য়ুনিয়ন সরকারনা স্তেত সরকারশিং অমসুং য়ু.তি.শিংগা লোয়ননা লৌখৎলিবা লাল্লোং অমসুং লৌখৎলিবা চেকশিন থৌরাং অসিনা ভারতনা অনাবা ফগৎলকপগী চাং অসি য়াম্না ৱাংনা লেঙদনা লৈবগা লোয়ননা এক্তিব কেসশিং অসিশু য়াম্না থুনা হন্থহল্লি অমসুং অশিবগী চাং অসিশু নেম্না লৈরি।

নুমিৎ খুদিংগী ওইনা অনৌবা লাকপা কেসশিং অসিদগী নৌনা ফগৎলকপা অসিগী মশীংনা হেন্দুনা অনাবশিংগী মনুংদা ফগৎলকপগী চাং ৱাংনা লৈরি। অপুনবা অনাবা ফগৎলকপগী কেস অসি লাখ ৯৫ (৯৪,৮৯,৭৪০)দা লৈরি। ঙসিগী ওইনা অনাবা ফগৎলকপগী চাং অসি ৯৫.৩১% ওইরি। অনাবা ফগৎলকপা অমসুং এক্তিব কেস অনিগী খেন্নবা অসি লেপ্পা লৈতনা হেনগৎলকপনা হৌজিক্কী ওইনা ৯১,৬৭,৩৭৪দা লৈরি।

লেপ্পা লৈতনা অনাবা ফগৎলকপগী চাং অসি অসুম হেনগৎলকপনা ইন্দিয়াগী এক্তিব কেসলোদ অসি হেনগৎলক্লি। মসিনা ইন্দিয়াগী হৌজিক ওইরিবা এক্তিব কেসলোদ অসি ৩,২২,৩৬৬ ওইদুনা ইন্দিয়াগী অপুনবা পোজিতিব কেস অসি ৩.২৪% খক্তা ওইরি।

ইন্দিয়াগী অনাবা ফগৎলকপগী চাং অসি মালেমগী ওইনা খ্বাইদগী ৱাংনা লৈরি। মসিদা মালেমগা অনাবা ফগৎলকপগী চাং অসি ৭০.২৭% ওইবদা ইন্দিয়াগী ওইনা ৯৫.৩১%গী পাউদম লৈরি। য়ু.এস.এ., ব্রাজিল, রুসিয়া অমসুং ইতালি অসিদা অনাবা ফগৎলকপগী চাং অসি নেম্না লৈরি।

লৈবাক অসিনা ফংলিবা অসিদা স্তেতশিং/য়ু.তি.শিং ১৮দি অনাবা ফগৎলকপগী চাং অসি লৈবাক্কী ওইবা চাং অসিদগী হেল্লি।

পুং ২৪দা ইন্দিয়ানা অনাবা ফগৎলকপা ৩৩,২৯১ রেজিস্তর তৌরি।

অনাবা ফগৎলকপগী চাং ৭৫.৬৩% অমদি স্তেতশিং অমসুং য়ু.তি.শিং ১০দগীনি।

মীওই ৫,৭৩৮ কোবিদতগী অনাবা ফগৎলক্তুনা কেরলানা অনাবা ফগৎলকপদা খ্বাইদগী য়াম্বা মশীং ওইরি। মহারাস্ত্রানা অতোপ্পা ৩,৮৮৭ নুমিৎ খুদিংগী রেজিস্তর তৌরি অমদি ৱেস্ত বেঙ্গালনা অনৌবা অনাবা ফগৎলকপা ২,৭৬৭ রেজিস্তর তৌরি।

পুং ২৪ অসিগী মনুংদা নুমিৎ খুদিংগী অনৌবা কেস ২৪,০১০ রেজিস্তর তৌরি।

স্তেতশিং অমসুং য়ু.তি.শিং ১০না অনৌবা কেস ৭৮.২৭% পীরি।

কেরলানা পুং ২৪দা কেস ৬,১৮৫গী পাউদম লৈরি। ৱেস্ত বেঙ্গালদা অনৌবা কেস ২,২৯৩গী রিপোর্ত লৈরি অমসুং ছত্তিসগরদা ঙরাং অনৌবা কেস ১,৬৬১গী পাউদম লৈরি।

পুং ২৪ অসিগী মনুংদা স্তেতশিং/য়ু.তি.শিং ১০ অসিদা মীওই ৩৫৫গী অশিবগী কেস রিপোর্ত ফংদুনা চাং অসি ৭৯.১৫% ওইরি।

নৌনা শিবা ২৬.৭৬%গী রিপোর্ত অসি মহারাস্ত্রাদগী ফংদুনা অশিবা ৯৫গী রিপোর্ত লৈরি। ৱেস্ত বেঙ্গালদা অশিবা মশিং ৪৬ অমসুং দিল্লীদা ৩২ নৌনা শিবগী পাউদম লৈরি।

ইন্দিয়াদা নুমিৎ খুদিংদী শিবগী রিজিস্তর তৌবা হন্থরক্লি। অশিবগী কেস অসি লেঙদনা ১.৪৫%দা হন্থরক্লি। ইন্দিয়াগী অশিবগী চাং অসি মালেমগী ওইনা খ্বাইদগী নেম্বা ওইরি।

****