نئی دہلی ، 07؍دسمبر:ہندوستان نے آج ایک اہم سنگ میل کو عبورکیا۔ ہندوستان میں کووڈ کے فعال معاملوں کی تعدا د آج 4لاکھ سے گھٹ کر 396729 ہوگئی ۔ یہ تعداد کووڈ کے کل معاملات کا محض4.1فیصد ہے ۔ 140دنوں کے بعد یہ تعداد سب سے کم ہے ۔ 20جولائی،2020کوکل فعال معاملات کی تعداد 390459تھی ۔

گذشتہ 10دنوں کے رجحان کو برقرارکھتے ہوئے گذشتہ 24گھنٹے کے دوران ہندوستان میں یومیہ صحتیاب ہوئے مریضوں کی تعدادیومیہ نئے معاملات سے زیادہ ہے ۔

گذشتہ 24گھنٹے کے دوران ملک میں 32981کووڈ کے نئے معاملات سامنے آئے ہیں جب کہ 39109نئے افراد کووڈ سے صحتیاب ہوئے ہیں ۔ اس طرح نئے صحتیاب ہوئے  معاملوں اور نئے معاملوں کے درمیان 6128کے فرق نے گذشتہ 24گھنٹے کے درمیان کل فعال معاملات سے مجموعی طورپر 6519معاملات کی کمی واقع ہوئی ۔

گذشتہ 7دنوں کے دوران ہندوستان میں فی ملین آبادی کووڈ کے نئے معاملات دنیامیں سب سے کم میں سے ایک ہے ۔ گذشتہ 7دنوں کے دوران یہ تعداد 182ہے ۔

ہندوستان میں فی 10لاکھ آبادی  کووڈ کے معاملات کی تعداد تاریخی  طورپر کم رہی ہے ۔ ہندوستان میں فی دس لاکھ آبادی کو وڈ کے معاملات 6988ہیں جب کہ عالمی اوسط 8438ہے ۔

صحتیاب ہونے کے نئے معاملوں اورنئے فعال معاملوں کے درمیان جو فرق اس میں بہتری آئی ہے اور صحتیابی کی شرح بہترہوکر94.45فیصد ہوگئی ہے ۔

صحتیاب ہونے والے کل معاملے فی الحال 9139901ہیں ۔ صحتیاب ہونے والے معاملوں اورفعال معاملوں کے درمیان فرق آج بڑھ کر 87لاکھ (8743172)ہوگیا۔

صحت یاب ہونے والے نئے معاملوں میں سے 81.20 فیصد معاملے 10ریاستوں /مرکز کے زیرانتظام علاقوں کے ہیں ۔

 مہاراشٹرمیں ایک دن میں سب سے زیادہ 7486نئے مریض صحتیاب ہوئے ہیں ۔ اس کے بعد کیرالہ میں ایک دن میں سب سے زیادہ 5217مریض صحت یاب ہوئے ہیں ۔ جب کہ دہلی میں صحتیاب ہونے والوں کی تعداد 4622درج کی گئی ہے ۔

نئے معاملوں میں 76.20فیصد معاملے 10ریاستوں اور مرکز کے زیرانتظام علاقوں کے ہیں ۔

کیرالہ میں روزانہ سب سے زیادہ نئے معاملوں کی تعداد 4777درج کی گئی ہے ۔ اس کے بعد مہاراشٹرسے ایک دن میں 4757نئے معاملات درج کئے گئےہیں  ۔ جب کہ مغربی بنگال سے 3143نئے معاملات درج کئے گئے ہیں ۔

پچھلے 24گھنٹوں کے دوران 391مریضوں کے اموات کی اطلاع ملی ہے ۔10ریاستوں اور مرکز کے زیرانتظام علاقوں میں نئے مریضوں کی اموات کی شرح 75.07فیصد درج کی گئی ہے ۔ دہلی میں سب سے زیادہ ہلاکتیں (69)ہوئی ہیں ۔مغربی بنگال اورمہاراشٹرمیں بالترتیب 46اور40اموات ہوئی ہیں ۔

پچھلے ہفتے کے دوران فی 10لاکھ آبادی روزارنہ رجسٹراموات کا موازنہ عالمی سطح پرکیاگیاتو ہندوستان میں یہ سب سے کم یعنی فی دس لاکھ  آبادی محض 3اموات واقع ہوئی ہیں ۔

یہاں تک کہ مجموعی بنیاد پر جدول بنایاگیا تو ہندوستان دنیا کے ان ملکوں میں سے ایک ہے  جہاں فی دس لاکھ آبادی اموات سب سے کم (101)ہیں ۔

***************

 (م ن ۔م ع ۔ع آ )

U-7871