(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ইন্দিয়াগী নুতিগী ওইবা অনৌবা কেস লিশিং ৪০গী মখাদা রিপোর্ত তৌরি
• এক্তিব কেসলোদ হন্থরক্লি, এক্তিব কেস লাখ ৪.৪গী মখাদা রেকোর্দ লৈরি
• নুমিৎ খুদিংগী পোজিতিবকী চাং অসি ৪%গী মখাদা ওইদুনা ৩.৪৫%দা লৈরি
• ইন্দিয়াগী ওইনা অপুনবা তেস্ত করোর ১৩.৩ লানখ্রে
• পুং ২৪ অসিগী মনুংদা কেস ৪২,৩১৪ অনাবা ফদুনা ময়ুমদা হনখ্রে। এক্তিব কেসলোদ অসি ৪,৩৮,৬৬৭দা তারক্লি
• পি.এম.না কোবিদ-১৯ রেস্পোন্স অমসুং মেনেজমেন্তকী ফীভম অমসুং শেম-শরিবা অসি য়েংশিন্নবা সি.এম.শিংগা লোইননা অৱাংবা থাক্কী মীফমদা ময়াই তাংবল লৌখ্রে
   

ইন্দিয়াগী নুতিগী ওইবা অনৌবা কেস লিশিং ৪০গী মখাদা রিপোর্ত তৌরি, এক্তিব কেসলোদ হন্থরক্লি, এক্তিব কেস লাখ ৪.৪গী মখাদা রেকোর্দ লৈরি, নুমিৎ খুদিংগী পোজিতিবকী চাং অসি ৪%গী মখাদা ওইদুনা ৩.৪৫%দা লৈরি

ইন্দিয়ানা নুমিৎ ৬নিগী মতুংদা নুতিগী ওইবা অনৌবা কেস ৪০,০০০ মখাদা লৈরি। পুং ২৪ অসিগী মনুংদা নুংতিগী ওইবা অনৌবা কেস অসি ৩৭,৯৭৫তা লৈরি। নবেম্বর ৮দগী হৌখিবা নুমিৎ ১৭নি অসিদা পরিং ওইনা অনৌবা কেস লেঙদনা ৫০,০০০গী মখাদা লৈরি। ইন্দিয়াগী ওইনা তেস্ত তৌনবা মচাক অসি মশক থোক্না লিংখৎতুনা লৈবাক শিন-থুংনা লেব ২,১৩৪ লৈরি। হারিবা অসি নুমিৎ খুদিংগী তেস্ত মিলিয়ন অমা তৌননবা পান্দম্দা থমখিবনি, পুং ২৪ অসিগী মনুংদা সেম্পল ১০,৯৯,৫৪৫ তেস্ত তৌখি। ইন্দিয়াগী ওইনা অপুনবা তেস্ত করোর ১৩.৩ (১৩,৩৬,৮২৫) তৌখি। চাংচৎতা নুমিৎ খুদিংগী লাখ ১০ হেন্না তেস্ত তৌখি হায়রিবা অসিনা রেত অসি অনেম্বা থাক্তা থম্লি অমসুং চৎলিবা অসি মখা তানা চৎলি হায়বা তাক্লি। ঙসিগী ওইনা লৈবাক্কী ওইবা হেনগৎলক্লিবা পোজিতিবিতি রেৎ অসি ৬.৮৭%নি। নুতিগী ওইবা পোজিতিবিতি রেৎ অসি ৩.৪৫% ওইরি। তেস্তকী মশিং হেনগৎহনবা অসিনা পোজিতিবিতি রেৎ অসি নেম্নবা ওইরি। তেস্ত পর মিলিয়ন (তি.পি.এম.) অসি তেস্ত ৯৬,৮৭১দা হেনগৎলি। চয়োল খর অসিদা এক্তিব কেসকী মশিং অসি লেপ্পা লৈতনা হায়থরক্লি। পুং ২৪ অসিগী মনুংদা কেস ৪২,৩১৪ অনাবা ফদুনা ময়ুমদা হনখ্রে। এক্তিব কেসলোদ অসি ৪,৩৮,৬৬৭দা তারক্লি। হৌজিক ওইরিবা ইন্দিয়াগী এক্তিব কেসলোদ অসি অপুনবা পোজিতিব কেসতগী ৪.৭৮% ওইদুনা কার্ব ওইনা হাইথরক্লি। অনাবা ফবগী চাং অসিসু ৯৩.৭৬% দা হেনগৎলক্লি। ঙসি ফাওবদা অনাবা ফবা অসি ৮৬,০৪,৯৫৫ ওইরি। অনৌবা ফগৎলকপা ৭৫.৭১% অমদি স্তেতশিং/য়ু.তি.শিং ১০দা কুংনা লৈবা উরি। দিল্লীনা অনৌবা ফগৎলকপা অসি নোংমতদা খ্বাইদগী য়াম্বা ওইনা ৭,২১৬গী রিপোর্ত লৈরি। কেরলাদনা মীওই ৫,৪২৫ অনাবা ফখি মসিগী হেক মখাদা মহারাস্ত্রানা ৩,৭২৯ ওইরি। অনৌবা কেস ৭৭.০৪% অমদি স্তেতশিং/য়ু.তি.শিং ১০দগীনি। দিল্লীনা অনৌবা ফগৎলকপা অসি নোংমতদা খ্বাইদগী য়াম্বা ওইনা ৪,৪৫৪গী রিপোর্ত লৈরি।

অকুপ্পা ৱারোলগীদমক:

পি.এম.না কোবিদ-১৯ রেস্পোন্স অমসুং মেনেজমেন্তকী ফীভম অমসুং শেম-শরিবা অসি য়েংশিন্নবা সি.এম.শিংগা লোইননা অৱাংবা থাক্কী মীফমদা ময়াই তাংবল লৌখ্রে

প্রধান মন্ত্রী শ্রী নরেন্দ্র মোদীনা কোবিদ-১৯ রেস্পোন্স অমসুং মেনেজমেন্তকী ফীভম অমসুং শেম-শরিবা অসি য়েংশিন্নবা নবেম্বর ২৪, ২০২০দা ভিদিও কনফরেন্সিংগী থোংদা রাজ্য অমসুং য়ু.তি. পুম্নমক্কী মুখ্য মন্ত্রীশিংগা লোইননা পাঙথোকপা অৱাংবা থাক্কী মীফম অমদা ময়াই তাংবল লৌখ্রে লোইননা রাজ্য নিপান্দা অখন্নবা মীৎয়েং চংখি। রাজ্যশিং অদুদি হরিয়ানা, দিল্লী, ছত্তুসগর, কেরেলা, মহারাস্ত্র, রাজস্থান, গুজরাত অমসুং ৱেস্ত বেঙ্গলনি। মীফম অসিদা কোবিদ-১৯ বেক্সিন ফংহনবা, য়েন্থোকপা অমসুং হিদাক থাবগী থৌওংগী হিরমশিং খন্নখ্রে। প্রধান মন্ত্রীনা হায়খি লৈবাক অসিনা লাইচৎ অসি পুন্না হোৎন্দুনা মায়োক্নখি অমসুং নাবা ফগৎলকপগী চাং অমসুং শীখিবগী চাং অনিমক্তা ভারতকী ওইরিবা ফীভম অসি অতোপ্পা অয়াম্বা লৈবাকশিংদগী ফরি। মহাক্না তেস্ত তৌবা অমসুং লায়েংবগী নেৎৱার্ক চাউথোরক্লিবগী মতাংদা ফোঙদোকখি অমসুং পি.এম. কিয়র্স ফন্দনা মরু ওইনা ওক্সিজেন ফংহন্নবা হোৎনখি হায়না থমখি। মহাক্না মেদিকেল কোলেজশিং অমসুং দিস্ত্রিক্ত হোস্পিতালশিং অসি ওক্সিজেন পুথোকপদা মীপাল-তাংদনবা হোৎনখি অমসুং অনৌবা ওক্সিজেন প্লান্ত ১৬০গী মথক্তা লিংখৎনবা থবক পাইখৎপা হৌরে হায়না ফোঙদোকখি। মীয়াম্না লাইচৎ অসি করম্না থেংনবগে হায়বা অসি খংবা মরু ওই হায়না ফোঙদোক্লদুনা প্রধান মন্ত্রীনা মসি তাঙ্কক মরি থোক্না খাইদোকপা য়াই হায়না হায়খি। অহানবা অসিনা অকিবা, মীয়াম্না পাখৎনখিবা মতম। অনিশুবা তাঙ্কক্তানা ভাইরস অসিগী মতাংদা চিংনবশিং থোরকপা, মীওই কয়ানা মসিনা নারে হায়বা অসি মখোয়না লোৎশিন্নবা হোৎনখিবা মতম। অহুমশুবা তাঙ্কক অসিনা ইশানা য়াজবা, মীয়াম্না ভাইরস অসিগী মতাংদা হেন্না লুনা লৌবা হেল্লকপা অমসুং চেকশিনবা হেল্লকপা মতম। মরিশুবা তাঙ্কক অসিনা নাবা ফগৎলকপগী চাং হেনগৎলকপগা লোইননা মীয়াম্না ভাইরস অসিগী ঙাকথোক্নবগী অরানবা ৱাখল্লোন দিবেলপ তৌবনা মরম ওইরগা লাইথোকপা হেনগৎলকপা। প্রধান মন্ত্রীনা মরিশুবা তাঙ্কক্তা ভাইরস অসিগী লুশিল্লক্লিবা ফীভমগী মতাংদা এৱের্নেস হেনগৎবা মথৌ তাই হায়না ফোঙদোকখি। মহাক্না হায়খি মমাংদা লাইচৎ অসিগী চৈথেং হন্থখ্রবা লৈবাকশিংদা শন্দোকপা হেনগৎলক্লিবা অসিগুম্না রাজ্য খরদসু ওইরক্লিবা অসিনা এদমিনিস্ত্রেসন্না খোংলৈ থুবা অমসুং চেকশিনবা তঙাই ফদ্রে।

অকুপ্পা ৱারোলগীদমক:

কেন্দ্রগী গৃহ মন্ত্রী শ্রী অমিৎ শহানা স্পাইস হেল্থ অমসুং ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না পুন্না দিবেলপ তৌবা মোবাইল কোবিদ-১৯ আর.তি.-পি.সি.আর. শঙ্গাখ্রে

গৃহ মন্ত্রী শ্রী অমিৎ শহানা স্পাইস হেল্থ অমসুং আই.সি.এম.আর.না পুন্না লোঞ্চ তৌখিবা মোবাইল কোবিদ-১৯ আর.তি.-পি.সি.আর. লেব অমা ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), নই দিল্লীদা ঙসি শঙ্গাখ্রে। হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধনসু শঙ্গাবগী থৌরম অসিদা শরুক য়াখি। শঙ্গাবগী থৌরম অসিদা দি.ঐচ.আর.গী সেক্রেতরী অমসুং আই.সি.এম.আর.গী দিরেক্তর জেনরেল দা. বালরম ভার্গবা, স্পাইসজেৎকী চিয়রমেন অমসুং মেনেজিং দিরেক্তর শ্রী এজে সিংহ অমসুং স্পাইস হেল্থকী সি.ই.ও. মিস অবানি সিংহনসু শরুক য়াখি। তেস্তিং লেব অসি অমসুং লিংখৎনবা থৌরাং তৌরিবা অসিগুম্বা লেব কয়ানা কোবিদ-১৯ তেস্তিং তৌবা ঙম্বগী থাক্তা হেনগৎহনবদা মতেং পাংলগনি। লেব অসি এন.এ.বি.এল.না এক্রেদিতেদ তৌখি অমসুং আই.সি.এম.আর.না এপ্রোব তৌখি। আর.তি.-পি.সি.আর. তেস্তশিং অসি কোবিদ-১৯ তেস্তিংদা অরোইবা ৱারেপ লৌবা অমসুং মরু ওইবা অমা ওইরি। তেস্তশিং অসি লুপা ৪৯৯/- চংগনি অমসুং তেস্ত তৌবগী শেল অসি আই.সি.এম.আর.না পুথোক্কনি। দিল্লীগী মীয়াম্না মসিগী শেল অমত্তা পুথোক্লোই। থৌরাং অসি কোবিদ-১৯ তেস্তিং অসি হোংনা ফংনবা অমসুং প্রজা মীয়ামদা ফংবা হেনগৎনবা খোঙথাং অমনি। তেস্ত রিপোর্ত অসি চপ মান্নবা তেস্ত রিপোর্তনা চাংচৎতা পুং ২৪দগী ৪৮ চংলম্বা অদুগা চংদম্নবদা সেম্পল লৌখিবা মতমদগী পুং ৬তগী ৮ ফাওবগী মনুংদা ফংহনগনি।

অকুপ্পা ৱারোলগীদমক:

কোবিদ-১৯গুম্বা মালেমগী ওইবা শিংনবা অসি মায়োক্নবদা মল্তিলেতরেল কোওপরেসন মরু ওই: দা. হর্শ বর্ধন

“ঐখোয়গী মাংজিল থারিবা ইন্সতিত্যুসন্না – ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)-কোবিদ-১৯ বেক্সিনশিংগী ত্রাইএল পাঙথোকপদা য়াওরি’। ভারতনা মরু ওইবা বেক্সিন কন্তেন্দরশিংগীদমক্তা ক্লিনিকেল ত্রাইএলশিংসু পাঙথোক্লি। ভারত্তা বেক্সিন ৩০রোম দিবেলপমেন্তগী তোঙান তোঙানবা স্তেজশিংদা লৈরি। মখোয়গী মনুংদা অনিদি দিবেলপমেন্তগী খ্বাসিদগী এদভান্স স্তেজতা লৈরি – আই.সি.এম.আর.-ভারত বাইওতেক চুংশিন্নদুনা দিবেলপ তৌখিবা কোবাসিন অমসুং সিরম ইন্সতিত্যুত ওফ ইন্দিয়াগী কোবিশিল্দ। মলেমগী খ্বাইদগী চাউবা বেক্সিন মেন্যুফেকচরর ওইরিবা ইন্সিত্যুত অসিনা ওক্সফোর্দ য়ুনিবর্সিতীনা দিবেলপ তৌবা বেক্সিনগী ত্রাইএলশিং পাঙথোক্লি। অনিমক ক্লিনিকেল ত্রাইএল স্তেজকী ফেস-IIIদা লৈরি। ঐখোয়গী খ্বাইদগী চাউবা ফার্মা অমা ওইরিবা দা. রেদী’স লেবোরেতরীসনা রুসিয়াগী বেক্সিন অসি মীওইবদা ত্রাইএল তৌবগী অরোইবা স্তেজ পাঙথোক্লবা মতুং অমসুং রিগুলেতরী এপ্রুবেল ফংলবা মতুংদা ভারত্তা য়েন্থোক্কনি”। হকশেল অমসুং য়াইফ-য়ুম্বাল, সাইন্স অমসুং তেক্নোলোজী অমসুং আর্থ সাইন্সেসকী মন্ত্রী দা. হর্শ বর্ধন্না ঙসি ভর্চ্যুএল ওইনা পাঙথোকখিবা অহানবা ভর্চ্যুএল এস.সি.ও. য়ং সাইন্তিস্ত কনক্লেবকী মহাক্কী থৌরম হৌদোকপগী ৱারোলদা মহাক্না অসুম্না ফোঙদোকখি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           মহারাস্ত্র: মহারাস্ত্র সরকারনা রাজ্য অসিদা প্লেনদা, ত্রেনদা নত্রগা মখাগী লম্বিদা লাক্লিবশিংগীদমক্তা অনৌবা এস.ও.পি.শিং থোকখ্রে, হায়রিবা অসি নবেম্বরগী ২৫দগী চৎনহল্লগনি। খ্বাইদগী নৌনা থোকখিবা ওর্দরগী মতুং ইন্না দিল্লী, রাজস্থান, গুজরাত অমসুং গোৱাদগী মহারাস্ত্রদা প্লেনদা নত্রগা ত্রেনদা লাক্লিবা দোমেস্তিক ত্রাভেলরশিংনা কোবিদ নেগেতিব রিপোর্তকী মথৌ তাগনি। মহারাস্ত্রগী সি.এম.না দিসেম্বরগী ৬, দা. বালাসাহেব অম্বেদকরগী লৈখিদবগী নিংশিং কুমওনগী থৌরম, মহাপরিনিরভনদা মুম্বাইগী চৈত্যভুমিদা মীয়াম তিন্দনবা মীয়ামদা আপীল তৌখ্রে।

•          গুজরাত: গুজরাত্তা, সুরত মুনিসিপাল কোরপ্রেশন্না সিতী অসিদা কোবিদকী ফমুং মশিং অদু শরুক মরি থোক্না হেনগৎনবা ৱারেপ লৌখ্রে। গুজরাত সরকারনা ইনফেক্সন তৌবা য়েংশিন্নবা রাজ্য অসিগী মরু ওইবা সিতী মরিদাতেস্তিং সেন্তরশিংগী মশিং হেনগৎনবা ৱারেপসু লৌখ্রে। হন্দক গুজরাত্তা কোবিদ-১৯ কেসশিং হেনগৎলকখ্রবা মতুংদা, রাজ্য সরকারনা এহমদাবাদ, সুরত, ৱদোদরা অমসুং রাজকোত্তা তেস্তিং ফেসিলিতীশিং হেনগৎখ্রে।

•          রাজস্থান: রাজস্থানগী মুখ্য মন্ত্রী, অশোক গেহলোতনা হায়খি মদুদি রাজ্য অসিদা লৈরিবা কোবিদ ইনফেক্সন অসি য়াম্না খুদোংথিনীংঙাই ওইবা ফিভমদা লাক্লে। মহাক্না হায়খি মদুদি রাজ্য সরকার অসিনা ইনফেক্সন তৌবা শন্দোরকপা অসি থিংনবা মীয়ামগী য়াইফনবগীদমক্তা অরুবা ৱারেপ কয়া লৌখি। মুখ্য মন্ত্রীনা নিংথৌকাবগী নুমিদাংৱাইরমদা ভীদিও কনফরেন্সিংগী খুত্থাংদা রাজ্য অসিদা লৈরিবা কোবিদকী ফিভম অদু অমুক হন্না য়েংশিনখ্রে। হৌখিবা নুমিৎ হুম্নি অসিদা নুমিৎ খুদিংগী কেস ৩,০০০গী মথক্তা থেংনখি। নিংথৌকাবা নুমিত্তা মী্ই ১৮ লৈখিদবগা লোইননা শিখিবশিংগী মশিং অদু ২,১৮১দা হেনগৎলকখ্রে।

•          মধ্য প্রদেশ: মুখ্য মন্ত্রী, শিৱরাজ সিং চৌহন্না কোবিদ-১৯গী মতাংদা এৱেয়রনেস লৈহন্নবা ভোপালদা মাস্কশিং য়েন্থোকখ্রে অমসুং মীয়ামদা মসিবু উপ্নবা পুক্নিং থৌগৎখ্রে। হৌখিবা পুং ২৪দা অনৌবা কেস ১,৭০১ থেংনখ্রবা মতুংদা রাজ্য অসিদা লেরিবা কোবিদ-১৯গী কেসশিংগী মশিং অদু লাখ ১.৯৪ মথক্তা হেনগৎখ্রে। ইনফেক্সন অসিনা মরম ওইরগা পেসেন্ত ১০ লৈখিদবগা লোইননা শিখিবশিংগী মশিং অদু ৩,১৭২দা হেনগৎলকখ্রে। হৌজিক-হৌজিক মধ্য প্রদেশতা এক্তিব কেস ১২,৩৩৬ লেরি।

•          ছত্তিসগর: ছত্তিসগরদা নিংথৌকাবা নুমিত্তা অনৌবা কোবিদ-১৯ কেস ২,০৬১ থেংনখি অমসুং ১৪ শিখিবগা লোইননা অপুনবা কেসশিংগী মশিং অদু ২,২৫,৪৯৭ য়ৌহনখি অমসুং শিখিবশিংগী মশিংনা ২,৭৪৬ য়ৌহনখি। হোসপিতালশিংদগী পেসেন্ত ১০৫ দিসচার্জ তৌখ্রবা মতুংদা ফগৎখিবশিংগী মশিং অদু লাখ অনি হেনখ অমসুং ২,০০,৮২৫দা হেনগৎখি, অদুগা নুমিৎ অদুমক্তদা অতোপ্পা ১,১৮২ অমনা মখোয়গী হোম আইসোলেশনগী মতম মপুং ফানা লোইশিনখি। রাজ্য অসিদা হৌজিক এক্তিব কেস ২১,৯২৬ লৈরি।

•          গোৱা: নিংথৌকাবা নুমিত্তা গোৱাদা কোবিদ-১৯গী অনৌবা ইনফেক্সন ৭৫ থেংনখি অমসুং ১০৫ ফগৎখি, মসিনা মরম ওইরগা এক্তিব কেসশিংগী মশিং অদু ১,১৪০ ওইখি। নুমিৎ অদুদা কোবিদ-১৯না মরম ওইরগা শিখিবা লেখিদে। নুমিৎ অদুদা সেমপল ১,৪৬০ তেস্ত তৌখিবগা লোইননা রাজ্য অসিগী কেস পোজিতিব ওইবগী চাং অসি ৫% ওইখি অমসুং ফগৎলকপগী চাংনা ৯৬% ওইখি। গোৱাদা শিবগী চাং অসি হন্দক্কী থা অসিগী হৌরকপদগী চাংচত্তা শিখিবশিংগী মশিং অদু নোংমগী ওইনা অনিদগীনা অহুম ফাওবদা হন্থখি। হন্দক্কী থা অসিদা রাজ্য অসিগী নোংমদা থেংনখিবা অনৌবা কেসশিংগী চাংচৎ অদু কেস ১০০দগীনা ১৫০ ফাওবা ওইখি।

•          কেরলা: কোবিদ-১৯ অনলোক্কী মতুং ইন্না, রাজ্য সরকারনা লনাইগী তুইশন সেন্তরশিং, কমপ্যুতর ত্রেনিং সেন্তরশিং অমসুং দান্স স্কুলশিং অদু অখন্নবা কন্দিশনশিং ঙাক্না চৎলবা মতুংদা হাংদোকপা য়াবগী অয়াবা পীখ্রে। মরক অসিদা রাজ্য অসিদা কোবিদতগী ফগৎলকপগী মশিং অসি ঙরাং লাখ মঙা হেনখ্রে। তেস্ত পোজিতিব ওইবগী চাং অসি ১০.৫৪% ওইখি। রাজ্য অসিদা অনৌবা কেস ৩,৭৫৭ লৈখি অমসুং ২২ শিখিবা লৈখি। রাজ্য অসিদা কোবিদনা মরম ওইরগা শিখিবশিংগী মশিং অদু হৌজিক ২,০৭১নি।

•          তামিল নাদু: তি.এন.না য়ুমশকৈশা নুমিত্তা করাইকল অমসুং মামল্লাপুরমগী মরক্তা লৈবা তামিল নাদু অমসুং পুদুচেরীগী সমুদ্র মপান ফাওদুনা চৎপা য়ানা লৈরিবা “য়াম্না কনবা সাইক্লোনিক স্তোর্ম”গা ময়োক্ননবা শেম-শাদুনা লৈরে, সি.এম. এদাপদি কে. পলানিস্বামিনা শভাপতি ওইদুনা নিংথৌকাবা নুমিত্তা মশিনা শোকহনগবশিংগী মতাংদা অৱাংবা থাক্কী মীফম অমা পাংথোকখ্রে। সাইক্লোন নিভার: সমুদ্রদা হি ৩০দা করাইকলগী ঙামী কয়া পন্দুনা লৈখ্রে, পুদুচেরী অসি সেক্সন ১৪৪গী মখাদা লৈরগনি; পুদুচেরী এদমিনিস্ত্রেশন্না খুদোংথিনিংঙাই ওইবা মফমশিং অমসুং অনেম্বা মফমশিংদা লৈবা মীশিংদা লৈফম-চাফম পীনবা পুদুচেরীদা রিজন্দা পুন্না রিলীফ কেমপ ১৯৬ অমসুং করাইকল রিজনদা ৫০ থমখ্রে।

•          কর্নাতকা: ঙসি কোবিদ মেনেজমেন্তকী মতাংদা প্রধান মন্ত্রীনা তৌখিবা ভীদিও কনফেরেন্স অদুদা মুখ্য মন্ত্রী অমসুং হকশেল মন্ত্রীনা শরুক য়াখি। ভেক্সিন য়েন্থোক্নবা সেন্তর ২৯,৪৫১ অমসুং ভেক্সিনেতর ১০,০০০গী মথক্তা খঙদোকপা ঙমখ্রে। রাজ্য অসিদা চাউরাক্না কোল্দ চেন সেন্তর ২,৮৫৫ লৈ অমসুং ভেতরিনরী দিপার্তমেন্তকী কোল্দ স্তোরেজ ফেসিলিতীশিং অমসুং লনাইগী হোসপিতালশিংসু শিজিন্নরগনি হায়না মন্ত্রী দা. কে. সুধাকরনা হায়খি।

•          অন্ধ্র প্রদেশ: মুখ্য মন্ত্রী, জগন মোহন রেদ্দীনা ভেক্সিন য়েন্থোকপা অমসুং মসিগী শেম-শাবগী মতাংদা এক্সন প্লান অমা পুথোরক্নবা ওফিসিয়েলশিংদা খঙহনখ্রে। মহাক্না প্রধান মন্ত্রী, নরেন্দ্র মোদি লোইননা পাংথোকখিবা ভীদিও কনফরেন্স অমদা শরুক য়াখি। স্তোরেজ কেপাসিতী লিতর লাখ ১.৪৬ লৈবা অন্ধ্র প্রদেশতা মখোয়গী কেপাসিতী অদু অতোপ্পা লিতর ১,৬৯,৫০০ অমগা হেনগৎনবা হায়খ্রে।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ৯২১ লৈখি, ১০৯৭ ফগৎখি অমসুং ৪ শিখি। অপুনবা কেসশিং: ২,৬৫,০৪৯; এক্তিব কেসশিং: ১১,০৪৭; শিখিবশিং: ১৪৩৭; দিসচার্জ তৌখিবশিং: ফগৎলকপগী চাং চাদা ৯৫.২৮ ওইখিবগা লোইননা ২,৫২,৫৬৫ দিসচার্জ তৌখ্রে, অদুগা লৈবাক পুম্বগী ওইবা ফগৎলকপগী চাংনা চাদা ৯৩.৭ ওইখি।

•          অসাম: অসামদা হৌখিবা পুং ২৪গী মনুংদা তেস্ত ২৫২২৫ পাংথোকখিবগী মনুংদা কোবিদ-১৯গী কেস ১৬৯ থেংনখি।

•          সিক্কিম: সিক্কিমদা কোবিদ-১৯গী অনৌবা কেস ৪১ থেংনখি। এক্তিব কেসশিংগী অপুনবা মশিং অদু ২৩৮ শুখ্রে অদুগা কেস ৪৩৫১না ফখ্রে অমসুং দিসচার্জ তৌখ্রে।

ফেক্ত চেক

*****