হকশেল অমসুং য়াইফ-য়ুম্বাল মন্ত্রালয়
এক্তিব কেসলোদ মখা তানা লেপ্তনা হন্থরক্লি; নুমিৎ ১৬১নিগী মতুংদা লাখ ৩.০৩দা হায়থখ্রে
থংন-থংননা হৌখিবা নুমিৎ ২৪দগী নুংতিগী ফগৎলকপশিংনা নুংতিগী নৌনা থেংনবা কেসশিংগী মশিংদগী হেল্লি
Posted On:
21 DEC 2020 12:03PM by PIB Imphal
ভারতকী অপুনবা এক্তিব কেসলোদ অসি ঙসি লাখ ৩.০৩ (৩,০৩,৬৩৯)দা হায়থখ্রে। মসি নুমিৎ ১৬১নিদা খ্বাইদগী তাবা ওইখি। জুলাই ১৩, ২০২০দা অপুনবা এক্তিব কেসশিং অসি ৩,০১,৬০৯ ওইখি।
ভারতকী হৌজিক লৈরিবা এক্তিব কেসলোদ অসি ভারতকী অপুনবা পোজিতিব কেসশিংগী ৩.০২% খক্তা ওইরি। নৌনা নাবা ফগৎখিবশিংনা অপুনবা এক্তিব কেসশিংদা ১,৭০৫ হন্থহনবা ঙমখি।
হৌখিবা নুমিৎ ২৪ অসিদা রেজিস্তর তৌখিবা নুংতিগী থেংনবা কেসশিংনা লৈবাক অসিদা রেকোর্দ তৌখিবা নুংতিগী নৌনা ফগৎলকখিবশিংদগী হেনখি। হৌখিবা পুং ২৪দা নুংতিগী ওইনা থেংনখিবা অনৌবা কেসশিংগী মশিং অসি ২৪,৩৩৭ ওইখি। হৌখিবা পুং ২৪দা কেস ২৫,৭০৯ ফগৎখি অমদি দিসচার্জ তৌখি।
ফগৎলকপশিং হেল্লকপনা নাবা ফগৎবগী চাং অসি ঙসি ৯৫.৫%দা হেনগৎহনবা ঙমখ্রে।
পুন্না ফগৎখিবা কেসশিং অসি ৯,৬০৬,১১১ ওইখি। মসি মালেমগী ওইনা খ্বাইদগী ৱাংবশিংগী মরক্তা অমা ওইরি। ফগৎখিবা কেসশিং অমদি এক্তিব কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি অমসুং হৌজিক্কী ওইনা ৯৩,০২,৪৭২দা লৈরি।
নৌনা ফগৎখিবা কেসশিংগী ৭১.৬১%দি রাজ্য/য়ু.তি. ১০দগী ওইখি।
নৌনা ফগৎখিবা কেস ৪,৪৭১গা লোইননা নোংমা খক্তদা মশিং খ্বাইদগী য়াম্না ফগৎলকপগী কেরেলানা রিপোর্ত তৌরকখি। ৱেস্ত বেঙ্গলদা মীওই ২,৬২৭ ফগৎখি মতুংদা মহারাস্ত্রদা ২,০৬৪ ফগৎখি।
অনৌবা কেসশিংগী ৭৯.২০% অসি রাজ্য অমসুং য়ু.তি. ১০দগী ওইখি।
কেরেলানা নুংতিগী থেংনবা অনৌবা কেসশিং ৫,৭১১ ওইদুনা খ্বাইদগী ৱাংবগী রিপোর্ত তৌরকখি। অনৌবা কেস ৩,৮১১গা লোইননা মহারাস্ত্রনা মতুং ইনখি। ৱেস্ত বেঙ্গলনা অনৌবা কেস ১,৯৭৮ রেকোর্দ তৌখি।
হৌখিবা পুং ২৪দা কেস ৩৩৩ শীখিবগী রিপোর্ত তৌরকখি।
নৌনা শীখিবগী ৮১.৩৮%দি রাজ্য/য়ু.তি. তরাদগী ওইখি। মহারাস্ত্রনা মশিং খ্বাইদগী য়াম্না শীখি (৯৮)। শীখিবা মথং শিৎনা ৪০ অমসুং ৩০গা লোইননা ৱেস্ত বেঙ্গল অমসুং কেরেলানা মতুং ইন্নখি।
ভারতনা মালেমগী ওইনা মীশিং মিলিয়ন অমদা শীখিবা অসি খ্বাইদগী তাবা ওইখি (১০৫.৭)।
তার্গেৎ তেস্তিং, ঙন্না খঙদোকপা, মতম চানা আইসোলেসন তৌবা অমসুং খুদক্তা হোস্পিতালদা পুখৎপা অমসুং স্তেন্দর্দ ত্রীৎমেন্ত প্রোতোকলন য়াওনা অহেনবা মীৎয়েং চংলিবা খোঙথাংশিং অসিনা মরম ওইরগা নুংতিগী শীবগী মশিং অসি ৪০০গী মখাদা লৈহনবা ঙমখ্রে।
****
(Release ID: 1682570)
Visitor Counter : 152
Read this release in:
Tamil
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam