ঙসি ভারতনা মালেমগী ওইবা লাইচৎ অসিগী লান্থেংনবদা অচৌবা মাই পাকপা অমগী রেজিস্তর তৌবা ঙমখ্রে। ভারতকী অপুনবা নাবা ফগৎলকপদা চাউনা হেনগৎলকপগী হৌজিক ওইরিবা মওং অসিদা মখা তানা চংশিল্লি। লৈবাক অসিগী অপুনবা নাবা ফগৎখিবা কেসশিং অসি লাখ ৯৫ (৯৫,২০,৮২৭) য়ৌবগী মরু ওইবা তানফম অমা লানখ্রে।

এক্তিব কেসশিং অমসুং নাবা ফগৎলকপা কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি। নাবা ফগৎলকপনা এক্তিব কেসশিংদগী লাখ ৯২ (৯২,০৬,৯৯৬)গী মথক্তা হেনখ্রে। নাবা ফগৎলকপগী চাংসু ৯৫.৪০%দা হেনগৎখ্রে। মালেমগী ওইনা নাবা ফগৎলকপগী চাং খ্বাইদগী ৱাংবা মকোক থংবা লৈবাকশিংদা ভারতসু অমা ওইরি।

অপুনবা ফগৎখিবা কেসশিংনা এক্তিব কেসশিংগী মশিংদগী শরুক ৩০গী মথক্তা হেনখ্রে। ভারতকী হৌজিক ওইরিবা এক্তিব কেসলোদ ৩,১৩,৮৩১ অসিদা ভারতকী অউনবা পোজিতিব কেসশিংগী ৩.১৪% খক্তা ওইরি।

নোংমদা নৌনা ফগৎখিবনা অনৌবা কেসশিংদগী মশিং হেনগৎলকপনা অপুনবা নাবা ফগৎখিবদা হেনগৎলকপগা লোইননা এক্তিব কেসশিং লেপ্তনা হন্থরকপা ঙমহনখি। হৌখিবা পুং ২৪দা ভারত্তা মীওই ২২,৮৯০ খক্তা কোবিন্না নাবা ধেংনখি। হায়রিবা মতম অসিদা ভারত্তা নৌবা ফগৎখিবা ৩১,০৮৭ রেজিস্তর তৌকি।

হৌখিবা নুমিৎ ২১নি অসিদা নৌনা ফগৎখিবশিংনা অনৌবা কেসশিংদগী মখা তানা হেনগৎলকখি।

লৈবাক অসিগী পুন্না ফগৎখিবা কেসশিংগী ৫২% (৫১.৭৬%)কী ময়াদি রাজ্য মঙাদগী ওইখি।

নৌনা ফগৎখিবা কেসশিংগী ৭৫.৪৬% অসি রাজ্য/য়ু.তি. ১০দগী ওইবা উবা ফংখি।

নৌনা ফগৎলকপা কেস ৪,৯৭০ ওইবগা লোইননা কেরেলানা নোংমা খক্তদা মশিং খ্বাইদগী য়াম্না ফগৎলকপগী রিপোর্ত তৌখি। হৌখিবা পুং ২৪দা মহারাস্ত্রদা মীওই ৪,৩৫৮ ফগৎখি মতুংদা ৱেস্ত বেঙ্গলদা ২,৭৪৭ ফগৎখি।

অনৌবা কেসশিংগী ৭৬.৪৩%দি রাজ্য অমসুং য়ু.তি. ১০দগী ওইখি।

কেরেলানা মখা তানা নোংমদা থেংনবা কেস ৪,৯৬৯ ওইদুনা খ্বাইদগী ৱাংনা রিপোর্ত তৌরকখি। ৱেস্ত বেঙ্গল অমসুং ছত্তিসগরনা মথং শিৎনবা অনৌবা কেস ২,২৪৫ অমসুং ১,৫৮৪ ওইদুনা মতুং ইন্নখি।

হৌখিবা পুং ২৪দা কেস ৩৩৮ শীখিবগী রিপোর্ত তৌখি।

নৌনা শীখিবগী ৭৫.১৫% অসি রাজ্য/য়ু.তি. তরাদগী ওইখি। মহারাস্ত্রনা মশিং খ্বাইদগী য়াম্না শীখি (৬৫)। ৱেস্ত বেঙ্গল অমসুং দিল্লীদা মথং শিৎনবা ৪৪ অমসুং ৩৫ শীদুনা মতুং ইনখি।

ভারত্তা নোংমদা শীখিবশিং অসি চাউনা হন্থরকখ্রে। হৌখিবা নুমিৎ ১৩নি অসিদা নোংমদা শীখিবা অসি ৫০০দগী তানা রেজিস্তর তৌখি।

****