হকশেল অমসুং য়াইফ-য়ুম্বাল মন্ত্রালয়
হেন্না হেনগৎলক্তুনা, ভারতনা কোতি ৪.২৩ হেন্না তেস্ত তৌখ্রে
মহারাস্ত্র, এ.পি., কর্নাতকা- রাজ্য ৩ খক্তদা অপুনবা কেসশিংগী ৪৩% রেকোর্দ তৌখি
Posted On:
31 AUG 2020 12:24PM by PIB Imphal
ভারতনা হনবা লৈতনা তেস্ত তৌবা হেনগৎনবা হোৎনবনা কোবিদ-১৯ তেস্ত তৌবা চাং ৱাংহনবা ঙমখ্রে। ২০২০গী জনুৱারীদা পুনেগী লেব অমদা তেস্ত অমা খক তৌবা হৌখিবদগী ওগস্ত ২০২০দা নোংমগী তেস্ত তৌবগী চাং অসি ৱাংখৎলক্তুনা লাখ ১০ হেন্না তৌখ্রে।
ঙসি পুন্না তেস্ত তৌখিবা অসি কোতি ৪.২৩ হেনখ্রে। হৌখিবা পুং ২৪দা তেস্ত ৮,৪৬,২৭৮ তৌখ্রে।
হৌখিবা পুং ২৪দা (নোংমাইজিং, ওগস্ত ৩০, ২০২০) ভারত্তা কেস ৭৮,৫১২ রেজিস্তর তৌখ্রে। মরম অসিনা তোঙান তোঙানবা মীদিয়া খরদা হৌখিবা পুং ২৪দা কেস ৮০,০০০ থেংনৈ হায়না রিপোর্ত তৌরিবা অসি অরানবনি।
হৌখিবা পুং ২৪দা অনৌবা কেসশিং অসিগী ৭০%দি রাজ্য তরেৎতগী ওইখি। মসিগী মনুংদা মহারাস্ত্রনা কেস লোদ খ্বাইদগী য়াম্বা ওইদুনা ২১%রোম ওইখি, মতুংদা অন্ধ্র প্রদেশ (১৩.৫%), কর্নাতকা (১১.২৭%) অমসুং তামিল নাদুনা ৮.২৭%দা লৈখি। কেসলোদ হেনগৎহনবদা শরুক তম্লিবা লেমহৌরিবা রাজ্যশিং অদুদা উত্তর প্রদেশনা ৮.২৭%, ৱেস্ত বেঙ্গলনা ৩.৮৫% অমসুং ওরিশানা ৩.৮৪% ওইরি।
![https://static.pib.gov.in/WriteReadData/userfiles/image/image001V0LV.jpg](https://static.pib.gov.in/WriteReadData/userfiles/image/image001V0LV.jpg)
কেসশিংগী অপুনবা মশিংগী মনুংদা মহারাস্ত্র, অন্ধ্র প্রদেশ অমসুং কর্নাতকা রাজ্য অহুম অসি খক্তদগী ৪৩% রিকোর্দ তৌখি। অমরোমদা অপুনবা কেসশিং অসিদা তামিল নাদুনা ১১.৬৬% ওইরি।
![https://static.pib.gov.in/WriteReadData/userfiles/image/image002909A.jpg](https://static.pib.gov.in/WriteReadData/userfiles/image/image002909A.jpg)
মহারাস্ত্রনা ৩০.৪৮% ওইদুনা মশিং য়াম্বগা লোয়ননা হৌখিবা পুং ২৪দা কোবিদ-১৯না মরম ওইরগা শীখিবগী ৫০% মহারাস্ত্র, অন্ধ্র প্রদেশ অমসুং কর্নাতকাদগী ওইরি।
![https://static.pib.gov.in/WriteReadData/userfiles/image/image003RUAY.jpg](https://static.pib.gov.in/WriteReadData/userfiles/image/image003RUAY.jpg)
কেন্দ্র সরকারনা কেসশিং খ্বাইদগী য়াম্না হেনগৎপা লোয়ননা শীবগী চাং ৱাংবা রাজ্যশিং/য়ু.তি.শিংগা লোয়ননা চাং নায়না ৱারী শারি। মখোয়দা তেস্ত হেন্না তৌনবা, শীবা হন্থহন্নবা মপুং ফাবা ক্লিনিকেল মেনেজমেন্ত তৌনবা অকনবা খোঙথাংশিং লৌখৎতুনা থৱায়শিং কনবগা লোয়ননা তোঙান তোঙানবা থাকশিংদা মপুং ফানা য়েংশিন্নবা য়াথং পীখি।
তেক্নিকেল ইসু, চৎন-কাংলোন অমদি পাউতাক্কী ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নায়না চঙবিয়ু: https://www.mohfw.gov.in/ and @MoHFW_INDIA
কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি।
কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf
**********
(Release ID: 1649967)
Visitor Counter : 197
Read this release in:
Punjabi
,
Malayalam
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Telugu
,
Kannada