ভারতকী অপুনবা এক্তিব কেসশিং হন্থরকপগী হৌজিক ওইরিবা মওং অসি মখা চত্থরক্লি। লৈবাক অসিগী এক্তিব কেসলোদ ৩,৩২,০০২ ওইরি। অপুনবা পোজিতিব কেসশিংদা লৈরিবা এক্তিব কেসশিংগী মশিং অসি মখা তানা হন্থরক্তুনা ৩.৩৪% ওইখ্রে।

হৌখিবা পুং ২৪ অসিদা ভারত্তা মীওই ২৬,৩৮২ খক্তা কোবিদনা নাবা থেংনখি। হায়রিবা মতম অসিদা ভারত্তা নৌনা নাবা ফগৎলকখিবা ৩৩,৮১৩সু রেজিস্তর তৌদুনা এক্তিব কেসলোদকী অপুনবা কেসতা ৭,৮১৮ হন্থহনবা ঙমখি।

হৌখিবা নুমিৎ ১৭নি অসিদগী নোংমদা থেংনবা কেস লিশিং ৪০দগী তানা ভারতনা রিপোর্ত তৌরকখি।

হৌখিবা নুমিৎ ৭নি অসিদা ভারতকী অনৌবা কেসশিংগী পর মিলিয়ন পোপুলেসন অসি মালেমগী ওইনা খ্বাইদগী তাবা ওইখি (১৪৭)।

পুন্না নাবা ফগৎখিবশিং অসি লাখ ৯৪.৫ হেনখ্রে (৯,৪৫৬,৪৪৯)। নাবা ফগৎলকপগী চাং অসিসু ৯৫.২১%দা হেনগৎখ্রে।

নৌনা নাবা ফগৎলকখিবা কেসশিংগী ৭৬.৪৩%দি রাজ্য/য়ু.তি. ১০দগী ওইখি।

নৌনা কেস ৫,০৬৬ নাবা ফগৎখিবগা লোইননা কেরেলানা নোংমা খক্তদা নাবা ফগৎখিবগী মশিং খ্বাইদগী য়ামখি। হৌখিবা পুং ২৪দা মহারাস্ত্রদা মীওই ৪,৩৯৫ ফগৎখি অমদি ৱেস্ত বেঙ্গলদা ২,৯৬৫ ফগৎতুনা মতুং ইনখি।

অনৌবা কেসশিংগী ৭৫.৮৪%দি রাজ্য অমসুং য়ু.তি. ১০দগী ওইখি।

কেরেলানা মখা তানা নোংমদা থেংনবা অনৌবা কেসশিংগী মশিং খ্বাইদগী য়াম্না রিপোর্ত তৌরকখি। মতুংদা অনৌবা কেস মথং শিৎনা ৩,৪৪২ অমদি ২,২৮৯ ইদুনা ৱেস্ত বেঙ্গল অমদি মহারাস্ত্রনা মতুং ইনখি।

হৌখিবা পুং ২৪দা কেস ৩৮৭ শীখিবী রিপোর্ত তৌরকখি।

নৌনা শীখিবগী ৭৫.১৯%দি রাজ্য/য়ু.তি. তরাদগী ওইখি। মহারাস্ত্রনা মশিং খ্বাইদগী য়াম্না শীখি (৭০)। ৱেস্ত বেঙ্গল অমদি দিল্লীনা মথং শিৎনা ৪৫ অমদি ৪৬ ওইদুনা মতুং ইনখি।

ভারতকী নোংমদা শীখিবগী মশিং অসি লেপ্তনা হন্থরক্লি। হৌখিবা নুমিৎ ১১নি অসিদা নোংমদা শীবা অসি ৫০০দগী তানা রেজিস্তর তৌখি।

হৌখিবা নুমিৎ ৭নি অসিদা (২) ভারতকী নৌনা শীখিবগী পর মিলিয়ন পোপুলেসন অসি মালেমগী ওইনা খ্বাইদগী তাবা ওইখি।

****