କରୋନା ମହାମାରୀ ବିରୋଧୀ ଲଢେଇରେ ଭାରତ ଆଜି ଏକ ଉଲ୍ଲେଖନୀୟ ସଫଳତା ହାସଲ କରିଛି । ଭାରତର ସମୁଦାୟ ଆରୋଗ୍ୟ ସଂଖ୍ୟାରେ ବୃଦ୍ଧିର ଧାରା ଜାରି ରହିଛି । ଦେଶର ସମୁଦାୟ ଆରୋଗ୍ୟ ମାମଲା 95 ଲକ୍ଷ (95,20,827) ଟପିଛି ।

ସକ୍ରିୟ ମାମଲା ଏବଂ ଆରୋଗ୍ୟ ମାମଲାଗୁଡ଼ିକ ମଧ୍ୟରେ ବ୍ୟବଧାନ କ୍ରମାଗତ ଭାବରେ ବୃଦ୍ଧି ପାଉଛି ।  ଆରୋଗ୍ୟ ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ 92 ଲକ୍ଷରୁ ଅଧିକ (92,06,996)କୁ ଅତିକ୍ରମ କରିଛି । ଆରୋଗ୍ୟ ହାର ମଧ୍ୟ 95.40%କୁ ବୃଦ୍ଧି ପାଇଛି । ବିଶ୍ୱରେ ସର୍ବାଧିକ ଆରୋଗ୍ୟ ହାର ଥିବା ଶୀର୍ଷ ଦେଶମାନଙ୍କ ମଧ୍ୟରୁ ଭାରତ ଅନ୍ୟତମ ।

ସମୁଦାୟ ଆରୋଗ୍ୟ ଲ ମାମଲା ସକ୍ରିୟ ମାମଲାଠାରୁ 30 ଗୁଣରୁ ଅଧିକ ଅଟେ । ଭାରତରେ ବର୍ତ୍ତମାନ ଥିବା 3,13,831 ସକ୍ରିୟ ମାମଲା ମୋଟ ସକ୍ରିୟ ମାମଲାର ମାତ୍ର 3.14% ।

ଦୈନିକ ନୂତନ ମାମଲା ତୁଳନାରେ ଆରୋଗ୍ୟ ସଂଖ୍ୟା ବୃଦ୍ଧି ପାଉଥିବାରୁ ମୋଟ ସକ୍ରିୟ ମାମଲା କ୍ରମାଗତ ଭାବେ ହ୍ରାସ ପାଇବାରେ ଲାଗିଛି । ଗତ 24 ଘଣ୍ଟା ମଧ୍ୟରେ, ଭାରତରେ କେବଳ 22,890 ଜଣ କୋଭିଡ ସଂକ୍ରମିତ ପଞ୍ଜୀକୃତ ହୋଇଥିବା ଜଣାପଡିଛି । ଏହି ଅବଧି ମଧ୍ୟରେ, ଭାରତର 31,087 ଜଣ ଆରୋଗ୍ୟ ଲାଭ କରିଛନ୍ତି ।

ଗତ 21 ଦିନ ଧରି କ୍ରମାଗତ ନୂତନ ଆରୋଗ୍ୟ ସଂଖ୍ୟା ନୂତନ ସଂକ୍ରମିତ ମାମଲାକୁ ଅତିକ୍ରମ କରିଛି ।

ଦେଶରେ ମୋଟ ଆରୋଗ୍ୟ ମାମଲାର ପ୍ରାୟ 52% (51.76%) ପାଞ୍ଚଟି ରାଜ୍ୟରୁ ଥିବା ଜଣାପଡିଛି ।

ନୂତନ ଆରୋଗ୍ୟ ମାମଲାଗୁଡ଼ିକର 75.46 ପ୍ରତିଶତ 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି ।

ଗୋଟିଏ ଦିନରେ 4,970 ନୂତନ ଆରୋଗ୍ୟ ମାମଲା ସହିତ କେରଳ ସବୁଠାରୁ ଆଗରେ ରହିଛି । ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ 4,358 ଲୋକ ଆରୋଗ୍ୟ ଲାଭ କରିଛନ୍ତି । ସେହିପରି ପଶ୍ଚିମବଙ୍ଗରୁ ମଧ୍ୟ 2,747 ରୋଗୀ ଆରୋଗ୍ୟ ଲାଭ କରିଛନ୍ତି ।

ନୂତନ ମାମଲାଗୁଡ଼ିକର 76.43 ପ୍ରତିଶତ 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି ।

କେରଳର ସର୍ବାଧିକ ଦୈନିକ ନୂତନ ମାମଲା 4,969 ବୋଲି ଜଣାଯାଇଛି । ଏହା ପଛକୁ ପଶ୍ଚିମବଙ୍ଗ ଏବଂ ଛତିଶଗଡରେ ଯଥାକ୍ରମେ 2,245 ଏବଂ 1,584 ନୂତନ ମାମଲା ରହିଛି ।

ଗତ 24 ଘଣ୍ଟା ମଧ୍ୟରେ 338 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।

ଦଶଟି ରାଜ୍ୟ ଓ କେନ୍ଦ୍ରଶାସିତ  ଅଞ୍ଚଳର  ନୂତନ ମୃତ୍ୟୁ ହାର 75.15 ପ୍ରତିଶତ ଯେଉଁଥିରୁ   ମହାରାଷ୍ଟ୍ରରୁ ସର୍ବାଧିକ 65 ଜଣ ଅଛନ୍ତି । ସେହିପରି ପଶ୍ଚିମବଙ୍ଗ ଏବଂ ଦିଲ୍ଲୀରୁ ଦୈନିକ ମୃତ୍ୟୁ ସଂଖ୍ୟା ଯଥାକ୍ରମେ 44 ଏବଂ 35 ଜଣ ରହିଛନ୍ତି ।  

ଭାରତର ଦୈନିକ ମୃତ୍ୟୁ ହାର କ୍ରମାଗତ ଭାବେ ହ୍ରାସ ପାଉଛି । ଗତ 13 ଦିନ ମଧ୍ୟରେ ଦୈନିକ ମୃତ୍ୟୁ ସଂଖ୍ୟା 500ରୁ କମ ଥିବା ପଞ୍ଜିକୃତ ହୋଇଛି ।

**********