ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ବିଗତ ତିନି ଦିନ ଧରି ମୋଟ ପଜିଟିଭ ମାମଲାର 10%ରୁ ତଳେ ରହିଛି ସକ୍ରିୟ ମାମଲା
• ବିଗତ ତିନି ଦିନ ଧରି ଦୈନିକ ପଜିଟିଭ ହାର 5%ରୁ ତଳେ ରହିଛି
Posted On:
22 OCT 2020 11:44AM by PIB Bhubaneshwar
ଭାରତରେ କରୋନା ସକ୍ରିୟ ମାମଲା ହ୍ରାସ ଧାରା ଜାରି ରହିଛି । ବିଗତ ତିନି ଦିନ ଧରି ମୋଟ ପଜିଟିଭ ମାମଲାର 10%ରୁ ତଳେ ରହିଛି ସକ୍ରିୟ ମାମଲା । ଅର୍ଥାତ୍ ପ୍ରତି 10 ଜଣ କୋଭିଡ-19 ଆକ୍ରାନ୍ତଙ୍କ ମଧ୍ୟରେ ଜଣେ ସକ୍ରିୟ ଅଛନ୍ତି ।
ଏବେ ଦେଶରେ ମୋଟ ପଜିଟିଭ୍ ମାମଲାର 9.29% ଅଛି ସକ୍ରିୟ ମାମଲା, ଯାହାକି 7,15,812 ।
ଅନ୍ୟ ଏକ ଉଲ୍ଲେଖନୀୟ ଘଟଣାକ୍ରମରେ ଦୈନିକ ପଜିଟିଭ ହାର ବିଗତ ତିନି ଦିନ ଧରି 5%ରୁ ନିମ୍ନରେ ରହିଛି । ଏହାଦ୍ୱାରା ସ୍ପଷ୍ଟ ହେଉଛି କି କେନ୍ଦ୍ର ଓ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଗୁଡ଼ିକ ଦ୍ୱାରା ସୁଚିନ୍ତିତ ରଣନୀତି ଦ୍ୱାରା କରୋନା ସଂକ୍ରମଣ ହ୍ରାସ ପାଇପାରିଛି । ଆଜି ଦୈନିକ ପଜିଟିଭ ହାର 3.8% ରହିଛି ।
ଦୈନିକ ପଜିଟିଭ ହାର ହ୍ରାସ ପାଉଥିବାରୁ ସକ୍ରିୟ ମାମଲା ହ୍ରାସ ପାଉଛି, ଯାହାକି କ୍ରମାଗତ ଭାବେ ଆଜି ମଧ୍ୟ 7.5 ଲକ୍ଷରୁ ତଳେ ରହିଛି (7,15,812) ।
ଦେଶରେ ମୋଟ ସୁସ୍ଥଙ୍କ ସଂଖ୍ୟା 69 ଲକ୍ଷ (68,74,518) ପାଖାପାଖି ହୋଇଛି । ସକ୍ରିୟ ମାମଲା ଓ ସୁସ୍ଥତା ସଂଖ୍ୟା ମଧ୍ୟରେ ପାର୍ଥକ୍ୟ କ୍ରମାଗତ ଭାବେ ବୃଦ୍ଧି ପାଉଛି ଏବଂ ଆଜି 61,58,706ରେ ରହିଛି ।
ଗତ 24 ଘଣ୍ଟା ମଧ୍ୟରେ 79,415 ଜଣ ସୁସ୍ଥ ହୋଇଥିବା ବେଳେ ନୂତନ ପଜିଟିଭ ମାମଲା ରହିଛି 55,839 । ଜାତୀୟ ସୁସ୍ଥତା ହାର 89.20%କୁ ବୃଦ୍ଧି ପାଇଛି ।
ନୂଆ ସୁସ୍ଥଙ୍କ ମଧ୍ୟରେ 81% ଆସିଛନ୍ତି 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । ମହାରାଷ୍ଟ୍ରରୁ କେବଳ ଗୋଟିଏ ଦିନରେ 23 ହଜାରରୁ ଅଧିକ ସୁସ୍ଥ ହୋଇଛନ୍ତି ।
ଗତ 24 ଘଣ୍ଟା ମଧ୍ୟରେ ଦେଶରେ 55,839ଟି ପଜିଟିଭ ମାମଲା ସାମନାକୁ ଆସିଛି । ତନ୍ମଧ୍ୟୟରୁ 78% 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ଆସିଛି । ମହାରାଷ୍ଟ୍ର ଏବଂ କେରଳରୁ ଏବେ ମଧ୍ୟ ସର୍ବାଧିକ ପଜିଟିଭ ମାମଲା ଆସୁଛି, ଅର୍ଥାତ 8 ହଜାରରୁ ଅଧିକ । ଏହା ପଛକୁ କର୍ଣ୍ଣାଟକରେ 5 ହଜାରରୁ ଅଧିକ ମାମଲା ଆସିଛି ।
ଗତ 24 ଘଣ୍ଟା ମଧ୍ୟରେ ଦେଶରେ 702 ଜଣଙ୍କ ମୃତ୍ୟୁ ହୋଇଛି । ଏଥିରୁ 82% ମୃତ୍ୟୁ ହୋଇଛି 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ । ନୂତନ ମୃତ୍ୟୁ ମଧ୍ୟରୁ 25%ରୁ ଅଧିକ ମହାରାଷ୍ଟ୍ରରେ ହୋଇଛି (180 ମୃତ୍ୟୁ) ।
***********
(Release ID: 1666890)
Visitor Counter : 168
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Manipuri
,
Gujarati
,
Tamil
,
Telugu
,
Kannada
,
Malayalam