‘সরকারগী অপুনবা’ অমসুং ‘খুন্নাইগী অপুনবা’ এপ্রোচতা য়ুম্ফম ওইদুনা লেপ্পা লৈতবা, প্রো-এক্তিব অমসুং কান্নবা লালোং অমগা লোইননা ভারতনা ঙসি মালেমগী ওইবা লাইচৎ অসিগী মায়োক্তা মরু ওইবা পন্দুপ অমা লানখ্রে। নুংতিগী থেংনবা অনৌবা কেসশিংনা ঙসি নৌনা হন্থখ্রে।

নুমিৎ ১৮৭নিগী মতুংদা হৌখিবা পুং ২৪ অসিদা লৈবাক্কী লৈরিবা মশিংদা নুংতিগী থেংনবা অনৌবা কেস ১৬,৫০০দগী তানা (১৬,৪৩২) হাপচিনখি। জুন ২৫, ২০২০দা নুংতিগী থেংনবা অনৌবা কেস অসি ১৬,৯২২ ওইখি।

ভারতকী এক্তিব কেসলোদ অসি ঙসি ২,৬৮,৫৮১দা হায়থখ্রে। অপুনবা পোজিতিব কেসশিংদা লৈরিবা এক্তিব কেসকী শরুক অসি মখা তানা হন্থরক্তুনা অপুনবা কেসলোদকী ২.৬৩%দা হন্থখ্রে।

হৌখিবা পুং ২৪দা অপুনবা এক্তিব কেসশিংদা কেস ৮,৭২০ হন্থবগী রেকোর্দ তৌখি।

নাবা ফগৎলকখিবশিংনা হেনগৎলকপা অমদি নুংতিগী থেংনবা কেসশিংনা হন্থরকপগা লোইননা ভারতকী পুন্না ফগৎখিবশিং অসি করোর ১গী ময়া নকশিল্লক্লি। পুন্না ফগৎখিবা কেসশিং ঙসি লাখ ৯৮ (৯৮,০৭,৫৬৯) হেনখ্রে মসিনা নাবা ফগৎলকপগী চাং ৯৫.৯২% ওইহনখি। নাবা ফগৎখিবা কেসশিং অমসুং এক্তিব কেসশিংগী মরক্তা লৈরিবা খেৎনবা অসি মখা তানা হেনগৎলক্লি অমসুং হৌজিক্কী ওইনা ৯৫,৩৮,৯৮৮ ওইখ্রে।

হৌখিবা পুং ২৪দা কেস ২৪,৯০০ ফগৎখি।

নৌনা ফগৎখিবা কেসশিংগী ৭৭.৬৬%দি রাজ্য/য়ু.তি. ১০দগী ওইখি।

ফগৎখিবা কেস ৪,৫০১কা লোইননা নোংমা খক্তদা মহারাস্ত্রনা মশিং খ্বাইদগী য়াম্না ফগৎপগী রিপোর্ত তৌখি। ৪,১৭২ নৌনা ফগৎখিবগা লোইননা কেরেলানা মতুং ইন্নখি। ছত্তিসগরনা নুংতিগী ফগৎখিবা ১,৯০১গী অতোপ্পা রেকোর্দ থম্বা ঙমখি।

অনৌবা কেসশিংগী ৭৮.১৬% রাজ্য অমসুং য়ু.তি. ১০দগী ওইখি।

হৌখিবা পুং ২৪দা নুংতিগী থেংনবা অনৌবা কেস ৩,০৪৭ লৈদুনা কেরেলানা মশিং খ্বাইদগী য়াম্না রিপোর্ত তৌখি। মহারাস্ত্রনা অনৌবা কেস ২,৪৯৮ রেকোর্দ তৌখি অমরোমদা ছত্তিসগরনা ঙরাং অনৌবা কেস ১,১৮৮ রিপোর্ত তৌখি।

হৌখিবা পুং ২৪দা রিপোর্ত তৌরকখিবা শীখিবগী কেস ২৫২ অসিগী ৭৭.৩৮%দি রাজ্য/য়ু.তি. তরাদগী ওইখি।

শীখিবা ৫০ রিপোর্ত তৌরক্তুনা মহারাস্ত্রনা নৌনা শীখিবগী ১৯.৮৪% রিপোর্ত তৌরকখি। শীখিবা ২৭ অমসুং ২৬কা লোইননা মথং শিৎনা ৱেস্ত বেঙ্গল অমসুং ছত্তিসগরনা মতুং ইনখি।

****