কোবিদ-১৯গী ময়োক্তা থেংন্নবা ভারতনা পুৱারি ওইরবা থবক অমা পাংথোক্লে। অচৌবা মাইপাকপা অমদা, অহানবা ওইনা নোংমদা কোবিদ তেস্ত লাখ ১৫গী ময়া পাংথোকপা ঙম্বগী রেকোর্দ অমা থম্লে।

হৌখিবা পুং ২৪দা তেস্ত ১৪,৯২,৪০৯ পাংথোক্তুনা অপুনবা তেস্ত মশিং করোর ৭ (৬,৮৯,২৮,৪৪০)য়ৌগদৌরে।  

নোংমদা তেস্ত তৌবা মশিং হেনগৎলকপা অসিনা লৈবাক অসিদা তেস্ত পাংথোক্নবা মচা-মথুমশিং হেনগৎলকপা অদু ফজনা উৎলে। শুপ্নগী নুমিৎ ৯দা তেস্ত করোর ১ পাংথোকখি।

ঙসি ফাওবদা তেস্ত পর মিল্লিয়ন(তি পি এম) ৪৯,৯৪৮ লৈরি।

মশিং য়াম্না তেস্ত তৌবা হেনগৎলকপদগী পোজিতিপ ওইবা মশিং হন্থরক্লে হায়বগী খুদম লৈরে। মশিং য়াম্না তেস্ত তৌবা রাজ্যশিংদা পোজিতিপ ওইবগী রেত তপ্না তপ্না হন্থরকপগী পাউ লৈরে।

ঙসি ফাওবদা লৈবাক অসিগী পোজিতিপ ওইবগী রেত চাদা ৮.৪৪দা লৈরি।

তেস্ত তৌনবা দরকার ওইবশিং হেনগৎলকপদগী, রাজ্যশিং/য়ু.তিশিংদা নোংমদা তেস্ত তৌবা মশিংসু হেনগৎলক্লে। রাজ্যশিং/য়ু.তিশিং ২৩না লৈবাক্কী তেস্ত পর মিল্লিয়ন(৪৯,৯৪৮)অসিদগী হেন্না তেস্ত পর মিল্লিয়ন লৈরে।

কেস মশিং য়াম্না লৈবা রাজ্য/য়ু.তি ৭গী ফিবম অমসুং শেম-শারিবশিং প্রধান মন্ত্রীনা হন্না য়েংশিনবদগী, কোবিদ লাকশিন্নবা অমসুং লায়েংনবা তেস্ত তৌবা অসি তঙাইফদ্রবা থবক অমা ওইরে। ‘তেস্ত ,খোঙ্গুল লিবা,লায়েংবা’ হায়রিবা কেন্দ্রগী মাইকৈ অহুম ফংবা লাল্লোং অসিদা তেস্তনা মাংজিল থারি। ভাইরস তান্নবা হায়বা কেন্দ্র সরকারগী পান্দম অসিনা লায়না শন্দোকপা থিংনবা তেস্ত তৌদুনা মাঙখিবা মীওই খুদিংমক ফাগৎনবা হোৎনরি। লৈবাক শীনবা থুংনা য়াম্না লাইনা তেস্ত তৌনবা অমসুং খুদোংচাবশিং ফংহন্নবা অমসুং তেস্ত তৌবগী থবকশিং পাকথোক-চাউথোক্নবা কেন্দ্র সরকারনা খোঙথাং কয়া পায়খৎলে। তেস্ত য়াম্না পাংথোকপা ঙম্নবা রাজ্যশিং/য়ু.তিশিংদা শক্তি পীরে। রেপিৎ এন্তিজেন তেস্তশিংদা নেগেতিপ ওইরবা লাইওং উৎপা মীওইশিং তঙাইফদনা আর.তি-পি.সি.আর পাংথোক্নবা রাজ্যশিংদা খঙহনখ্রে।

দাইগনোস্তিক লেব মশিং হেনগৎলকপদগী তেস্ত তৌবা মশিং ফজনা হেনগৎলে।

সরকারগী লেব ১০৮৪ অমসুং লনাইগী লেব ৭৩৪ য়াওনা তেস্তিং নেতৱার্ক হৌজিক পুন্না ১৮১৮ য়ৌরে। হায়রিবা লেবশিং অদুদি :

রিএল-তাইম আর.তি পি.সি.আর তেস্তিং লেবস : ৯২৩(সরকার :৪৭৮+লনাই: ৪৪৫)

ত্রুনেত তেস্তিং লেবস : ৭৬৯(সরকার : ৫৭২ + লনাই : ১৯৭)

সি.বি.এন.এ.এ.তি তেস্তিং লেব : ১২৬ (সরকার :৩৪+লনাই:৯২)

*****