প্রধান মন্ত্রী শ্রী নরেন্দ্র মোদীনা বিশ্ব ভারতী য়ুনিভর্সিতী, শান্তিনিকেতনগী চহি চামা মপুং ফাবগী থৌরমদা ঙসি ভিদিও কনফরেন্সকী খুত্থাংদা ৱা ঙাংখ্রে।

থৌরম অসিদা ৱা ঙাংলদুনা প্রধান মন্ত্রীনা হায়খি বিশ্ব ভারতীগী চহি চামাগী খোঙচৎ অসি য়াম্নবা অখন্নবা অমনি অমদি ভারত মচা খুদিংমক্কী চাউথোকচনবগী হিরম অমনি। মহাক্না হায়খি য়ুনিভর্সিতী অসি গুরুদেবনা ইমা ভারতীগীদমক্তা খঞ্জবা, মঙলান অমসুং কন্নবা হোৎনবগী তশেংনা অপুনবা অমনি। গুরুদেবনা থম্লম্বা পান্দমশিং ফংনবা বিশ্ব ভারতী, শ্রীনিকেতন অমসুং শান্তিনিকেতননা লেপ্তনা হোৎনবা অসিদা মহাক্না নুংঙাইবা ফোঙদোকখি।

প্রধান মন্ত্রীনা হায়খি ঐখোয়গী লৈবাক্না মালেম পুম্বদা বিশ্ব ভারতীদগী থোরকপা পাউজেল শন্দোক্লি। মহাক্না মখা তারদুনা হায়খি ঙসি ভারতনা ইন্তরনেস্নেল সোলর এলাইএন্সকী খুত্থাংদা অকোইববু ঙাকশেনবদা মালেমদা মাংজিল থারি। মহাক্না হায়খি পেরিস একোর্দকী অকোইবগী পান্দমশিং ফংনবা অচুম্বা লম্বীদা চৎলিবা অচৌবা লৈবাকশিংগী মরক্তা অমত্তা ঙাইরবা লৈবাক ওইরি।

প্রধান মন্ত্রীনা য়ুনিভর্সিতী অসি লিংখৎহনখিবগী মরমশিং অদু নীংশিংখি। মহাক্না হায় নীংখা তম্বগী ইহৌগী পান্দমশিং অদুগা য়ুনিভর্সিতী অসিগী পান্দমশিং অদু মান্নখি। অদুবু হায়রিবা ইহৌশিং অসিগী য়ুম্ফম অদুদি মতম কয়াগী মমাংদগী থাখ্রবনি। প্রধান মন্ত্রীনা হায়খি ভারতকী নীংখা তম্বগী ইহৌগী থৌনা অসি চহিচা কয়াদগী হৌরকখিবা ইহৌ কয়াদগী ফংখিবনি। ভক্তি ইহৌনা অসিনা ভারতকী পুক্নিং ৱাখল অমদি নাৎকী অমত্তা ওইবা ৱাখল্লোন অদুবু মপাঙ্গল হাপখি। মহাক্না হায়খি ভক্তিগী মতমদা ভারতকী শরুক পুম্নমক্তগী লাইনীংবশিংনা লৈবাক অসিগী নুংগী ওইবা ৱাখল্লোনশিং মাংহনদনা থম্নবা হোৎনখি। মহাক্না মখা তারদুনা হায়খি ভক্তিগী ইহৌ অসিনা অৱাবা খঙলিবা ভারতপু চহিচা কয়া নুংগী ওইবা ৱাখল্লোন পুনশিন্না অমদি থৌনা লৈনা হিংনবগী লম্বী য়াৎখি।

প্রধান মন্ত্রীনা হায়খি শ্রী রামকৃষ্ণ পরমহন্সনা মরম ওইরগা ভারতনা স্বামি বিবেকানন্দ ফংজখিবনি। স্বামি বিবেকানন্দগী ভক্তি, লৌশিং অমসুং কর্মা, অহুম অসি মথানুংদা চেৎনা লৌজখিবনি। শ্রী মোদীনা হায়খি স্বামি বিবেকানন্দনা ইন্দিবিজ্যুএল অমসুং ইন্সতিত্যুসন শেমগৎপদা মীৎয়েং থমদুনা মীপুম খুদিং ইশ্বরগা মরী লৈননা উবা হৌখি অমরোমদনা ভক্তিগী মশিং হেনগৎলকখি অমসুং কর্মাগী মরমদা তাকপীখি। ভারতকী শরুক পুম্নমক্তগী লাকপা ভক্তি ইহৌগী কত্থোক্লবা লাইনীংবশিংনা মপাঙ্গল লৈবা য়ুম্ফম থোল্লমখি।

প্রধান মন্ত্রীনা হায়খি চহি চা কয়াদগী চত্থরকখিবা ভক্তি ইহৌগা লোইননা কর্মগী ইহৌসু চত্থরমখি। প্রধান মন্ত্রীনা ছত্রপতি শিবাজী, মহারানা প্রতাপ, রানী লক্ষ্মীবাই, রানী চেনম্মা, ভগ্বান বিরসা মুন্দা অমসুং অতোপ্পা কয়াগী খুদম কয়া পীখি। ভারতকী মীয়াম্না মীনাই নাইথাং অমসুং শুপনম শাসনকী মায়োক্তা লান্থেংনখি। মহাক্না হায় অখাং কনবশিংনা কর্মাগী হৈশিংলবা খোঙথাংশিং অমসুং অরানবা তৌবা অমসুং ওৎনৈবগী মায়োক্তা মীচম প্রজাশিংনা লৈখিবা অদু অদুক্কী মতিক মতোম লোমলমখি অমসুং মসিনা তুংলমচৎতা ঐখোয়গী নীংখা তম্বগী ইহৌদা অচৌনা ইনোৎ অমা ওইখি।

প্রধান মন্ত্রীনা হায়খি ভক্তি, কর্মা অমসুং জ্ঞানগী ইতিনফম অসিনা নীংখা তম্বগী ইহৌগী নুংগী ওইবা ৱাখল্লোন য়োকখৎখি। মহাক্না হায় লৌশিং লৈহনদুনা নীংখা তম্বগী লান অসি মাই পাক্নবা আইদিওলোজিকেল রিভোলুসন অমা শেম্বা অসি হৌজিক য়াম্না তঙাই ফদে অমসুং মসিগী ইরোইনা ভারতকী মঙাল লৈবা তুংলমচৎ অমগীদমক অনৌবা চারোন অমা শেম্বী শাবীবা তঙাই ফদে। মহাক্না হায়খি মসিদা মমিং লৈরবা এজুকেস্নেল ইন্সতিত্যুসনশিং, য়ুনিভর্সিতীশিংনা য়াম্না চাউবা থৌদাং অমা লৌরি। এজুকেস্নেল ইন্সতিত্যুসনশিং অসিনা ভারতকী নীংখা তম্বগী চংশিল্লিবা আইদিওলোজিকেলগী ওইবা ইহৌ অসিদা অনৌবা থৌনা, অনৌবা মায়োল, অনৌবা থাক ফংহনখি।

প্রধান মন্ত্রীনা হায়খি ভক্তিগী ইহৌনা ঐখোয়বু অমত্তা ওইহনখি, জ্ঞানগী ইহৌনা লৌশিংগী পাঙ্গল হাপখি অমসুং কর্মাগী ইহৌনা ঐখোয়গী হকশিংগীদমক লান্থেংননবা থৌনা হাপখি। মহাক্না হায়খি চহি চা কয়া চত্থখিবা নীংখা তম্বগী ইহৌ অসি কত্থোকপা, চেৎনা নীংজবা অমসুং অরানবা তৌবদা চুমথোকচবগী তোপ-তোপ্পা খুদম অমা ওইহনখি। মসিগী ইহৌশিং অসিনা ইথিল পীদুনা মীওই লিশিং কয়ানা নীংখা তম্বগী ইহৌ অসিদা থৱাই-থাজরগে হায়না চোংথোক্নরকখি।

প্রধান মন্ত্রীনা হায়খি বেদদগী বিবেকানন্দ ফাওবা অসি ভারতকীদমক্তা খঞ্জরিবা গুরুদেবকী লৈবাক নীংবগী ৱাখল্লোনগী মনুং চনখি। মসিগী ৱাখল্লোন অসি অরানবা নত্তে। মসিনা ভারতপু মালেমগী অতোপ্পা লৈবাকশিংদগী তোঙান্না তাহনগদবা নত্তে। ভারতকী অফবশিংদগী মালেমনা কান্নবা ফংবা অমসুং মালেমগী অফবশিংদগীসু ভারতনা কান্নবা লৌবা হায়বসি মহাক্কী মঙলান্নি। ‘বিশ্ব-ভারত্তী’ হায়বা মমিং অসিনা ভারত অমদি মালেমগী মরক্তা লৈনরিবা মরী অদু তাক্লি। বিশ্ব-ভারতীগীদমক্তা গুরুদেবনা খঞ্জরম্বা অসি মরোমদোম লেপচবা ঙম্বা ভারতকী ৱাখল্লোনগা মান্নবনি। মরোমদোম লেপচবা ভারতকী কেম্পেন অসি ভারতনা নুংঙাই-য়াইফদুনা মালেম্বুসু নুংঙাই-য়াইফহন্নবা লম্বীসু ওইরি। কেম্পেন অসি ভারতবু থৌনা হাপ্নবা কেম্পেন অমনি, ভারতকী য়াইফবা পুরক্তুনা মালেমগী য়াইফনবগীদমক্তা চত্থবা কেম্পেন অমনি হায়না শ্রী মোদীনা ফোঙদোকখি।

***