ভারতনা নাবা ফগৎলকপগী মশিং খ্বাইদগী য়াম্বগা লোয়ববা মালেমগী মকোক থোংবা লৈবাক ওইখ্রে। ঙসি পুন্না নাবা ফগৎখিবা অসি লাখ ৭৫ (৭,৫৪৪,৭৯৮) হেনখ্রে ।

লৈবাক অসিদা হৌখিবা পুং ২৪দা ৫৩,২৮৫ নাবা ফগৎখিবগী রেজিস্তর তৌখি।

এক্তিব কেসশিং অসি লেপ্তনা হন্থরক্লি। ভারতকী অপুনবা এক্তিব কেস অসি  ৫,৬১,৯০৮ শুখ্রে।

লৈবাক অসিগী অপুনবা পোজিতিব কেসশিংগী ৬.৮৩% খক্তনা এক্তিব কেসশিং ওইরি।

থা অনি খক্তগী মতম অসিদা এক্তিব কেসশিংগী পর্সেন্তেজ অসি শরুক ৩গী মথক্তা হন্থখ্রে। সেপ্তেম্বর দা এক্তিব কেসশিংগী পর্সেন্তেজ অসি ২১.১৬% ওইখি।

জনুৱারী ২০২০দগী হৌদুনা কোবিদ-১৯গী তৌখিবা তেস্তশিংগী অপুনবা মশিংদা চাউনা হেনগৎলকপা উবা ফংখি। তেস্ত তৌবা হেনগৎপনা ঙন্না খঙদোকপা অমসুং চুনবা লায়েং লৌখৎপা ঙমহনখি। ঙসিদি পুন্না তেস্ত তৌখিবা অসি করোর ১১ (১১,০৭,৪৩,১০৩) হেনখ্রে।

লৈবাক শিনবা থুংনা লেব ২০৩৭ লৈবগা লোয়ননা অমসুং কেন্দ্র অমদি রাজ্য/য়ু.তি. সরকারশিংনা পুন্না হোৎনবা অসিনা লৈবাক অসিগী তেস্ত তৌবা ঙম্বগী চাংশিং অসি শরুক কয়া থোক্না হেনগৎখ্রে।

লৈবাক অসিগী নাবা ফগৎলকপগী চাং অসিদা লেপ্তনা হেনগৎলকপা অসিনা নাবা ফগৎলকপগী মশিং য়াম্না ৱাংঙি হায়বসু তাক্লি, হৌজিক্কী ওইনা ৯১.৬৮%দা লৈরি।

হৌখিবা পুং ২৪ অসিদা নৌনা নাবা ফগৎলকখিবা কেসশিংগী ৭৮%দি রাজ্য/য়ু.তি. ১০দগীনি। কেরেলা অমসুং কর্নাতকানা কেস ৮,০০০/৮,০০০কী মথক্তা থেংনবগা লোয়ননা মশিং খ্বাইদগী য়াম্না য়াম্বা ওইরি। দিল্লী অমসুং ৱেস্ত বেঙ্গলনা কেস ৪,০০০-৪,০০০গী মথক্তা থেংনবগা লোয়ননা মতুং ইন্নখি।

লৈবাক অসিদা হৌখিবা পুং ২৪ অসিদা কনফর্ম কেস ৪৫,৩২১ রিপোর্ত তৌরকখি।

অনৌবা কেসশিংগী ৮০%দি রাজ্য/য়ু.তি. তরাদগী ওইখি। অনৌবা কেস ৭,০২৫কা লোয়ননা কেরেলানা অহানবদা লৈরি অমরোমদা দিল্লী অমসুং মহারাস্ত্র অনিমক্তগী নোংমগী অনৌবা কেস ৫০০০গী মথক্তা রপোর্ত তৌরকখি।

হৌখিবা পুং ২৪দা শীখিবা ৪৯৬ রেজিস্তর তৌখি।

হৌখিবা পুং ২৪ অসিদা শীখিবগী ৮২%দি রাজ্য অমসুং য়ু.তি. ১০দগী ওইখি।

ঙৱাংগী নুমিৎতা শীখিবগী রিপোর্ত তৌরকখিবা অসিদা শীখিবা ১১৩গা লোয়ননা মহারাস্ত্রদগী ২২% ওইখি অমদি শীখিবা ৫৯গা লোয়ননা ৱেস্ত বেঙ্গলনা মতুং ইনখি।

****