(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা থংন-থংননা নুমিৎ ৬নি শুবা ওইনা অনৌবা কেসশিংদগী নৌনা নাবা ফগৎলকপনা তপ্না তপ্না হেনগৎলকপগী রিপোর্ত তৌরক্লি
• রাজ্য/য়ু.তি. ১৩না অনৌবা কেসশিংদগী নাবা ফগৎলকপশিংনা হেল্লে হায়না রিপোর্ত তৌরক্লি
• নাবা ফগৎলকপগী চাং চাদা ৮১.৫৫ হেল্লে
• কনফর্ম তৌরবা অনৌবা কেসশিংগী ৭৫%দি রাজ্য/য়ু.তি. ১০দা কন্সেন্ত্রেত তৌদুনা লৈবা থেংনখি
• প্রধান মন্ত্রীনা রাজ্য তরেৎকী মুখ্য মন্ত্রীশিংগা ৱারী শানদুনা কোবিদ-১৯গী ফিবম অমসুং পায়খৎলিবশিং য়েংশিনখ্রে, রাজ্যশিংদা ভাইরস অসিবু লাকশিন্নবগীদমক নোং নিনি লোকেল লোকদাউন তৌরিবসিনা অকাইবা পীরব্রা য়েংশিন্নবা খঙহনখি
• হকশেল মন্ত্রালয়গী ই-সঞ্জীবনি ও.পি.দি.না হৌদোকখিবা থা তরুক্কী মনুংদা ফংহনখিবা তেলি-কন্সল্তেসন লাখ ৩ শুখ্রে

ভারতনা থংনা-থংননা নুমিৎ ৬নি শুবা ওইনা অনৌবা কেসশিংদগী নৌনা নাবা ফগৎলকপনা তপ্না তপ্না হেনগৎলকপগী রিপোর্ত তৌরক্লি, নৌবা নবা ফগৎলকখ্রবশিংগী ৭৪%দি রাজ্য/য়ু.তি. ১০দগী ওইরি

ভারতনা অকনবা লালোংশিং অমসুং মীয়ামগীদমক কান্নরবা খোঙথাংশিং লৌখৎপগা লোয়ননা নাবা ফগৎলকপশিংগী মশিং হেনগৎলকপগী রিপোর্ত তৌরক্লি। লৈবাক অসিদা হৌখিবা পুং ২৪দা ৮৭,৩৭৪ নাবা ফগৎলকপগী রেজিস্তর তৌখি অমরোমদা অনৌবা কনফর্ম কেসশিংগী মশিং অসি ৮৬,৫০৮ ওইখি। মসিগা লোয়ননা পুন্না নাবা ফগৎলকখিবশিংগী মশিং অসি লাখ ৪৬.৭ (৪৬,৭৪,৯৮৭)নি। নাবা ফগৎলকপগী চাং অসি ৮১.৫৫% হেনখ্রে। ভারতনা অনৌবা কেসশিংদগী নাবা ফগৎলকপনা হেনবগী রিকোর্দ থমখিবগা লোয়ননা ফগৎলকপা কেসশিং অমসুং এক্তিব কেসশিংগী মরক্তা লৈরিবা খেৎনবা অসি লেপ্তনা হেনগৎলক্লি। নাবা ফগৎলকপা কেসশিংনা (৪৬,৭৪,৯৮৭) এক্তিব কেসশিংদগী (৯,৬৬,৩৮২) লাখ ৩৭ হেন্না হেল্লে। মসিনা অপুনবা পোজিতিব কেসকী ১৬,৮৬% খক্তা এক্তিব কেসলোদ ওইহল্লি। মসি তপ্না-তপ্না হন্থরকপগী লম্বেলদা চংশিল্লকপা অসিনা ঙমহনখি। লৈবাক অসিনা চংশিল্লিবা লম্বী অসিদা চংশিন্দুনা রাজ্য/য়ু.তি. ১৩নসু অনৌবা কেসশিংদগী নৌবা নাবা ফগৎলকপগী মশিংনা হেন্না রিপোর্ত তৌরক্লি। নৌবা নাবা ফগৎলকপা কেসশিংগী ৭৪%গী ময়াদি রাজ্য/য়ু.তি. ১০দগী ওইখি। থংনা-থংননা নুমিৎ তরুকনি শুবা ওইনা কেস ১৯,৪৭৬ (২২.৩%)গা লোয়ননা মহারাস্ত্রনা মাংজিল থারি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658543

কনফর্ম তৌরবা অনৌবা কেসশিংগী ৭৫%দি রাজ্য/য়ু.তি. ১০দা কন্সেন্ত্রেত তৌদুনা লৈবা থেংনখি

থংন-থংননা নুমিৎ তরুকনি শুবা ওইনা, কনফর্ম তৌরবা অনৌবা কেসশিংগী মশিং অসি নৌনা ফগৎখিবশিংগী মশিংদগী হন্থখি। লৈবাক অসিদা হৌখিবা পুং ২৪ অসিদা পুন্না অনৌবা কেস ৮৬,৫০৮ থেংনখি। কনফর্ম তৌরবা অনৌবা কেসশিংগী ৭৫%দি রাজ্য/য়ু.তি. ১০দা কন্সেন্ত্রেত তৌদুনা লৈবা থেংনখি। মহারাস্ত্রনা মসিগী লিস্ত অসিগী মকোক থংবদা অদুমক লেংদনা লৈরি। মহারাস্ত্র মথন্তনা ২১,০০০গী মথক্তা থেংনখি, মথংদা অন্ধ্র প্রদেশ অমসুং কর্নাতকানা মথংশিৎনা ৭,০০০ অমসুং ৬,০০০কী মথক্তা থেংনখি। হৌখিবা পুং ২৪দা ১,১২৯ শিখিবগী রেজিস্তর তৌখি। কোবিদনা মরম ওইরগা হৌখিবা পুং ২৪দা শিখিবশিংগী ৮৩%দি রাজ্য/য়ু.তি. ১০দগী ওইখি। মহারাস্ত্রনা ৪৭৯ শিখিবা থেংনখি মথংদা উত্তর প্রদেশ অমসুং পঞ্জাবনা মথংশিৎনা ৮৭ অমসুং ৬৪ থেংনখি। ভারতনা লৈবাক শিনবা থুংনা মখোয়গী তেস্ত তৌবগী ইনফ্রাস্ত্রকচর অদু য়াম্না হেনগৎলকখ্রে। হৌজিক ফাওবদা সরকারগী ১০৮৯ অমসুং লনাইগী লেব ৭২৮ য়াওনা লেব ১৮১০ লৈরি। হৌখিবা পুং ২৪দা তেস্ত ১১,৫৬,৫৬৯ পাংথোকখ্রে। তৌখিবা তেস্তশিংগী অপুনবা মশিং অদু ঙসি করোর ৬.৭৪ হেনখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658598

প্রধান মন্ত্রীনা রাজ্য তরেৎকী মুখ্য মন্ত্রীশিংগা ৱারী শানদুনা কোবিদ-১৯গী ফিবম অমসুং পায়খৎলিবশিং য়েংশিনখ্রে

প্রধান মন্ত্রী শ্রী নরেন্দ্র মোদীনা ঙসি অন্ধ্র প্রদেশ, মহারাস্ত্রা, কর্নাতাকা, দিল্লী, পঞ্জাব, তমিল নাদু অমসুং উত্তর প্রদেশকী মুখ্য মন্ত্রীশিংগা ভিদিও কনফরেন্সকী থোংদা কোবিদ-১৯গী ফিবম অমসুং পায়খৎলিবশিং য়েংশিনখ্রে। প্রধান মন্ত্রীনা নুমিৎ অসি আয়ুশ্মান ভারত প্রধান মন্ত্রী জন আরোগ্যা য়োজনাগী অনীশুবা কুমোন্নি হায়না ফোংদোকখি অমসুং চহী অনীসিদা লাইরবা অনাবা করোর ১.২৫তা স্কিম অসিগী মখাদা লেম্না লাইয়েংবা ঙমখ্রে। মহাক্না লাইরবশিংবু মতেং পাংদুনা লৈরিবা দোক্তর অমসুং মেদিকেল স্তাফশিংবু থাগৎপা ফোংদোকখি। কেস মশীং অসি হেনগৎলক্লি হায়না পল্লদুনা, প্রধান মন্ত্রীনা হায়খি মদুদি লৈবাক অসিনা নোংমদা তেস্ত লাখ ১০ হেন্না তৌরি, অমসুং নাবা ফরবা অনাবগী মশীংসু হেনগৎলক্লি। মহাক্না হায়খি মদুদি, কোবিদ লাকশিন্নবা হকশেলগী ইনফ্রাস্ত্রকচর ফগৎহনবা মথৌ তাই, ত্রেকিং অমসুং ত্রেসিং হেনগৎপা, অমসুং অহেনবা ত্রেনিং পীবা মথৌ তাই। মহাক্না লাওথোকখি মদুদি, ইনফ্রাস্ত্রকচরগীদমক স্তেৎ দিজাস্তর রেস্পোন্স ফন্দ শীজিন্নবগী লিমিৎ চাদা ৩৫দগী ৫০দা হেনগৎখ্রে, মসিনা রাজ্যশিংদা ভাইরস অসি লান্থেংননবা অহেনবা শেল লৈরগনি। প্রধান মন্ত্রীনা রাজ্যশিংদা ভাইরস অসিবু লাকশিন্নবগীদমক নোং নিনি লোকেল লোকদাউন তৌরিবসিনা রাজ্যশিংদা শেন্মিৎলোনগী থবক থৌরমশিংদা অকাইবা পীরব্রা য়েংশিন্নবা খঙহনখি। মহাক্না হায়খি মদুদি লৈবাক অসিনা ভাইরস অসিখক লান্থেংনদবিদা শেন্মিৎলোনগী মাইকৈদসু য়েংশিন্নবা খঙহনখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658407

কোবিদ চাং ৱাংনা নারবা রাজ্যশিং/য়ুনিয়ন তেরিতোরী তরেৎকী মুখ্য মন্ত্রীশিং অমসুং হকশেলগী মন্ত্রীশিংগী ভর্চুএল মীফমদা প্রধানমন্ত্রীনা থমখিবা ৱারোল

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1658354

প্রধান মন্ত্রীনা এজ এপ্রোপ্রিএৎ ফিৎনেস প্রোতোকোল ফোংখ্রে, ফিৎ ইন্দিয়া মুবমেন্তকী অহানবা চহী কুমোন্দা হকচাং ফবা পামজবশিংগা ৱারী শানখ্রে

প্রধান মন্ত্রী শ্রী নরেন্দ্র মোদীনা ফিৎ ইন্দিয়া মুবমেন্তকী অহানবা চহী কুমোন্দা ভিদিও কনফরেন্সিংগী থোংদা ঙসি এজ এপ্রোপ্রিএৎ ফিৎনেস প্রোতোকোল হৌদোকখ্রে। থৌরম অসিদা শীনখিবা ফিৎ ইন্দিয়া দাইলোগকী মনুংদা শ্রী মোদীনা তোঙান-তোঙানবা শান্নখোৎনবা মীওইশিংগা ৱারী শানখি। ভর্চুএল দাইলোগ অদু কেজুএল অমসুং ইনফোর্মেল ওইনা পাঙথোকখি, মসিদা শরুক য়ারিবশিংনা প্রধান মন্ত্রীদা মখোয়গী পুন্সিদা থেংনরকপশিং অমসুং মখোয়না হকচাং ফনা লৈনবগী লাইৱা তমখি। প্রধান মন্ত্রীনা হায়খি মদুদি হকচাং ফনা লৈবা হায়বসি কনাগুম্বা খরনা খল্লিবসিগুম্না অরুবা থবক্তি ওইদে। লমচৎ খরা নাইরবা অমসুং খরখক্তং কন্না হোৎনবা মতমদা ঐখোয়না মতম চুপ্পদা হকচাং ফনা লৈবা য়াগনি। মহাক্না 'হকচাং ফনবগীদমক, নোংমগী মনুংদা পুংখাই অমগী ফিৎনেস দোজ' হায়বা লাইৱা অসি পীখি। মহাক্না মীপুম খুদিংমক্তা য়োগা তৌনবা, বেদ্মিন্তন, তেন্নিস নত্ত্রগা ফুৎবোল, করাতে, নত্ত্রগা কবাদ্দি মিনিৎ ৩০ খক ওইরবসু নুমিৎ খুদিংগী শাননবা হায়জখি। মহাক্না হায়খি মদুদি ঙসিদি য়ুথ মন্ত্রালয় অমসুং হকশেল মন্ত্রালয়না অপুনবা ওইনা ফিৎনেস প্রোতোকোল ফোংখ্রে।

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1658729

ফিৎ ইন্দিয়া মুভমেন্তকী অহানবা মপোক কুমওন্দা ফিৎ ইন্দিয়াগী ৱারী শান্নবদা প্রধানমন্ত্রীনা থম্বিখিবা ৱারোল

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1658655

দা.হর্শ বর্ধননা য়ু.এন. অমসুং দবল্যু.ঐচ.ও.গী মেম্বশিংদা ৱা ঙাংখ্রে

হকশেল অমসুং য়াইফ য়ুম্বালগী গৃহ মন্ত্রী দা.হর্শ বর্ধননা দবল্যু.ঐচ.ও.গী মেম্বর নেসনশিংগী মন্ত্রীশিং অমসুং য়ু.এন. এজেন্সীশিং অমসুং চৎমিন্নবা ওর্গনাইজেসনশিংগী হেদশিং অমসুং রিপ্রজেন্তেতিভশিংগা ঙসি ভরচুয়েল ওইনা উনবা অদুদা থাগৎপা ফোংদোকখ্রে৷ কোবিদ-১৯ ক্রাইসিস অসিগী মনুংদা তি.বি. লাইনা মুথৎন্নবগীদমক মল্তি সেক্তোরিয়েল এক্সনশিং অমসুং প্রোগেসশিং লৈনবা হোৎনরিবা ভারতকী দাইতা অমসুং কন্ত্রীব্যুসন অদু মহাক্না ফোংদোকখি৷ কোবিদ-১৯ ক্রাইসিস অসিগী মনুংদা তি.বি. লাইনা মুথৎন্নবগীদমক ভারতকী দাইতা অমসুং কন্ত্রীব্যুসন অমসুং লৈবাক অসিদা কোবিদ-১৯ অসি থেংন্নবা অমসুং হন্থনবগীদমক ভারতনা লৌখৎলিবা মল্তি সেক্তোরিয়েল এক্সনশিং অদু পল্লদুনা কেন্দ্রগী হকশেলগী মন্ত্রীনা শন্দোক্না ৱা ঙাংখ্রে৷ দা.হর্শ বর্ধননা অসুম্না মখাতানা ফোংদোকখ্রে,“ ঐনা হায়গনি মদুদি ঐখোয়গী লৈরিবা পব্লিক হেল্থ দিলিভেরী সিস্তেম অসি স্ত্রকচরেল্লী খঙহন্নবগী খুদোং চাবা অদু কোবিদ-১৯ লাইনা লাইচৎ অসিনা পীরে৷

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1658346

হকশেল মন্ত্রালয়গী ই-সঞ্জীবনি ও.পি.দি.না হৌদোকখিবা থা তরুক্কী মনুংদা ফংহনখিবা তেলি-কন্সল্তেসন লাখ ৩ শুখ্রে

হকশেল অমসুং য়াইফ য়ুম্বাল মন্ত্রালয়গী ই-সঞ্জীবনি ও.পি.দি. প্লেৎফোর্ম অসিনা ফংহনখিবা তেলি-কন্সল্তেসন লাখ ৩ শুখ্রে। অচৌবা মাই পাকপা অসি হৌদোকখিবগী থা তরুক্কী অতেনবা মতমগী মনুংদা ফংবা ঙমখিবনি। কোবিদ-১৯ লায়চৎ মনুং অসিদা ই-সঞ্জীবনি ও.পি.দি. সর্ভিসশিং অসিনা পেতেন্ত-তু-দোক্তর তেলিমেদিসিন য়াহল্লি। মসিনা ফিজিকেল দিস্তেন্সিং তৌবা ঙমহন্দুনা কোবিদ শন্দোকপা লাকশিনবদা মতেং পাংখ্রে লোয়ননা নন-কোবিদকী তঙাই ফদবা হেল্থক্যের পীনবা খুদোংচাশিং ফংহনখ্রে। তেলি-কন্সল্তেসনগী মশিং ৱাংবা অসিনা হায়রিবা অসি মীয়াম্না পাম্নরে হায়বগী শাখি ওইরি। দিজিতেল ইন্তরেক্সন ১,২৯,৮০১গা লোয়ননা, তামিল নাদুনা হৌজিক ফাওবদা তেলি-কন্সল্তেসনগী মশিং খ্বাইদগী য়াম্বা ওইরি। ই-সঞ্জীবনি প্লেৎফোর্মনা তেলি-কন্সল্তেসন সর্ভিস মখল অনি ফংহল্লি মদুদি দোক্তর-তু-দোক্তর (ই-সঞ্জীবনি) অমসুং পেসেন্ত-তু-দোক্তর (ই-সঞ্জীবনি ও.পি.দি.) তেলি-কন্সল্তেসনশিং। অহানবগী অসি অয়ুশমান ভারত হেল্থ এন্দ ৱেলনেস সেন্তর (এ.বি.-ঐচ.দবল্যু.সি.)গী খুত্থাংদা ইমপ্লিমেন্ত তোরি।

অকুপ্পা ৱারোৱগীদমক:  https://pib.gov.in/PressReleseDetail.aspx?PRID=1658674

পার্লিয়ামেন্তকী নোংজু মীফম ২০২০ লোইশিল্লে, লোক সভাগী প্রদক্তিভিতী চাউরাক্না চাদা ১৬৭নি অমদি রাজ্য সভাগীনা চাউরাক্না চাদা ১০০.৪৭নি: প্রহলাদ জোসি

পার্লিয়ামেন্ত্রী এফ্যার্সকী কেন্দ্র মন্ত্রী শ্রী প্রহ্লাদ জোসিনা নোংজু মীফম ২০২০গী মথাঙদা ঙসি মফমসিদা থোকখিবা চেরোল অমদা নোংজু মীফম ২০২০ মনুংদা লৈখিবা প্রদক্তিভিতী অসি লোক সভাগীনা চাউরাক্না চাদা ১৬৭ অমদি রাজ্য সভাগীনা চাউরাক্না চা দা ১০০.৪৭ ওইখি‍ হায়না পাউদমখি‍। শ্রী জোসিনা হায়খিবদা সেপ্তমে্বর ১৪, ২০২০দগী হৌখিবা পার্লিয়ামেন্তকী নোংজু মীফম, ২০২০ অসি ওক্তোবর ১, ২০২০দা লোইশিন্নবা শিনখিবনি অদুবু কোবিদ-১৯ লাইচৎকী খুদোংথিবনা মরম ওইরগা মরুওইবা বিজিনেসশিং লোইশিল্লবা মতুং দা লোক সভা অমসুং রাজ্য সভা অনিমক নুমিৎ ১০নিদা সিত্তিং ১০ লৈদুনা য়ুমশকৈশ নুমিৎ, সেপ্তেম্বর ২৩, ২০২০দা সিনে-দাই ওইনা এদজর্ন তৌরে‍। মীফম মনুংদা, বিল ২২ (লোক সভাদা ১৬ অমসুং রাজ্য সভাদা ০৬) পুথোকখি‍। লোক সভা অমসুং রাজ্য সভানা বিল ২৫ তোঙান তোঙান্না পাস তৌখি‍। পার্লিয়ামেন্তকী হাউস অনিমক্তা বিল ২৭ পাস তৌদুনা নোংমদা বিল ২.৭গী চাংদা পাস তৌদুনা হৌজিক ফাওবদা খ্বাইদগী চাং ৱাংনা বিল পাস তৌবা ঙমবা ওইরে‍। কোবিদ-১৯ লাইচৎ মরক্তা মীফম অসি পাঙথোক্নবা তৌরিবা থৌরাংশিং অদুগী তৌবিমল খঙবা উৎলদুনা, মন্ত্রীনা মীফম অসিগী তোপ তোপ্পা আউৎপুৎ অসি পার্লিয়ামেন্তকী হাউস অনিমক্তা বিজিনেসশিং ত্রাঞ্জেক্সন তৌবদা শরুক য়াখিবা এজেন্সীশিং অমসুং লনাই মীওইশিং পুম্নমক্কী চোকথবা নাইদ্রবা থৌদাং অদুনা ঙমহনবনি হায়না ফোঙদোকখি‍।

অকুপ্পা ৱারোলগীদমক:  https://pib.gov.in/PressReleseDetail.aspx?PRID=1658625  

আই.এফ.এফ.আই.গী ৫১শুবা এদিসন্দা আই. এন্দ বি. মন্ত্রীগী প্রেসতা থাদোকপা ৱারোল

ইন্তরনেস্নেল ফিল্ম ফেস্তিবেল ওফ ইন্দিয়াগী ৫১শুবা ইদিসন নবেম্বর ২০দগী নবেম্বর ২৮, ২০২০ ফাওবা গোৱাদা পাঙথোক্কনি তৌরমবা অদু জনুৱারী ১৬ তগী ২৪, ২০২১ ফাওবা য়ৈথোক্লে‍। ৱারেপ অসি ইন্ফোর্মেসন অমসুং ব্রোদকাস্তিং মন্ত্রী শ্রী প্রকাস জাবরেকরদা ৱাফম অসিগী মতাঙদা গোৱাগী চীফ মিনিস্তর দোক্তর প্রমোদ সাৱন্তগা খন্নরবা মতুংদা লৌবনি‍। কুমহৈ অসি হাইব্রিদ ফোর্মেত্তা, হায়বদি ভর্চুএল অমসুং ফিজিকেল ফোর্মেত্তা পাঙথোক্কনি‍। ইকুই কুইদনা পাঙথোক্নখিবা মালেমগী ফিল্ম কুমহৈগী মরক্তা চৎনখিবা কোবিদকা মরী লৈনবা কাঙলোনশিং নীংথিনা চৎনগনি‍।

অকুপ্পা ৱারোলগীদমক:https://pib.gov.in/PressReleseDetail.aspx?PRID=1658623

পি.এম. স্বানিধি স্কিমগী মখাদা লোন এপ্লিকেসন লাখ ১৫ হেন্না ফংখি
পি.এম. স্ত্রীত ভেন্দর্স আত্মনিরভর নিধি (পি.এম. স্বানিধি) স্কিমগী মখাদা লোন এপ্লিকেসন লাখ ১৫ হেন্না ফংখি‍। মসিগী মনুংদা লোন লাখ ৫.৫ হেন্না সেংসন তৌখ্রে অমদি লোন লাখ ২গী ময়াদা থাদোকখ্রে‍। হাউজিং অমসুং অর্বান এফ্যার্স মন্ত্রালয়না কোবিইদ-১৯গী লোকদাউন মতুংদা স্ত্রী ভেন্দর লাখ ৫০দা মখোয়গী লল্লোন ইতিক্কী থবক অমুক হৌজনবা কোলেতরেল য়াওদবা ৱর্কিং কেপিতেল লোন পীননবগীদমক পি.এম. স্ত্রীত ভেন্দর্স আত্মনিরভর নিধি (পি.এম. স্বানিধি) স্কিম অসি পায়খৎখিবনি‍। লোন সেংসন তৌবগী থৌওং য়াংশিনহন্নবা অমদি লেন্দরশিংদা থবক লায়থোকহন্নবা এপ্লিকেসনশিং অসি হকথেংননা ভেন্দরশিংনা ‘প্রিফর্দ লেন্দর’ ওইনা পল্লকপা নৎত্রগা পল্লক্তবা তারগনা ভেন্দরশিংগী সেভিং বেঙ্ক একাউন্ত লৈবা বেঙ্ক ব্রাঞ্চশিংদা পুস তৌনবা ফিরেপ লৌরে‍। থৌরাং অসিনা লোন সেংসন তৌবগী মশীং হেনগৎহনগনি অমদি লোন থাদোকপগী মতম নীংথিনা হন্থহনগনি হায়না পারি‍।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1658605

অয়ুস্মান ভারত য়োজনাগী মখাদা কোবিদ-১৯ লায়েংবা

অয়ুস্মান ভারত – প্রধান মন্ত্রী জন আরোগ্য য়োজনা (এ.বি. পি.এম.জে.এ.ৱাই.)গী মখাদা, ২১.০৯.২০২০ ফাওবদা মসি হৌদোকপদগী হৌরগা মীওই করোর ১.২৬ হেন্না অনা লায়েংশঙদা মিং চনখ্রে‍। মসিগী মনুংদা কোবিদ-১৯ তেস্ত তৌবগী অমদি লায়েংনবগীদমক মীওই লাখ ৫.১৩ অনা লায়েংশঙদা মিং চনবগী অয়াবা পীখ্রে‍। এ.বি. পি.এম.জে.এ.ৱাই.গী শেনফম ভারত পুম্বগী ওইবা মওংদা কাইথোকপনি অমদি স্তেত/য়ু.তি.শিংদা চৎন-কাঙলোন ইন্দুনা মরী লৈনবা ৱাফমশিং পীদুনা প্রপোজেল থাগৎলক্লবা মতুংদা থাদোকপনি‍। এ.বি. পি.এম.জে.এ.ৱাই. পায়খৎনবা শেনবা চহী ২০১৮-১৯, ২০২৯-২০ অমসুং ২০২০-২১গী বদজেত এলোকেসনদি মথঙশিৎনা লুপা করোর ২৪০০, লুপা করোর ৬৪০০ অমসুং লুপা করোর ৬৪০০নি‍। এ.বি. পি.এম.জে.এ.ৱাই. হৌদোকখিবদগী হৌরগা ২১.০৯.২০২০ ফাওবদা, স্কিম অসি পায়খৎনবগীদমক্তা সস্তেত/য়ু.তি.শিংদ অপুনবা শেনফম লুপা করোর ৫৪৭৪ থাদোকখ্রে‍। শেনবা চহী ২০১৮-১৯দা লুপা করোর ১৮৪৯.৫, শেনবা চহী ২০১৯-২০দা লুপা করোর ২৯৯২.৯, শেনবা চহী ২০২০-২১দা (চৎলিবা) লুপা করোর ৬৩১.০নি।  পি.এম.-জে.এ.ৱাই.গী মখাদা কাইথোকপা শেন্ফমশিং স্তেত/য়ু.তি.শিংদা বিনিফিসিয়রীশিং লায়েংবদা চঙবা শেন্ফমদা য়ুম্ফম ওইরগা স্তেত/য়ু.তি.শিংদা থাদোকপনি‍। রাজ্য মন্ত্রী (হকশেল অমসুং য়াইফ য়ুম্বাল), শ্রী অস্বিনি কুমার চৌবেনা ৱাফম অসি ঙসি মফমসিদা লোক সভাদা অইবা পাউখু অমদা ফোঙদোকখিবনি‍।

অকুপ্পা ৱারোলগীদমক : https://pib.gov.in/PressReleasePage.aspx?PRID=1658281

অশাশিংদা পীবা ইন্সেন্তিবশিং

ভারত লৈঙাক্কী, হকশেল অমসুং য়াইফ য়ুম্বাল মন্ত্রালয়না অশাশিংদা কোবিদ-১৯গা মরী লৈনবা থবক থৌরমশিং পায়খৎপগীদমক্তা “ইন্দিয়া কোবিদ ১৯ ইমর্জেন্সী রেসপোন্স এন্দ হেল্থ প্রিপ্যার্দনেস পেকেজ”কী মখাদা থা অমদা লুপা ১০০০গী অহেনবা শেন্ফম পীখি‍। মখা তানা, কোবিদ-১৯না চৈথেং পীনিংঙাই ওইবা অশাশিং য়াওনা পব্লিক হেল্থ প্রোভাইদরশিংদা লুপা লাখ ৫০গী ইন্স্যুরেন্স কভর পীননবা “প্রধান মন্ত্রী গরিব কল্য়ান পেকেজ: ইন্স্যুরেন্স স্কিম ফোর হেল্থ ৱর্কর্স ফাইতিং কোবিদ ১৯” হৌদোকখি‍। রাজ্য মন্ত্রী (হকশেল অমসুং য়াইফ য়ুম্বাল), শ্রী অস্বিনি কুমার চৌবেনা ৱাফম অসি ঙরাং মফমসিদা লোক সভাদা অইবা পাউখুম অমদা ফোঙদোকখিবনি‍।

অকুপ্পা ৱারোলগীদমক : https://pib.gov.in/PressReleasePage.aspx?PRID=1658284

ফেস মাস্ক শিজিন্নবা অমসুং দিস্পোজলগী গাইদলাইনশিং

পার্সোনেল প্রোতেক্তিব ঈক্যুইপমেন্ত (পি.পি.ই.) নীংথিজনা শিজিন্নবগী মতাংদা ওইবা হকশেল অমসুং য়াইফ য়ুম্বালগী মন্ত্রালয়গী গাইদলাইন্সশিং অসিনা হেল্ধকেবর ৱার্করশিং অমসুং অতোপ্পা ফ্রন্তলাইন ৱার্করশিংনা শিজিন্নবগীদমক্তা ওইবা মাস্কশিং য়াওনা পার্সোনেল প্রোতেক্সন ইক্যুইপমেন্তগীদমক্ত ইনগদবা স্পেসিফিকেশনশিং অমসুং স্তান্দার্দশিং থোকখ্রে। মসিগী স্পেসিফিকেশনশিং অসি হকশেল অমসুং য়াইফ য়াউম্বালগী মন্ত্রালয়গী ৱেবসাইতকী খুত্থাংদাপ্ব্লিক দোমেন্দা ফংই। ভারত সরকারনা প্রজা মীয়াম্না শিজিন্নবগীদমক্তা মাইঅমসুং চিনগীদমক্তা য়ুমদা শাবা প্রোতেক্তিব কোভর শিজিন্নবগী মতাংদা এদভাইজরী অমসুং মন্যুৱলসু থাদোকখ্রে। হৌরকপদা লমদম অসিগী ওইবা মেন্যুফেকচরর অমত্তা লৈরমদবদগী হৌরগা পি.পি.ই. কিতশিংগী ওইবা লমদম অসিগী মেন্যুফেকচরর ১১০০ হৌজিক ফাওবদা সরকার অসিনা দিবেলপ তৌখ্রে, মখৌয়শিং অসি অয়াম্বনা এম.এস.এম.ই. সেক্তরদগী ওইখি। হৌজিক্কী এসেমেন্তকী মতুং ইন্না, অপুনবগী ওইনা পি.পি.ই. পুথোকপগী ঙম্বগী চাং অসি দিমান্দগী মতুং ইন্না হেন্না পুথোকপা ঙম্বগা লোইননা নোংমদা লাখ ৫ ময়া নক্না পুথোকই। রাজ্যগী মন্ত্রী (হকশেল অমসুং য়াইফ য়ুম্বাল), শ্রী অশ্বিনি কুমার চোবেনা লোক সভাদা ঙরাং অইবা পাউখুম ওইনা হায়খিবনি।

অকুপ্পা ৱারোলগীদমক : https://pib.gov.in/PressReleasePage.aspx?PRID=1658276

কোরোনাভাইরস লান্থেংননবা বেক্সিনশিং পুথোক্লি

সেন্ত্রেল দ্রগস স্তেন্দর্দ কন্ত্রোল ওর্গনাইজেসন (সি.দি.এস.সি.ও.)না মখোয়না প্রিক্লিনিকেল তেস্ত, একজামিনেসন অমসুং এনালাইসিস তৌনবগীদমক কোবিদ-১৯ বেক্সিন শানবা মখাদা পীরিবা ভারতকী মেন্যুফেকচররশিংদা তেস্ত লাইসেন্সকী অয়াবা পীখ্রে হায়না ফোঙদোকখ্রে: এম/এস সিরম ইন্সতিত্যুত ওফ ইন্দিয়া প্রাইবেৎ লিমিতেদ, পুনে, এম/এস কেন্দিলা হেল্থক্যের লিমিতেদ, অহমদাবাদ, এম/এস ভারত বাইওতেক ইন্তর্নেস্নেল লিমিতেদ, হাইদ্রবাদ, বাইওলোজিকেল ই লিমিতেদ, হাইদ্রবাদ, এম/এস রিলাইন্স লাইফ সাইন্সেস প্রাইবেৎ লিমিতেদ, মুম্বাই, এম/এস ওরোবিন্দো ফার্মা লিমিতেদ, হাইদ্রবাদ, এম/এস জিন্নোভা বাইওফার্মাকোতিকেল্স লিমিতেদ, পুনে। মখা তানা, নেস্নেল এক্সপর্ত গ্রুপ ওন কোবিদ-১৯ অমা শেমদুনা সরকারবু  লুচিংলগনি। বেক্সিন পীনবা মীশিং কাংলুপ খনগৎপা, কোবিদ-১৯ বেক্সিনগী কেন্দিদেৎশিং খনগৎপা, বেক্সিনেসন প্রোসেস শেম্বা য়াওনা বেক্সিনগী ইনবেন্তরী মেনেজমেন্ত অমসুং দিলিবরী মেকানিজম। দিলিবরী প্লেৎফোর্মশিং খনগৎপা। কোবিদ-১৯ বেক্সিনেসন্নচিংবা হৌদোক্নবা কোল্দ চেন অমসুং মরী লৈনবা ইনফ্রাস্ত্রকচর। মসি রাজ্যগী মন্ত্রী (হকশেল অমসুং য়াইফ য়ুম্বাল) শ্রী আশ্বিনি কুমার চৌবেনা ঙসি লোক সভাদা অইবা পাউখুম ওইনা পীখিবনি।

অকুপ্পা ৱারোলগীদমক :  https://pib.gov.in/PressReleasePage.aspx?PRID=1658261

অহোংবা পুরক্নবা পান্দমশিং ফংনবা রাজ্য মঙানা লুপা করোর ৯,৯১৩গী অহেনবা শেনফম পুবা অয়াবা পীরে

ওপন মার্কেত বোরোৱিংস(ও এম বি)গী খুৎথাংদা রাজ্য ৫দা লুপা করোর ৯,৯১৩গী অহেনবা শেনফম ফংহনবা ফাইনান্স মিনিস্ত্রিগী এক্সপেন্দিচর দিপার্তমেন্তনা অয়াবা পীরে। রাজ্য মঙা অদুদি অন্ধ্র প্রদেস, তেলাঙ্গানা, গৱা, কর্নাতাকা অমসুং ত্রিপুরানি। লৈবাক অমা রেসন কার্দ অমা থবক ওইনা পায়খৎনবা অহোংবা পুরক্নবা ফিবমশিং হায়রিবা রাজ্যশিং অসিনা মাইপাক্না পুরকপদগী মসিগী অয়াবা অসি পীখিবনি। কোবিদ-১৯গী ফিবম অসি য়েংলগা চহি ২০২০-২১গী ওইনা রাজ্যশিংনা গ্রোস স্তেৎ দোমেস্তিক প্রদক(সি এস দি পি)গী চাদা ২ ফাওবা অহেনবা শেনফম ওইনা পুনবগী অয়াবা ২০২০গী মে থাদা কেন্দ্র সরকারনা অয়াবা পীখ্রে।  

অকুপ্পা ৱারোলগীদমক :  https://pib.gov.in/PressReleasePage.aspx?PRID=1658681

পি.আই.বি. ফিল্দ ওফিসশিংদগী ফংবা পাউ

•           কেরলা: রাজ্যগী হকশেল দিপার্তমেন্তনা থিরুৱানন্থাপুরম, অলাপুঝা, পথানমথিত্তা, কোঝিকোদে অমসুং কসারাগোদ য়াওনা জিলা মঙাদাকোবিদ-১৯ য়াম্না শাথিনা শন্দোরকপা থেংনখি। কাঝিকোদে জিলাদা তেস্ত পোজিতিব ওইবগী চাং অসি চাদা ৯.১ হেনগৎলকখ্রে। কোঝিকোদেদা লৈনা পলায়ম মার্কেত চয়োল অমগী থিংলগনি। ঙসি নুমিৎ য়ুংবা ফাওবদা জিলা অসিদা পোজিতিব কেস ১৪৩গী মথক্তা থেংনখি। কেরলাদা ঙরাং কোবিদ-১৯গী অনৌবা কেস ৫,৩৭৬ থেংনখি। হৌজিক পেসেন্ত ৪২,৭৮৬ লাইয়েংদুনা লৈরি। রাজ্য শিনবা থুংনা পুন্না মীওই ২,১২,৬২৯ ওবজার্ভেশন্দা লৈরি।

•          তামিল নাদু: পুদুচেরীদা হৌখিবা পুং ২৪দা নোংমদা খ্বাইদগী ৱাংবা কোবিদ-১৯গী কেস ৬৬৮ থেংনখি অমসুং তরুক শিখিবগী পাউ লৈখি, মসিনা অপুনবা কেসশিংগী মশিং অদু ২৪,৮৯৫ য়ৌহনখি, এক্তিব কেসশিংগী মশিং ৫০৯৭, অমসুং শিখিবগী মশিং ৪৮৭; হৌজিক ফাওবদা য়ু.তি. অসিদা কোবিদনা নারবা মীওই ১৯,৩১১ ফগৎখ্রে। দি.এম.কে.এ.গী ফাউন্দর প্রসিদেন্ত এ.ৱিজয়াকান্ত কোবিদ-১৯গীদমক্তা পোজিতিব ওইখি। রাজ্য অসিদা ঙরাং অনৌবা কেস ৫,৩২৫ থেংনখি, মসিনা অপুনবা মশিং অদু  ৫,৫৭,৯৯৯ য়ৌহনখি।

•          কর্নাতকা: কর্নাতকাগী কোবিদনা মরম ওইরগা শিবগী চাং হন্থখ্রে হায়না সি.এম য়েদুয়ুরপ্পানা পি.এম.দা হায়খি। ভীদিও কন্ফরেন্স অদুদা, য়ৈদিয়ুরপ্পানা পি.এম.দা হায়খি মদুদি রাজ্য অসিনা তেস্ত তৌনবগী লেবোরেতরী ১৩৬ অমসুং নোংমদা সেমপলশিং তেস্ত তৌবগী মশিং অসি চাউরাক্না ৭০,০০০দা হেনগৎখ্রে। ইন্দিয়ন মেদিকেল এসোসিয়েশনগী দেতানা উৎলি মদুদি মার্চতগী কর্নাতকাদা লাইচৎ অসিগী ফ্রন্তলাইনদা থবক তৌরিবা দোক্তর ৪৩ কোবিদ-১৯না মরম ওইরগা শিখি, মসিদা বেঙ্গলুরু অমসুং মাইসুরু রিজন্না অনিমক্তা তরেত তরেতকী খ্বাইদগী ৱাংবা কেজুৱেল্তি লৈখি। কর্নাতকাদা অঙাং লাক ১.৫না লনাইগী স্কুলশিংদগী সরকারগী স্কুলশিংদা ওন্থখ্রে।

•          অন্ধ্র প্রদেশ: খুদম ওইনা ৱজয়াৱাদা, কর্নুল অসমুং গুন্তুর অর্বান এরিয়াশিংদা কোবিদ-১৯ য়াম্না য়াংনা শন্দোরকপা থেংনখিবা অদু হৌজিক্তি রুরল এরিয়াশিংদা ওইনা শন্দোরকখ্রে। রাজ্যগী হকশেলগী কমিশনরনা জিলা খুদিংমক্তা নুমিৎ ৪০নিগী ওইবা য়াম্না ৱাংবা তাঙ্কক থেংনখি হায়বসি উবা ফংখি। রাজ্য অসিগী এসেমেন্তকী মতুং ইন্না জিলা ১৩না ইনফেক্সন খ্বাইদগী ৱাংবা অসি থেংনখি, অদুগা পোজিতিব ওইবগী চাং অমসুং নোংমদা মিলিয়ন অমদা শিখিবগী মশিং অদু হন্থখ্রে। মরক অসিদা রাজ্য অসিনা রাজ্য শিনবা থুংনা  পেসেন্ত ৮,২৯১ দিসচার্জ তৌখিবদা অনোবা কোবিদ কেসশিংগী মশিংদগী ফগৎলকখিবগী মশিংনা হেনবা থেংনখি।

•          তেলঙ্গানা: হৌখিবা পুং ২৪দা অনৌবা কেস ২১৭৬ থেংনখি, ২০০৪ ফগৎখি অমসুং ৮ শিখিবগী পাউ লৈখি; কেস ২১৭৬কী মনুংদা জি.ঐচ.এম.সি.দগী কেস ৩০৮ থেংনখি। অপুনবা কেস: ১,৭৯,২৪৬; এক্তিব কেসশিং: ৩০,০৩৭; শিখিবশিং: ১০৭০; দিসচার্জ তৌখিবশিং: ১,৪৮,১৩৯। চৎথোক-চৎশিন তৌনবগীদমক্তা তঙাইফদনা বস সার্বিসশিংগী মখা পোনলিবা চৎথো-চৎশিন তৌরিবশিং অদু য়েংলগা, তি.আর.এস.তি.সি.না হাইদ্রবাদ সিতী আউৎস্কর্ত্তা,ওফুসিল সার্বিস অমুক হন্না হৌখ্রে।

•          অরুনাচল প্রদেশ: অরুনাচল প্রদেশতা কেপিতল রিজন্দা কেস ১৭৩ থেংনখিবগা লোইননা কোবিদ-১৯গী অনৌবা কেস ২৮৯ থেংনখি।

•          অসাম: অসামদা হৌখিবা পুং ২৪দা ফগৎলবা মতুংদা কোবিদ-১৯গী পেসেন্ত ১৭৬২ দিসচার্জ তৌখ্রে। রাজ্য অসিদা লৈরিবা অপুনবা এক্তিব কেস ৩০১৮২ য়ৌখ্রে। অদুগা হৌজিক ফাওবদা পেসেন্ত ১৩২৭০৯ দিসচার্জ তৌখ্রে।

•          মনিপুর: মনিপুরদা কোবিদ-১৯গী অনৌবা পোজিতিব কেস ৯৬ থেংনখি,মসিনা কোবিদকী মশিং অদু ৯৩৭৬ য়ৌহনখ্রে, ফগৎলকপগী চাং চাদা ৭৫ ওইবগা লোইননা রাজ্য অসিদা এক্তিব কেসশিংগী মশিং অসি ২২০৬ লৈরি। মনিপুরদা কোবিদ-১৯না মরম ওইরগা পেসেন্ত অনি লৈখিদ্রে, মসিনা রাজ্য অসিদা শিখিবশিংগী মশিং অদু ৬২ য়ৌহনখ্রে।

•          সিক্কিম: সিক্কিমদা ঙসি ফাওবদা ফগৎলবা মতুংদা কোবিদ-১৯ পেসেন্ত ১৯৭৪ দিসচার্জ তৌখ্রে। রাজ্য অসিদা এক্তিব কেস ৬০৭ লৈরি।

•          মহারাস্ত্র: মহারাস্ত্রগী মুখ্য মন্ত্রী, উথব থাকরেনা, মহাক্কী সরকার অসিনা হন্দক্তা হৌদোকখিবা ‘মাই ফেমিলী – মাই রেসপোন্সিবিলিতী’ দাইরেক্ত কন্তেক্ত কেমপেন অসিনা হৌজিক ফাওবদা এক্তিব কেস লাখ ২.৭কী মথক্তা লৈরিবা রাজ্য অসিদা কোবিদ-১৯গী মায়োক্তা লান্থেংনবদা হেন্না মপআঙ্গল কনখৎহনগনি হায়না থাজবগা লোইননা ফোংদোকখি।  রাজ্য শিনবা থুংনা লৈরিবা ইমুং করোর ২.২৫তা য়ৌহন্নবগীদমক্তা হেল্থ তীম লিশিং ৫৯ শেমখ্রে। কোবিদ-১৯গী মতাংদা পব্লিক এৱেয়রনেস লৈহনবদা নত্তনা, কেমপেন অসিনা সীম্তমশিং খঙদোক্নবা হেল্থ চেকশিং পাংথোক্লবা মতুংদা পেসেন্তশিং নীংথিনা লাইয়েংনবা পান্দম থম্লি। সি.এম. থাকরেনা য়ুমশকৈশগী নুমিদাংদা পাংথোকখিবা কোবিদ রিভ্যু তৌবগী মীফম অমদা রাজ্য অসিনা পাইখৎখিবা অনৌবা খোঙথাংশিংগী মতাংদা প্রধান মন্ত্রী, নরেন্দ্র মোদিদা শম্লপ্না হায়খি।

•          গুজরাত: মুখ্য মন্ত্রী, ৱিজয় রুপানিনা গুজরাতি দেলীদা সেমপলশিং লৌদনা অমসুং তেস্তশিং অদুগী অকুপ্পা মরোলশিং পীদনা “বোগস নেগেতিব সার্তিফিকেতশিং” পীখি হায়বগী রিপোর্ত অদুগী মতুংদগী লনাইগী লেবোরেতরীশিংদা রাজ্য শিনবা থুংনা ইনভেস্তিগেশন অমা পাংথোক্নবা রাজ্যগী হকশেল দিপার্তমেন্ততা খঙহল্লকখ্রে। মসিগী সার্তিফিকেতশিং অসি হল্লক্লিবা মাইগ্রেন্ত ৱার্করশিংদা নুমিৎ ১৪নিগী ক্বারন্তিন লৈথোকপদা মতেং পাংনবা আইন্না য়াদবা মওংদা পীখিবনি।

•          রাজস্থান: রাজস্থান্দা রাজ্য অসিদা কোরোনা পেসেন্তশিংগী ফাগৎলকপগী চাং অসি ৮৩.১২ য়ৌখ্রে। অসিগা চপ মান্নবা মতমদা, কোরোনাবু মাইথিবা পীরদুনা পন্সিগী লানফমদা মাই পাকখিবা মীওইশিংগী মশিং অদু লাখ অমা লানখ্রে। ফগৎলকখিবগী চাংদা বারমরনা মকোক থোংখি, মসিদা পেসেন্ত চাদা ৯৫গী মথক্তা ফগৎখ্রে। বুন্দি অমসুং সিরোহি জিলাশিংদসু ফগৎলকপগী চাং অসি য়াম্না ৱাংই।

•          মধ্য প্রদেশ: সেপ্তেম্বরগী নুমিৎ ২৩দা, মধ্য প্রদেশকী জিলা ২১দা কোবিদ-১৯গী কেসশিংগী মসিং অদু সরক অনি হনে্না হেনগৎখ্রে। য়ালদ্রবদা জিলা অহুমদা অপুনবা মশিং অসি শরুকঅহুম থোক্না হেনগৎখ্রে, অমসুং নরসিংপুরদা চাউরাক্না ৪০০% হেনগৎখি। রাজ্য অসিগী খ্বাইদগী হেন্না মরু ওইবা কোবিদ-১৯ হোতবেদশিং – ইন্দোর, ভোপাল, জবলপুর অমসুং গ্বালিয়র- অসি জিলা ২১গী মরক্তা চন্দে। রাজ্য অসিগী অপিকপা জিলশিংদা কোবিদ-১৯ শন্দোরকপা অসি মসিনা ময়েক শেংনা উৎলি।

ফেক্ত চেক

*****