ভারতকী এক্তিব কেসলোদ অসি ঙসি ৪,৫৪,৯৪০দা লৈরি। হৌজিক-হৌজিক ভারতকী অপুনবা পোজিতিব কেসশিংদা এক্তিব কেসলোদকী শরুক অসি ৪.৮৭%নি।

লৈবাক অসিদা হৌখিবা পুং ২৪দা থেংনখিবা নৌনা কনফর্ম তৌরবা কোবিদ কেসশিংগী মশিং অসি ৪১,৩২২ ওইখি।

নুমিৎ খুদিংগী থেংনরিবা অনৌবা কেসশিংগী ৬৯.০৪%দি রাজ্য/য়ু.তি. নিপান খুদম ওইনা মহারাস্ত্র, দিল্লী, কেরলা, ৱেস্ত বেঙ্গাল, রাজস্থান, উত্তর প্রদেশ, হরিয়ানা অমসুং ছত্তিসগরদগী ওইখি।

মহারাস্ত্রনা অনৌবা কোবিদ কেস ৬,১৮৫ থেংনখিবগা লোইননা তেলীগী মকোক থংবদা লৈরি। দিল্লীনা কেস ৫,৪৮২ থেংনখি, অদুগা কেরলানা অনৌবা কেস ৩,৯৬৬ থেংনখিবগা লোইননা মথংদা লৈখি।

মীশিং মিলিয়ন অমদা তৌখিবা তেস্তশিংগী মশিং অদু ঙসি লাখ ১ হেনখ্রে। ভারতকী মীশিং মিলিয়ন অমদা তৌখিবা তেস্তশিংগী মশিং অদু ১০০,১৫৯.৭দা লৈরি।

হৌখিবা পুং ২৪দা তেস্ত ১১,৫৭,৬০৫ তৌখিবগা লোইননা অপুনবা তেস্তশিং অদু করোর ১৩.৮২ (১৩,৮২,২০,৩৫৪) ওইখি।

তেস্তিং ইনফ্রাস্ত্রক্চরদা লেপ্তনা অমসুং প্রোগ্রেসিব ওইবা মওংদা চাউথোরকপনা তেস্তিংগী মশিংদা য়াম্না য়াংনা হেনগৎলকপদা য়াম্না মরু ওইবা থৌদাং লৌখি। সরকারগী লেবোরেতরি ১১৭৫ অমসুং লনাইগী লেবোরেতরী ৯৮৬ য়াওনা লৈবাক অসিদা লৈরিবা তেস্তিং লেবশিং অসিনা নোংমদা তৌবা তেস্তশিংগী কেপাসিতী অদু শিংথানীংঙাই ওইবা মওংদা হেনগৎলকখি।

লৈবাক অসিগী মতুং ইন্দুনা, রাজ্য/য়ু.তি. ২৩দা মীশিং মিলিয়ন অমদা তৌবা তেস্তশিংগী মশিং অদু লৈবাক অসিগী চাংচত্তগী হেন্না লৈ।

রাজ্য/য়ু.তি. ১৩দা মীশিং মিলিয়ন অমদা তৌবা তেস্তশিংগী মশিং অদু লৈবাক অসিগী চাংচত্তগী হন্থনা লৈ।

ভারত্তা ফগৎখিবা কেসশিংগী অপুনবা মশিং অদু লাখ ৮৭.৫৯ (৮,৭৫৯,৯৬৯) ওইখি। লৈবাক অসিগী ফগৎলকপগী চাং অসি ঙসি ৯৩.৬৮%দা লৈরি।

লৈবাক অসিদা হৌখিবা পুং ২৪দা ৪১,৪৫২ ফগৎলকপা থেংনখি।

নৌনা ফগৎখিবা কেসশিংগী ৭৬.৫৫%দি রাজ্য/য়ু.তি. ১০দা পুনশিন্দুনা লৈবা থেংনখি।

দিল্লীনা নৌনা দিসচার্জ তৌখিবা কেস ৫,৯৩৭ থেংনখিবগা লোইননা নোংমা খক্তদা ফগৎখিবশিংগী মশিং অদু খ্বাইদগী য়াম্না থেংনখি। কেরলাদা মীওই ৪,৫৪৪ ফগৎখি, মথংদা মহারাস্ত্রদা ৪,০৮৯ ফগৎখিবা লৈখি।

হৌখিবা পুং ২৪দা থেংনখিবা কেস ফেতেলিতী ৪৮৫গী ৭৮.৩৫%দি রাজ্য/য়ু.তি. ১০দা পুনশিন্দুনা লৈখি।

সিল্লীনা ৯৮ শিখিবগা লোইননা নৌণা শিখিবশিংগী মশিংদা খ্বাইদগী হেন্না য়ামখি। মহারাস্ত্রনা শিখিবশিংগী মশিং ৮৫ লৈখি, ৪৬ শিখিবগা লোইননা ৱেস্ত বেঙ্গাল মথংদা লৈখি।

*****