(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত্তা হৌখিবা পুং ২৪ অসিগী মনুংদা ভারতনা ৪০,৭২৬ নৌনা ফগৎলকপা রেজিস্তর তৌখি
• মতম অসিগী মনুংদা মীওই ৩৫,৫৫১ কোবিদনা নাবা থেংনখি মসিনা এক্তিব কেস ৫,৭০১দা হন্থহনখি
• নাবা ফগৎলকপগী চাং অসি ৯৪.১১% য়ৌরে
• হৌখিবা পুং ২৪দা শীখিবা ৫২৬কী রিপোর্ত তৌরকখি

নুংতিগী ফগৎলকপশিংনা নুংতিগী থেংনবা অনৌবা কেসশিংদগী মশিং হেল্লকপনা এক্তিব কেসলোদতা তপ্না তপ্না হন্থরকপা ঙমখ্রে, এক্তিব কেসলোদনা অপুনবা কেসশিংগী ৪.৫%গী মখাদা লৈখ্রে

হৌখিবা পুং ২৪ অসিদা ভারতনা নুংতিগী ফগৎলকপনা নুংতিগী থেংনবা অনৌবা কেসশিংদগী হেন্না রিপপর্ত তৌরকখি। অমরোমদা ভারত্তা মীওই ৩৫,৫৫১ কোবিদনা নাবা থেংনখি, হায়রিবা মতম অসিগী মনুংদা ভারত্তা ৪০,৭২৬ নৌনা ফগৎলকপা রেজিস্তর তৌখি। মসিনা হৌখিবা পুং ২৪দা অপুনবা কেসলোদতগী কেস ৫,৭০১ হন্থহনখি। হৌখিবা নুমিৎ ৬নি অসিদা নৌনা ফগৎলকপশিংনা নুংতিগী থেংনবা অনৌবা কেসশিংদগী লেপ্তনা হেল্লক্লি। ভারতকী এক্তিব কেসলোদ অসি ঙসি ৪.৫%গী মখাদা লৈখ্রে। নুংতিগী ফগৎলকপনা নুংতিগী থেংনবা কেসশিংদগী মশিং য়াম্বা অসিনা ভারতকী এক্তিব কেসলোদতা লেপ্তনা হন্থহল্লি। মসিনা হৌজিক ভারতকী এক্তিব কেসলোদ ৪,২২,৯৪৩ ওইদুনা ভারতকী অপুনবা পোজিতিব কেসশিংগী ৪.৪৪% খক্তা ওইরি। নৌনা ফগৎলকপশিংনা নুংতিগী নৌনা থেংনবা কেসশিংদগী মশিং হেনগৎলক্তুনা ঙসি নাবা ফগৎলকপগী চাং অসি ৯৪.১১% য়ৌরে। পুন্না ফগৎলকখিবা ৮৯,৭৩,৩৭৩ শুখ্রে। ফগৎলকখ্রবা কেসশিং অমসুং এক্তিব কেসশিংগী মরক্তা লৈবা খেৎনবা অসি তপ্না-তপ্না হেনগৎলক্তুনা হৌজিক ৮৫,৫০,৪৩০ ওইরি। নৌনা ফগৎলকখিবা কেসশিংগী ৭৭.৬৪%দি রাজ্য/য়ু.তি. তরাদগী ওইখি। কোবিদতগী মীওই ৫,৯২৪ ফগৎলকপগা লোইননা কেরেলানা ফগৎলকপগী মশিং খ্বাইদগী য়াম্না রেকোর্দ তৌখি। দিল্লীদা অতোপ্পা নুংতিগী ফগৎলকপা ৫,৩২৯ রেজিস্তর তৌখি অমরোমদা মহারাস্ত্রদা নৌনা ৩,৭৯৬ ফগৎলকখি। অনৌবা কেসশিংগী ৭৫.৫%দি রাজ্য/য়ু.তি. তরাদগী ওইখি। হৌখিবা পুং ২৪দা কেরেলাদা কেস ৬,৩১৬ রিপোর্ত তৌরকখি। দিল্লীদা কেস ৩,৯৪৪ রেকোর্দ তৌখি অমরোমদা ঙরাং মহারাস্ত্রদা অনৌবা কেস ৩,৩৫০ রেজিস্তর তৌখি। হৌখিবা পুং ২৪দা শীখিবা ৫২৬কী ৭৯.২৮%দি রাজ্য/য়ু.তি. তরাদগী রিপোর্ত তৌরকখি। শীখিবা ১১১গা লোইননা মহারাস্ত্রদগী নৌনা শীখিবগী ২১.১০% রিপোর্ত তৌরকখি। দিল্লীদা শীখিবা ৮২ শুখি অমরোমদা ৱেস্ত বেঙ্গলদা নৌনা শীখিবা ৫১ রিপোর্ত তৌরকখি।

অকুপ্পা ৱারোলগীদমক:

মালেমগী মীমান্নদ্রবা মীওইশিংগী নুমিত্তা পীবা পি.এম.গী পাউজেল

মালেমগী মীমান্নদ্রবা মীওইশিংগী নুমিত্তা প্রধান মন্ত্রী নরেন্দ্র মোদীনা হায়খি, “চহী অসিগী য়ুনাইতেদ নেসন্সকী হীরম ওইরিবা “অমুক হন্না অফবা মওংদা শেমগৎপা: মীমান্নদ্রবাশিং য়াওরবা, খুদোংচাবা ফংবা য়াবা অমদি তুং কোইগদবা কোবিদ-১৯ মতুংগী মালেমগী মায়কৈদা” হায়বসিগা চাননা ঐখোয়গী মীমান্নদ্রবা ইচিল ইনাউশিংদা খুদোংচাবা ফংহন্নবা অমদি মখোয়গী এসেসিবিলিতী ফগৎহন্নবা ঐখোয় পুন্না মখা তানা হোৎনমিন্নখিসি‍। অখাঙ কনবা অমদি মপাঙ্গল কল্লবা মীমান্নদ্রবা মীওইশিংনা ঐখোয়গী পুক্নিং থৌগৎলি‍। এসেসিবল ইন্দিয়া থৌরাংগী মখাদা ঐখোয়গী মীমান্নদ্রবা ইচিল ইনাউশিংগী পুন্সিদা অফবা অহোংবা অমা ফংহন্নবগীদমক য়াম্লবা থৌরাং কয়া লৌখৎখ্রে”‍।

অকুপ্পা ৱারোলগীদমক:

উপ রাস্ত্রপতিনা নহারোলশিংদা মপাঙ্গল কনবা, মরোমদোম লেপচবা ঙমবা অমদি পুম্নমক কোনশিনবা ভারত অমা শেমগৎনবগীদমক দোক্তর কলামগী মতৌ তমজনবা ৱাফম থমখ্রে

উপ রাস্ত্রপতি শ্রী এম. ভেঙ্কয়া নাইদুনা নহারোলশিংদা হান্নগী রাস্ত্রপতি দোক্তর এ.পি.জে. অব্দুল কলামগী মতৌ তমদুনা মপাঙ্গল কনবা, মরোমদোম লেপচবা ঙমবা অমদি পুম্নমক কোনশিনবা ভারত অমা শেমগৎনবগীদমক থবক পায়খৎনবা ৱাফম থমখ্রে‍। ভারতকী মীয়ামগী য়াম্লবা শরুক অমদা চৈথেং পীরিবা তোঙান তোঙানবা শেন্মিৎলোন অমদি খুন্নাইগী শিংনবশিংগী পাম্বৈ পুথোক্নবগীদমক নহাশিংনা দোক্তর কলামগুম্না হান্না লৈনরিবা ৱাখল্লোনগী ৱাংমদা ৱাখল খন্দুনা তোক্নোলোজী শীজিন্নগদবনি‍। দোক্তর সিবথানু পিল্লাইনা ইবা ‘অব্দুল কলামগা লোয়ননা চহী ৪০ – লিথোকখিদ্রিবা ৱারীশিং’ হায়না মিংথোনবা লাইরিক অমা ভর্চুএল ওইনা ফোঙবগী থৌরমদা ৱা ঙাঙলদুনা লাইরিক অসিনা দোক্তর কলামগী পুন্সিগী হকথেংনবা মশক অমা পীরি হায়রদুনা শ্রী নাইদুনা নুংঙাইবা ফোঙদোকখি‍। “দোক্তর কলামগী পুন্সিনা ৱাখল পরিং চুম্লবদি খুদোংথিবা অমদি নীংহন্ননিংঙাই ওইবা ৱাফমশিংনা মীওইবগী লমচৎ অমদি পুক্নিংবু মপাঙ্গল কলহন্নবা মরুওইবা মচাকশিং ওইহনবা ঙম্মী হায়বা মতিং লৈরবা পাউজেল অমা পীরি,” হায়না মহাক্না মখা তাখি‍। কোবিদ-১৯ লাইচৎনা মরম ওইরগা লংফৈদা লৈবা শিন্মীশিং পাক্তক্ননা লাঞ্জেন্নবগী অৱাবা অসিনা খুঙ্গঙ অমদি অপীকপা ময়োল্লমশিংদা থবক্কী অমদি শেন্মিৎলোনগী খুদোংচাবশিং শেমগৎপগী তঙাই ফদবা ৱাফম ঐখোয়দা নীংশিংহল্লে‍। মসিগীদমক্তা ঐখোয়না ঐখোয়গী খুঙ্গঙশিং অমদি ময়োল্লমশিং চাউখৎপগী মফম ওইরক্নবগীদমক্তা ঐখোয়না থৌরাং য়াৎপগী থবক চাইথোকহন্নবা, লোকেল বোদীশিংগী মতিং হেনগৎহন্নবা অমদি কোত্তেজ ইন্দস্ত্রীশিং পাক্তক্ননা য়োকখৎপদা মীৎয়েঙ চঙবা মথৌ তাগনি‍।

অকুপ্পা ৱারোলগীদমক:

অসিগুম্বা অৱাবা মতমশিং ফাওবদা, তেংবাং দরকার ওইরবা লৈবাকশিং মতেং পাংনবা ভারতনা কাউথোকপা লৈতে: উপ-রাস্ত্রপতি

কোবিদ-১৯ লাইচৎ মনুংদা লৈবাক অসিগী মশাগী মীওইশিং চেকশিন-থৌরাং লৌখৎনবা হোৎনবদা খুদোংচাদবা কয়া মায়োক্নরবসু অতোপ্পগী মতেং দরকার ওইবা লৈবাকশিংদা ভারতনা মতেং পাংবগীদমক ভারতকী উপ-রাস্ত্রপতি শ্রী এম.ভেনকিয়া নাইদুনা হরাওবা ফোঙদোকখ্রে। মহাক্না হায়খি অসিগুম্বা অৱাবা তারবা মতম অসিদা, ঐখোয়গী ইন্দস্ত্রিনা পুথোকপা হিদাক-লাংথকশিং য়াওনা পোৎলম কয়া মতেং দরকার ওইবা লৈবাকশিংদা পীনবা ভারতনা কাউথোক্তে। ভর্চুএল ওইনা ইন্দিয়ান কাউন্সিল ওফ ৱার্ল্দ এফেয়ার্স(আই সি দব্লিউ এ)গী গভর্নিং কাউন্সিলগী ১৮সুবা মীফমদা উপ-রাস্ত্রপতিনা ৱা ঙাংখি। কাউন্সিল অসিগী প্রসিদেন্ত অমা ওইনা মহাক্কী হৌদোকপগী ৱারোলদা শ্রী নাইদুনা হায়খি কোরোনাভাইরসকী মায়োক্তা শোক্নরিবা মালেমগী লান্দা ভারতনা মাংজিল থারি। তিকা অমা পুথোক্নবা থিজিনবগী থবক্তসু ঐখোয়না মাংজিল য়ারি অমসুং অথুবদা নুংঙাইবা পাউ তারগনি। উপ-রাস্ত্রপতিনা হায়খি মালেমগী লৈবাকশিংগা লৈনবা মরীশিং অমসুং মপান লৈবাকশিংগী থৌশিল অসি লাইচৎ মনুংদা ভারতকী মীচম মীয়ামগী পুন্সিদা চুনবা ওইনবা অমুক হন্না য়েংশিল্লে। মপান লৈবাকশিংদা থবক তৌদুনা লৈবা ভারতমচাশিং বন্দে ভারত মিসন্না মখোয়গী ময়ুমদা হল্লকপা ঙমহল্লে অমসুং মসিগী অচৌবা থবক অসি য়াম্না হৈশিংনা পাংথোকপগীদমক মরী লৈনবা দিপার্তমেন্তশিং অমসুং এজেন্সিশিং থাগৎলি। অসিগুম্বা মীয়ামগী য়াইফনবা থবকশিং মখা তানা পাংথোক্নবা অমসুং লৈবাক অসিগী কান্নবা ফংদ্রিবা মীওইশিং য়ৌনবা থবক পাংথোক্নবা মহাক্না আই.সি.দব্লিউ.এদা তকশিনখি।

অকুপ্পা ৱারোলগীদমক:

এস.সি.ও. য়ং সাইন্তিস কনক্লেবতা নহা ওইরিবা সাইন্তিসশিংনা হিরম অয়াম্বদা ইন্নোভেতিব ওইবা ৱাখল্লোনশিং পুথোকখ্রে

নুমিৎ মঙানি চৎথদুনা হন্দক্তা লোইশিনখিবা শঙ্গহাই কোওপরেসন ওর্গনাইজেসন(এস.সি.ও.) য়ঙ্গ সাইন্তিস কনক্লেব অসিদা থোঙান তোঙানবা থিমেতিক এরিয়াশিংদা নহা ওইরিবা সাইন্তিসশিং অসিনা মখোয় মখোয়গী ইন্নোভেতিব ওইবা ৱাখল্লোনশিং পুথোকখ্রে৷ মনুং চনখ্রবা এরিয়াশিং অদুদি লৌউ-শিংউ অমসুং ফুদ প্রোসেসিং; সস্তেনেবল ইনর্জী অমসুং ইনর্জী স্তোরেজ; বাইওতেক্নোলোজী অমসুং বাইওইঞ্জিনিয়রিং; রিসর্চ অমসুং ইন্নোভেসন শিজিন্নদুনা কোবিদ-১৯ অমসুং থোকলক্লিবা লাইনা-লাইচৎশিং থেংনবা; এনভাইরোনমেন্ত ঙাক শেনবা অমসুং নেচরেল রিসোর্চ মেনেজমেন্ত অসিনচিংবনি৷ নহা ওইরিবা সাইন্তিসশিং অসি এস.সি.ও. লৈবাকশিং অসিগা পুন্না থবক তৌমিন্নবা পাম্নবা মখোয় মখোয়গী ইন্নোভেতিব রিসর্চ ৱর্ক অমসুং ৱাখল্লোন অসিগীদমক নহা ওইরিবা সাইন্তিস ২২দা পুক্নিং থৌগৎপা ওইনা সর্তিফিকেৎ পীখ্রে৷ কনক্লেব অসিবু হৌদোকখিবা সাইন্স অমসুং তেক্নোলোজী, আর্থ সাইন্সেস, হকশেল অমসুং য়াইফ য়ুম্বাল মন্ত্রী দা. হার্শ বর্ধননা হৌজিক লৈরিবা মতম অসিদা খ্বাইদগী চাওরিবা চেলেঞ্জ ওইরিবা কম্মন মেন অমগী পুন্সি মহিং অসি ফগৎনবা হোৎনবদা খুৎলাই অমা ওইনা সাইন্সপু শিজিন্ননবা এস.সি.ও. মেম্বর রাজ্যশিং অসিদগী মঙাব লৈরবা নহা ওইরিবা সাইন্তিস পুম্নমক্তা ফোংদোকখ্রে৷ ‘ইন্নোভেতিব, পেতেন্ত, প্রদ্যুস অমসুং হেন্না চাওখৎপা’ অমরোমদা ঐখোয়গী লৈবাকশিং অসি পুরক্নবা এস.সি.ও.গী ইহান হানবা য়ঙ্গ সাইন্তিস কনক্লেবতা লৌশিং লৈরবা সাইন্তিসশিং অসিদা মহাক্না ফোংদোকখ্রে৷

অকুপ্পা ৱারোলগীদমক:

কোবিদ-১৯গুম্বা ফিভমশিং অসি থেংনবা মতমদা এস.তি.আই.পি.২০২০ অসিনা কমদৌনা মতেং পাংগদগে হায়বা অদুগী মতাংদা অখঙ-অহৈশিংনা খন্ন-নৈনখ্রে

সাইন্স অমসুং তেক্নোলোজী দিপার্তমেন্ত(দি.এস.তি.)গী সেক্রেতরী প্রোফেসর অশুতোশ শর্মনা ৱেবিনার অমদা অসিগুম্বা লুরবা ফিভমশিং অসি মতুং তারকপদা অনৌবা সাইন্স, তেক্নোলোজী অমসুং ইন্নোভেসন পোলিসী(এস.তি.আই.পি.) ২০২০ অসিনা করম্না ঐখোয়না থেংনবা ঙমহনগদগে হায়না ফোংদোক্লিঙৈদা নিতি আয়োগকী মেম্বর দা. ভি.কে. সরস্বতনা কোবিদনা মতৌ করম্না খুদোংচাবশিং ফংহনবগে হায়বা অদুগী মতাংদা ফোংদোকখ্রে৷ হন্দক্তা ইকুই কুইদ্রিঙৈদা নেস্নেল কাউন্সিল ফোর সাইন্স অমসুং তেক্নোলোজী কম্ম্যুনিকেসন অমসুং ভিগ্যান প্রসনা শিন্দুনা পাংথোকখিবা দি.এস.তি. গোল্দল দিস্কোর্স সেরিস্কী মতাংদা-লাইনা-লাইচৎ অসিগী অতোপ্পা নাকল অমরোমদা- হায়না মমিং থোনবা ৱেবিনার অমদা কোবিদ-১৯ অসিনা মালেম অসিদা চাওনা অহোংবা পীরে অদুবু মসিনসু হেন্না চাওখৎপলোমদা চংশিন্নবগী লম্বী অদুসু ঐখোয়দা উৎলে হায়না দা. সরস্বতনা ফোংদোকখ্রে৷

অকুপ্পা ৱারোলগীদমক :

আর্মী স্তাফকী ভাইস চীফনা বঙ্গলাদেশ নেস্নেল দিফেন্স কোলেজদা কোবিদ-১৯ লাইচৎকী সেক্যুরিতী চেলেঞ্জগী মতাংদা ৱা ঙাংখ্রে

লেফতিনেন্ত জেনরেল এস.কে. সাইনীনা দিসেম্বরর ০২, ২০২০দা ভর্চুএল প্লেৎফোর্ম অমগী থোংদা “সেক্যুরিতী চেলেঞ্জেস পোস্ত কেবিদ-১৯ পেন্দমিক” হায়বা হিরমসিদা নেস্নেল দিফেন্স কোর্স বঙ্গলাদেশতা শরুক য়ারিবশিংদা ৱা ঙাংখ্রে। মহাক্কী মমাংগী কেরিয়রদা, ভি.সি.ও.এ.এস. অসিনা ২০১১দা নেস্নেল দিফেন্স কোলেজ বঙ্গলাদেশতা শরুক য়াখ্রে। মহাক্কী ৱারোল পীবদা শাহৈরক্লিবা মালেমদা কোরোনা পীরিবা শাফু অমসুং পনখি অমসুং মসিবু মায়োক্ননবা মিলিতরীনা য়েংলিবা মিৎয়েং অমসুং সেক্যুরিতী চেলেঞ্জেশিং মতাংদা মহাক্কী ওইবা মিৎয়েং ফোংদোকখি। ভাইরসনা পীরিবা শাফু অসিদা, ভি.সি.ও.এ.এস.না হায়খি মদুদি “মিলিতরী কেপাবিলিতী অমসুং প্রোজেক্তশিংগীদমক্তা ফন্দ ৱাৎপনা মরম ওইদুনা অয়াম্বা লৈবাকশিংনা স্ত্রেতেজিক সেক্যুরিতীতা শোকহল্লে মরমদি খুদক্কী ওইবা হকশেলগী মথৌ তাবশিংগীদমক্তা ফন্দগী চাউরবা শেনফম থৈদোকখ্রে।” “দি-গ্লোবেলাইজেসন”গী মতাংদা ফোংদোক্লদুনা ভাইস চীফনা, হায়খি মদুদি “অলত্রা-নেস্নেলিজম লৈবাক কয়ানা দি-গ্লোবেলাইজেসনগী থৌওং অসি মায়োক্নরি, মসিনা গুদ্স, মীয়াম, সর্বিসেস অমসুং ৱাখল্লোনগী মুবমেন্তকীদমক ঙমখৈ ফাওবা থিংজিন্নবা চংশিল্লক্লি।” মহাক্কী পনখি মদুদি “লৈবাক কয়ানা ভাইরস অসিবু লাকশিন্নবা হোৎনরিবা অসিদা, লৈবাক খরনা মিলিতরীগী ওইনা, শেন্মিৎলোনগী ওইনা অমসুং পোলিতিকেলগী ওইনা মখোয়গী শাফু হেনগৎহন্নবা তাঞ্জা অদু লৌরি, মসি ৱর্ল্দ কম্যুনিতীগীদমক্তা অফবা নত্তে।”

অকুপ্পা ৱারোলগীদমক:

য়ুনিয়ন হোম মিনিস্তর শ্রী অমিত সাহনা দি.জি.পিশিং/আই.জি.পিশিংগী চহিগী মীফমদা ৱা ঙাংখ্রে

ঙসি দিরেক্তর জেনেরেলস ওফ পুলিস/ইন্সপেক্তর জেনেরেলস ওফ পুলিসকী ৫৫সুবা চহিগী মীফম হৌদোকপদা য়ুনিয়ন হোম মিনিস্তর শ্রী অমিত সাহ ৱা ঙাংখ্রে। মীফম অদুদা তোঙান-তোঙানবা সেন্ত্রেল পেরা মিলিতরি ফোর্সশিংগী লুচিংবশিং অমসুং রাজ্যশিংগী পুলিসকী দিরেক্তর জেনেরেলশিং অমসুং পুলিসকী ইন্সপেক্তর জেনেরেলশিং ভর্চুএল ওইনা শরুক য়াখি। ইন্তিলিজেন্স বিউরোনা ভর্চুএল ওইনা মীফম পাংথোকপা অসি হন্দক্কী অসিনা অহানবনি। থৱায় কৎখ্রবা পুলিসশিং ইকায়খুম্নবা উৎলদুনা য়ুনিয়ন হোম মিনিস্তরনা মনা ফংলবা ৫০দা ইন্দিয়ান পুলিস মেদল পীখ্রে অমসুং মখোয়গী মাইপাকশিংগীদমক মখোয় থাগৎখ্রে। মহাক্কী হৌদোকপগী ৱারোলদা, লৈবাক্কী ঙাক-শেনগী থৌশিল অমসুং অৱাবা তারকপা মতমদা মাঙজিল থাবা লান্মীশিং ওইনা পুলিসকী থৌদাংগী পল্লদুনা শ্রী অমিত সাহনা হায়খি তেরোরিজমগী মায়োক্তা তুমিন্না খাংদুনা লৈথোক্লোইদবনি। মীয়াম অশোই-অঙাম থোক্তনবা অমসুং ইকায়খুম্নবা ঙাক্নবা অমসুং অৱাবা তারকপা মতমদা থেংন্নবা পুলিসকী তৌবা ঙম্বা হেনগৎহনবা অসি য়াম্না মরুওই। এল.দব্লিউ.ইনা থোকহনবা অৱাবশিং লাকশিন্নবা রাজ্যশিংগা পুন্না থবক তৌমিন্নবা তকশিনখি। কোবিদ-১৯ লাইচৎ মনুংদা পুলিসগী থৌদাং খন্নখ্রে অমসুং অশোই-অঙাম থোক্তনবা পুলিসনা চৎন-পথাপশিং ঙাকপগী মতাংসু খন্নখ্রে। তোঙান-তোঙানবা মখলগী অৱা-অনা তারকপা ফিবমশিং লাকশিন্নবা এস.ও.পি শেম্নবা ৱাফম খন্নখি।

অকুপ্পা ৱারোলগীদমক:

মার্চতা কোরোনাভাইরস লাইচৎ শন্দোরকপদগী অহানবা পাংথোক্কদবা মালেমগী চাংদম্নবা অমদা, দিসেম্বর ১২দগী পাংথোক্কদবা রেস্তলিং ৱার্ল্দ কপতা ভারতকী মহুৎ শীন্দুনা শরুক য়াগদবা রেস্তলরশিংগী মনুংদা রবি কুমার, দিপক পুনিয়া য়াওরে

২০২০গী দিসেম্বর ১২দগী ১৮ ফাওবা পাংথোক্কদবা সেনির ইন্দিবিজুএল ৱার্ল্দ কপতা ভারতকী মহুৎশীন্দুনা শরুক য়ানবা মীওই ৪২গী কাংবু অমা(রেস্তলর ২৪, কোচ ৯, সপোর্ত স্তাফ ৩ অমসুং রেফিরি ৩) সর্বিয়াগী বেলগ্রেদতা চৎলগনি। কোরোনাভাইরস লাইচৎনা মরম ওইদুনা মার্চতগী লৈবাক শীনবা থুংনা লোকদাউন থমখিবা মতুংদা ভারতকী রেস্তলরশিংনা মালেমগী চাংদম্নবদা শরুক য়াবা অসি মসিনা অহানবনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্রদা ওক্তোবর অমসুং সেপ্তেম্বরগা চাংদম্নবদা নবেম্বরগী থাদা কোবিদ-১৯ কেসশিং অমসুং শিখিবশিংগী মশিং অদু চাদা ৫০গী ময়া নক্না হন্থরকপা থেংনখি। ওক্তোবরদা, মহারাস্ত্রদা কোবিদ-১৯গী কেস ২৯৩,৯৬০ থেংনখি, হায়রিবা অসি নোবেম্বরদা চাদা ৫০.৫ ফাওবা হন্থরকক্তুনা ১৪৫,৪৯০দা লৈখি। ও্তোবরদা থেঢংনখিবা শিখিবশিংগী মশিং অদু নবেম্বরদা চাদা ৪৯.০৯ হন্থরক্তুনা ৩,৬৯০ লৈখি। রাজ্য অসিদা কেস পোজিতিব ওইবগী চাংসু চাদা ৭.৭দা হন্থরকখ্রে। রাজ্য অসিদা লৈরিবা এক্তিব কেসশিংগী মশিং অদু ৮৮,৫৩৭ ওইখি।

•          গুজরাত: রাজ্য অসিদা য়ুমশকৈশা নুমিত্তা কোবিদকী অনৌবা কেস ১,৫১১ থেংনখি অমসুং ১,৫৭০ ফগৎখিবা লৈখি, অদুগা রাজ্য অসিদা ইনফেক্সন্না মরম ওইরগা পেসেন্ত ১৪ লৈখিদ্রে। গুজরাত হেল্থ দিপার্তমেন্তকী মতুং ইন্না গুজরাত্তা কেস পোজিতিব ওইবগী চাং অসি য়াম্না শাথিনা হন্থরক্তুনা ওগস্ততা ১৬.১৫% ওইরম্বদগী দেসেম্বর ১দগী ২.৯৮% ওইখি। এক্তিব কেসশিং- ১৪,৮১৩।

•          মধ্য প্রদেশ: মধ্য প্রদেশতা লৈরিবা কোবিদ-১৯ কেসলোদ অসি য়ুমশাকৈশা নুমিত্তা অনৌবা ইনফেক্সন ১,৪৩৯ থেংনখ্রবা মতুংদগী ২,০৮,৯২৪ য়ৌখ্রে। নুমিৎ অদুগী মনুংদা ইনফেক্সন্না মরম ওইরগা পেসেন্ত ১৭ লৈখিদ্রে, মসিনা রাজ্য অসিগী শিবগী মশিং অদু ৩,২৮৭তা হেনগৎহনখ্রে। অমরোমদনা পেসেন্ত ১,৮৩৮ দিসচার্জ তৌখ্রে, মসিনা মরম ওইরগা এক্তিব কেসশিংগী মশিং অদু ১৪,০১৯ লৈহৌখি।

•          গোৱা: প্রোপোস তৌখিবা নেস্নেল কোবিদ-১৯ ভেক্সিনেশন প্রোগ্রাম পাংথোক্নবগী মাংওইননা শেম-শাবগী থৌরাংশিং অদু গোৱা এদমিনিস্ত্রেশন্না য়ুমশকৈশা নুমিত্তা  হৌদোকখিবগা লোইননা গোৱাদা, দিস্ত্রিক্ত কলেক্তরশিংদা হেল্থ ৱার্করশিংগা মরী লৈনবা পব্লিক অমসুং প্রাইভেত হেল্থ ফেসিলিতীশিংদগী দেতা কোগৎনবা খঙহল্লকখ্রে।

•          অসাম: অসামদা ঙরাং কোবিদ-১৯গীদমক্তা মীওই ১৭৩ অমুক পোজিতিব ওইবা থেংনখি অমসুং পেসেন্ত ১৩৮ দিসচার্জ তৌখি। অপুনবা কেসশিংগী মশিং অদু ২১৩১৭১দা হেনগৎলকখ্রে, দিসচার্জ তৌখিবা পেসেন্তশিংগী অপুনবা মশিং অদু ২০৮৬৬৬ ওইখি, এক্তিব ৩৫১৯ লৈরি অমসুং পুন্না ৯৮৩ শিখ্রে।

•          কেরলা: রাজ্যগী হেল্থ দিপার্তমেন্তনা বুরেভি সাইক্লোনগী ৱারনিং তৌখ্রবা মতুংদা হাই এলর্ত লাউথোকখ্রে; হেল্থ মিনিস্তর, কে. কে. শাইলাজানা হায়খি মদুদি নোং কন্না চুবা অমসুং সাইক্লোন্না মরম ওইরগা থোরকপা য়াবা হেল্থকী ইসুশিং অদু য়েংশিন্নবা কোবিদকী প্রোতোকোলশিং ঙাক্না চত্তুনা ফেসিলি পুম্নমক ফংহন্নবগীদমক্তা ইন্সত্রক্সনশিং পীখ্রে হায়রি। রাজ্য অসিদা ঙরাং ২৮ লৈখিদবগা লোইননা কোবিদ-১৯গী অনৌবা কেস ৬,৩১৬ কনফর্ম তৌখি; তেস্ত পোজিতিব ওইবগী চাং অসি চাদা ১১.০৮তা লৈরি।

•          তামিল নাদু: মতম কুইনা কান্নরবা মতুংদা কোলেজশিং অমুক হন্না হাংদোক্লবসু, মহৈরোইশিং অয়াম্বদি রাজ্য অসিদা হৌজিক ফাওবা কোবিদকী অকিবা লৈবনা মরম ওইরগা কমপসশিংদগী থাপ্না লৈনবা ৱারেপ লৌখি। জনুৱারী ২০২১দা অনৌবা পোলিতিকেল পার্তী অমা লিংখৎলগনি হায়না লাউথোক্লবা মতুং পুং খরগী মতুংদা এক্তর রজনিকান্থনা মহাক্কী পোলিতিকেল এন্ত্রী অসি লাইচৎ অসিনা মরম ওইরগা করম্না থেংথহনখিবগে  হায়বগী মতাংদা শেংদোকখি।

•          কর্নাতকা: কর্নাতকানা ভেক্সিন ত্রায়লশিং, কোবিদ ত্রীতমেন্তকীদমক্তা লুপা করোর ৩০০ থাদোকখ্রে; অহোবদা ভেক্সিন অসি ভোলন্তীয়র ১,০০০দা কাপকনি, ক্লিন্ত্রেক ইন্তর্নেস্নেলগা খুৎশম্নদুনা পাংথোকপা ত্রায়েলশিং অসিদা ভোলন্তীয়রশিংদা দোজ অনি পীরগনি।

•          অন্ধ্র প্রদেশ: ইস্ত গোদাবরী জিলাগী কলেক্তর, দি. মুরালিধর রেদীনা হায়খি মদুদি কেন্দ্র সরকারনা থোকখিবা স্তেন্দার্দ ওপরেতিং গাইদলাইনশিং অদুগী মতুং ইন্না অহানবা ফেজতা জিলা অসিদা মেদিকেল অমসুং হেল্থ ৱার্কর চাউরাক্না ৩৫,০০০দা কোবিদ-১৯ ভেক্সিন য়েন্থোক্নবা মথৌ তাবা এরেঞ্জমেন্তশিং তৌখ্রে। দিসেম্বর ১দগীহৌরগা জনুৱারী ১৯ ফাওবা নুমিৎ ৫০নিগীদমক্তা এৱেয়রনেস প্রোগ্রামশিং পাংথোক্লি হায়না কলেক্তরন হায়খি।

•          তেলঙ্গনা: হন্দক্তা লোইশিনখিবা জি.ঐচ.এম.সি.গী মীখলগীদমক্তা য়াম্না কন্না তৌখিবা কেমপেনশিং অদুগী মতুংদা তেলঙ্গনাদা কোবিদ-১৯গী অনীশুবা ৱেব লাক্কনি হায়বগী অকিবা লৈবদগী, তেলঙ্গনাগী দাইরেক্তর ওফ পব্লিক হেল্থনা ইলেক্সনীয়রিংদা শরুক য়াখিবা পোলিতিকেল লীদরশিং অমসুং কেদরশিংদা চয়োল অমগী সেলফ-আইসোলেশন তৌনবা পাউতাক পীরকখ্রে। তেলঙ্গনাদা য়ুমশকৈশা নুমিত্তা নৌনা কোবিদ-১৯ ইনফেক্সন ৬০৯ থেংনখি অমসুং অহুম শিখি, মসিনা মরম ওইরগা অপুনবা মশিং অদু ১,৪৬৫ য়ৌহনখি অমসুং হৌজিকক ফাওবদা লৈরিবা পোজিতিব কেসশিংগী অপুনবা মশিং অদু ২,৭১,৪৯২ য়ৌহনখি।

ফেক্ত চেক

*****