କ୍ରମାଗତ ଭାବେ ହ୍ରାସ ପାଉଥିବା ଭାରତର ସକ୍ରିୟ ମାମଲା ଆଜି 2,31,036 ରେ ପହଞ୍ଚିଛି । ଏହା ବର୍ତ୍ତମାନ ପର୍ଯ୍ୟନ୍ତ ମୋଟ ପଜିଟିଭ୍ ମାମଲାର 2.23 ପ୍ରତିଶତ ।

39 ଦିନରେ ଦୈନିକ ନୂତନ ମାମଲା ତୁଳନାରେ ଦୈନିକ ଆରୋଗ୍ୟ ମାମଲା ଅଧିକ ହେବା ଦ୍ୱାରା ଏହା ସମ୍ଭବ ହୋଇପାରୁଛି । ବିଗତ 24 ଘଣ୍ଟାରେ 29,091 ଜଣ ଆରୋଗ୍ୟ ହୋଇଛନ୍ତି । ଏକ ସ୍ଥିର ସ୍ତରରେ ଅଧିକ ସଂଖ୍ୟକ ନୂତନ ପରୀକ୍ଷଣରୁ ଭାରତରେ ମାତ୍ର 16,375 ନୂତନ ମାମଲା ରିପୋର୍ଟ ହୋଇଛି (ଗତ 24 ଘଣ୍ଟା ମଧ୍ୟରେ 8,96,236 ନମୁନା ପରୀକ୍ଷା କରାଯାଇଥିଲା) । ଗତ 24 ଘଣ୍ଟା ମଧ୍ୟରେ ମୋଟ ସକ୍ରିୟ ମାମଲାରେ 12,917 ହ୍ରାସ ପାଇଥିବା ରେକର୍ଡ କରାଯାଇଛି  ।

ଦେଶରେ ଦୈନିକ ନୂଆ ମାମଲା ମଧ୍ୟ କ୍ରମାଗତ ଭାବେ ହ୍ରାସ ପାଇବାରେ ଲାଗିଛି ।

ବ୍ରିଟେନରେ ପ୍ରଥମେ ରିପୋର୍ଟ ହୋଇଥିବା ନୋଭେଲ କରୋନା ଭୂତାଣୁର ନୂତନ ଷ୍ଟ୍ରେନ ଦ୍ୱାରା ଭାରତରେ ମୋଟ ସଂକ୍ରମିତଙ୍କ ସଂଖ୍ୟା ବର୍ତ୍ତମାନ 58ରେ ପହଞ୍ଚିଛି ।

ଏନଆଇଭି ପୁଣେରେ ଏହି ଷ୍ଟ୍ରେନର 20 ଟି ନୂଆ ମାମଲା ଚିହ୍ନଟ ହୋଇଛି ।

ଏନସିବିଏସ ଇନଷ୍ଟେମ ବେଙ୍ଗାଲୁରୁ, ସିଡିଏଫଡି ହାଇଦ୍ରାବାଦ, ଆଇଏଲ୍ଏସ୍ ଭୁବନେଶ୍ୱର, ଏବଂ ଏନସିସି ପୁଣେରେ ଥିବା INSACOG ପରୀକ୍ଷାଗାରଗୁଡିକ ଏପର୍ଯ୍ୟନ୍ତ କୌଣସି ପରିବର୍ତ୍ତିତ ଭୁତାଣୁର ସ୍ୱରୂପ ପାଇ ନାହାଁନ୍ତି ।

ପଜିଟିଭ ନମୁନାଗୁଡିକ ଦେଶର 10 ଟି INSACOG ପରୀକ୍ଷାଗାରରେ (ଏନଆଇବିଏମଜି କୋଲକାତା, ଆଇଏଲ୍ଏସ୍ ଭୁବନେଶ୍ୱର, ଏନଇଆଇଭି ପୁଣେ, ଏନସିସି ପୁଣେ, ସିସିଏମବି ଏବଂ ସିଡିଏଫଡି ହାଇଦ୍ରାବାଦ, ଇନଷ୍ଟେମ ଏବଂ ନିମହାନ୍ସ ବେଙ୍ଗାଲୁରୁ, ଆଇଜିଆଇବି ଏବଂ ଏନସିଡିସି ଦିଲ୍ଲୀ)  ପରୀକ୍ଷା କରାଯାଉଛି ।

ଏହି ସମସ୍ତ ବ୍ୟକ୍ତିଙ୍କୁ ସଂପୃକ୍ତ ରାଜ୍ୟ ସରକାରଙ୍କ ଦ୍ୱାରା ନିର୍ମିତ ସ୍ୱାସ୍ଥ୍ୟସେବା ସୁଧାର କେନ୍ଦ୍ରରେ ଏକକ କୋଠରୀରେ ରଖାଯାଇଛି । ସେମାନଙ୍କର ସଂସ୍ପର୍ଶରେ ଆସିଥିବା ଲୋକମାନଙ୍କୁ ମଧ୍ୟ କ୍ଵାରେଣ୍ଟାଇନରେ ରଖାଯାଇଛି । ସହ-ଯାତ୍ରୀ, ପାରିବାରିକ ସଂସ୍ପର୍ଶରେ ଆସିଥିବା ଲୋକ ଏବଂ ଅନ୍ୟମାନଙ୍କ ପାଇଁ ବିସ୍ତୃତ ଯୋଗାଯୋଗ ଓ ଅନୁସନ୍ଧାନ କାର୍ଯ୍ୟ ଆରମ୍ଭ କରାଯାଇଛି । ଅନ୍ୟ ନମୁନା ଉପରେ ଜେନୋମ ସିରିଜ କାର୍ଯ୍ୟ ମଧ୍ୟ ଚାଲିଛି ।

ସମଗ୍ର ପରିସ୍ଥିତିକୁ ସତର୍କତାର ସହିତ ତଦାରଖ କରାଯାଉଛି ଏବଂ INSACOG ପରୀକ୍ଷାଗାରରେ ନମୁନାଗୁଡ଼ିକର ଉନ୍ନତ ନିରୀକ୍ଷଣ, ଆବଦ୍ଧାଞ୍ଚଳରୁ ପରୀକ୍ଷା ଏବଂ ନମୁନା ପଠାଇବା ପାଇଁ ରାଜ୍ୟମାନଙ୍କୁ ନିୟମିତ ପରାମର୍ଶ ଦିଆଯାଉଛି ।

ଭାରତର ସମୁଦାୟ ଆରୋଗ୍ୟ ସଂଖ୍ୟା ଏକ କୋଟିର ନିକଟତର ହୋଇଛି । ମୋଟ ଆରୋଗ୍ୟ ମାମଲା ଆଜି 99.75 ଲକ୍ଷ (99,75,958) ଅତିକ୍ରମ କରିଛି । ଏହା ସୁସ୍ଥତା ହାର 96.32 ପ୍ରତିଶତକୁ ବୃଦ୍ଧି କରିଛି ।

ଗତ 24 ଘଣ୍ଟା ମଧ୍ୟରେ ମୋଟ 29,091 ଜଣ ସୁସ୍ଥ ହୋଇଛନ୍ତି ।

ନୂତନ ଆରୋଗ୍ୟ ମାମଲାର 82.62% 10 ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ହୋଇଥିବା ପରିଲକ୍ଷିତ ହୋଇଛି ।

ମହାରାଷ୍ଟ୍ରରୁ ଦୈନିକ ସର୍ବାଧିକ 10,362 ଜଣ ସୁସ୍ଥ ହୋଇଥିବା ବେଳେ କେରଳରୁ 5,145 ଜଣ ଏବଂ ଛତିଶଗଡ଼ରୁ ଦୈନିକ 1,349 ଜଣ ସୁସ୍ଥ ହୋଇଥିବା ରେକର୍ଡ କରାଯାଇଛି ।

ନୂତନ ମାମଲାର 80.05 ପ୍ରତିଶତ ଦଶଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି ।

ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରୁ 4,875 ନୂତନ ମାମଲା ଚିହ୍ନଟ ହୋଇଛନ୍ତି । ଏହି ଅବଧି ମଧ୍ୟରେ କେରଳରୁ 3,021 ଟି ନୂଆ ମାମଲା ଆସିଥିବା ବେଳେ ଛତିଶଗଡରୁ ଦୈନିକ  1,147 ଟି ମାମଲା ଥିବା ରିପୋର୍ଟ ହୋଇଛି ।

ଗତ 24 ଘଣ୍ଟା ମଧ୍ୟରେ ଦେଶରେ 201 ଜଣଙ୍କ ମୃତ୍ୟୁ ଘଟିଥିବା ରିପୋର୍ଟ ମିଳିଛି, ଯାହାର 70.15 ପ୍ରତିଶତ ଦଶଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି ।

ରିପୋର୍ଟରେ କୁହାଯାଇଛି ଯେ, 14.42% ମହାରାଷ୍ଟ୍ରରୁ ଆସିଛି ଯେଉଁଥିରେ 29 ଜଣଙ୍କର ମୃତ୍ୟୁ ଘଟିଛି । ପଶ୍ଚିମବଙ୍ଗ ଏବଂ ପଞ୍ଜାବରୁ ମଧ୍ୟ ମୃତ୍ୟୁ ସଂଖ୍ୟା ଓ ହାର ଯଥାକ୍ରମେ 12.44% ଅର୍ଥାତ 25 ଜଣ ଏବଂ 11.94% ଅର୍ଥାତ 24 ଜଣ ଥିବା ଜଣାପଡିଛି ।

**********

MV/SJ/TRP(SM)