোতকী উরেপ-উয়ুং তমখ্রে। থৌরম অদুদা কেন্দ্র মন্ত্রী দা. হর্শ বর্ধন, গুজরাতকী রাজ্যপাল আচার্য় দেবব্রত, গুজরাতকী মুখ্য মন্ত্রী, শ্রী বিজয় রুপানী শরুক য়াখি। থৌরম অদুদা ৱা ঙাংলদুনা, প্রধান মন্ত্রী মীওইবগী পুন্সি কনবদা মতম চুপ্পা মথৱাই খুবাক্তা হাপখিবা দোক্তরশিং, হেল্থ ৱাকরশিং, স্কাভেঞ্জরশিং অমসুং অতৈ ফ্রন্তলাইন কোরোনা ৱারিয়র কয়াশিং অদুগী হোৎনখিবশিং অদুবু নীংশিংখি। মহাক্না সাইন্তিস্তশিং অমসুং লাইরবশিংবু মপুং ফানা কৎথোকপগা লোইননা চানবা পোৎলম ফংহনখিবশিং অদুনা হোৎনখিবশিং অদুবু শিংথাবা ফোংদোকখি। প্রধান মন্ত্রীনা হায়খি মদুদি চহি অসিনা উৎখ্রে মদুদি ভারতনা অমত্তা ওইনা পুনশিল্লবদি খ্বাইদগী খুদোংথিনীংঙাই ওইরবা থৌদোক অদুসু মশক থোক্না মায়োক্নবা ঙম্মি। মহাক্না হায়খি মদুদি মতিং লৈবা খোংথাংশিং পায়খৎপনা মরম ওইদুনা ভারত হেন্না ফবা ফিভমদা লৈরি অমসুং ভারতকী কোরোনাগী ভিক্তিমশিং কনবগী রিকোর্দ অসি অতৈ লৈবাকশিংদগী হেন্না ফরি। মহাক্না হায়খি মদুদি ভারত্তা, ভেক্সিনগী মথৌ তাবা শেম-শাবা পুম্নমক পায়খৎলি। মহাক্না হায়খি মদুদি ভারত্তা শাবা ভেক্সিনগী অরোইবা তাঙ্কক অদুদা লৈরে, খোংজেল য়াংনা কাচিন-কোয়া পুম্বা য়ৌশিল্লি। মহাক্না হায়খি মদুদি মালেমগী খ্বাইদগী চাউবা ভেক্সিন কাপ্পগী খোংজং চংশিন্নবা ভারতনা শেম-শাবগী থবক কন্না পায়খৎলি। মহাক্না ভেক্সিন কাপ্পগা খোংজং অসি মায় পাকহন্নবা মমাংগী চহিদা লাইচৎ অসিদগী ঙাকথোক্নবা হোৎনখিবা অদুগুম্না অমত্তা ওইনা মাংদা চংশিনমিন্ননবা ফোংদোকখি।

অকুপ্পা ৱারোলগীদমক

গুজরাত্তা, এম্স রাজকোতকী উরেপ-উয়ুম তম্বদা পি.এম.না পীখিবা ৱারোল

অকুপ্পা ৱারোলগীদমক :

কেন্দ্রনা রাজ্যশিং/য়ু.তি.শিংদা কোবিদ ১৯ ভেক্সিনগী রোল আউৎকীদমক থবক পায়খৎনবা হায়খ্রে, হেল্থ সেক্রেতরীনা রাজ্য/য়ু.তি. পুম্নমক্কা লোয়ননা অৱাংবা থাক্কী মীফম লুচিংখ্রে, ২০২১গী জনুৱারী ২দা  রাজ্য/য়ু.তি. পুম্নমক্তা ভেক্সিন এদমিনিস্ত্রেসনগীদমক দ্রাই রন

অকুপ্পা ৱারোলগীদমক :

কোবিদ-১৯ ভাইরস ভেক্সিনগী রেস্ত্রিক্তেদ ইমর্জেন্সী এপ্রুভেলগী মতাঙদা দ্রগ কন্ত্রোলর জেনেরেল ওফ ইন্দিয়া (দি.সি.জি.আই.)গী প্রেসতা থাদোকপা ৱারোল

সবজেক্ত এক্সপর্ত কম্মিতী ওফ সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (সি.দি.এস.সি.ও.)না জনুৱারী ১ অমসুং ২, ২০২১দা মীফম পাঙথোক্তুনা এম./এস. সিরুম ইন্সতিত্যুৎ ওফ ইন্দিয়া অমসুং এম/এস. ভারত বাইওতেককী কোবিদ-১৯ ভাইরস ভেক্সিনশিং রেস্ত্রিক্তেদ ইমর্জেন্সী এপ্রুভেল অমসুং এম/এস কেদিলা হেল্থকেয়র লিমিতেদগী ভেক্সিনগী অহুমশুবা তাঙ্কক্কী ক্লিনিকেল ত্রাইএলগী অয়াবা পীবগী ৱাফমগী মতাঙদা রিকমেন্দেসনশিং শেমখ্রে‍। সবজেক্ত এক্সপর্ত কম্মিতী অসিদা পল্মোনোলোজী, ইম্ম্যুনোলোজী, মাইক্রোবাইওলোজী, ফার্মাকোলোজী, পেদিয়াত্রিক্স, ইন্তর্নেল মেদিসিননচিংবা হীরমশিংগী দোমেন নোলেজ এক্সপর্তশিং য়াওরি‍। এম/এস সিরুম ইন্সতিত্যুৎ ওফ ইন্দিয়া, পুনেনা এস্ত্রাজিনেকা/ওক্সফোর্দ য়ুনিভর্সিতীদগী তেক্নোলোজী ত্রান্সফরগা লোয়ননা সার্স-কোভ-২ স্পাইক (এস) গ্লাইকোপ্রোতিন এনকোদ তৌরবা রিকোম্বিনেন্ত চিম্পাঞ্জী এদেনোভাইরস ভেক্তর ভেক্সিন (কোভিসিল্দ) পুথোরকখি‍। এম/এস ভারত বাইওতেক্না আই.সি.এম.আর. অমসুং এন.আই.ভি.(পুনে)গা খুৎশম্নরগা মখোয়দগী ভাইরস সীদ স্ত্রেন লৌদুনা হোল ভিরিওন ইনএক্তিভেতেদ কোরোনা ভাইরস ভেক্সিন (কোভেক্সিন) পুথোকখি‍। ভেক্সিন অসি লৈবাকসিদা অমদি মালেমগী ওইনা শাফবা অমদি কান্নবা ফীভম নীংথিনা লৈরবা ভেরো সেল প্লেতফোর্মদা শেমগৎখিবনি‍। নীংথিনা নৈনরবা মতুংদা, সি.দি.এস.সি.ও.না এক্সপর্ত কম্মিতীগী রিকমেন্দেসনশিং অদু অয়াবা পীননবা ফিরেপ লৌখি অমদি মদুগী মতুং ইন্না এম/এস. সিরুম অমসুং এম/এস ভারত বাইওতেক্কী ভেক্সিনশিং অথু অকায়গী ওইনা রেস্ত্রিক্তেদ ওইবা মওংদা শীজিন্ননবা অমদি এম/এস কেদিলা হেল্থকেয়রগী ভেক্সিননা ফেজ ৩ ক্লিনিকেল চাংয়েং পাঙথোক্নবা অয়াবা পীরে‍।

অকুপ্পা ৱারোলগীদমক :

২০২০দা কোবিদ-৯১গী শিংনবা অসিবু মায়োক্ননবা হোৎনবদা লমদম অসিগী মেদিকেল ইক্যুইপমেন্ত ইন্দস্ত্রীনা করম্না “এদাপ্ত, ইভোল্ব অমসুং এক্সপান্দ তৌখি”

২০২০দা লৈবাক অসিনা মেদিকেল সপ্লাইশিংগী সেক্তরদা য়াম্না চাউনা মাইপাকপা উবা ফংখি। লাইচৎ অসিগী হৌরকপদা, ভারতনা মপান লমদগী পুশিল্লকপা ভেন্তিলেতরশিং, পি.পি.ই. কিৎশিং অমসুং এন.-৯৫ মাস্কশিংদা নম্না মখা পোনখি। তশেংনা হায়রবদি, লাইচৎ অসিগী মায়োক্তা লান্থংনবদা তঙাইফদনা চংবা মসিগী পোৎলমশিং অসিগী স্তেন্দার্দ স্পেসিফিকেশন অমত্তা লৈখিদে। কেন্দ্র সরকারনা লাইচৎ অসিনা থোকহল্লক্কদবা শিংনবশিং অদু হেক হৌরকপগী তাঙ্কক্তা খঙবা ঙমখি অমসুং মাইপাক্না লৈবাক শিনবা থুংনা তঙাইফদনা চংবা মেদিকেলগী পোৎলমশিং অসিবু মতিক চানা ফংহনবা অমসুং সপ্লাই শোইদনবা তৌহনখি। ২০২০গী ফেব্রৱারী –মার্চতা ভারত্তা ভেন্তিলেতরশিংগী মমল অসি চাংচত্তা চাউরাক্না লুপা লাখ ১৫ ওইখি অমসুং অনম্বনা মপান লমদগী পুশিল্লকখি। ভারতকী ইন্দস্ত্রীনা ভেন্তিলেতরশিং পুথোরকপনা মরম ওইরগা মসিগী মমল অসি হৌজিক চাংচত্তা লুপা লাখ ২দগী লুপা লাখ ১০ ফাওবগী মরক্তা লৈ। হৌখিবা থা মাপলদা, মন্ত্রালয় অসিনা রাজ্যশিং/য়ু.তি.শিংদা সরকারগী হোসপিতালশিংদা ভেন্তিলেতর ৩৬,৪৩৩ দেলিভর তৌহনখি। মসি য়াম্না মরু ওই মরমদি লৈবাক অসিনা নিং-খা তম্লবা মতুংদগীনা কোবিদ মমাংগী মতম ফাওবদা, লৈবাক অসিগী পব্লিক হেল্থ ফেসিলিতীশিংনা চাউরাক্না শুপ্নতগী ভেন্তিলেতর ১৬,০০০ লৈখি অদুবু থা ১২ ফাদনা ‘মেক ইন ইন্দিয়া’ ভেন্তিলেতর ৩৬,৪৩৩ অসি পব্লিক হেল্থ ফেসিলিতীশিংদা সপ্লাই তৌখি। ভেন্তিলেতরশিংগী এক্সপোর্ত থমখিবা অথিংবা পুম্নমক হৌজিক্তি লৌথোকখ্রে অমসুং “মেক ইন ইন্দিয়া” ভেন্তিলেতরশিং অসি এক্সপোর্ত তৌখ্রে। পি.পি.ই. কিৎশিংগী মতাংদদি, মার্চ লমদম অসিগী য়াম্না পিকপা প্রোদক্সন কেপাসিতী লৈরম্বদগী, ভারতনা হৌজিক্তি নোংমদা পি.পি.ই. কোভরওল লাখ ১০গী মথক্কী প্রোদক্সন কেপাসিতী লৈবগা লোইননা মালেম অসিগী অনীশুবা খ্বাইদগী য়াম্না পুথোকপা ঙম্বা ওইরে।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           কেরলা: কেরলানা সেন্তরদা রাজ্য অসিবু ভেক্সিন য়েন্থোকপা মতমদা হেন্না মরু ওইনা খনবিনবা হায়জখ্রে। রাজ্য অসিনা মরু ওই হায়না লৌনবগী সেন্তরদা মরম মরি পনখি। “দিলে পীক এপ্রোচ” শিজিন্নদুনা, রাজ্য অসিনা হৌখিবা থা নিপানদা শন্দোরকপা অদুবু নীংথিনা য়েংশিন্দুনা থমখি। হৌজিক পোজিতিব ওইবগী চাং অসি ৯.১৬%নি। হৌজিক ফাওবদা কেরলাদগী চহি অনিশুরবা অঙাং য়াওনা য়ু.কে.দগী হল্লকপা মীওই তরুক ভাইরসকী অনৌবা স্ত্রেন অসিগীদমক্তা পোজিতিব ওইবা থেংনখি।

•          তামিল নাদু: হৌজিক ফাওবদা তামিল নাদুদা অপুনবা কেস ৮,২২,৩৭০ থেংনখি, ১২,১৭৭ শিখি, এক্তিব কেস ৭৮০৮ লৈরি অমসুং ৮,০২,৩৮৫ দিসচার্জ তৌখ্রে।

•          কর্নাতকা: হেল্থ মিনিস্তর দা. কে. সুধাকরনা খঙহল্লকখি মদুদি অহানবা তাঙ্কক্তা হেল্থ ৱার্কর ৩,৫৭,৩১৩ ভেক্সিনেশন তৌরগনি অমসুং ভেক্সিন সেন্তর ২৮,৪২৭ হাংদোক্লগনি। রাজ্য অসিনা কোবিদ ভেক্সিনগীদমক্তা শেম-শাদুনা লৈরে অমসুং হৌখিবা থাংজ নুমিত্তা দ্রাই রনসু মাইপাক্না পাংথোকখ্রে হায়নসু খঙহল্লকখি। মরক অসিদা হাই কোর্তনা রাজ্য সরকারদা য়ু.কে.দগী হল্লকপা মীওই ৭০০কী তেস্ত তৌদবগী মতাংদা ই-পা্ খঙহল্লক্নবা হায়খি।

•          অন্ধ্র প্রদেশ: হেল্থকী স্তেত মিনিস্ত্রীনা কোবিদ তেস্তশিং তৌবগা মরী লৈননা শিজিন্নখিবা রেপিদ এন্তিজেন তেস্ত কিতশিংগী মমল হন্থনবা ওর্দর থোকখ্রে। সরকার অসিনা চার্জ খুদিংমক য়াওনা কিত অমমমদা লুপা ২৩০ লৌনবা হায়খ্রে। মরক অসিদা, স্তেত হেল্থ কমিশনর কতামানেনি ভাস্করনা হায়খি মদুদি কোবিদ-১৯গী ভেক্সিনেশন করম্বা মতমদা হৌগনি অমসুং অহানবা তাঙ্ককী ওইনা রাজ্য অসিদা দোজ কয়া ফংহনগনি হায়বগী মতাংদা সেন্তরদগী ই-পাউ অমত্তা লৈতে হায়খি।

•          তেলঙ্গনা: তেলঙ্গনাদা কোবিদ-১৯ হৌরক্লবা মতুংদা নোংমদা খ্বায়দগী য়ামদনা পোজিতিব ওইবা থেংনখি। রাজ্য অসিগী পোজিতিব ওইবগী চাং অসি জনুৱারিদা চাদা ০.৬ ফাওবা হন্থখি, মসি কোরোনাভাইরস লাইচৎ অসি হৌরকপদগী অহানবনি। হাইদ্রবাদ অমসুং দুবাই এয়রপোর্তশিংনা মালেমদা ভেক্সিন পুথোক-পুশিন তৌবদা অসোই-অঙাম য়াওদবা অমসুং নীংথিজনা পাংথোকপা ঙম্নবা এম.ও.য়ু. অমা খুৎয়েক পীনখ্রে। তেলঙ্গনাদা থেংনখিবা কেসশিংগিঅপুনবা মশিং: ২,৮৮,৪১০, এক্তিব কেসশিং: ৪৯৮২, শিখিবশিং: ১৫৫৬, দিসচার্জ তৌখিবশিং: ফগৎলকপগী চাং চাদা ৯৭.৭৩ ওইখিবগা লোইননা ২,৮১,৮৭২ দিসচার্জ তৌখ্রে।

•          মহারাস্ত্র: লৈবাকপোকপা নুমিৎ ফাওবদা মপুং ফানা ফদুনা কোবিদ-১৯গী পেসেন্ত ১৮,৫০,১৮৯ ফগৎখিবগা লোইননা; মহারাস্ত্রদা ফগৎলকপগী চাং অসি ৯৪.৮৭%দা হেনগৎলকখ্রে। নুমিৎ অসিমক্তদা রাজ্য অসিদা অনৌবা কেস ৩,১৬০ থেংনখি অমসুং ৬৪ শিখিবা লৈখি। রাজ্য অসিগী কেস ফেতেলিতী রেত অসি ২.৫৫%নি। মুম্বাই সার্কলদা লৈবাকপোকপা নুমিত্তা অনৌবা কেস ১০৮৫ থেংনখি অমসুং ২২ শিখি, অদুগা পুনে সার্কলনা নুমিৎ অসিমক্তদা অনৌবা কেস ৬৩৫ থেংনখি অমসুং ১০ শিখি। হন্দক্কী চয়োল অসিদা রাজ্য অসিদা য়ু.কে. স্ত্রেনগীদমক্তা মীওই ৮ পোজিতিব ওইবা থেংনখি।

•          গুজরাত: গুজরাত্তাহৌখিবা পুং ২৪গী মনুংদা অনৌবা কেস ৬৫৫ থেংনখি অমসুং কোবিদ-১৯না মরম ওইরগা ৪ শিখি। ফগৎলকপগী চাং অসি মখাতানা ফগৎলক্তুনা চাদা ৯৪.৭১দা লৈখ্রে। গুজরাত্তা হৌজিক ফাওবদা থেংনখিবা কোবিদ-১৯ কেসশিংগী অপুনবা মশিং অসি ২,৪৮,৫৮১ ফাওবা য়ৌখ্রে। মসিগী মনুংদা, পেসেন্ত ২,৩৫,৪২৬ফগৎখ্রে। হৌখিবা পুং ২৪দা পেসেন্ত ৮৬৮ ফগৎলকখ্রে। হৌজিক ফাওবদা রাজ্য অসিদা তেস্ত লাখ ৯৯গী মথক্তা পাংথোকখ্রে। মরক অসিদা রাজ্য সরকারনা ২০২১গী জনুৱারী ১১দগী ক্লাস ১০-১১২ স্তেন্দার্দকী স্কুলশিং অমুক হৌনবা লাউথোকখ্রে।

•          মধ্য প্রদেশ: মধ্য প্রদেশদাপোজিতিব ওইবগী চাং ২.৫% ওইদুনা য়াম্না নেম্না লৈখিবগা লোইননা পোজিতিব কেসশিংগী মশিংদগী ফগৎলকপশিংগী মশিংনা হেনবা থেংনখি। রাজ্য অসিদা কোরোনা পোজিতিব কেসশিংগী অপুনবা মশীং অসি লৈবাকপোকপা নুমিত্তা ২,৪৫,৩৬৮ য়ৌখ্রে। ইনফেক্সন্না মরম ওইরগা পেসেন্ত ১৪ লৈখিদবগা লোইননা, শিখিবশিংগী মশিং অসি ৩৬৬২দা হেনগৎলকখ্রে। এক্তিব কেস ৮,৪২৭ লৈরি অদুগা ফখ্রবশিংগী অপুনবা মশিংনা ২,৩৩,২২৯নি। মধ্য প্রদেশতা কোরোনা ভেক্সিনেশনগী অহানবা তাঙ্কক্তা হেল্থকেয়র ৱার্কর লাখ ৪ ভেক্সিনেত তৌরগনি।

•          ছত্তিসগর: ছত্তিসগরদা লৈবাকপোকপা নুমিত্তা কোবিদ-১৯গী অনৌবা পোজিতিব কেস পুন্না ১০২১ থেংনখি। রায়পুর জিলা খক্তদা খ্বাইদগী য়াম্না ২৩১ থেংনখি। লৈবাকপোকপা নুমিত্তা ফগৎখিবশিংগী মশিং ১৪২৯ ওইখি অমসুং এক্তিব কেসশিংগী মশিংনা ৯১১১ ওইখি। রাজ্য অসিদা ফগৎখিবশিংগী অপুনবা মসিং অদু হৌজিক লাখ ২ লিশিং ৭১গা ৯৮৮ ওইখি। ছত্তিসগরদা অহানবা তাঙ্কক্তা কোরোনা ৱারিয়র লাখ ২.৫তা ভেক্সিন পীরগনি।

•          রাজস্থান: রাজ্য অসিদা জনুৱারিগী ৫দা, কোবিদ কেসশিংগী ফগৎলকপগী মশিং অসি লাক ৩ হেনখ্রে। চহি অসিগী অহানবা নুমিৎ মঙানি অসিদা মীওই ৪,১৩৯ ফগৎলকখ্রে, অদুগা মীওই ২,৪৩২ অমনা ভাইরস অসিনা নাহনখ্রে। দিসেম্বরদা মী্ই ৪০,১৮০ পোজিতিব ওইখি অমসুং ৫৮,৮৮৯ ফগৎখি। রাজ্য সরকার অসিনা জনুৱারী ১৮দগী, স্কুলশিং, কোলেজশিং অমসুং কোচিং সেন্তরশিং য়াওনা এজুকেশনেল ইন্সতিত্যুশনশিংআংদোক্নবা ৱারেপ লৌখ্রে।

•          গোৱা: লৈবাকপোপা নুমিত্তা অনৌবা কেস ৮০ অমসুং ১ শিখিবগা লোইননা গোৱাদা কোবিদ-১৯ কেসশিংগী অপুনবা মশিং অসি ৫১,৪১৫তা হেনগৎখ্রে, অদুগা হৌজিক ফাওবদা রাজ্য অসিদা ৭৪৪ শিখিবা লৈখি। হৌজিক এক্তিব কেস ৮৬০ লৈরি অমসুং ফগৎলকপগী চাং অসি ৯৬.৮৮%দা লৈরি। মরু ওইবা ৱারেপ অমদা, রাজ্য সরকার অসিনা গোৱাদা লৈরিবা রাজ্য সরকারনা চলাইবা অমসুং মসিগা লোইন-লোইননা লনাইগী হোসপিতালশিংদা কোবিদ-১৯গীদমক্তা দাইগ্নোস্তিক তেস্তশিং তৌবগীদমক্তা অকক্নবা চপ মান্নবা মমলশিং লেপথোকখ্রে।

•          অসাম: অসামদা কোবিদ-১৯ কেসশিংগী অপুনবা মশিং অদু ২,১৬,৩৮১দা হেনগৎলকখ্রে, দিসচার্জ তৌখিবা পেসেন্তশিংগী অপুনবা মশিংনা ২,১২,২৪৬ ওইখি, এক্তিব কেসশিংগী মশিং ১৭২৮নি অমসুং শিখিবশিংগী অপুনবা মশিংনা ১,০৫৭ ওইখি।

•          সিক্কিম: সিক্কিমদা, হন্দক্কী চয়োল অসিদা কোবিদ-৯১ কেসশিংগী অপুনবা মশিং অদু ৫৯৩৮ য়ৌখ্রে, দিসচার্জ তৌখিবা পেসেন্তশিংগী অপুনবা মশিংনা ৫২২১ ওইখি, এক্তিব কেসশিংগী মশিং ৪৯৩নি অমসুং শিখিবশিংগ অপুনবা মশিংনা ১২৯ ওইখি।

ফেক্ত চেক

*****