খুরুমজরি!

ৱারী ৱাতাই শানবা অসিদা শরুক য়াবীবগীদমক পুম্নমকপু খুরুমজরি অমসুং থাগৎপা ফোংদোকচরি। মসিগী ফোরম অসিনা প্রভাসি অমসুং ভারত মচা শক্নাইরবা হৈথোইশিংথোইবা কয়াবু অমত্তা ওইনা পুনশিনবীরে। বৈশ্বিক ভারতীয়া বৈগ্যানিক (বৈভাব) সম্মিৎ ২০২০না ভারত অমসুং মালেমগী সাইন্স অমসুং ইন্নোবেসনশিং পুথোক্লি। ঐহাক্না মসিবু অশেংবা সঙ্গম অমা নত্ত্রগা অচৌবা ৱাখলশিংগী ইতিন্নফমনি হায়না কৌজনিংই। অসিগুম্না পুনবসিদগী, ঐখোয়না ভারত অমসুং ঐখোয়গী প্লানেৎ অসিবু মপাঙ্গল পীনবগীদমক তুং কোইনা চৎকদবা এসোসিএসন অমা শেম্বা ঙমগনি।

মরূপশিং,

ঐহাক্না ঙসি থম্মোই শেংনা হোৎনজবা, সজেসন অমসুং ৱাখল্লোন পুথোকপীরকপা সাইন্তিস্তশিংবু থাগৎপা ফোংদোকচনিংই। অদোম্না অদোমগী ইন্তর্বেন্সনশিংদা হীরম কয়া অমা কোনশিনখ্রে। নখোয় অয়াম্বনা ভারতকী একদাদেমিক অমসুং রিসর্চ ইকোসিস্তেমগা মখোয়গী মপাল লমগী মপাংশিংগা পুনশিন্দুনা থবক পায়মিন্নবগী মরুওইবা পুথোক্নরে। তশেংনমক, সম্মিৎ অসিগী তঙাইফদবা পান্দম অদুমকসু মসিনি। অদোম্না সাইন্তিফিক রিসর্চপু খুন্নাই অসিদা চঙবশিং পীননবা মাইকৈদা চংশিনবা মথৌ তাই হায়না য়াম্না চুম্না হায়বিরে। অদোম্না ফজবা সজেসন কয়াসুসু ভারতকী রিসর্চ ইকোসিস্তেম চাওখৎনবগীদমক পীরকখ্রে। ঐহাক্না পুম্নমকপু অদোমগী ৱাখল্লোন পুথোকপীরকপগীদমক থাগৎপা ফোংদোকচরি। নখোয়গী ৱারোল তাবা মতমদা, ঐহাক্না বৈভাব সম্মিৎ অসি য়াম্না মপুং ফাবা অমসুং কান্নবা কয়া পীগদবা ৱারী ৱাতাই ওইগনি হায়না উবা ফংজৈ।

মরূপশিং,

সাইন্স অসি মীওই খুন্নাইগী চাওখৎলোনগী ময়োলদা লৈরে। ঐখোয়না মীওইবনা হৌরকপগী মতমদা চহী কয়া মনীং হন্দুনা য়েংলুবা মতমদা, মতম অসি করম্না খায়দোকপগে? নূংগী য়ুগ, শেঞ্জেংগী য়ুগ, য়োৎকী য়ুগ, ইন্দস্ত্রীগী য়ুগ, শুন্দ্রংগী য়ুগ অমসুং দিজিতেলগী য়ুগ হায়না খায়দোক্লি। মসিদা শীজিন্নবা ৱাহৈ-ৱাতা খরসু লৈরি। য়াম্না শেংনা, তাংকক অমমম অসি তেক্নোলোজী চাওখৎলকপনা ওইহনখিবনি। তেক্নোলোজী হোংবনা ঐখোয়গী পুন্সি মহিংদা অহোংবা পুরক্লি। মসিনা সাইন্তিফিক ক্যুরোসিতীসু হেনগৎহল্লি।

মরূপশিং,

ভারত সরকার অসিনা সাইন্স, রিসর্চ অমসুং ইন্নোবেসন চাওখৎনবা খোঙথাং কয়া অমা লৌখৎখ্রে। ঐখোয়না সোসিও ইকোনোমিক চাওখৎনবা হোৎনবা মতমদা সাইন্সনা ময়োলদা লৈ। ঐখোয়না পথাপ অসিগী খোঙজেল থুগাইরি। তিকা পুথোকপা মতমদা চঙলম্বা শাংলবা মতমসু হোংদোক্লে। ২০১৪দা, অনৌবা তিকা মরি অমসু ঐখোয়গী ইম্ম্যুনাইজেসন প্রোগ্রামদা হাপচিল্লে। মসিদা লমদম অসিদা পুথোকচবা রোতা-ভাইরস ভেক্সিন য়াওরি। ঐখোয়না লমদমসিদা তিকা শাজবদা পুক্নিং থৌগৎলি। হঞ্জক্তসু, ঐখোয়না পুথোকচবা ন্যুমোকোকেল ভেক্সিনগী কৈথেলগী অয়াবা ফংলে। মসিগী তিকা কাপথোকপগী থৌরাং অসিনা অমসুং ঐখোয়গী পোশান মিসন্না ঐখোয়গী অঙাংশিংগী হকশেল অমসুং ন্যুত্রিসনগী থাক খম থেংনা ৱাংহল্লগনি। ঐখোয়গী ভেক্সিন দিবেলপরশিং অসি লাইচৎ অসিগী মনুংদা য়াম্না এক্তিব ওই অমসুং মালেমগী লৈবাকশিংগা চাংদম্নরি। ঐখোয়না মতম অসি য়াম্না মরুওই হায়বসিসু পুক্নিংদা থম্লি।

ঐখোয়না ভারত্তগী তি.বি. ২০২৫ ফাওবদা মুথৎনবা অচৌবা মিসন অমা পায়খৎলি। মসি মালেমগী পান্দমদগী চহী মঙা ঙনখৎলবনি।

মরূপশিং,

হৌজিক ঐখোয়না পায়খৎলিবা কয়াসু লৈরি। ঐখোয়না সুপর্কম্প্যুতিংদা অমসুং সাইবর-ফিজিকেল সিস্তেমদা অনৌবা মিসন অমসু চংশিল্লি। মসিনা আর্তিফিসিএল ইন্তেলিজেন্স, রোবোতিক্স, সেন্সর অমসুং অচৌবা দেতা নৈনবগী হীরমশিংগী ফন্দামেন্তেল রিসর্চ অমসুং এপ্লিকেসন্দা পাকথোক চাউথোকহল্লে। মসিনা ভারতকী পুথোকপা ঙম্বগী থাক্তা কা হেন্না ৱাংহল্লগনি। মসিনা নহা ওইরিবা স্কিল লৈরবা হ্যুমেন রিসোর্স শেম্বদা মতেং পাংলগনি। স্তার্ত-অপ সেক্তরসু চাওখৎপা ঙম্লগনি। মিসন অসিগী মখাদা তেক্নোলোজী ইন্নোবেসন হব ২৫ হাংদোকখ্রে।

মরূপশিং,

ঐখোয়না ঐখোয়গী লৌমীশিংগী মতেং পাংগদবা তোপ ক্লাস সাইন্তিফিক রিসর্চ পাম্লি। ঐখোয়গী লৌউশিংউগী রিসর্চ তৌরিবা সাইন্তিস্তশিংনা হৱাই-চেঙৱাই পুথোকপগী চাং হেনগৎনবা কন্না হোৎনরি। ঙসিদি ঐখোয়না হৱাই-চেঙৱাই খজিক্তমক মপাল লৈবাক্তগী পুশিনলক্লে। ঐখোয়গী ফুদ গ্রেন পুথোকপগী চাং অসি রেকোর্দ ওইনা ৱাংলে।

মরূপশিং,

হন্দক্তা, ভারতনা নেসনেল এজুকেসন পোলিসী অমা শেমজরে। চহী কুন্থ্রারোমগী মতুংদা, ভারত্তা অসিগুম্বা পোলিসী অমা লৈজরে। পোলিসী অসি শেম্বদা থা কয়া পাক শন্না খন্না নৈনখি। মসিগী নেসনেল এজুকেসন পোলিসী, রাস্ত্রীয়া শিকশা নীতি, অসিনা সাইন্সতা খঙনিং হৈনিংবগী ইথিল হেন্না পীরগনি। মসিনা রিসর্চ অমসুং ইন্নোবেসন্দা তঙাইফদবা ইথিল অদু পীরগনি। ঐহাক্না মলতিদিসিপ্লিনরী স্তদিজদা থাজবা থম্লি। মসিগী ওপন অমসুং ব্রোদ ওইবা ইনভাইরোন্মেন্ত অসিনা নহা ওইরিবা তেলেন্তশিংবু য়োকখৎপীরগনি।

ঙসিদি ভারতসু সাইন্তিফিক রিসর্চ অমসুং মালেমগী থাক্তা লৈবা চাওখৎলোন কয়াদা শরুক য়ারিবা মরুওইবা কন্ত্রিব্যুতর ওইরে। মসিগী মনুংদা খরদিঃ লেজর ইন্তর্ফেরোমিতর গ্রেবিতেসনেল ৱেব ওবজর্বেতরী (লিগো), ফেব্রুৱারীদা অয়াবা পীখিবা; য়ুরোপিয়ন ওর্গনাইজেসন ফোর ন্যুক্লিয়র রিসর্চ (সি.ই.আর.এন.), মসিদা ভারতসু জনুৱারীদগী এসোসিএৎ মেম্বর ওইরক্লি; অমসুং ইন্তর্নেসনেল থর্মোন্যুক্লিয়র ইক্সপরেন্সিএল রিএক্তর (আই.-তি.ই.আর.)নি। মসিগী সপোর্তিং রিসর্চশিং অসি ঐগী য়ুম লৈরিবা রাজ্য গুজরাৎকী ইন্সতিত্যুৎ ওব প্লাজমা রিসর্চতা পাংথোক্লি।

মরূপশিং,

হৌজিক হৌজিক তঙাইফদবা লৈরিবসি হৌরক্লিবা নহাশিংবু সাইন্সতা পুক্নিং লুপহনবনি। মসিগীদমক ঐখোয়দা পুৱারীগী সাইন্স অমসুং সাইনসকী পুৱারী মুন্না খঙবা মথৌ তাই। হৌখিবা চহী চাম্মরোমসিদা, মরুওইবা পুৱারীগী ৱাহংশিং অসি সাইন্সকী মতেংনা পাউখুম পীবা ঙমখিবনি। সাইন্তিফিক মেথদশিং অসি হৌজিক্তি তাং পুথোকপদা অমসুং রিসর্চ তৌবদা মতেং পাংলি।

ঐখোয়না ভারতকী সাইন্সকী পাকচাওরবা পুৱারী অসি হেন্না শন্দোক্নবা হোৎনবা তাই। নুংঙাইতবা অমনা, মতম কয়া শাংনা নহাশিং অসিদা অরানবা অমা তম্বীদুনা লাকখ্রে মদুদি মোদর্নিতী মমাংদা লৈরম্বশিং অসি অমম্বদা থাজবা অমসুং অমম্বা য়ুগনি। ঙসিদি কম্প্যুতর, প্রোগ্রামিং, মোবাইল অমসুং এপ্লিকেসনশিংগী য়ুগ ওইরে। অদুবু মদুফাওবদা, কম্প্যুতিংগী মখোঙদা করি লৈরি? মসি বাইনরী কোদ ১ অমসুং ০নি।

মরূপশিং,

কনাগুম্বা অমনা জিরোগী মতাংদা ঙাংবা মতমদা ভারতকী মরমদা ঙাংদে হায়বা য়াগদ্রা? জিরোনা অঙ্ক অমসুং কম্মর্স্তা মতেং কয়া পাংদুনা মীপুম খুদিংনা শীজিন্নরি। ঐখোয়গী নহাশিংনা খঙগদবশিং:বৌধায়ানা, ভাস্করা, বরহমিহিরা, নগর্জুনা, সুশ্রুতা অমসুং অতপ্পশিং হায়বদি মোদর্ন ইরাদা সত্যেন্দ্র নাথ বোস, অমসুং সার সি.ভি. রমননি। মসিগী পরিং অসি ওন্থোক্না শাংখ্রে।

মরূপশিং,

ঐখোয়গী লংনা ঙাল্লম্বা হৌখ্রবা অমসুং ঐখোয়না হৌজিক তৌবা ঙম্বা কয়ানা ইথিল পীরদুনা, ঐখোয়না আসা কয়াগা লোইননা মাংজিল থানা য়েংলি। ঐখোয়না অশোই অঙাম য়াওদবা অমসুং ইনাক খুল্লবা তুংলমচৎ অমা লাক্কদবা চারোলশিংগীদমক থমম্নবা পান্দম থম্লি। ভারতনা লাওরিবা আত্মনির্ভর ভারতকী খোল্লাও, মরোমদোম লেপচবা ভারত অসিদা মালেমগী চাওখৎনবগীসু য়াওরি। মসিগী মংলান অসিবু মংফাওনহন্নবগীদমক, ঐহাক্না পুম্নমকপু চেবাও পীজরি অমসুং অদোম-অদোমগী মতেং নিজরি। ভারত্তা হন্দক্তসু স্পেস রিফোর্ম অমা শেমখ্রে। মসিগী রিফোর্ম অসিনা ইন্দস্ত্রী অমসুং একাদেমিয়াশিংদা খুদোংচাবা পীগনি। অদোমসু খঙলম্লগনি মদুদি ভারত্তা মশক থোকপা স্তার্ত অপ ইকোসিস্তেম অমা লৈরি। মসিগী খুমাং চাউশিনবসি সাইন্তিস্ত, ইন্নোবেতর অমসুং একাদেমিকশিং য়াওদনা মায় পাকপা ঙম্লোই। ঐখোয়গী স্তার্ত অপ সেক্তর অসি অদোম্না তাকপী তম্বীবদগী লৌশিং ফংগদৌরিবনি।

মরূপশিং,

ভারতকী দাইস্পোরাশিং অসি মালেমগী থাক্তা লৈবা ভারতকী এম্বাসেদোরনি। মখোয়না চৎলুবা মফম অমা হেক্তা ওইসনু, মখোয়না ভারতকী চৎন-কাংলোন ৱাখল্লোন পুদুনা চৎলি। মখোয়না মখোয়গী অনৌবা য়ুমদুগী নাৎপুসু ঙাক্না চৎলি। ভারতকী দাইস্পোরাশিং অসি হীরম কয়াদা মায় পাক্লি। লংনা ঙান্দুনা লৈবা খুদম অমা হায়রবদি একাদেমিকনি। মালেমগী য়ুনিবর্সিতী অয়াম্বা অমসুং মালেমদা লৈবা মকোক থোংবা তেক্নোলোজিকেল কোর্পোরেসনশিংনা ভারতকী হৈশিংবশিংদগী কান্নবা কয়া ফংনখ্রে।

বৈভাবকী থোংদগী, ঐখোয়না ময়ামদা অচৌবা খুদোংচাবা অমা পীজরি। অমগা অমগা ফাওননবা অমসুং মতেং পাংনবগী খুদোংচাবা। অদোমগী হোৎনজমলনা ভারত অমসুং মালেম্বু মতেং পাংগনি। মতুং তারকপদা ভারতনা চাওখৎলবা মতুংদা, মালেম পুম্বনা খোঙথাং অমা কান্থোক্কদৌরিবনি। মসিগী লান্নবগী থৌরম অসি অদুক্কী মতীক কান্নবা ফংগনি। ময়াম্না হোৎনবীরিবসিনা অৱাংবা থাক্কী রিসর্চ ইকোসিস্তেম অমা শেম্বদা মতেং পাংলগনি। মসিনা মোদর্নিতীগা ত্রেদিসনগা পুনশিন্নরগনি। মসিনা ভারতপু ঐখোয়না থেংনরিবা খুদোংচাদবা কয়া অসিগী পাম্বৈ পুথোকপা ঙমহনগনি। মসিনা অতোপ্পশিংগীসু চাওখৎপা ফংহনগনি। মসিনা ভারতপু ফুগাইবা ঙম্বা তেক্নোলোজী কয়া পুথোকপদা মতেং পাংগনি। 

মরূপশিং,

ঐখোয়না মহাত্মা গান্ধীগী মপোক কুমোন্দা থেংনবা ফংজরে। ঐহাক্না করিগুম্বা অমা নিংশিংজরি মদুদি গান্ধীজিনা চহী ১০০গী মমাং ১৯২৫তা মহারাজা কোলেজ, থিরুভনন্থপুরমদা ৱা ঙাংবা মতমদা হায়বীখি। মহাক্না সাইতিফিক্কী লৌশিং অসি ভারতকী অয়াম্বা মীওইনা লৈরিবা ভারতকী খুঙ্গং খুদিংমক্তা য়ৌহনবা পামখি। বাপুনা ব্রোদ-বেসিং সাইন্সতা থাজখি। ১৯২৯দা, মহাক্না করিগুম্বা অখন্নবা থবক অমা চাংয়েং তৌখি। মহাক্না ক্রাউদ সোর্সিং চাংয়েং তৌখি। মহাক্না অয়াংবা মখলগী তরেং পুথোকখি। মহাক্না খুঙ্গং, নহা, লাইরবশিংবু নুংশিজবা অমসুং মহাক্কী মীয়াম পুম্ববু সাইন্সনা পুনশিন্নবা হোৎনবীখিবশিং অদুনা ঐখোয়দা ইথিল পীদুনা লৈরি। ঙসিদি ঐখোয়না ভারতকী অতোপ্পা চাওথোকচনিংঙাই ওইরবা মচা অমবুসু মহাক্কী মপোক কুমোন্দা নিংশিংলি। ঐখোয়গী হান্নগী প্রধান মন্ত্রী শ্রী লাল বহাদুর শাস্ত্রিজি। ঐখোয়না মহাক্কী চমজবা অমসুং অফাওবা লুচিংবা অমগী গুনবু নিংশিংজরি।

মরূপশিং,

ঐহাক্না পুম্নমক্তা অদোমগী খন্ন-নৈনবশিংদা য়াইফবা ওইরসনু হায়না থৌনিজরি অমসুং থাজবা থমজরি মদুদি ঐখোয়না বৈভাবপু মপুং ফানবা অমসুং মসিগী ফল অসি চাওনা মায় পাক্নবা হোৎনগনি হায়না। লোইশিন্দ্রিঙৈদা, ঐহাক্না ময়াম পুম্নমক্তা অদোম-অদোমগী হকচাং ফনা লৈনবা অমসুং চেকশিল থৌরাং পুম্নমক লৌখত্তুনা তেক্ত কাইদনা লৈবা ওইবীনবা নিংশিংজরি।

থাগৎচরি।

******