লৈবাকসিদা চত্থরিবা স্ত্রকচরেল ওইবা অনৌবা য়াওলশিং অসি অনৌবা তাঙ্কক অমদা লাক্লে। নুং-পান উবা তেক্সেসন- পুকচেল শেংববু ইকাই-খুম্নরদুনা ২১ শুবা চহি চাগী তেক্স সিস্তেমসিগী অনৌবা সিস্তেম অসি হৌদোকখ্রে। প্লেৎফোর্মসিদা ফেসলেস এসেসমেন্ত, ফেসলেস অপীল অমসুং তেক্সপেয়র্স চার্তরনচিংবা অচৌবা অনৌবা য়াওলশিং য়াওরি। ফেসলেস এসেসমেন্ত অমসুং তেক্সপেয়র্স চার্তর অসি ঙসিদগী চৎনবা হৌখ্রে। অদুম ওইনমক ফেসলেস অপীলগী খুদোংচাবা অসি সেপ্তেম্বর ২৫, হায়বদি দা. দীন দয়াল উপাধ্যায়জীগী মপোক নুমিত্তগী লৈবাক পুম্বগী নাগরিকশিংদা ফংহল্লগনি। অদুম ওইনমক ফেসলেস অপীলগী খুদোংচাবা অসি সেপ্তেম্বর 25দা হায়বদি দীন দয়াল উপাধ্যায়জীগী মপোক নুমিত্তা লৈবাক পুম্বগী নাগরিকশিংদা ফংহল্লগনি। হৌজিক সিস্তেম অসি ফেসলেস ওইরগনি অদুবু তেক্সপেয়রশিংনা নীংথিজনা অমদি অকিবা লৈতনবগী তাজবা ফংহল্লগনি।

ঐহাক্না তেক্সপেয়রশিংদা মসিগীদমক্তা য়াম্না নুংঙাইবা ফোংদোকচরি অমসুং ইনকম তেক্স বিভাগকী ওফিসিএল খুদিংমক, থবক তৌরিবা খুদিংমকপুসু য়াইফ-পাউজেল পীজরি।

মরূপশিং,

হৌখিবা চহি ৬সিদা লৈরক্লিবা ফোকস অসিদা  অনবেঙ্কবু বেঙ্কিং তৌবা, শোয়নীংঙাই ওইববু  শোয়-ঙামহন্দবা অমসুং অনফন্দিংদা ফন্দিং তৌবনি। ঙসি অনৌবা খোংচৎ অমা হৌগদৌরে। ওনরিং দি ওনেস্ত-পুকচেল শেংববু ইকাই খুম্নবা। লৈবাক অসিগী পুকচেল শেংবা তেক্সপেয়রশিংনা লৈবাক অসি শেম্বদা য়াম্না চাউবা থৌদাং লৌই। লৈবাক অসিগী তেক্সপেয়রশিংগী পুন্সি অসি লায়হল্লি,মহাক মমাংলোমদা চংশিনবা ঙম্মি, লৈবাক অসিদা চাউখৎপা পুরকই, লৈবাক অসি চাউখৎলকই। 

মরূপশিং,

ঙসিদগী অনৌবা সিস্তেমশিং অসি হৌরগনি, অনৌবা খুদোংচাবশিং, মিনিমম গবর্নমেন্ত, মেক্সিমম গবর্নমেন্ত ওইহন্দুনা ঐখোয়গী  ৱাশক অদু হেন্না কনখৎহল্লি। মসি ইরৈচাশিংগী পুন্সিদগী সরকারদা, সরকারনা খুৎ চংশিল্লকপশিং হন্থন্নবগী মায়কৈরোমদা চংশিনবা অচৌবা খোংথাং অমনি। 

মরূপশিং,

ঙসিগী ৱায়েল-কাংলোন খুদিংমক্তা, প্রোসেস অমসুং পাৱর সেন্ত্রিক এপ্রোচতগী নান্থোকহন্দুনা মদুবু পীপল সেন্ত্রিক অমসুং পব্লিক ফ্রেন্দলী ওইহনবদা পাঙ্গল হাপ্লি। মসি অনৌবা ভারতকী অনৌবা গবর্নেন্স মোদেল অসি শিজিন্নবনি অমসুং মসিগী হরাউনীংঙাই ওইবা মহৈসু লৈবাক্না ফংলি। ঙসি মীপুম খুদিংমক্না শোর্ত-কত অসি ফত্তে, অরানবা মওং শিজিন্নবা অসি অচুম্বা নত্তে হায়বা খংনরক্লে। মদুগী মতম অদুদি হৌখ্রে। ঙসি লৈবাক অসিদা ইথৌদাং খংবগী ৱাখল্লোন অসি খ্বাইদগী ৱাংনা থমদুনা থবক পুম্বা তৌসি হায়বগী মওংদা লৈরে।  

হংগদবা ৱাফমদি অহোংবা অসি করম্না লাকপনো? মসি চৈরাক পীবখক্তদগী লাক্লিবরা? মসি অহকপা চৈরাক পীনবখক্কীদমক্তা লাক্লিবরা? নত্তে, শুংনৎ নত্তে। মসিগী রম মরী লৈ।

অহানবদা, পোলিসী দ্রাভন গবর্নেন্স। পোলিসী অসি ময়েক শেংলবদি গ্রে এর্য়াজ মিনিমম ওইরকই অমদি মরম অসিনা বিজিনেসতা দিস্ত্রিএসন লৈরকপগী মওং অদু হন্থরকই।

অনিশুবদা, মীয়াম-মীচমগী থম্মোই শেংবদা থাজবা।

অহুমশুবদা, সরকারগী সিস্তেমদা হ্যুমেন ইন্তর্ফেস অসি অকক্নবা মওং ওইহন্দুনা তেক্নোলোজীগী অচৌবা থাক্তা শিজিন্নবা। হসি সরকারগী তেন্দর ওইরো নত্রগা সরকারগী সর্ভিসশিং য়ৌহনবা ওইরো মফম খুদিংমক্তা তেক্নোলোজীগী ইন্তর্ফেস সর্ভিস পীরি।

অমসুং মরশুবদা, ঐখোয়গী সরকারগী মেছিনরী অসিদা ব্যুরোক্রেৎ অসিদা লৈরিবা ইফিসিএন্সি, ইন্তিগ্রিতী অমসুং সেন্সিতিবিতীগী মতিক-ময়াইশিং অসিগীদমক্তা মনা পীগদৌরি, মনা পীরগনি।

মরূপশিং,

ঐখোয়গীসিদা অনৌবা য়াওলগী মতাংদা ৱারি কয়া শান্নখি। করিগুম্বা মতমদা য়াদবদগী ৱারেপ খরা লৌখি, করিগুম্বা মতমদা নমদুনা ৱারেপ খরা লৌখিবা অদুশিং অদু অনৌবা য়াওল হায়না হায়নরমখি। মরম অসিনা অপাম্বা মহৈ অদু ফংবা ঙম্লমদে। হৌজিক্তি মসিগী ৱাখল্লোন অমসুং এপ্রোচ অনিমক হোংখ্রে।

ঐখোয়গী ওইনা অনৌবা য়াওল হায়বদি, অনৌবা য়াওলগী চৎন-কাংলোন্দা য়ুম্ফম ওইবা ওইরো, অশেংবা মওংগা ওইবা ওইরো, মচেৎ-মচেৎকী ওইদবা ওইরো, অনৌবা য়াওল অমা ওইবা, অনিশুবা অনৌবা য়াওলগী য়ুম্ফম ওইহনসি, অনৌবা য়াওলগী লম্বি ওইহনসি। অমদি অমুরক্তং অনৌবা য়াওল ওইহল্লগা তোক্কদবসু নত্তে।  মসি লেপ্তবা মওংদা, হোংদনা পাংথোক্কদবা থবক-থৌওংনি। হৌজিক চহি খরসিদা লৈবাক পুম্বদা লিশিং অমা-মখাইদগী হেনবা ৱায়েল পথাপশিং লৈহনখিদ্রে।

বিজিনেস লাইনা তৌবগী রেঙ্কিংদা ভারত অসি ঙসিদগী চহি খরগী মমাংদা মশিং ১৩৪দা লৈরম্মি। ঙসি ভারতকী রেঙ্কিং অসি ৬৩নি। রেঙ্কিংদা অসুক চাউবা অহোংবা অসিগী মরুমদা অনৌবা য়াওল কয়া অমা লৈরি, ৱায়েল-পথাপশিংদা চাউনা অহোংবা অমা লৈরে।। অনৌবা য়াওলশিংগীদমক্তা ভারতকী ৱাশক অসিবু উরগা, মীরৈবাক্কী ইনভেস্তরশিংগী থাজবসু লেপ্তনা হেনগৎলক্লি। কোরোনাগী লুরবা তানফম অসিদসু ভারত অসিদা এফ.দি.আই.গী রেকোর্দ অসি লৈহল্লকপা অসিনা খুদম্নি।

মরূপশিং,

ভারতকী তেক্সকী সিস্তেমদা ফন্দামেন্তেল অমসুং স্ত্রকচরেলগী অনৌবা য়াওলশিংগী মথৌ তারিবা অসি ঐখোয়গী ঙসিগী সিস্তেমদা মীনাই-নাইথাংগী অমম্বা মতমদা ওইখি অমুক তপ্না-তপ্না লুপথখিবা মরম্ননি। নীংতম্বা ফংলবা মতুংদা মসিদা অহোংবা য়াম্না লাকহনখ্রে, অদুবু অচৌবা মওংগী সিস্তেমগী মচৎ-মওং অসি মদু ওইখি।

মহৈ অসিদি তেক্সপেয়রনা লৈবাক শেম্বগী অকনা য়ুম্বি অমা ওইহন্দুনা লৈবাক অসিদা লরিবা লাইরবা অসি কোকহনবদা মতেং পাংলি, মসিদা ৱায়েল-পথাপগী চাংয়েং তৌফমদা লেপহনখ্রে। ইনকম তেক্সকী হায়জবা নোতিসকী মওং ওইখ্রে। লৈবাক অসিদা মীনম-শোরী তৌবা মীওই খুবাম অমা মশক খংদোক্নবগীদমক্তা কান্নদবা অৱাবশিং থেংনবা তাখি। তেক্স থীরিবা মী মশিং অসিদা চাউথোকচনীংঙাই ওইবা মওংদা পাকথোক-চাউথোকহনগনি হায়খি অদুগা খুৎশম্নবগী মওংদা, তেংবাংনবগী মওংগী সিস্তেম ওইখ্রে। 

মসিগী শেংদবশিং অসিগী মরক্তা ব্লেক অমসুং হ্বাইতকী ইন্দস্ত্রীশিংসু মপুং-মরৈ ফারকখি। মসিগী সিস্তেম অসিনা পুকচেল শেংনা কারবার তৌরিবশিংদা, থবক ফংহল্লিবশিংদা অমসুং লৈবাক অসিগী নহাশিংগী থৌনা অসিদা পুক্নিংনা অপাম্বা কয়া পাংথোক্নিংবশিংবু পুক্নিং থৌগৎপগী মহুত্তা নেৎশিন্দুনা মাংহনবগী থবক তৌখি।

মরূপশিং,

কম্প্লেক্সিতী লৈবা মফমদা, কম্প্লাইএন্সসু অরুবা ওই। তাবদগী তাবা ৱায়েল-কাংলোনশিং লৈবা ওইরো, লৈরিবা ৱায়েল-কাংলোন অদু য়াম্না ময়েক শেংলবদি তেক্সপেয়রশিংনসু লৈবাক অসিনসু য়াম্না হরাওই। হৌখিবা মতম খরসিদা মসিগী থবকশিং অসি চত্থরি। হৌজিক তেক্স দর্জনশিংগী মহুত্তা জি.এস.তি. ওইনা লাক্লে। রিতর্ন্দগী রিফন্দগী সিস্তেমসু মপুং ফানা ওনলাইন ওইহনখ্রে। অনৌবা স্লেব সিস্তেম লাক্লিবা অসিদা কান্নদবদা চেশিং অমসুং দোকুমেন্তশিং পুনশিন্দুনা থম্নবা তৌদবা য়ারমদবা অদুদগী নান্থোকপা ঙম্লে। মসিদা নত্তনা, লুপা লাক্ষ ১০গী মথক্কী য়েৎনরম্বশিং অদুগীদমক্তা সরকারনা হাইকোর্ত অমসুং সুপ্রীম কোর্তফাওবা য়ৌনরমখি। হৌজিক হাইকোর্তা লুপা কোতী ১ ফাওবা অমসুং সুপ্রীম কোর্তা লুপা কোতী ২ ফাওবগী কেসকী লেপ্পা য়ারে হায়না লেপথোকখ্রে। য়েংৎনবদগী থাজবগী তৌরাং অসিদগী য়াম্লবদগী য়াম্লবা কোরত্কী কেসশিং অসি মপান্দা অদুম্মক য়াশিন্ননবা হোৎনবনি। মসিগী মহৈদি য়াম্না অতেনবা মতমদা চাউরাক্না কোস লাক্ষ ৩ লোইশিন্নখ্রে। 

মরূপশিং,

থবক-থৌওং চত্থবদা অরুবা লৈবশিংদু হন্থহনবগা লোয়ন-লোয়ননা লৈবাক অসিদা তেক্সসু হন্থহনখ্রে।  লুপা লাক্ষ ৫গী চাগাদা হৌজিক তেক্স অসি জিরো ওইরে। অতৈ স্লেবতসু তেক্স হন্থরে। কোর্পোরেৎ তেক্সকী মতাংদসু মালেমসিদা খ্বাইদগী তানা তেক্স লৌবা লৈবাকশিংগী মনুংদা অমনি।

মরূপশিং,

ঐখোয়না হোৎনরিবসি তেক্সকী সিস্তেম অসি সিমলেস ওইহন্নবা, পেনলেস ওইহন্নবা, ফেসলেস ওইহন্নবনি। সিমলেস হায়বদি তেক্স এদ্মিনিস্ত্রেসন হায়বনি, মসিদা তেক্স থিবিরিবশিংনা চমম্নবগী মহুত্তা সোল্ব তৌনবগী থবক তৌবনি। পেনলেস হায়বদি তেক্নোলোজীদগী হৌরগা চৎন-কাংলোনশিংফাওবা লোইমক অরাইবা ওইহনবা।ফেসলেস হায়বদি তেক্সপেয়র অদু কনানো অদুগা তেক্স ওফিসর অদু কনানো হায়বা অমা লৈহল্লোইদবনি। ঙসিদগী চৎনগদৌরিবা অনৌবা য়াওল অসিদা মসিগী ৱাখল্লোন অসি থৌগৎলগনি। 

 মরূপশিং,

হৌজিক ফাওবা সহর অদুদা লৈবশিংনা সহর অদুদা অদুম্মক তেক্স বিভাগতা ঐখোয়গী তেক্স অসিগা মরি লৈনবা ৱাফম খুদিংমক য়েংশিনবা তারম্মি। স্ক্রুতনীবু ওইরো, নোতিসপু ওইরো, সর্ভে ওইরো নত্রগা থিংজিনববু ওইরো মদুদা সহর অদুগী ইনকম তেক্স বিভাগকী, ইনকম তেক্স ওফিসরশিংগী মরুওইবা থৌদাং লৈরম্মি। হৌজিক মসিগী থৌদাং অসি মখল অমরোমদা লোইশিনখ্রে, হৌজিক তেক্নোলোজীগী মতেংদগী মসি হোংহনখ্রে।

হৌজিক স্ক্রুতনীগী মতাংশিং অসিগী ওইনা লৈবাক অসিগী মফম অমদা হেক্তা ওফিসর অমদা হেক্তা ইচম-চম্না এপ্লাই তৌবা য়ারগনি। হৌজিক মুম্বইগুম্বা সহরদা কনাগুম্বা তেক্সপেয়রগী রিতর্নগা মরি লৈনবা কেসশিং লাক্লগদি মদু থিগৎনবগী থৌদাং অদু মুম্বাইগী ওফিসরগীদা চৎলরোই অদুম ওইনমক চেন্নইগী ফেসলেস তীমগী মনাক্তা চৎখিবসু য়াই। অদুগা মফম অদুদগী ওর্দরসু থোক্লক্কনি মাগী রিভিয়ুসু অতোপ্পা সহর অমদা জয়পুর নত্রগা বেঙ্গলুরুকী তীম্না তৌগনি। হৌজিক ফেসলেস তীম অসি করম্বা ওইগদগে, মসিদা কনা-কনা য়াওগনি হায়বা অসিসু হেক্তমক ওইহনগনি। মসিদা চহি খুদিংগী অহোংবসু লৈগনি।

মরূপশিং,

মসিগী সিস্তেম অসিবু পাইরিবা অমদি ইনকম তেক্স ওফিসকা ণশক খংননবা তৌবা, শাফু অমদি নমফু-হাফু পীনবগী তাঞ্জা ফংলরোই।  পুম্নমক্না মাগী-মাগী থৌদাংশিংগী মতুং ইন্না থবক তৌগনি। বিভাগনা মসিগী কান্নবা অসিদগী ফংগদৌরিবা কান্নবা অসি কান্নদবা কেসশিং তৌররোই।  অনিশুবদা ত্রান্সফর-পোস্তিংদা চংগদবা মথৌ তাদবা পাঙ্গলশিংদগী নান্থোকপা ঙম্লগনি।  মতৌ অসিগুম্না তেক্সকা মরি লৈনবা কেসশিং থিজিনবগা লোয়ন-লোয়ননা অপীলসু ফেসলেস ওইরগনি। 

মরূপশিং,

তেক্সপেয়র চার্তরসুং লৈবাক অসিগী চাউখৎপগী খোংচত্তা অচৌবা খোংথাং অমনি। ভারতকী পুৱারীদা অহানবা ওইনা তেক্স থিরিবশিংগী হকশিং অমদি থৌদাংশিং অদু কোদিফাই তৌখ্রে, মখোয়বু চৎনবা য়াহনখ্রে। তেক্সপেয়রনা মসিগী থাক অসিদা ইকাই খুম্নবা অমসুং শোই-ঙামহন্দনবা তৌবা অখন্নবা মশিংগী লৈবাক খরগী মমিংদা ভারতসু মনুং চল্লে। হৌজিক্তি তেক্সপেয়রনা মাগী ওইফম থোকপা, নোল্লুক্না অমদি  নীংথিজনা তৌবিরক্নবগী থাজবা পীখ্রে। হায়বদি ইনকম বিভাগনা হৌজিক তেক্সপেয়রগী ইকাই-খুম্নবা, নীংথিনা ৱাখল লৈবা মওংদা তৌবিরগনি।   হৌজিক্তি তেক্সপেয়রগী ৱাফমদা থাজরগনি, বিভাগনা করিগুম্বা য়ুম্ফম য়াওদবা চিংনবা মীৎয়েংদা য়েংবা ঙম্লরোই। করিগুম্বা চিংনবা অমা হেক লৈরগসু তেক্সপেয়রদা অপীল অমসুং রিভিয়ু তৌহন্নবগী হক পীখ্রে।

মরূপশিং,

হক অসি মতম পুম্নমক্তা ইথৌদাংশিংগা লোয়ননা লাকই। চার্তরনসু তেক্সপেয়রদগী পাংথোকহন্নিংবা লৈখি। তেক্সপেয়রগীদমক্তা তেক্স পীবা নত্রগা সরকারগী ওইনা তেক্স লৌবা হায়বসি হক্কী ওইবা হিরম নত্তে অদুবু মসি অনিমক থৌদাংনি। তেক্সপেয়রনা তেক্স তেক্স অসি পীগদৌরিবগী মরমদি মদুদগী সিস্তেম অসি পাংথোক্লিবনি, লৈবাক অসিগী য়াম্লবা মীয়ামদসু মহাক্কী তৌফম থৌকপা অদু তৌবা ঙম্মি।

মসিগী তেক্স অসিদগী তেক্সপেয়র মশামক্তসু কান্নহন্নবগীদমক, চাউখৎহন্নবগীদমক, অফবা খুদোংচাবশিং অমসুং ইনফ্রাস্ত্রকচর ফংবা ঙম্লিবনি। তেক্সপেয়র অদুগী শিকী-অনা অদু নীংথিজনা শিজিন্নবা হায়বসি সরকার অদুগী থৌদাংনি। মসিদা ঙসি তেক্সপেয়রশিংদা খুদোংচাবা অমসুং শোই-ঙামদবা ফংহল্লবসি লৈবাক অসিগী তেক্সপেয়রদগী মাগী থৌদাংশিং অদগীদমক্তা হেন্না ৱাখল লৈনা থবক পাংথোক্লক্নি হায়না খল্লি।

মরূপশিং,

ইরৈচাশিংদা থাজবগী ৱাখল্লোন অসিগী কান্নবা মতৌ অসি উবা ফংবগে হায়বা খংহনবসু য়াম্না মরু ওই। ইং কুমজা ২০১২-১৩দা তেক্স রিতর্ন তৌনখিবশিং অদুদগী চাদা ০.৯৪গী স্ক্রুতনী তৌনরমখি। ইং-কুমজা ২০১৮-২৯দা মশিং অসি হন্থরক্তুনা চাদা ০.২৬তা লৈখ্রে। হায়বদি কেসকী স্ত্রুতনী অসি চাউরাক্না শরুক ৪ হন্থবা হায়বসি কয়াদা পাক-চাউনা অহোংবা লাক্লবনি।

মরূপশিং,

হৌখিবা চহি ৬সিদা তেক্স এদমিনিসত্রেন্দা গবর্নেন্সকী অনৌবা মোদেল অমা শেমগৎখিবা উখি। ঐখোয়না অরুবা অদু হন্থহনখ্রে, তেক্সশিং হন্থহনখ্রে, কেস তৌবা হন্থহনখ্রে, ত্রান্সপরেন্সি হেনগৎহনখ্রে, তেক্সকী কম্প্লাইয়েন্স হেনগৎহনখ্রে, তেক্স থিরিবশিংদা থাজবা হেনগৎহনখ্রে।

মরূপশিং,

হোৎরিবশিং অসি অসিগী মরক্তা চহি ৬-৭ অসিদা ইনকম তেক্স রিতর্ন ফোর্ম মেনশিনবগী মশিং অসি চাউরাক্না কোতী অনি-মখাইমুক হেনখ্রে। অদুবু মরূপ কোতী ১৩০ লৈবা লৈবাক অসিদা মসি য়াম্বা তাবা ওইরি হায়বসিসু অচুম্বনি।  মসিদা লৈবাক অসিগীদমক্তা মশানা খঞ্জবা তাবনি। আক্মনির্ভর ভারতকীদমক্তা মশানা খঞ্জবা হায়বসি মরু ওই।  অদুগা মসিগী থৌদাং অসি তেক্স বিভাগখক্তগী নত্তে, ভারত্তা লৈরিবা খুদিংমক্কীনি। তেক্স থীবদি ঙম্বা অদুগা তেক্স নেত্তা য়াওদবা অদু মশানা ইথীল পীজদুনা মমাং থানা লাকপিয়ু, মসি ঐহাক্না হায়জরি, ঐহাক্কী খঞ্জবনি।

লাকপিয়ু, থাজবগী, হকশিংগী, ইথৌদাংশিংগী, প্লেতফোর্মগী ৱাখল্লোনগী ৱাখল্লোন অসি ইকাই খুম্নরদুনা অনৌবা ভারত, আত্মনির্ভর ভারতকী ৱাশকপু মপুং ফাহল্লসি। অমুক হন্না লৈবাক অসিগী হৌজিক্কী অমদি পুকচেল শেংবগী ৱাখল্লোন লৈবা তেক্সপেয়র য়াম্না নুংঙাইবা ফোংদোকচরি অমদি য়াইফ-পাউজেল পীজরি!!

হন্না-হন্না থাগৎচরি।

***