ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
132 ଦିନ ପରେ ଭାରତରେ କରୋନା ସକ୍ରିୟ ମାମଲା 4.28 ଲକ୍ଷକୁ ହ୍ରାସ ପାଇଛି
● ଗତ ତିନି ଦିନ ଧରି ଦୈନିକ ନୂଆ କରୋନା ମାମଲା ପ୍ରାୟ 30 ହଜାର ରହିଛି
Posted On:
02 DEC 2020 11:30AM by PIB Bhubaneshwar
ଭାରତରେ କରୋନା ସକ୍ରିୟ ମାମଲା ଉଲ୍ଲେଖନୀୟ ଭାବେ ହ୍ରାସ ପାଇ ଆଜି 4.28 ଲକ୍ଷ (4,28,644) ରହିଛି । 132 ଦିନ ପରେ ଏହା ସର୍ବନିମ୍ନ ସ୍ତରରେ ପହଞ୍ଚିଛି । 2020 ଜୁଲାଇ 23 ତାରିଖରେ ଦେଶରେ ସକ୍ରିୟ କରୋନା ମାମଲା ସଂଖ୍ୟା 4,26,167 ଥିଲା ।
ସକ୍ରିୟ ମାମଲା ଏବେ ଦେଶରେ ଉଲ୍ଲେଖନୀୟ ଭାବେ ହ୍ରାସ ପାଇଛି । ଦେଶର ମୋଟ ପଜିଟିଭ୍ ମାମଲାର 4.51% ସକ୍ରିୟ ମାମଲା ରହିଛି ।
ଗତ ତିନି ଦିନ ଧରି ଦେଶରେ ଦୈନିକ ନୂଆ ମାମଲା ପାଖାପାଖି 30 ହଜାର ରହୁଛି । ଗତ 24 ଘଣ୍ଟା ମଧ୍ୟରେ ଦେଶରେ 36,604 ନୂଆ କରୋନା ମାମଲା ଆସିଛି । ଗତ 24 ଘଣ୍ଟା ମଧ୍ୟରେ ଦେଶରେ 43,062 ଜଣ ଓ ସୁସ୍ଥ ହୋଇଛନ୍ତି । ଗତ 5 ଦିନ ଧରି ଦୈନିକ ସୁସ୍ଥ ସଂଖ୍ୟା ନୂଆ କରୋନା ଆକ୍ରାନ୍ତଙ୍କୁ ଅତିକ୍ରମ କରୁଛି ।
ନୂଆ ସୁସ୍ଥ ସଂଖ୍ୟା ନୂଆ ଆକ୍ରାନ୍ତଙ୍କ ସଂଖ୍ୟାଠାରୁ ଅଧିକ ରହୁଥିବାରୁ ଏବେ ସୁସ୍ଥତା ହାର 94.03%ରେ ପହଞ୍ଚିଛି ।
ଦେଶରେ ମୋଟ ସୁସ୍ଥଙ୍କ ସଂଖ୍ୟା 89,32,647 ରହିଛି । ସୁସ୍ଥଙ୍କ ସଂଖ୍ୟା ଓ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ ବଢ଼ି ଚାଲିଛି ଏବଂ ଆଜି ତାହା 85 ଲକ୍ଷକୁ ଅତିକ୍ରମ କରି 85,04,003ରେ ପହଞ୍ଚିଛି ।
ଗତ 24 ଘଣ୍ଟା ମଧ୍ୟେରେ ନୂଆ ସୁସ୍ଥଙ୍କ ମଧ୍ୟରେ 78.35% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ।
ମହାରାଷ୍ଟ୍ରରେ ଦିନକରେ ସର୍ବାଧିକ 6,290 ଜଣ ସୁସ୍ଥ ହୋଇଛନ୍ତି । କେରଳରେ 6,151 ଏବଂ ଦିଲ୍ଲୀରେ 5,036 ଜଣ ସୁସ୍ଥ ହୋଇଛନ୍ତି ।
ନୂଆ ଆକ୍ରାନ୍ତଙ୍କ ମଧ୍ୟରେ 77.25% ଆସିଛନ୍ତି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
କେରଳରେ ଦିନକରେ ସର୍ବାଧିକ 5,375 ଜଣ ଆକ୍ରାନ୍ତ ହୋଇଥିବା ବେଳେ ମହାରାଷ୍ଟ୍ରରେ 4,930 ନୂଆ ମାମଲା ଆସିଛି ।
ଗତ 24 ଘଣ୍ଟା ମଧ୍ୟେରେ ଶେରେ 501 ଜଣଙ୍କ ମୃତ୍ୟୁ ହୋଇଛି । ଏଥିରୁ 79.84% ମୃତ୍ୟୁ ହୋଇଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । ମହାରାଷ୍ଟ୍ରରେ ସର୍ବାଧିକ ମୃତ୍ୟୁ (95) ହୋଇଛି । ଏହା ପଛକୁ ଦିଲ୍ଲୀରେ 86 ଏବଂ ପଶ୍ଚିମବଙ୍ଗରେ 52 ଜଣଙ୍କ ମୃତ୍ୟୁ ହୋଇଛି ।
**********
(Release ID: 1677756)
Visitor Counter : 191
Read this release in:
Tamil
,
Telugu
,
Kannada
,
Assamese
,
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Gujarati
,
Malayalam