হকশেল অমসুং য়াইফ-য়ুম্বাল মন্ত্রালয়

লেপ্পা লৈতনা এক্তিব কেস হন্থবগী লম্বীদা ভারতনা চাং নাইনা চঙশিল্লি


ইহান হানবা ওইনা থা অমদা এক্তিব কেসলোদ লাখ ৯গী মখাদা লৈরে

অনৌবা নাবা ফখিবনা অনৌবা কন্ফার্ম্দ কেসতগী থংন-থংননা অহুমশুবা চয়োলদসু হেনখ্রে

Posted On: 09 OCT 2020 11:12AM by PIB Imphal

ভারত্তা এক্তিব কেস মশিং হন্থবগী পাউ লাকপা লেপত্রি। থা অমগী মতুংদা, ইহান হানবা ওইনা এক্তিব কেস মশিং লাখ ৯গী মখাদা লৈরে। ভারত্তা সেপ্তেম্বর ৯দা লাখ ৮.৯৭ লৈখ্রবা মতুংদা ঙসি এক্তিব কেস মশিং লাখ ৮.৯৩ লাকখি।

হৌজিক্কী ওইনা লৈরিবা এক্তিব কেস মশিং অসি ৮,৯৩,৫৯২নি অমসুং লৈবাক অসিগী  অপুনবা পোজিতিব কেসকী চাদা ১২.৯৪ লৈদুনা অপুনবা কেস মশিং চাং নাইনা হন্থরকপগী ফিবম উৎলি।

WhatsApp Image 2020-10-09 at 10.16.49 AM.jpeg

এক্তিব কেসকী পার্সেন্তেজ হন্থবগী ফিবম অসি নাবা ফরবা কেস মশিং হেনগৎলকপনা ওইহল্লকপনি। অপুনবা নাবা ফরবা কেসনা ৫৯,০৬,০৬৯ ওইরি। নাবা ফরবা কেস অমসুং এক্তিব কেসকী মরক্তা লৈরিবা মশিং অসি লাখ ৫০ (৫০,১২,৪৭৭) ওইরে।

নাবা ফগৎলকপগী মশিং হেনগৎলকপগা লোইননা, মরক্তা লৈরিবা খল অসিসু পাকথোক্লক্লি।

নাবা ফরবা মশিং হেনগৎলকপা অসিনা নেসনেল রিকোবরী রেৎনা চাদা ৮৫.৫২ লৈহনবদসু মতেং পাংখি। হৌখিবা পুং ২৪ অসিদা মীওই ৭৮,৩৬৫সু নাবা ফদুনা দিসচার্জ তৌখি, অদুগা অনৌবা কনফার্ম্দ কেসনা ৭০,৪৯৬তা লৈরি।

ভারত্তা অনৌবা নাবা ফবগী মশিংনা অনৌবা কেস মশিংদগী চয়োল অহুম লেপ্পা লৈতনা হেল্লি। হায়রিবা চয়োল অহুম অসিদা লৈখিবা অনৌবা কেস মশিংসু চাং নাইনা হন্থরক্লি।

মসি পুম্নমক রাজ্য/য়ু.তি.শিংনা কেন্দ্র সরকারগী তেস্তিং, ত্রেকিং, থুনা হোস্পিতালদা পুখৎপা অমসুং স্তেন্দার্দ ত্রিৎমেন্ত প্রোতোকোলদা চেকশিন্না শেন্নদুনা পব্লিক অমসুং প্রাইবেৎ হোস্পিতালশিংদা মেদিকেল কেয়রগী মগুন ৱাংনা পীবা অমসুং হোম আইসোলেসন কেস চেকশিন্না শেন্নবনা ওইহল্লকপনি।

Image

অনৌবা নাবা ফরবা কেসকী চাদা ৭৫দি রাজ্য/য়ু.তি. ১০ হায়বদি মহারাস্ত্রা, কর্নাতকা, কেরলা, অন্ধ্র প্রদেশ, তমিল নাদু, উত্তর প্রদেশ, ওরিশা, নোংচুপ বেঙ্গাল, দিল্লী, অমসুং মধ্য প্রদেশতগী লাকখি।

মহারাস্ত্রখক্তদগী নোংমখক্তদা ১৫,০০০ হেন্না নাবা ফখি।

WhatsApp Image 2020-10-09 at 10.16.43 AM.jpeg

হৌখিবা পুং ২৪ অসিদা অনৌবা কন্ফার্ম্দ কেস ৭০,৪৯৬ লাকখি।

অনৌবা কেসকী চাদা ৭৮না রাজ্য/য়ু.তি. ১০দগী লাকখি।

মহারাস্ত্রনা অনৌবা কেস ১৩,০০০দগী হেন্না লাকপা খ্বাইদগী ৱাংবা রাজ্য ওইরি, মসিগী মতুংদা কর্নাতাকানা অনৌবা কেস ১০,০০০গী মথক্তা লাকখি।

WhatsApp Image 2020-10-09 at 10.16.42 AM.jpeg

হৌখিবা পুং ২৪ অসিদা শিবগী মশিং ৯৬৪ লৈখি।

মসিগী মনুংদগী চাদা ৮২গী চাংদি রাজ্য/য়ু.তি. তরাদগী লাকখি।

নৌনা লৈখিদবগী চাদা ৩৭তি মহারাস্ত্রদগী লাকখি (৩৫৮ লৈখিদবা)।

WhatsApp Image 2020-10-09 at 10.16.41 AM.jpeg

ইন্তর্তেন্মেন্ত পার্ক অমসুং মসিগা মান্নবা মফমশিংদা মীওই কয়ানা পোথানবগীদমক চৎনরি। কোবিদ-১৯ লায়নাদগী ঙাকথোক্নবগীদমক, হকশেল অমসুং য়াইফ-য়ুম্বাল মন্ত্রালয়না ইন্তর্তেন্মেন্ত পার্ক অমসুং মসিগা মান্নবা মফমশিংদা ইনগদবা এস.ও.পি.শিং থোকখ্রে। হায়রিবসি মখাগীসিদগী ফংবীগনিঃ

https://www.mohfw.gov.in/pdf/SOPonpreventivemeasurestobefollowedinEntertainmentParksandsimilarplacestocontainspreadofCOVID19.pdf

*****



(Release ID: 1662991) Visitor Counter : 197