হকশেল অমসুং য়াইফ-য়ুম্বাল মন্ত্রালয়
থংন-থংননা নুমিৎ ৪৪সিদা ভারতনা নোংমগী নৌনা নারকপা মীশিংদগী ফগৎলকপা মীশিংনা হেন্দুনা চৎলি
হৌজিক নারিবা মীশিং লাখ ৪.৬৫তা হন্থখ্রে
Posted On:
16 NOV 2020 11:37AM by PIB Imphal
ভারতনা নুমিৎ ৪৪শুবা ওইনা নুংতিগী নৌনা নারকপা মীশিংদগী নৌনা ফগৎলকপা মীশিংনা হেন্দুনা চৎপগী ফীভম মখা তানা লৈরি।
হৌখিবা পুং ২৪সিদা কোবিদ-১৯না নৌনা নারকপা মীশিং ৩০,৫৪৮ থেংনবদা মীশিং ৪৩,৮৫১ নৌনা ফগৎলকখি। মসিনা তাক্লিবদি হৌজিক নারিবা মীশিংদগী ১৩,৩০৩ হন্থরক্তুনা হৌজিক ৪,৬৫,৪৭৮তা লৈরে।
য়ুরোপ অমদি অমেরিকাগী লৈবাক কয়াদা নোংমগী নৌনা নারকপা মীশিং চপ য়ুংনা হেনগৎলকপা থেংনরিবসিগী য়েংলুরগা নোংমদা নৌনা নারকপা মীশিং ৩০,৫৪৮ থেংনরিবা অসি পুৱারী ওইনা মীশিং য়ামদনা নারকপা ফীভম ওইরি।
অৱাংবা থাক্কী শুপচিল্লবা তেস্তিংগী থৌরাং লৈঙাক্না মখা তানা লৌখৎপনা মরম ওইরগা অপুনবা পোজিতিভিতীগী চাং হন্থহল্লকপা ঙমহল্লিবনি।
ফগৎলকপগী চাং ঙসি চাদা ৯৩.২৭দা হেনগৎলে। অপুনবা ফগৎলকপা মীশিং ৮২,৪৯,৫৭৯ ওইরে।
হৌখিবা পুং ২৪সিদা নৌনা ফগৎলকখিবা মীশিংগী চাদা ৭৮.৫৯দি স্তেত/য়ু.তি. তরাদগীনি।
দিল্লীনা মীশিং ৭,৬০৬ নাবা ফগৎলক্তুনা মশিং খ্বাইদগী য়ামবা ওইরি। কেরলাদা মীশিং ৬,৬৮৪ নাবা ফগৎলকপগী পাউ লৈ অমদি ৱেস্ত বেঙ্গলদা মীশিং ৪,৪৮০ নৌনা নাবা ফগৎলক্তুনা মতুং ইল্লি।
নৌনা নারকপা মীশিংগী চাদা ৭৬.৬৩দি স্তেত/য়ু.তি. তরাদগীনি।
কেরলাদা নৌনা নারকপা মীশিং ৪,৫৮১ থেংনখি। হৌখিবা নুমিৎ খরনিসিদা নৌনা নারকপা মীশিং হেনগৎলকপগী ফীভম থেংনরিবা দিল্লীদা ঙরাং মীওই ৩,২৩৫খক্তমক নৌনা নারকখি, অদুগা ৱেস্ত বেঙ্গলনা মীওই ৩,০৫৩ নৌনা নারক্তুনা মতুং ইন্দুনা চৎলি।
নৌনা মীশিং ৪৩৫ লৈখিদবদা চাদা ৭৮.৮৫তি স্তেত/য়ু.তি. তরাদগীনি।
নৌনা লৈখিবদা মীশিংগী শরুক মঙা থোকপগী অমরোম, চাদা ২১.৮৪দি মীওই ৯৫ শিদুনা দিল্লীদগী ওইদুনা মহারাস্ত্রদগী হেনগৎখ্রে। মহারাস্ত্রদগী মীওই ৬০ নৌনা লৈখিদবগী পাউ লাক্তুনা নৌনা লৈখিদবা মীশিংগী চাদা ১৩.৭৯ ওইখি।
স্তেত/য়ু.তি. ১৪দা মীওই মিলিয়ন অমদা শিবা মীশিংগী চাং লৈবাক্কী চাংচৎ ৯৪দগী হেল্লি।
স্তেত/য়ু.তি. ১৩দা লৈবাক্কী চাংচত্তগী কেস ফেতেলিতী রেত ৱাংনা চৎলি।
হায়রিবা স্তেত/য়ু.তি.শিংসিদা মখোয়গী লনাই অমদি লৈঙাক্কী অনা লাইয়েংশঙশিং কোনশিনবা নীংথিনা শেম্লবা স্তেন্দর্দ ওফ কেয়র প্রোতোকোল অমগী খুত্থাঙদা আই.সি.য়ু.দা লৈবা ফীভম লুবা অনাবশিংগী ক্লিনিকেল কেয়র মেনেজমেন্ত ফগৎহন্নবা অমদি অনা লাইয়েংশঙদা পুখৎলক্লবা অমসুং য়ুমদা তোখায়না লৈরিবা অনাবশিংগী চৎন-পথাপ পীনবগীদমক কেন্দ্র লৈঙাক্না হায়রিবা স্তেত/য়ু.তি.শিংসিগা খুৎশম্ননা চৎমিন্নরি।স্তেত/য়ু.তি.শিংসিদা মল্তি-দিসিপ্লিনরী সেন্ত্রেল তীমশিংসু কোবিদ মেনেজমেন্ততা ঙাক্লৌ পীনবগীদমক্তা থারি।
স্তেত/য়ু.তি. লৈঙাক্না লৌখৎলিবা মীয়ামগী হকশেলগী থৌরাংশিং য়েংশিন্নবগীদমক্তা চাং নাইনা অৱাংবা থাক্কী মীফমশিংসু পাঙথোক্লি।
****
(Release ID: 1673266)
Visitor Counter : 195
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam