প্রধানমন্ত্রীগী লোইশঙ
য়ু.এস.না পীবা লিজন ওফ মেরিৎ এৱার্দ লৌরদুনা পি.এম. মোদীনা হায়খ্রে, মসি ভারত-য়ু.এস. পার্তনরশিপ্তা য়ানবা হেনগৎলক্লিবা অসিবু মশক খঙবীবনি
Posted On:
22 DEC 2020 8:59PM by PIB Imphal
প্রধান মন্ত্রী শ্রী নরেন্দ্র মোদীনা হায়খ্রে মদুদি য়ু.এস. সরকারনা লিজন ওফ মেরিৎ এৱার্দ পীবীরকপদা চাউথোকচবা পোকই।
ত্বীৎকী সেরিজ অমদা, মহাক্না হায়, “@POTUS @realDonaldTrumpনা লিজন ওফ মেরিৎ এৱার্দ পীবীরকপদা ঐহাক চাউথোকচবা পোকই। মসি ভারত অমসুং য়ু.এস.কী মীয়াম্না লৈবাক অনিগী মরী অসিবু ফগৎনবগীদমক হোৎনরিবশিং অসিবু মশক খঙবীবনি, মসিনা ভারত-য়ু.এস.কী স্ত্রেতেজিক পার্তনরশিপ্তা লৈবাক অনিগী মরক্তা লৈনরিবা নাকল অনিগী ওইবা য়ানবা অদু ফোংদোক্লি।”
২১শুবা চহি চাদা অমুক্তা ওইখিদ্রিবা শিংনবশিংগা লোইননা খুদোংচাবশিংসু লাক্লি। মীওইবা পুম্নমক্কী কান্ননবগীদমক মালেমগী লুচিংবা ফংবা ঙম্ননবা ভারত-য়ু.এস.কী মরীনা ঐখোয়গী মীয়ামগী মপুং ফাবা তৌব-ঙম্বশিং অদুদগী কান্নবা লৌবা য়াই।
ভারতকী মীয়াম করোর ১.৩গী মায়কৈদগী, ঐনা ভারত-য়ু.এস.কী মরী অসিবু হেন্না মপাঙ্গল কলহন্নবা য়ু.এস. সরকার অমসুং লৈবাক অনিগী অতৈ স্তেকহোল্দরশিংগা লোইননা মখা তানা থবক তৌমিন্ননবা ঐখোয়গী সরকারগী অচেৎপা ফিরেপ অদু অমুক্কা হন্না ফোংদোকচরি।
***
(Release ID: 1682837)
Visitor Counter : 107
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam