ভাৰতত চিকিৎসাধীন ৰোগীৰ সংখ্যা ক্ৰমান্বয়ে হ্ৰাস পাই আজি ২,৩১,০৩৬জন হৈছে৷ সেই হিচাপে মুঠ আক্ৰান্তৰ বিপৰীতে ২.২৩% ৰোগী এতিয়া চিকিৎসাধীন হৈ আছে৷

ভাৰতত বিগত ৩৯দিন একেৰাহে দৈনিক আৰোগ্যৰ সংখ্যা আক্রান্তৰ তুলনাত অধিক হৈ আছে৷ বিগত ২৪ ঘণ্টাত দেশত ২৯,০৯১জন ৰোগী আৰোগ্য হোৱাৰ বিপৰীতে নতুনকৈ আক্ৰান্ত হৈছে ১৬,৩৭৫জন লোক৷ বিগত ২৪ ঘণ্টাত দেশত নতুন আক্ৰান্ত লোকতকৈ ১২,৯১৭জন অধিক ৰোগী আৰোগ্য হৈছে৷

ভাৰতত দৈনিক আক্ৰান্ত সংখ্যাও হ্ৰাস পাই আহিছে৷

ইফালে, ব্ৰিটেইনত দেখা দিয়া নতুন প্ৰজাতিৰ ক’ৰোনাত আক্ৰান্ত লোকৰ সংখ্যা পৰা ৫৮জনলৈ বৃদ্ধি পাইছে৷

ইয়াৰে ২৫জন নতুন আক্ৰান্তক পুনেৰ এনআইভিত চিনাক্ত কৰা হৈছে৷ সেইদৰে, নতুন দিল্লীৰ এনচিডিচিত ৮জন, নতুন দিল্লীৰ আইডিআইবিত ১১জন, কলকাতাৰ এনআইবিএমজি কল্যানীত এজন, হায়দৰাবাদৰ চিচিএমবিত ৩জন আৰু বাংগালুৰুৰ নিমহান্সত ১০জন লোকক চিনাক্ত কৰা হৈছে৷

এই নতুন প্ৰজাতিৰ ভাইৰাছৰ সন্দৰ্ভত দেশত ১০টা স্থানত পৰীক্ষা কৰা হৈছে৷ সংশিষ্ট ৰাজ্য চৰকাৰে এই আক্ৰান্ত লোকসকলক সম্পূৰ্ণ পৃথকে ৰখাৰ ব্যৱস্থা কৰিছে৷ তেওঁলোকৰ সংস্পৰ্শলৈ অহা পৰিয়ালৰ লোককো কোৱাৰেণ্টাইনত ৰখা হৈছে৷ বৰ্তমান আক্ৰান্ত ব্যক্তিসকলক সম্পূৰ্ণ নিৰীক্ষণ ৰখা হৈছে৷

ভাৰতত আজিলৈকে ৯৯,৭৫,৯৫৮জন ৰোগী আৰোগ্য হৈছে৷ আৰোগ্যৰ হাৰ ৬.৩২%লৈ উন্নীত হৈছে৷ বিগত ২৪ ঘণ্টাত ২৯,০৯১জন ৰোগী আৰোগ্য হৈছে৷ ইয়াৰে ৮২.৬২%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷ সেই অনুসৰি মহাৰাষ্ট্ৰৰ সৰ্বাধিক ১০,৩৬২জনৰ বিপৰীতে কেৰালা আৰু চত্তীশগড়ত ক্ৰমে ৫,১৪৫ আৰু ১,৩৪৯জন৷

ইফালে, নতুন আক্ৰান্তৰ ৮০.০৫%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷

ইয়াৰে, মহাৰাষ্ট্ৰত সৰ্বাধিক ৪,৮৭৫জনৰ বিপৰীতে কেৰালা আৰু চত্তীশগড়ত ক্ৰমে ৩,০২১ আৰু ১,১৪৭জন৷

বিগত ২৪ ঘণ্টাত মৃত্যু হোৱা ২০১জন ৰোগীৰ ৭০.১৫%ই ১০খন ৰাজ্য আৰু কেন্দ্ৰীয় শাসিত অঞ্চলৰ৷

মহাৰাষ্ট্ৰত ২৯জন, পশ্চিমবংগত ২৫জন আৰু পাঞ্জাৱত ২৪জন ৰোগীৰ মৃত্যু হৈছে৷

****

MV/SJ/DB