ভারতকী লেপ্তনা হন্থরক্লিবা এক্তিব কেসলোদ ঙসি ২,৩১,০৩৬ ওইখি। মসিদা হৌজিক ফাওবদা পুন্না পোজিতিব ওইখিবগী শরুক ২.২৩% য়াওরি।

মসি নুমিৎ ৩৯নি থংনা-থংননা নুংতিগী থেংনবা অনৌবা কেসশিংদগী নুংতিগী ফগৎখিবশিংনা মশিং হেল্লকপনা ওইথোকপনি। হৌখিবা পুং ২৪দা মীওই ২৯,০৯১ ফগৎখিবদা ভারতনা অনৌবা কেস ১৬,৩৭৫ খক্তা রিপোর্ত তৌদুনা তেস্ত তৌবগী লেপ্পা লৈতবা থাক অমদা লৈহল্লি (হৌখিবা পুং ২৪দা সেম্পল ৮,৯৬,২৩৬ তেস্ত তৌখ্রে)। হৌখিবা পুং ২৪দা অপুনবা এক্তিব কেসশিংদা কেস ১২,৯১৭ পুন্না হন্থখিবগী রেকোর্দ তৌখি।

ভারতকী নুংতিগী থেংনবা অনৌবা কেসশিং অসিসু লেপ্তনা হন্থরক্লি।

য়ূ.কে.দা অহানবা ওইনা রিপোর্ত তৌরকখিবা নোবেল কোরোনাভাইরসকী অনৌবা স্ত্রেন অসিনা নাবা অপুনবা মশিং অসি হৌজিক ৫৮ শুখ্রে।

অনৌবা কেস ২০ অসি এন.আই.ভি., পুনেদা খঙবা ঙমখিবনি।

এন.সি.বি.এস. ইনস্তেম, বেঙ্গলুরু, সি.দি.এফ.দি. হাইদ্রাবাদ, আই.এল.এস. ভুবনেস্বর, অমসুং এন.সি.সি.এস. পুনে হায়রিবা আই.এন.এস.এ.সি.ও.জি. লেবশিংদা হৌজিক ফাওবগী ওইনা ম্যুতেন্ত ভাইরস অমত্তা থেংনদ্রি।

পোজিতিব ওইবা সেম্পলশং অসি লৈবাক অসিগী আই.এন.এস.এ.সি.ও.জি. লেব ১০দা (এন.আই.বি.এম.জি. কোলকতা. আই.এল.এস. ভুবনেস্বর, এন.আই.ভি. পুনে, সি.সি.এম.বি. হাইদ্রাবাদ, সি.দি.এফ.দি. হাইদ্রাবাদ, ইনস্তেম বেঙ্গলুরু, নিমহান্স বেঙ্গলুরু, আই.জি.আই.বি. দিল্লী, এন.সো.দি.সি. দিল্লী) জিনোম সিক্বেন্সিংগী তেস্ত তৌরি।

মীওইশিং অসি মশাগী রাজ্য সরকারশিংনা মরী লৈনবা হেল্থ কিয়র ফেসিলিতীশিংগী মথন্তগী ওইবা কাদা তোখাইনা থমখি। মখোয়গী নকশিন্নরম্বা মীওইশিংসু ক্বারেন্তিন তৌদুনা থমখি। কো-ত্রেবেলরশিং, ইমুং মনুংগী কন্তেক্তশিং অমসুং অতোপ্পশিংগী কম্প্রিহেনসিব কন্তেক্ত ত্রেসিং হৌখ্রে। অতোপ্পা স্পেসিমেন্তশিংদা জিনোম সিক্বেন্সিং চত্থরি।

ফীভম অসি কুপ্না য়েংশিল্লি অমসুং রাজ্যশিংদা সর্ভিলেন্স চত্থবা, কন্তেনমেন্ত তৌবা, তেস্ত তৌবা অমসুং আই.এন.এস.এ.সি.ও.জি. লেবশিংদা সেম্পল থাবা হেনগৎনবা চাং নাইনা য়াথংশিং পীরি।

ভারতকী অপুনবা ফগৎখিবশিং অসি করোর ১ নকশিল্লক্লে। পুন্না ফগৎখিবা কেসশিং ঙসি লাখ ৯৯.৭৫ (৯৯,৭৫,৯৫৮) হেনখ্রে। মসিনা নাবা ফগৎখিবগী চাংসু ৯৬.৩২%দা হেনগৎহনখ্রে।

হৌখিবা পুং ২৪দা পুন্না কেস ২৯,৯০১ ফগৎখি।

নৌনা ফগৎখিবা কেসশিংগী ৮২.৬২%দি রাজ্য/য়ু.তি. ১০দগী ওইখি।

ফগৎখিবা ১০,৩৬২ ওইবগা লোইননা মহারাস্ত্রনা নোংমদা মশিং খ্বাইদগী য়াম্না ফগৎপগী রিপোর্ত তৌখি। কেরেনা নৌনা ফগৎখিবা ৫,১৪৫গা লোইননা মতুং ইন্নখি। ছত্তিসগরনা নুংতিগী ওইনা ফগৎখিবা ১,৩৪৯ রেকোর্দ তৌখি।

অনৌবা কেসশিংগী ৮০.০৫%দি রাজ্য/য়ু.তি. তরাদগী ওইখি।

হৌখিবা পুং ২৪দা মহারাস্ত্রনা কেস ৪,৮৭৫ রিপোর্ত তৌখি। ঙরাং কেরেলানা অনৌবা কেস ৩,০২১ রেকোর্দ তৌখি অমরোমদা ছত্তিসগরনা নুংতিগী থেংনবা কেস ১,১৪৭ রিপোর্ত তৌখি।

হৌখিবা পুং ২৪দা রিপোর্ত তৌরকখিবা কেস ২০১ শীখিবগী মনুংদা ৭০.১৫%দি রাজ্য/য়ু.তি. তরাদগী রিপোর্ত তৌরকখি।

শীখিবা ২৯ রিপোর্ত তৌখিবা মহারাস্ত্রদগী নৌনা শীখিবগী ১৪.৪২% রিপোর্ত তৌরকখি। শীখিবশিংগী অতোপ্পা ১২.৪৪% অমসুং ১১.৯৪% ওইদুনা ৱেস্ত বেঙ্গল অমসুং পঞ্জাবতগী শীখিবগী মশিং ২৫ অমসুং ২৪ ওইখি।

****