জনুৱারী ২০২০দগী কোবিদ-১৯গী অপুনবা তেস্ত তৌবগী মশিং অসি খংহেন-হেনগৎলকখ্রে। ঙসি অপুনবা তেস্ত তৌবগী মশিং অসি করোর ১০ হেনখ্রে। 

অতোপ্পা মায় পাকপা অমনা হৌখিবা পুং ২৪সিদা তেস্ত ১৪,৪২, ৭২২ তৌখ্রে।

লৈবাক অসিগী তেস্ত তৌবগী চাং অসি লৈবাক অসিগী তেস্ত তৌনবা লেবোরেতরী ২০০০মুক্কা কেন্দ্র অমদি রাজ্য/য়ুনিয়ন তেরিতোরীগী সরকারশিংগা খুৎশম্নদুনা কন্না হোৎনদুনা থবক পাংথোকপনা শরুক কয়া হেনগৎহনখ্রে।  নোংমদা সেম্পল লাখ ১৫ হেন্না তেস্ত তৌবা ঙম্মে।

তেস্তিং তৌবগী ইনফ্রাস্ত্রকচর অসি লৈবাক শিনবা থুংনা খুমাং চাউশিন্না পাকথোক-চাউথোকহনবনা তেস্ত তৌবগী মশিং অসি খংৱাং ৱাংখৎহনবদা অচৌবা থৌদাং লৌরি।  সরকারগী লেবোরেতরী ১১২২ অমদি লন্নাইগী লেবোরেতরী ৮৬৭ য়াওবা লৈবাক অসিগী তেস্ত তৌবগী লেবোরেতরী ১৯৮৯ অসিনা নোংমগী তেস্ত তৌবগী চাং অসি য়াম্না নিংথিজনা মপাঙ্গল হেনগৎহনখ্রে।

অপনবা লৈতনা নিংথিনা তেস্ত তৌবগী অৱাংবা থাক অসিনা লৈবাক অসিগী পোজিতিব ওইবগী চাং অসি হন্থহনখ্রে। মসিনা লায়না শন্দোরকপগী চাং অসি লৈহন্দনবা নিংথিনা চত্থরি হায়বা তাক্লি।  অপুনবা তেস্ত তৌবগী চাং অসি করোর ১০ হেনখিবগা লোয়ননা অপুনবা পোজিতিব ওইবগী চাং অসি লেপ্তনা তাথরক্লি। লৈবাক অসিগী পোজিতিব ওইবগী চাং অসি ঙসি চাদা ৭.৭৫ ওইরে। 

মসি রাজ্যশিং/য়ুনিয়ন তেরিতোরীশিংনা মতুং ইন্দুনা কেন্দ্র সরকারনা মায় পাক্না তেস্ত, ত্রেক্ত, ত্রেস, ত্রীত অমদি তেক্নোলোজীগী লাল্লোং চত্থবগী মহৈননি।

মফমশিং শিন-থুংনা চাং ৱাংনা তেস্ত তৌবা অসিনা ঙল্লিঙৈদা পোজিতিব কেসশিং অসি খংদোকপা, হৈ-শিংনা য়েংশিনবা অমদি ত্রেসিং তৌদুনা থুনা ত্রেক্ত তৌবা অমদি অরুবা কেসশিং অসি য়ুমশিংদা অমদি ফেসিলিতীশিংদা অমদি হোসপিতালশিংদা মতম চানা অমদি নিংথিনা লায়েং চত্থবা ঙমখ্রে। মসিগী পায়খৎলিবা থবকশিং অসিনা শিবগী চাং অসি লেপ্তনা হন্থহনখ্রে।

অকোনবগী তেস্ত করোর ১ অসি হৌখিবা নুমিৎ ৯নিদা পাংথোকখি।

রাজ্য অমদি য়ুনিয়ন তেরিতোরী ১৫না লৈবাক অসিগী ওইবা মশিংগা চাংদম্নবদা পোজিতিব ওইবগী চাং অসি ৱাংনা লৈরি, মসিগী মফমশিং অসিদা মপুং ওইবা তেস্ত তৌবগী অৱাংবা থাকশিংগী মথৌ তাই হায়বা তাক্লি।

******