চিকিৎসাধীন ৰোগীৰ নিম্ন ৰখাৰ ধাৰাবাহিকতা অক্ষুণ্ণ ৰাখিছে ভাৰতে

ভাৰতে একেৰাহে চিকিৎসাধীন ৰোগীৰ সংখ্যা ১০ লাখতকৈ কম কৰি ৰাখিবলৈ সক্ষম হৈছে৷ একেৰাহে দশম দিনাও চিকিৎসাধীন ৰোগীৰ ১০লাখতকৈ কম হৈ আছে৷

দৈনিক ক’ভিড আক্রান্ত ৰোগীৰ আৰোগ্য লাভৰ সংখ্যাত উচ্চ হাৰ অব্যাহত আছে৷ দেশত বিগত ২৪ ঘণ্টাত ৮৫,৩৭৬ জন লোকে আৰোগ্য লাভ কৰিছে৷

আজিলৈকে ভাৰতৰ আৰোগ্য লোকৰ সংখ্যা বৃদ্ধি পাই ৫২,৭৩,২০১ জন হৈছে৷ উচ্চ হাৰত আৰোগ্য লাভৰ প্ৰৱণতা অব্যাহত থকাত ৰাষ্ট্ৰীয় আৰোগ্যৰ হাৰ ৮৩.৫৩ শতাংশলৈ বৃদ্ধি পাইছে৷

ইফালে, বিগত ১২ দিনত দেশত ১০ লাখতকৈ অধিক ক’ৰোনা আক্রান্ত ৰোগী সুস্থ হৈছে৷

এই মুঠ আৰোগ্য ৰোগীৰ ৭৭ শতাংশই ১০খন ৰাজ্য/কেন্দ্ৰীয় শাসিত অঞ্চলৰ৷

মহাৰাষ্ট্ৰত সৰ্বাধিক আৰোগ্যৰ প্ৰৱণতা অব্যাহত আছে। অন্ধ্ৰপ্ৰদেশ আৰু তামিলনাডুয়েও এই ধাৰা অক্ষুণ্ন ৰাখিছে৷

ভাৰতত বৰ্তমান ক’ৰোনাত আক্রান্ত হৈ চিকিৎসাধীন ৰোগীৰ সংখ্যা ৯,৪০,৭০৫জন৷ দেশত ১১ ছেপ্টেম্বৰৰ আগলৈকে ক’ৰোনাত আক্রান্তৰ সংখ্যা আছিল ৯.৪০ লাখ৷

দেশত বিগত ২৪ ঘণ্টাত ৮৬,৮২১ জন লোক নতুনকৈ ক’ৰোনাত আক্রান্ত হৈছে৷ ক’ৰোনাত আক্রান্তৰ ৭৬ শতাংশই ১০খন ৰাজ্য/কেন্দ্ৰীয় শাসিত অঞ্চলৰ৷

ইয়াৰে সর্বাধিক ১৮তকৈ অধিক আক্রান্ত মহাৰাষ্ট্ৰ৷ ইফালে, কর্ণাটক আৰু কেৰালাতো ৮,০০০তকৈ অধিক লোক আক্ৰান্ত হৈছে৷

দেশত বিগত ২৪ ঘণ্টাত ১,১৮১ জন ক’ভিড ৰোগীৰ মৃত্যু হৈছে। এই মৃত্যুৰ ৮২ শতাংশই ১০খন ৰাজ্য আৰু কেন্দ্ৰীয় শাসিত অঞ্চলৰ৷ মৃত ৰোগীৰ ভিতৰত সর্বাধিক ৪৮১ জনেই মহাৰাষ্ট্রৰ৷ কর্ণাটকটো বিগত ২৪ ঘণ্টাত ৮৭ জন ক’ভিড ৰোগীৰ মৃত্যু হৈছে৷

***********

MV/SJ/DB