PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
30 DEC 2020 6:06PM by PIB Imphal
- মীওই ২০দা য়ু.কে.গী রিপোর্ত পীরকপা এস.এ.আর.এস.-সি.ও.ভি. -২ ভাইরসগী অনৌবা ম্যুতেন্ত মখল ফংলে
- নুমিৎ খুদিংগী অনাবা ফগৎলকপা অসিনা অনৌবা কেসশিং অসিনা নুমিৎ ৩৩ অসিদা মথং মথং হেগৎলক্তুনা এক্তিব কেসলোদ অসি মখা তানা হন্থরক্লি
- হৌখিবা পুং ২৪ অসিদা, লৈবাক অসিদা মীওই ২০,৫৪৯ কোবিদ পোজিতিব ওইবা থেংনখি হায়রিবা মতম অসিমক্তদা অনৌবা অনাবা ফগৎলকপা ২৬,৫৭২ রেজিস্তর তৌরি
- ভারতকী মীশিংদা মিল্লিয়ন্দা লাকপা কেস অমসুং মিল্লিয়লন্দা শিবগী চাং অসি মালেমগী ওইনা খ্বায়দগী নেম্বা ওইরি
- গৃহ মন্ত্রালয়না ৩১.০১.২০২১ ফাওবা মমাংগী সর্ভিলেন্সকী গাইদলাইনশিং অদু শাংদোক্তুনা চৎননবা ঙসি ওর্দর অমা থোকখ্রে
- কোবিদ-১৯ ভেক্সিনেশনগীদমক্তা ওইবা দ্রাই রন রাজ্য মরিদা মাইপাক্না পাংথোকখ্রে
#Unite2FightCorona
#IndiaFightsCorona
মীওই ২০দা য়ু.কে.গী রিপোর্ত পীরকপা এস.এ.আর.এস.-সি.ও.ভি. -২ ভাইরসগী অনৌবা ম্যুতেন্ত মখল ফংলে, নুমিৎ খুদিংগী অনাবা ফগৎলকপা অসিনা অনৌবা কেসশিং অসিনা নুমিৎ ৩৩ অসিদা মথং মথং হেগৎলক্তুনা এক্তিব কেসলোদ অসি মখা তানা হন্থরক্লি, ইন্দিয়াগী মীশিংদা মিল্লিয়ন্দা লাকপা কেস অমসুং মিল্লিয়লন্দা শিবগী চাং অসি মালেমগী ওইনা খ্বায়দগী নেম্বা ওইরি
পুন্না মীওই ২০দা য়ু.কে.গী রিপোর্ত পীরকপা এস.এ.আর.এস.-সি.ও.ভি. -২ ভাইরসগী অনৌবা ম্যুতেন্ত মখল ফংলে। হায়রিবা অসি মীওই ৬ হান্ননা রিপোর্ত লৈখ্রবা (৩না নিমহান্স, বেঙ্গালুরু, ২ অমনা সি.সি.এম.বি., হায়দ্রাবাদ অমসুং ১না এন.আই.ভি., পুনে) য়াওননি। লেব ১০দা তেস্ত লৌখিবা সেম্পল ১০৭শিং মখাগী তেবল অসিদা পীরি। ভারত সরকারনা আই.এন.এস.এ.সি.ও.জি. (ইন্দিয়ন এস.এ.আর.এস.-সি.ও.ভি. – গেনোমিক্স কোন্সোর্সিয়ম) অসি লেব ১০ হায়বদি (এন.আই.বি.এম.জি. কোলকাতা, আই.এল.এস. ভুবনেশ্বর, এন.আই.ভি. পুনে. সি.সি.এস. পুনে, সি.সি.এম.সি. হায়দ্রাবাদ, সি.দি.এফ.দি. হায়দ্রাবাদ, ইন.এস.তি.ই.এম. বেঙ্গালুরু, এন.আই.এম.ঐচ.এ.এন.এস. বেঙ্গালুরু, আই.জি.আই.বি. দিল্লী, এন.সি.দি.সি. দিল্লী) জেনোম শিন্দোক্নবা অসি লিংখৎখি। ফিবম অসি য়াম্না চেকশিন্ননা য়েংশিল্লি অমসুং স্তেতশিংদা পাউতাক কয়া অমা পীদুনা য়াম্না কুপ্না য়েংবা, লাকশিনবা, তেস্ত তৌবা হায়রিবশিং অসি মথৌ হেনগৎহনবা অমসুং সেম্পল অসি আই.এন.এস.এ.সি.ও.জি. দা থাবা অসিনি। নুমিৎ ৩৩ অসিগী মনুংদা মথং-মথং হেনগৎলক্তুনা নুমিৎ খুদিংগী অনাবা ফবা অসিনা নুমিৎ খুদিংগী ওইবা অনৌবা কেস অসিদগী হেন্দুনা চৎলি। হৌখিবা পুং ২৪ অসিদা, লৈবাক অসিদা মীওই ২০,৫৪৯ কোবিদ পোজিতিব ওইবা থেংনখি। হায়রিবা মতম অসিমক্তদা অনৌবা অনাবা ফগৎলকপা ২৬,৫৭২ রেজিস্তর তৌদুনা এক্তিব কেস হায়থরক্লি। ইন্দিয়াগী অনাবা ফগৎলকপা অসি ঙসি ৯৮,৩৪,১৪১দা লৈরে। মসি মালেমগী ওইনা খ্বায়দগী ৱাংবনি। অনাবা ফগৎলকপা চাং অসিশু ৯৬% (৯৫.৯৯%) নক্না য়ৌরি। অনাবা ফগৎলকপা অমসুং এক্তিব কেস অনিগী খেন্নবা অসি অশুম হেনগৎলক্লি (৯৫,৭১,৮৬৯)। ইন্দিয়াগী অপুনবা এক্তিব কেসলোদ অসি ২,৬২,২৭২ ওইদুনা ইন্দিয়াগী অপুনবা পোজিতিব কেসশিং অসি ২.৫৬% য়াওরি। অপুনবা এক্তিব কেস অসিদা অনাবা ফগৎলকপা অসি ৬,৩০৯দা লৈরি। মালেমগা চাংদম্নবদা ইন্দিয়াগী ওইনা মীশিং মিল্লিয়ন্দা কেসশিং অসি পৃথিবিগী ওইনা খ্বায়দগী নেম্বা ওইরি (৭,৪২৩)। রুসিয়া, ইত্লি য়ু.কে.,ব্রাজিল, ফ্রান্স অমসুং য়ু.এস.এ. ওইনা মীশিং মিল্লিয়ন্দা কেসশিং য়াম্না ৱাংনা লৈরি। অনৌবা অনাবা ফগৎলকপগী কেস ৭৮.৪৪% অমদি স্তেত/য়ু.তি.শিং ১০ চগুংননবা লৈবা থেংনরি। মহারাস্ত্রানা অনাবা ফগৎলকপা অসিগী মশিং অসি নোংমগী ওইনা ৫,৫৭২ লৈরি। কেরলানা মীওই ৫,০২৯ অমসুং ছত্তিসগরনা ১,৬০৭ ওইদুনা ইন্নদুনা চৎলি। অনৌবা কেস ৭৯.২৪% অমদি স্তেত/য়ু.তি.শিং ১০ চগুংননবা লৈবা থেংনরি। কেরলানা খ্বায়দগী ৱাংনা অনৌবা কেস ৫,৮৮৭দা ওইরি। মহারাস্ত্রানা অনৌবা কেস ৩,০১৮ ওইদুনা মতুং ইন্দুনা চৎলি। ৱেস্ত বেঙ্গালনা অনৌবা কেস ১,২৪৪গী পাউদম লৈরি। পুং ২৪ অসিদা অশিবগী পাউদম ২৮৬ লৈরি। স্তেত/য়ু.তি. ১০ অসিদা অশিবগী চাং ৭৯.৩৭ লৈরি। মহারাস্ত্রানা খ্বায়দগী ৱাংনা অশিবগী পাউদম লৈরি (৬৮)। ৱেস্ত বেঙ্গাল অমসুং দিল্লীদা ৩০ অমসুং ২৮ মথংশিৎনা অশিবগী পাউদম লৈরি। তকশিনবা অমসুং পান্দম থম্বা তেস্তিং, পোজিতিব কেস ঙন্না খংদোকপা, মতম চানা নাইতোম থম্বা, হোস্পিতাল মতম চানা পুবা (য়ুমদা নাইতোম লৈরিবশিং নিংথিনা য়েংশিনবা) স্তেন্দার্দ ত্রীৎমেন্ত প্রোতোকোলশিং অসিগী খোঙথাং মতম চানা লৌখৎপা অসিনা অশি-অনা অসি ৩০০গী মখাদা লৈবনি। নুমিৎ খুদিংগী অশিবগী চাং অসি ইন্দিয়াদা হাইথরক্লি। ইন্দিয়াগী ওইনা মীশিং মিল্লিয়ন্দা অশিবা অসি (১০৭) মালেমগী ওইনা খ্বায়দগী নেন্বা ওইরি।
অকুপ্পা ৱারোলগীদমক :
হেলথ মিনিস্ত্রীনা য়ু.কে.দগী ইন্দিয়াদা পাইগদবা ইন্তর্নেস্নেল ফ্লাইতশিং ২০২১গী জানুৱারীগী ৭ ফাওবা মতম খরগী ওইনা লেপ্নবা ৱাফম থমখ্রে
হেলথ মিনিস্ত্রীনা সিবিল এবিএসনগী মিনিস্ত্রীদা মতম খরগী ওইনা য়ু.কে.দগী ইন্দিয়াদা লাক্কদৌবা ফ্লাইত মখৈ ২০২১গী জানুৱারীগী ৭ ফাওবা মতম খরগী ওইনা লেপ্নবা ৱাফম থমখ্রে। হায়রিবা অসি দাইরেক্তর জেনেরেল ওফ হেলথ সর্বিসেস (দি.জি.ঐচ.এস.) অমসুং নেস্নেল তাস্ক ফোর্স না পুন্না ফমখিবা দি.জি. আই.সি.এম.আর. অমসুং মেম্বর (হেলথ), এন.আই.তি.আই. আয়োগনা পীবা ৱারোলদগী শেম্বনি। মসিগী মখা তানা সিবিল এবিএসন্না হায়রি মদুদি ২০২১গী জানুৱারীগী ৭কী মতুংদা অকনবা চেকশিন থৌরাং অমগী মতুং ইন্দুনা অমুক হন্না পাইহন্নবা লেপক্নি। য়ুনিয়ন হেলথ সেক্ত্রেতরীনা স্তেত পুম্বদা লাক্লিবা অনৌবা চহিগী থৌরম পাংথোকপদা “সুপর স্প্রেদর” অসি থেংননবা অকনবা চেকশিন থৌরাং থমখ্রে। হায়রিবা অসি দাইরেক্তর জেনেরেল ওফ হেলথ সর্বিসেস (দি.জি.ঐচ.এস.) অমসুং নেস্নেল তাস্ক ফোর্স না পুন্না ফমখিবা দি.জি. আই.সি.এম.আর. অমসুং মেম্বর (হেলথ), এন.আই.তি.আই. আয়োগনা পীবা ৱারোলদগী শেম্বনি। মসিগী মখা তানা সিবিল এবিএসন্না হায়রি মদুদি ২০২১গী জানুৱারীগী ৭কী মতুংদা অকনবা চেকশিন থৌরাং অমগী মতুং ইন্দুনা অমুক হন্না পাইহন্নবা লেপক্নি।
অকুপ্পা ৱারোলগীদমক :
কোবিদ-১৯ ভেক্সিনেশনগীদমক্তা ওইবা দ্রাই রন রাজ্য মরিদা মাইপাক্না পাংথোকখ্রে
কেন্দ্রগী হকশেল অমসুং য়াইফ য়ুম্বাল মন্ত্রালয়না ২০২০গী দিসেম্বর ২৮ অমসুং ২৯দা রাজ্য মরি, অসাম, অন্ধ্র প্রদেশ, পঞ্জাব অমসুং গুজরাত্তা কোবিদ-১৯ ভেক্সিনেশনদা য়ুমফম ওইবা থবক-থৌরমশিংগীদমক্তা নুমিৎ নিনিগী দ্রাই রন পাংথোকখ্রে য়ুনিভর্সেল ইম্যুনাইজেশন প্রোগ্রাম (য়ু.আই.পি.) অমসুং লৈবাক পাকশন্না তোঙান-তোঙানবা মখলগী ইজেক্তেবল ভেক্সিনেশন কেমপেনশিং কয়া অমা খুদম ওইনা মীজলশিং-রুবেলা (এম.আর.) অমসুং এদল্ত জপানীজ এন্সেফলাইতিস (জে.ই.)কেমপেন তোবদা থেংনখিবা এক্সপরিয়েন্স অদুনা মরম ওইরগা মরু ওইবা পোপ্যুলেশন গ্রুপশিং খুদম ওইনা হেল্থ কেয়র ৱার্করশিং, ফ্রন্তলাইন ৱার্করশিং অমসুং চহি ৫০ মথক্কী মীশিংবু কোবিদ-১৯গীদমক্তা ভেক্সিনেত তৌনবা মথৌ তাবা খোংথাংশিং অদু লৌখৎখ্রে। দ্রাই রন এক্সরসাইজ অসি কোবিদ-১৯ ভেক্সিনেশন তৌবগী থৌওংগী এন্দ-তু-এন্দ তেস্তিংদা পান্দম থম্লি অমসুং ওপরেশনেল গাইদলাইনশিংগী মতুং ইন্না মসিদা প্লানিং অমসুং প্রিপেয়রেশন য়াওগনি; কো-ৱিন এপ্লিকেশনদা ফেসিলিতীশিং অমসুং য়ুজরশিং শেম্বা, সেসন সাইত শেম্বা অমসুং সাইতশিংগী মেপ্পিং তৌবা, হেল্থ কেয়র ৱার্করস (ঐচ.সি.দবল্যু.) দেতা অপলোদ তৌবা, জিলা অদুনা ফংবা ভেক্সিনশিং অমসুং ভেক্সিন এলোকেশন তৌবা, সেসন প্লানিং, ভেক্সিনেশন তীম থাদোকপা, সেসন সাইত্তা লোজিস্তিক্স থাদোকপা, ভেক্সিনেশন তৌবগী মোক দ্রিল অমসুং ব্লোক, জিলাশিং অমসুং রাজ্যগী থাক্তা রিপোর্ত থাগৎপা অমসুং মীফমশিং য়েংশিনবা য়াওগনি। দ্রাই রনগী পান্দম অসি আই.তি. প্লেতফোর্ম কো-ৱিনগী ফীল্দ ইমপ্লিমেন্তেশনগী থবক পাইখৎপা অমসুং কনফর্ম তৌবা অমসুং তশেংনা চৎনহন্দ্রঙৈগী মমাংদা তুংগীদমক্তা লমজিং-লমতাকপীবসুনি।
অকুপ্পা ৱারোলগীদমক :
ইন্দিয়ন সার্স-কোব-২ জিনোমিক্স কন্সোর্তিয়ম (আই.এন.এস.এ.সি.ও.জি.) লেবশিংনা সার্স-কোব-২গী ম্যুতেন্ত বেরিএন্তকী জিনোম সিক্বেন্সিংগী অহানবগী রিজল্তশিং থাদোরকখ্রে
ভারত সরকারনা য়ু.কে.দগী রিপোর্ত তৌরকখিবা সার্স-কোব-২গী ম্যুতেন্ত বেরিএন্তকী রিপোর্তশিং অসি হকচিন্না লৌখি অমদি ম্যুতেন্ত বেরিএন্তশিং অসি খঙদোক্নবা অমসুং লাকশিন্নবা প্রো-এক্তিব ওইবা অমসুং ঙাকথোক্নবা লালোং পাইখৎখি। মখাদা পীরিবা খোঙথাংশিং অসি লালোং অসিদা য়াওখি অদুবু মসি খক্তনা লোইবদি নত্তে:-য়ু.কে.দগী থুংলবা ফ্লাইৎ পুম্নমক দিসেম্বর ২৩গী অহিং নোংয়াইদগী দিসেম্বা ৩১, ২০২০ ফাওবা মতম খরগী ওইনা অথিংবা থমখি। আর.তি.-পি.সি.আর. তেস্তকী খুত্থাংদা য়ু.কে.দগী থুংলখিবা এয়র পেসেঞ্জর পুম্নমক শুকশোই-শোইদনা তেস্ত তৌবা। য়ু.কে.দগী থুংলখিবা আর.তি.-পি.সি.আর.দা পোজিতিব ওইবা পুম্নমক্কী সেম্পলশিং অসি সরকারগী লেব ১০গী কন্সোর্তিয়ম অমনা মদুদি আই.এন.এস.এ.সি.ও.জি.না জিনোম সিক্বেন্স তৌগনি। দিসেম্বর ২৬, ২০২০দা কোবিদ-১৯গী নেস্নেল তাস্ক ফোর্সকী (এন.তি.এফ.)কী মীফম অদুনা তেস্ত তৌবা লায়েং চত্থবা, সর্ভিলেন্স চত্থবা অমসুং কন্তেনমেন্তগী লালোং খন্নখি অমদি রিকম্মেন্দ তৌখি। দিসেম্বে ২২, ২০২০দা থোকখিবা রাজ্যশিং/য়ু.তি.শিংগী সার্স-কোব-২গী ম্যুতেন্ত বেরিএন্ত অসি লাকশিন্নবা স্তেনদর্দ ওপরেতিং প্রোতোকল থোকখি। দিসেম্বর ২৬, ২০২০দা এন.তি.এফ. না সমস্যা পুম্নমক কুপ্না নৈনখি অমসুং এন.তি.এফ.না ম্যুতেন্ত বেরিএন্ত অসিগী য়েংলগা হৌজিক লৈরিবা নেস্নেল ত্রীৎমেন্ত প্রোতোকল নত্ত্রগা হৌজিক লৈরিবা তেস্তিং প্রোতোকলশিং শেমদোকপা মথৌ তাদে হায়না ৱারেপ লৌখি। এন.তি.এফ.না হৌজিক লৈরিবা সর্ভিলেন্স চত্থবগী লালোং অসিগী মথক্তা জিনোমিক সর্ভিলেন্স তৌবা মরু ওই হায়নসু ফোঙদোকখি।
অকুপ্পা ৱারোলগীদমক :
দা. হর্শ বর্ধন্না লৈবাক অসিগী অহানবা ন্যুমোকোক্কল কঞ্জুগেৎ বেক্সিন পুথোকখ্রে
কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না ঙসি ভারতকী অহানবা ন্যুমোকোক্কল কঞ্জুগেৎ বেক্সিন (পি.সি.ভি.) পুথোকখ্রে। বেক্সিন “ন্যুমোসিল” অসি সিরম ইন্সতিত্যুত ওফ ইন্দিয়া প্রাইবেৎ লিমিতেদ (এস.আই.আই.পি.এল.)না বিল এন্দ মেলিন্দা গেৎ ফাউন্দেসনগুম্বা পার্তনরশিংগা লোইননা চুংশিন্নদুনা দিবেলপ তৌখি। এস.আই.আই.পি.এল.না মাগী দোজশিং অসিনা মালেমগী খ্বাইদগী চাউবা বেক্সিনশিংগী মেন্যুফেকচর্চ ওইবা অমসুং ভারতকী শেন্মীৎলোনদা লৌখিবা থৌদাং অদুবু শক খঙলদুনা, দা. হর্শ বর্ধন্না হায়খি সিরম ইন্সতিত্যুতকী বেক্সিনশিং অসি লৈবাক ১৭০দা শীজিন্নৈ অমদি মালেমগী য়ুমথোং অমদা অঙাং অমদি মেন্যুফেকচর্রগী বেক্সিন অসিনা ইম্ম্যুনাইজ তৌই। মহাক্না মীয়ামদা এস.আই.আই.পি.এল.না ভারত সরকারদগী কোবিদ-১৯ লাইচৎকী লোকদাউন মনুংদা প্রধান মন্ত্রী শ্রী নরেন্দ্র মোদীগী ‘আত্মানির্ভর ভারত’কী মঙলান অসিগা ইরোইননা দেবেলপ তৌখি অমদি অহানবা লমদম অসিগী ন্যুমোকোক্কল কঞ্জুগেৎ বেক্সিন (পি.সি.ভি.) অসিগী লাইসেন্স ফংখি। মহাক্না হকশেল অমসুং য়াইফ-য়ুম্বাল মন্ত্রালয়না পি.সি.ভি.দা ভারতনা মরোমদোম লেপ্পা ঙমজনবা হোৎনবদা শীংথানিংঙাই ওইনা হোৎনখি হায়না ফোঙদোকখি। এস.আই.আই.পি.এল.না ভারতকী মথৌ তাবা বেক্সিন অমা পুথোকপদা মাইপাকপগী মতাংদা দা. হর্শ বর্ধন্না হায়খি, “সিরম ইন্সতিত্যুতকী অহানবা লমদম অসিগী ন্যুমোকোক্কল কঞ্জুগেৎ বেক্সিন অসি কৈথেলদা “ন্যুমোসিল”গী ব্রান্দগী মমিংদা সিঙ্গল দোজ (ভাইএল অমসুং প্রি-ফিল্দ সীরিঞ্জ) অমসুং মল্তিদোজ (ভাইএল) প্রজেন্তেসনশিংদা অহোংবা মমল অমদা ফংহনগনি । ন্যুমোসিল অসি রেন্দমাইজ কন্ত্রোল্দ ক্লিনিকেল ত্রাইএল ৫দা পাক শন্না ইভাল্যুএৎ তৌখি অমদি তোঙান তোঙানবা বেক্সিনেসন সেদ্যুলশিং শীজিন্নদুনা অহল, অঙাং অমসুং পোকপদা ঙাইরিবা অঙাংশিংদা ন্যুমোসিল অসি থাদুনা ভারত অমসুং অফ্রিকাগী মশিং য়াম্লবা মীয়ামদা কাপ্পা ন্যুমোকোক্কল বেক্সিনশিং লাইসেন্স পীখিবদা মসি খুদোংথিনীংঙাই ওইদে অমসুং ইম্ম্যুনোজেনিসিতী ওই হায়না উৎখি। “ক্লিনিকেল ত্রাইএলশিংগী মনুংদা, ন্যুমোসিল অসি খুদোংথিনীংঙাই ওইসে অমদি ন্যুমোনিয়া লাইনাদগী মপুং ফানা ঙাকথোকপা ঙম্মি হায়বা খঙখি অমসুং মসিদা য়ুম্ফম ওইরগা সবজেক্ত এক্সপর্ত কম্মিতি (এস.ই.সি.)দগী অয়াবা ফংদুনা জুলাই ২০২০দা দ্রগস কন্ত্রোলর জেনরেল (ইন্দিয়া)না লাইসেন্স পীখি,” হায়না মহাক্না মখা তাখি।
অকুপ্পা ৱারোলগীদমক:
দা. হর্শ ৱর্ধন্না ভীদিও কনফরেন্স অমগী খুত্থাংদা অফবা, রেপ্লিকেবল প্রক্তিসশিংগী মতাংদা ৭শুবা এন.ঐচ.এম. নেস্নেল সম্মিত দিজিতেল ওইনা শঙ্গাখ্রে
কেন্দ্রগী হকশেল অমসুং য়াইফ য়ুম্বালগী মন্ত্রী, দা. হর্শ ৱর্ধন্না ঙসি মফম অসিদা ভীদিও কনফরেন্স অমগী খুত্থাংদা অফবা, রেপ্লিকেবল প্রক্তিসশিংগী মতাংদা ৭শুবা এন.ঐচ.এম. নেস্নেল সম্মিত দিজিতেল ওইনা শঙ্গাখ্রে। দা. ৱর্ধন্না এ.বি. ঐচ.দবল্যু.সি.শিংদা তি.বি. সার্বিসশিংগীদমক্তা ওপরেশনেল গাইদলাইনশিং অমসুং লেপ্রোসীগীদমক্তা এক্তিব কেস দিতেক্সন অমসুং রেগুলর সর্ভিলেন্সকী মতাংদা ওপরেশনেল গাইদলাইনস ২০২০গা লোইন-লোইননা অনৌবা হেল্থ মেনেজমেন্ত ইনফোর্মেশন সীস্তেম (ঐচ.এম.আই.এস.)সু হৌদোকখ্রে। দা. হর্শ ৱর্ধন্না থৌরম অদুগী মতাংদা মহাক্না হরাওবা ফোংদোকখি অঞসুং লাইচৎকী লৈরিবা ফিভম অসিগী মরক অসিদা অসিগুম্বা থৌরম অসি শিনবগীদমক্তা মীয়ামদা নুংঙাইবা ফোংদোকখি। মহাক্না হায়খি, “ভারতকী হেল্থকেয়র সীস্তেম অসিবু অনৌবা অৱাংবা থাক্তা পুখৎকদবা ইন্নোভেতিব কনভর্জেন্স স্ত্রেতেজীশিংদা মীৎয়েং থম্বা হায়বসি য়াম্না মরু ওই। ২০২০গী চহিদা, নেস্নেল হেল্থকেয়র ইন্নভেশন পোর্তলদা রাজ্যশিং অমসুং য়ু.তি.শিংনা অনৌবা ইনিসিয়েতিব ২০১০ থাগৎলকখি। মসিগী ইন্নোভেশনশিং অসিগী খ্বাদগী মরু ওইবা পান্দমদি নাকল অমদনা মীশিংগী হকশেলগী ফিভম ফগৎহনবা অমসুং অতোপ্পা অমদনা তুং কোইনা চৎকদবা মওংদা পব্লিক হেল্থ সীস্তেমশিংগী মপাঙ্গল কনখৎহনবনি।” মহাক্না হেল্থকেয়র ইকোসীস্তেমদা ইন্নভেশনশিং পুরক্নবগীদমক্তা গ্রাসরুতশিংদা লৈবা হেল্থকেয়র ৱার্করবু শরুক য়াহনবা অমসুং য়াওহনবগী মতাংদসু য়াম্না মরু ওইনা পনখি, অমসুং মীয়ামগী হেল্থ দিলিভরী সীস্তেমশিংগা লোইননা থবক তৌরকপগী চহি কয়াদগী ফংলকপা এক্সপরিয়েন্স অমসুং হৈ-শিংবদগী ফংলকপা অপুনবগী ওইবা লৌশিংদগী কান্নগনি হায়খি। দা. হর্শ ৱর্ধন্না, মহাক্না দিল্লীগী হকশেল মন্ত্রী ওইরিঙৈ মতমদা পোলিয়ো মউথৎনবগী দ্রাইবতা লুচিংলিঙৈ মতমদা থেংনখিবা মহাক্কী এক্সপরিয়েন্সশিং অদুগী মতাংদসু ময়ামদা খঙহনখি অমসুং হেল্থকেয়র প্রোগ্রামশিংদা মীয়াম্না শরুক য়াবা অমসুং কম্যুনিতীবুসু শরুক য়াহনবগী পাঙ্গল অদুবুসু নিংশিংখি।
অকুপ্পা ৱারোলগীদমক :
তেক্নোলোজীগী ওইবা চাউখৎপশিং অসিবু ‘অকাইবা থোকহনবশিং’ হায়না খঙনৈ, অদুবু চহি অসিদদি মখোয়না অচৌবা অকাইবা অসি চাউনা থোকহনবদগী ঙাকথোকপদা ঐখোয়বু মতেং পাংখি: রাস্ত্রপতি কোবিন্দ
কোরোনাভাইরসনা মালেম অসিদা লৈরিবা খুন্নাইগী মরীশিং, শেন্মীৎলোনগী থবক-থৌরমশিং, হেল্থকিয়র, এজুকেসন অমসুং পুন্সিগী অতোপ্পা হিরম কয়াদা অহওংবা পুরকখি। অদুবু পুন্সি অসি লেপতুনদি লৈহনখিদে – পুম্নমক অসিগীদমক্তা ইনফোর্মেসন অমসুং কম্ম্যুনিকেসন তেক্নোলোজীবু য়াম্না থাগৎচরি। তেক্নোলোজীগী ওইবা চাউখৎপশিং অসিবু ‘অকাইবা থোকহনবশিং’ হায়না খঙনৈ, অদুবু চহি অসিদদি মখোয়না অচৌবা অকাইবা অসি চাউনা থোকহনবদগী ঙাকথোকপদা ঐখোয়বু মতেং পাংখি হায়না ভারতকী রাস্ত্রপতি শ্রী রাম নাথ কোবিন্দনা ফোঙদোকখি। মহাক্না ঙসি (দিসেম্বর ৩০, ২০২০) ভিদিও কনফরেন্সিংগী থোংদা দিজিতেল ইন্দিয়া এৱার্দ ২০২০ পীবগী থৌরমদা মহাক্না ৱা ঙাংখি। রাস্ত্রপতিনা হায়ি প্রোএক্তিব ওইনা দিজিতেলগী খোঙথাংশিং লৌখৎপনা মরম ওইরগা ঐখোয়না লোকদাউন মনুং অমদি মতুংদা মরু ওইবা সরকারগী সর্ভিসশিং লেপ্তনা চত্থবা ঙমখিবনি। মহাক্না হায়খি লাইচৎ অসিনা পীরকখিবা শীংনবশিং মায়োক্নবদা ঐখোয়গী দিজিতেল ৱারিয়রশিংনা লৈবাক অসিগী মতেং পাংবদা লৌখিবা থৌদাং অসি শীংথানিংঙাই ওই। অচৌবা আই.সি.তি. ইনফ্রাস্ত্রকচরদা য়ুম্ফম ওইবা আরোগ্যা সেতু, ই-ওফিস অমসুং ভিদিও কনফরেন্সিংগী সর্ভিসশিং অসিগুম্বা প্লেৎফোর্মশিং অসি প্রোএক্তিব ওইনা ইমপ্লিমেন্ত তৌবনা লৈবাক অসিদা লাইচৎ অসিনা পীবা অৱাবা হন্থহনবদা মতেং পাংখি।
অকুপ্পা ৱারোলগীদমক :
পি.এম.না দিসেম্বর ৩১দা রাজকোত্তা এম্সকী উরেপ-উয়ুং তমগনি
প্রধান মন্ত্রী শ্রী নরেন্দ্র মোদীনা দিসেম্বর ৩১, ২০২০দা অয়ুক্কী পুং ১১ তাবা মতমদা ভিদিও কনফরেন্সকী থোংদা রাজকোৎ, গুরাত্তা এম্সকী উরেপউয়ুং তমগনি। থৌরমদুদা গুজরাতকী রাজ্যপাল, গুজরাতকী মুখ্যমন্ত্রী, কেন্দ্রগী হকশেলগী মন্ত্রী অমসুং কেন্দ্রগী হকশেলগী রাজ্য মন্ত্রীসু শরুক য়াগনি।প্রোজেক্ত অসিগীদমক্তা, লম একর ২০১ খাক্তুনা থমখ্রে। মসি চাউরাক্না লুপা করোর ১১৯৫ চংনা শাগনি, অমসুং ২০২২গী ময়াই চল্লকপদা লোইরবা য়াই হায়না পানরি। খ্বাইদগী নৌবা ফমুং ৭৫০ লৈগদবা হোস্পিতাল অসিদা ফমুং ৩০ লৈবা আয়ুশ ব্লোকসু য়াওগনি। মসিদা এম.বি.বি.এস.কী সীৎ ১২৫ অমসুং নর্সিংগী সীৎ ৬০ লৈগনি।
অকুপ্পা ৱারোলগীদমক :
প্রধান মন্ত্রীনা ১০০শুবা কিসান রেল লমথাখ্রে
প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুত্থাংদা মহারাস্ত্রাগী সঙ্গোলাদগী নোংচুপ বেঙ্গোলগী শালিমার ফাওবা চেনগদবা ১০০শুবা কিসান রেল ঙসি লম্থাখ্রে। কেন্দ্রগী মন্ত্রী শ্রী নরেন্দ্র সিংহ তোমার অমসুং শ্রী পিয়ুশ গোয়লসু থৌরম অদুদা শরুক য়াখি। থৌরম অসিদা ৱা ঙাংবদা প্রধান মন্ত্রীনা কিসান রেল সর্ভিস অসি লৈবাক অসিগী লৌউবশিংগী চাগাবু শরুক অনিদা হেনগৎহন্নবা মরু ওইবা খোঙথাং অমনি হায়খি। কোরোনাগী লাইচৎ মনুং অসিদা ফাওবা হৌখিবা থা মরিদা কিসান রেল সর্ভিস ১০০ হৌদোকপা ঙমখিবা অদুদা মহাক্না নুংঙাইবা ফোংদোকখি। মহাক্না হায়খিবদা, মসিগী ত্রেন সর্ভিস অসিনা লৌউ-শিংউবগা মরী লৈনবা শেমিৎলোন্দা অচৌবা অহোংবা অমা পুরক্লগনি অমসুং মসিনা লৈবাক অসিগী কোল্দ সপ্লাই চেনগী মপাঙ্গলসু হেনগৎহল্লগনি হায়খি। কিসান রেল অসিদা পুগদবা খ্বাইদগী য়ামদবা চাংগী অকক্নবা লৈতে অমসুং মসিনা মরম ওইদুনা খ্বাইদগী পিকপা পোত্থোকশিংসু অচৌবা কৈথেলশিংদা অহোঙবা মমলদা য়ৌবা ঙমহল্লগনি হায়না মহাক্না মখা তানা হায়খি।
অকুপ্পা ৱারোলগীদমক :
ঐখোয়গী নহারোলশিং স্কিল হেনগৎহনবা অমসুং ত্রেনিং পীবা অসি হেন্না ফবা তুংলমচৎ অমগী মরুওইবনি হায়না উপ-রাস্ত্রপতি নায়দুনা অমুক হন্না ফোঙদোকখ্রে
কোবিদ-১৯ লাইচৎকী শিংনবশিং খুদোংচাবশিং ওন্থোকউ হায়না ঙসি উপ-রাস্ত্রপতি শ্রী এম.ভেনকিয়া নাইদুনা নহারোলশিংদা পাউতাক পীখ্রে। শ্বরনা ভারত ত্রস্ত, বিজয়াৱাদাগী ত্রেনিশিংদা সর্তিফিগেতশিং য়েন্থোকপা থৌরমদা ৱা ঙাংবদা উপ-রাস্ত্রপতিনা হায়খি লাইচৎ অসিনা হিরম কয়াদা চৈথেং পীরবসু, মসিনা অতোপ্পা হিরম কয়াদা খুদোংচাবশিং ফংহল্লে। অপুনবা মীশিংগী চাদা ৬৫ হেন্না চহি ৩৫ মখাগী মীওইশিংনি হায়না ফোঙদোক্লদুনা শ্র্রী নাইদুনা হায়খি করিগুম্বা ঐখোয়না হায়রিবা মীওইশিং অসিগী থৌনা অসি শীজিন্নরবদি, ঐখোয়গী লৈবাক অসি মখা তানা চাউখৎনবা নহারোলশিং অমসুং নুপীশিং অসি মরুওইবা খোঙলোয়শিং ওইবা য়াগনি। হায়রিবা মশিং য়াম্লবা মীওইশিং অসিগা লোয়ন্না ঐখোয়না মালেমগী তুংগী ফিবম শেম্বা ঙমগনি। মসিগী মতাংদা রাজ্য অমসুং কেন্দ্র সরকারশিংনা নহারোলশিং হৈশিংবা হেনগৎনবা থবক কয়া পায়খৎলে। ২১সুবা চহিচাগী দরকার ওইবশিং পীবা ঙম্নবা স্কিল ত্রেনিং পীবা দরকার ওই অমসুং হিরম অসিদা লনাই কাংবুসু শরুক য়াগদবনি।
অকুপ্পা ৱারোলগীদমক :
শিঙ্গল য়ুজ প্লাস্তিক্কী মরমদা মীয়াম খঙহন্নবা মাস মেদিয়া কেম্পন পাংথোক্নবা উপ-রাস্ত্রপতিনা হায়রি
কমদৌনা মীয়াম্না প্লাস্তিক্কী পোৎথোকশিং মফম চানা লোইশিনগদগে হায়বগী মতাংদা চৎন-লোনচৎশিংদা অহোঙবা পুরক্নবা মাস মেদিয়া কেম্পেন অমা পাংথোক্নবা উপ-রাস্ত্রপতি শ্রী এম.ভেনকিয়া নাইদুনা তকশিনখ্রে। মহাক্না হায়খি অমাং-অতা থোকহল্লিবা অসি প্লাস্তিকশিং নত্তে, প্লাস্তিক শীজিন্নবগী মতাংদা লৈরিবা ঐখোয়গী হৈনবীশিং অসিনা ফত্তবা ওইহনবনি। ঙসি সেন্ত্রেল ইন্সতিতুৎ ওফ পেত্রোকেমিকেল ইঞ্জিনিয়ারিং এন্দ তেক্নোলোজি(সিপেত),বিজয়াৱাদাগী মহৈরোয়শিং, ওজাশিং অমসুং স্তাফশিংদা ৱা ঙাংবদা উপ-রাস্ত্রপতিনা হায়খি প্লাস্তিকশিং কুইনা শীজিন্নবা য়াবা অসিনা মরম ওইদুনা অকোয়বগী ফিবম শোকহনবনি। প্লাস্তিক্কী অমোৎপশিং লোইশিন্নবা খ্বাইদগী ফবা থবকশিং পাংথোকপা দরকার ওই অমসুং আর ৩-রিদিউজ, রিয়ুজ অমসুং রিসাইকলগী মরুওইবা মীয়ামদা খঙহনগদবনি। প্লাস্তিক শীজিন্নবা তোকপনা পাম্বৈ ওইরোই, মসি নিংথিনা শীজিন্নগদবনি অমসুং ফজনা রিসাইকল তৌগদবনি। কোবিদ-১৯ লাইচৎ মনুংদা প্লাস্তিক্কী মরুওইবশিং থাগৎলদুনা শ্রী নাইদুনা হায়খি কোবিদ-১৯ শন্দোরকপা থিংনবা মেদিকেলগী ঙাকথোক্নবা পোৎলমশিং অমসুং পি.পি.ই কিৎশিং শাবদা প্লাস্তিক ফজনা শীজিন্নখি। মেদিকেলগী পোৎলমশিং শাবদা হায়বদি ইন্সুলিন পেনশিং, আই.ভি তুবশিং, ইমপ্লান্তশিং অমসুং তিসু ইঞ্জিনিয়ারিংদা পোলিমরশিং পাক-শন্না শীজিন্নখি। ভারতকী শেন্মিৎলোন্দা পোলিমরশিংগী মরুওইবা পল্লদুনা উপ-রাস্ত্রপতিনা হায়খি লৈবাক অসিদা প্লাস্তিক প্রোসেসিং য়ুনিত ৩০,০০০ হেনবনা মীওই মিল্লিয়ন ৪ হেন্না থবক ফংহল্লে।
অকুপ্পা ৱারোলগীদমক :
এম.ঐচ.এ.না সর্ভিলেন্স চত্থবগী, কন্তেনমেন্তগী অমসুং চেকশিল থৌরাংগী গাইদলাইনশিং এক্সতেন্দ তৌখ্রে
গৃহ মন্ত্রালয় (এম.ঐচ.এ.)না ৩১.০১.২০২১ ফাওবা মমাংগী সর্ভিলেন্সকী গাইদলাইনশিং অদু শাংদোক্তুনা চৎননবা ঙসি ওর্দর অমা থোকখ্রে। অমরোমদা এক্তিব ওইরিবা অমদি অনৌবা কোবিদ-১৯ কেসশিংদা লেপ্তনা হন্থরক্লবসু মালেমদা কেসশিং হেনগৎলকপা অমসুং য়ুনাইতেদ কিংদম (য়ু.কে.)দা থোরক্লিবা ভাইরস অসিগী অনৌবা বেরিএন্ত অসি য়েংলগা সর্ভিলেন্স চত্থবা, কন্তেনমেন্ত অমসুং চেকশিল থৌরাংগী মথৌ তারি। মসিগী মতুং ইন্না কন্তেনমেন্ত জোনশিং চেকশিন্নবা খাইদোকপা মখা চত্থবা;জোনশিং অসিগী মনুংদা পীরিবা কন্তেনমেন্তগী খোঙথাংশিং অকনবা মওংদা লৌখৎপা; কোবিদকা চুনবা চৎন-লোনচৎ থৌগৎপা অমসুং ঙাক্না চৎপা; অমসুং তোঙান তোঙানবা অয়াবা পীখিবা থবক-থৌরমশিংগী স্তেন্দর্দ ওপরেতিং প্রোসিজরশিং (এস.ও.পি.শিং) ঙাক্না চৎপা মথৌ তাই। মরম অসিনা ২৫.১১.২০২০দা থোকখিবা গাইদলাইনশিংদা য়াওখিবগী মতুং ইন্না এম.ঐচ.এ. অমসুং হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)না থোকখিবা সর্ভিলেন্স চত্থবগী, কেন্তেনমেন্তগী অমসুং গাইদলাইনশিং/এস.ও.পি.শিংগী অকনা মীৎয়েং চংবা এপ্রোচ অসি রাজ্যশিং অমসুং য়ু.তি.শিংনা লৌখৎপা তঙাই ফদে।
অকুপ্পা ৱারোলগীদমক :
কে.ভি.আই.সি.না মখোয়গী পুন্সি হিংবা ঙম্নবা কোবিদ-১৯গী মনুংদা জে.অমসুং কে.দা লৈরিবা খাদি আর্তিসানশিংদা লুপা করোর ৩০ য়েন্থোকখ্রে
খাদি অমসুং ভিলেজ ইন্দস্ত্রীজ কমিশন (কে.ভি.আই.সি.)না কোবিদ-১৯গী মতম অসিগী মনুংদা জম্মু অমসুং কাশমিরদা লৈরিবা খাদি আর্তিসানশিংদা অখন্নবা মীৎয়েং থমখ্রে। অমরোমদা কে.ভি.আই.সি.না লৈবাক শিনবা থুংনা সস্তেনেবল এমপ্লোইমেন্ত লৈহন্নবগীদমক্তা ৱাবা খঙদনা থবক তৌখি, মখোয়না জে. অমসুং কে. খক্তদা চিংগী লমশিংদা লৈবা খাদি ইন্সতিত্যুশনশিংদা লুপা করোর ২৯.৬৫ থাধখ্রে, হাবরিবা অসি কেন্দ্র সরকারনা মীৎয়েং থমদুনা লাক্লিবা হিরমনি। মসিগী শেনফম অসি জে. অমসুং কে.দা লৈবা খাদি ইন্সতিত্যুশন ৮৪দা ২০২০গী মেদগী ২০২০গী সেপ্তেম্বর ফাওবগী থাধখিবনি, মসিনা মসিগী ইন্সতিত্যুশনশিং অসিগা মরী লৈনবা খাদি আর্তিসান ১০,৮০০দা কান্নহল্লি।
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• কেরলা: কেরলা সরকারনা লৈবাক অসিগী মফম কয়া অমদা য়ু.কে.দগী হল্লকপা মীওই ২০ কোবিদ-১৯গী ম্যুতেন্ত স্ত্রেনগীদমক্তা তেস্ত তৌবদা পোজিতিব ওইরে হায়বগী রিপার্ত লাকপদগী য়ুরোপ্তগী তুংলিবা পেসেঞ্জরশিং স্ক্রীনিং তৌনবা খোংথাংশিং পাইখৎখ্রে। রাজ্য অসিদা কোবিদ-১৯গীদমক্তা তেস্ত তৌবদা য়ু.কে.দগী হল্লকপা মীওই ১৮ পোজিতিব ওইবদগী মীপাইদুনা লৈরে। মখোয়গী সেমপলশিং অদু এন.আই.ভি., পুনেদা মখোয়শিং অদু ম্যুতেতেদ স্ত্রেনগীরা নত্তব্রা হায়বদু য়েংননবা অপুনবা জিনোম সিক্বেন্সিং তৌবগীদমক্তা থাখ্রে। রিজল্তশিং অদু ঙাইরি। হকশেলগী মন্ত্রী, কে.কে সাইলাজানা হায়খি মদুদি অনৌবা ভাইরস স্ত্রেনগীদমক্তা মীওইশিং অদু পোজিতিব ওইবা তারবদি, হৌজিক লৈরিবা কোবিদ-১৯গী লাইয়েং অদু মখা চত্থগনি। হন্দক্তা কেরলাদা পাংথোকখিবা লোকল বোদী পোলশিং অদুগী মতুংদা, রাজ্য অসিদা কোবিদ-১৯গী কেসশিংদা য়াম্না চাউনা হেনগৎলক্কনি হায়বগী মীপাইনখি। তৌইগুম্বসুং, হৌখিবা চয়োল অনিদা থেংনখিবা অনৌবা পোজিতিব কেসশিংগি মশিং অদুনা অসিগুম্বা অকিবা অসি ফাওবদি হন্থহল্লি। রাজ্য অসিদা লৈবাকপোকপা নুমিত্তা কোবিদ-১৯গী অনৌবা কেস ৫,৮৮৭ থেংনখি অমসুং ৫,০২৯ ফগৎলকখি। শিখিবশিংগী মশিং অসি ৩০১৪নি। হীজিক লৈরিবা পোজিতিব ওইবগী চাং অসি ৯.৫নি।
• তামিল নাদু: ঙসি ফাওবদা, তামিল নাদুদা পুন্না কেস ৮,১৬,১৩২ থেংনখি, ১২,০৯২ শিখ্রে, এক্তিব কেস ৮৭৪৭ লৈরি অমসুং ৭,৯৫,২৯৩ দিসচার্জ তৌখ্রে।
• কর্নাতকা: ঙসি ফাওবদা অপুনবা কেসশিংগী মশিং ৯,১৭,৫৭১ য়ৌরে, এক্তিব কেসশিং: ১১,৮৬১, শিখিবশিং: ১২০৭৪ অমসুং ৮,৯৩,৬১৭ দিসচার্জ তৌখ্রে।
• অন্ধ্র প্রদেশ: অন্ধ্র প্রদেশকা লোইন-লোইননা গুজরাত, পঞ্জাব অমসুং অসামদা কোবিদ-১৯ ইম্যুনাইজেশন দ্রাইবকীদমক্তা পীথোক্লবা মেকানিজমগী কয়ামুক শেম-শারবগে হায়বদু য়েংশিন্নবা নুমিৎ নিনিগী দ্রাই রন মাইপাক্না পাংথোকখ্রে। এন্দ-তু-এন্দ এক্সরসাইজ অসি নিংথৌকাবা অমসুং লৈবাকপোকপা নুমিত্তা কৃষ্ণ জিলাদা থবক কয়া অমগীদমক্তা শেমখিবা অখন্নবা তীমশিংনা পাংথোকখ্রে। দ্রাই রন অসি প্লানিং, ইমপ্লিমেন্তেশন অমসুং রিপোর্তিং মেআনিজমগী মথক্তা ফীল্দদা কো-ৱিনগী ওপরেশনেল ফীজিবিলিতী চেক তৌনবগীদমক্তনি। থবক-থৌওংশিং খুদম ওইনা দমী বেনিফিসরী দেতা অপলোদ তৌবা, সেসন সাইত শেম্বা, ভেক্সিন এলোকেশন অমসুং ভেক্সিনেতরশিং অমসুং বেনিফিসরীশিংদা কম্যুনিকেশন ভেক্সিনেশনগী অকুপ্পা মরোলশিং, অমসুং বেনিফিসরী মোবিলাইজেশন তৌবগী থবকশিং পাংথোকখি। রাজ্য সরকার অসি মমাগী চয়োলদা য়ু.কে.দগী হল্লকপদা দিল্লী এয়রপোর্ত্তা হেল্থ ওথোরিতীশিং থৈদোক্তুনা লাক্লবা নুপী অমা নোভেল কোরোনাভাইরসকী ম্যুতেতেদ স্ত্রেন পুরক্লে হায়না লেবোরেতরী রিপোর্তনা কনফর্ম তৌরবা মতুংদা হাই এলর্ত্তা লৈখ্রে। রাজ্য অসিদা হৌজিক ফাওবদা মশক খঙদোক্লবা য়ু.কে.দগী হল্লকপা ১,৪২৩গী মনুংদা ১,৪০৬ ত্রেস তৌখ্রে অমসুং মখোয়গী কন্তেক্তশিং অদুগী ১,৩৬৪সু মশক খঙদোকখ্রে। নুমিৎ খরনিগী মনুংদা লোইগদোরবা চহি অসিদা তুং কোইনা নিংশিং হৌরগদবা মওংদা শোকহল্লবা কোবিদকী লাইচৎ অসিগী মরক অসিদা, তিরুপতিদা লৈরিবা মীশিংবু শুমহৎনবা মার্কেত্তা কোবিদ ফ্লাৱর বাস্কেতশিং পুথোরক্লে। ভাইরস অসি শন্দোরক্কনি হায়না কীবদগী মী ময়াম অমনা লৈগী বুকেশিং লৈবদগী কিরবদা, বায়রশিংদা থাজবা লৈহন্নবা ফ্লোরিস্তশিংনা মখোয়শিং অসিবু শেম্বদা অহেনবা চেকশিন থৌরাং লৌরি।
• তেলঙ্গনা: হৌজিক ফাওবদা, অপুনবা কেসশিংগী মশিং অদু ২,৮১,৭৩০ য়ৌখ্রে, এক্তিব কেসশিং: ৬৫৯০, শিখিবশিং: ১৫৩৮, দিসচার্জ তৌখিবশিং: ২,৮৫,৯৩৯। তেলঙ্গনাগী ওথোরিতীশিংনা ৱারঙ্গলদগী চহি ৪৯ শুরবা নুপা অমা সি.সি.এম.বি.দা এনালিসিস তৌরবা মতুংদা কোবিদ-১৯গী ম্যুতেন্ত য়ু.কে. ভেরিয়েন্তকীদমক্তা পোজিতিব ওইবদগী মসিদগী লাকপা খুদোংথিবা অদুবু লাকশিন্নবা শেম-শাখ্রে।। মরক অসিদা সি.সি.এম.বি.গী দাইরেক্তর, দা. রাকেশ মিশ্রানা মীয়ামদা খু-শেন্দুনা লৈনবা হায়খ্রে মরমদি য়ু.কে ভেরিয়েন্ত অসিনা ইনফেক্সনগী অনিশুবা ৱেব অমা পুরকপা য়াবগী পোতেন্সিয়েল লৈ হায়না হায়খি। ভারত বায়োতেক্কী এম.দি., দা. কৃষ্ণ এল্লানা মখোয়না পুথোক্লিবা কোভেক্সিন অসিনা অনৌবা ম্যুতেন্তশিংদগীসু ঙাকথোক্কনি হায়না থাজবা পীরকখ্রে।
• অসাম: অসামদা, লৈবাকপোকপা নুমিত্তা কোবিদ-১৯গীদমক্তা মী্ই ৬৬ অমুক পোজিতিব ওইখ্রে অমসুং পেসেন্ত ৮৭ দিসচার্জ তৌখ্রে। অপুনবা কেসশিংগী মশিং অদু ২১৬০৬৩দা হেনগৎলকখ্রে, দিসচার্জ তৌখিবা পেসেনহতশিংগী অপুনবা মশিং ২১১৭২০, এক্তিব ৩৩০০ অমসুং শিখিবশিংগী অপুনবা মশিং ১০৪০। ঙরাং পেসেন্ত অনি লৈখিদ্রে।
• সিক্কিম: সিক্কিমদা, লৈবাকপোকপা নুমিত্তা কোবিদ-১৯গীদমক্তা মীওই ১৯ অমুক পোজিতিবা ওইখ্রে। অপুনবা কেসশিংগী মশিং অদু ৫৮৬৪দা হেনগৎলকখ্রে অমসুং এক্তিব কেস ৫৩৭ লৈরি।
ফেক্ত চেক
*****
(Release ID: 1684960)
Visitor Counter : 198