بھارت  نے جنوری 2020 کے بعد سے کووڈ 19 کے مجموعی ٹیسٹوں کی تعداد میں غیر معمولی اضافے کا مظاہرہ کیا ہے۔ ملک  نے آج کُل 10 کروڑ ٹیسٹوں (10،01،13،085) کی حد کو عبور کیا ہے۔

ایک اور کامیابی کے طورپر گزشتہ 24 گھنٹے میں  1442722 ٹیسٹ کئے گئے ۔

ملک نے  ٹیسٹ کرنے کی صلاحیت میں  ملک بھر میں تقریباً  2000 لیبز اور مرکز اور ریاست / مرکز کے زیر انتظام علاقوں کی  حکومتوں کی باہمی تعاون کے ساتھ کئی گنا اضافہ کیا ہے۔ روزانہ 15 لاکھ سے زیادہ نمونوں کی جانچ کی جاسکتی ہے۔

ٹیسٹنگ انفراسٹرکچر میں ملک بھر میں جاری ترقی پذیرائی نے ٹیسٹوں  کی تعداد میں تیزی سے اضافے میں اہم کردار ادا کیا ہے۔ ملک میں 1989 ٹیسٹنگ لیبز سمیت 1122 سرکاری لیبارٹریوں اور 867 نجی لیبارٹریوں کے ساتھ ، روزانہ کی جانچ کی صلاحیت کو کافی حد تک فروغ ملا ہے۔

مستحکم بنیادوں پر اعلی سطح کے جامع ٹیسٹ  کے نتیجے میں زیر علاج مریضوں کی قومی شرح کو بھی کم کیا گیا ہے۔ اس سے ظاہر ہوتا ہے کہ انفیکشن کے پھیلاؤ کی شرح موثر انداز میں قابو کی  جارہی ہے۔ مجموعی  طورپر 10 کروڑ ٹیسٹو ں کی تعداد کو عبور کرتے ہی مجموعی شرح میں کمی واقع ہوتی جارہی ہے۔ آج قومی سطح پر زیر علاج مریضوں کی شرح 7.75فیصد ہے۔

یہ مرکزی حکومت کی کامیاب ٹیسٹ ، ٹریک ، ٹریس ، ٹریٹ  اور ٹیکنالوجی کی حکمت عملی کا نتیجہ ہے جن پر ریاستوں / مرکز کے زیر انتظام علاقوں  کی جانب  سے مؤثر انداز میں عمل کیا جارہا  ہے۔

خطے میں زیادہ تعداد میں ٹیسٹنگ پازیٹو معاملوں کی جلد نشاندہی ،موثر نگرانی کے ذریعہ فوری ٹریکنگ اور ٹریسنگ  اورشدید معاملوں میں اسپتال اور گھروں میں  بروقت موثر علاج کا نتیجہ ہے۔ان  اقدامات کے نتیجہ میں آخر کار شرح اموات کم ہورہی ہے۔

آخری ایک کروڑ ٹیسٹ پچھلے نو دنوں میں کئے گئے ہیں۔

قومی اعدادو شمار  کے مقابلے میں 15 ریاستیں اور مرکز کے زیر انتطام علاقے اعلی مثبت شرح کا مظاہرہ کررہے ہیں ، جو ان علاقوں میں اعلی سطح کی  جامع ٹیسٹنگ  کی ضرورت کی نشاندہی کررہے ہیں۔

۔۔۔۔۔

  م ن، ام

23-10-2020

U-6648