ಪ್ರಧಾನ ಮಂತ್ರಿಯವರ ಕಛೇರಿ

ಡಿಸೆಂಬರ್ 4ರಂದು ಐಐಟಿ 2020 ಜಾಗತಿಕ ಶೃಂಗಸಭೆ ಉದ್ದೇಶಿಸಿ ಪ್ರಧಾನ ಭಾಷಣ ಮಾಡಲಿರುವ ಪ್ರಧಾನಮಂತ್ರಿ ನರೇಂದ್ರ ಮೋದಿ

ಪ್ರಕಟಣಾ ದಿನಾಂಕ: 03 DEC 2020 9:54PM by PIB Bengaluru

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು 2020ರ ಡಿಸೆಂಬರ್ 4ರಂದು ರಾತ್ರಿ 9.30ಕ್ಕೆ ಪ್ಯಾನ್ ಐಐಟಿ ಯುಎಸ್.ಎ. ಆಯೋಜಿಸಿರುವ ಐಐಟಿ-2020 ಜಾಗತಿಕ ಶೃಂಗಸಭೆ ಉದ್ದೇಶಿಸಿ ಪ್ರಧಾನ ಭಾಷಣ ಮಾಡಲಿದ್ದಾರೆ.

ಈ ವರ್ಷದ ಶೃಂಗಸಭೆಯ ಧ್ಯೇಯವಾಕ್ಯ ‘ಭವಿಷ್ಯ ಈಗಿದೆ’ಎಂಬುದಾಗಿದೆ. ಶೃಂಗಸಭೆ ಜಾಗತಿಕ ಆರ್ಥಿಕತೆ, ನಾವಿನ್ಯತೆ, ಆರೋಗ್ಯ, ಜನವಸತಿಗಳ ಸಂರಕ್ಷಣೆ ಮತ್ತು ಸಾರ್ವತ್ರಿಕ ಶಿಕ್ಷಣದ ಬಗ್ಗೆ ಗಮನ ಹರಿಸಲಿದೆ.

ಪ್ಯಾನ್ಐಐಟಿ, ಯುಎಸ್.ಎ., 20 ವರ್ಷಗಳ ಹಳೆಯ ಸಂಸ್ಥೆಯಾಗಿದೆ. 2003ರಿಂದ ಪ್ಯಾನ್ ಐಐಟಿ ಯುಎಸ್ಎ ಈ ಸಮಾವೇಶ ಆಯೋಜಿಸುತ್ತಿದ್ದು, ಕೈಗಾರಿಕೆ, ಶೈಕ್ಷಣಿಕ ಮತ್ತು ಸರ್ಕಾರ ಸೇರಿದಂತೆ ವಿವಿಧ ಕ್ಷೇತ್ರಗಳ ವಾಗ್ಮಿಗಳನ್ನು ಆಹ್ವಾನಿಸುತ್ತದೆ. ಪ್ಯಾನ್ಐಐಟಿ ಯುಎಸ್ಎ ಐಐಟಿ ಹಿರಿಯ ವಿದ್ಯಾರ್ಥಿಗಳ ತಂಡದ ಸ್ವಯಂಸೇವಕರಿಂದ ನಡೆಸಲ್ಪಡುತ್ತಿದೆ.

***


(ಪ್ರಕಟಣೆ ಐ.ಡಿ.: 1678216) ವಿಸಿಟರ್ ಕೌಂಟರ್ : 196
ಪ್ರಕಟಣೆಯನ್ನು ಇದರಲ್ಲಿ ಓದಿ: Assamese , English , Urdu , Marathi , हिन्दी , Bengali , Manipuri , Punjabi , Gujarati , Odia , Tamil , Telugu , Malayalam