চাং নাইনা মীশিং য়াম্না ফগৎলকপনা ভারতকী কোবিইদ-১৯ নাবা মীওইশিংগী মরক্তা ফগৎলকপগী চাং অসি চাদা ৭৫গী ময়া য়ৌরে‍।

হৌখিবা পুং ২৪দা কোবিদ নাবা মীওই ৫৭,৯৮৯ ফগৎলক্তুনা ঙসি অপুনবা ফগৎলকপা মীশিং ২২,৮০,৫৬৬ য়ৌরে‍।

ভারতকী অপুনবা ফগৎলকপা মীশিংনা অপুনবা এক্তিব কেস (৭,০৭,৬৬৮)মশিংদগী লাখ ১৬গী ময়া (১,৫৭২,৯৮৯) হেল্লে‍।

গ্রাফ অসিদা উৎলিবা অসুম্না, চাংচত্তা নুংতিগী ফগৎলকপা মশীং অসি মথক্তা অসুম অসুম কাখৎলক্তুনা ১৫,০১৮ (জুলাই ১-৭, ২০২০) ওইরম্বদগী ওগস্ত ১৯-১৩, ২০২০গী চয়োলদা ৬০,৫৫৭ ওইরে‍।

চাং নাইনা হেনগৎলক্লিবা ফগৎলকপগী চাং অসিনা লৈবাকসিগী তশেং তশেংবা কেসলোদ হায়বদি এক্তিব কেস মশীং হন্থহল্লে অমদি হৌজিক অপুনবা পোজিতিব কেসকী চাদা ২৩.২৪ ওইরি‍। মসিনা মী শিবগী চাংসু তপ্না তপ্না হন্থহল্লে‍। হৌজিক চাদা ১.৮৬ ওইদুনা ভারতকী মী শিবগী চাং (সি.এফ.আর.) অসি মালেমগী ওইনা খ্বাইদগী নেমবশিংগী মরক্তা লৈরি‍। মসি ইচঙ থৌনা তেস্ত তৌবগী, মপুং ফানা থিদোকপগী অমসুং মওং চুম্না লায়েংবগী কেন্দ্রগী পুম্নমক শুপচিল্লবা অমদি হনবা নাইদবা কান্নরবা খুজিল থৌরাং অসিনা ওইবা ঙমহল্লিবনি‍।

কোবিদ নাবা মীওইশিংগী মরক্তা মশীং ৱাংনা ফগৎলকপা অমসুং মী শিবগী চাং হন্থরকপা অসিনা ভারতকী তাঙ্কক নাইবা অমসুং ইচঙ থৌবা থৌশিল অসিনা ফিল্দদা অফবা মহৈ ফংলি হায়বা উৎলি‍।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু:  +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****