ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଭାରତରେ କରୋନା ସକ୍ରିୟ ମାମଲା ହ୍ରାସ ଧାରା ଜାରି
● 27 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ 20 ହଜାରରୁ କମ୍ ସକ୍ରିୟ ମାମଲା
● ମୋଟ ସକ୍ରିୟ ମାମଲାର 78% 10 ରାଜ୍ୟରେ
Posted On:
05 NOV 2020 11:52AM by PIB Bhubaneshwar
ଭାରତରେ କରୋନା ସକ୍ରିୟ ମାମଲା ହ୍ରାସ ଧାରା ଜାରି ରହିଛି । କ୍ରମାଗତ ସପ୍ତମ ଦିନ ପାଇଁ ଦେଶର ସକ୍ରିୟ ମାମଲା ସଂଖ୍ୟା 6 ଲକ୍ଷ ତଳେ ରହିଛି ଏବଂ ଆଜି ଏହା 5,27,962 ରହିଛି । ଦେଶରେ ମୋଟ ପଜିଟିଭ୍ ମାମଲାର ମାତ୍ର 6.31% ସକ୍ରିୟ ମାମଲା ।
ଜାତୀୟ ଧାରା ସହ ତାଳ ଦେଇ 27ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ସକ୍ରିୟ ମାମଲା 20 ହଜାରରୁ ତଳେ ରହିଛି ।
ମୋଟ ସକ୍ରିୟ ମାମଲାର 78% କେବଳ 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ଅଛି । ମହାରାଷ୍ଟ୍ର, କେରଳ, ଦିଲ୍ଲୀ, ପଶ୍ଚିମବଙ୍ଗରେ ମିଳିତ ଭାବେ ଦେଶରେ 51% ସକ୍ରିୟ ମାମଲା ରହିଛି ।
ପ୍ରତିଦିନ ସୁସ୍ଥଙ୍କ ସଂଖ୍ୟା ବୃଦ୍ଧି ପାଇ ଚାଲିଥିବାରୁ ସକ୍ରିୟ ମାମଲା ହ୍ରାସ ପାଉଛି । ଦେଶରେ ମୋଟ ସୁସ୍ଥଙ୍କ ସଂଖ୍ୟା ଏବେ 77,11,809 । ସୁସ୍ଥ ସଂଖ୍ୟା ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ 72 ଲକ୍ଷ (71,83,847)ପାଖାପାଖି ରହିଛି । ଜାତୀୟ ସୁସ୍ଥ ହାର ଇତି ମଧ୍ୟରେ ବୃଦ୍ଧି ପାଇ 92.20% ହୋଇଛି ।
ଗତ 24 ଘଣ୍ଟା ମଧ୍ୟରେ ଦେଶରେ 55,331 ଜଣ ଆକ୍ରାନ୍ତ ସୁସ୍ଥ ହୋଇ ଡିସଚାର୍ଜ ହୋଇଥିବା ବେଳେ 50,210ଟି ନୂଆ ପଜିଟିଭ୍ ମାମଲା ସାମନାକୁ ଆସିଛି ।
ନୂଆ ସୁସ୍ଥଙ୍କ ମଧ୍ୟରୁ 82% ଆସିଛନ୍ତି 10ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
ମହାରାଷ୍ଟ୍ର, କେରଳ ଏବଂ କର୍ଣ୍ଣାଟକରେ ଗୋଟିଏ ଦିନରେ ସର୍ବାଧିକ 8 ହଜାରରୁ ଅଧିକ ଲେଖାଏଁ ସୁସ୍ଥ ହୋଇଛନ୍ତି । ନୂଆ ସୁସ୍ଥଙ୍କ ମଧ୍ୟରୁ ଏହି 3 ରାଜ୍ୟରେ 45% ଅଛନ୍ତି ।
ଗତ 24 ଘଣ୍ଟା ମଧ୍ୟରେ ଦେଶରେ 50,210 ନୂଆ ପଜିଟିଭ୍ ମାମଲା ଆସିଛି ।
ଏଥିରୁ 79% ଆସିଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
କେରଳରେ ଗୋଟିଏ ଦିନରେ ସର୍ବାଧିକ 8 ହଜାରରୁ ଅଧିକ ପଜିଟିଭ୍ ମାମଲା ଆସିଥିବା ବେଳେ ଏହା ପଛକୁ ଦିଲ୍ଲୀରେ 6 ହଜାର ପଜିଟିଭ୍ ମାମଲା ଆସିଛି ।
ଗତ 24 ଘଣ୍ଟା ମଧ୍ୟରେ ଦେଶରେ 704 ଜଣଙ୍କର କରୋନାରେ ମୃତ୍ୟୁ ହୋଇଛି । ଏଥିରୁ 80% ହୋଇଛି 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ । କେବଳ ମହାରାଷ୍ଟ୍ରରେ ଏଥିରୁ 42% ମୃତ୍ୟୁ (300 ମୃତ୍ୟୁ) ହୋଇଛି ।
***********
(Release ID: 1670452)
Visitor Counter : 196
Read this release in:
English
,
Urdu
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam