ভারতনা নিং তম্নবগী তপস্যা তৌফম ওইরিবা মফম, ৱাশক শক্নফম ওইরিবা মফম অন্দমান অমসুং নিকোবরগী লমদম অসিবু অমদি  মফমসিদা লৈবিরিবা মীওই খুদিংমকপু খুরুমজরি!!!

ঙসিগী নুমিৎ অসি অন্দমান অমসুং নিকোবরগী দ্বীপ দর্জন কয়াদা খুন্দারিবা মরূপ লাক্ষ কয়াগী ওইনা অথোইবা নুমিৎনি, লৈবাক পুম্বগী অথোইবা নুমৎনি।  

মরূপশিং, নেতাজী সুভাশচন্দ্র বোসপু খুরুমজদুনা চহি অমা মখায়গী মমাংদা ঐহাক্না সবমেরিন ফাইবর কেবল কনেক্তিবিতীগী প্রোজেক অসি হৌদোকচবগী তাঞ্জা অদু ফংজখি। মসি ঙসি মপুং ফারে অমদি মসিগী মায়খুম হাংদোক্নবগী খুদোংচাবা অদু ঐহাক্না ফংজবা অসিদা নুংঙাইবা ফাওই। চেন্নইদগী পোর্ত চেন্নইদগী প্রোর্তব্লেয়রফাওবা পোর্তব্লেয়র, পোর্তব্লেয়রদগী লিতিন অন্দমান অমসুং পোর্তব্লেয়রদগী স্বরাজ দ্বীপফাওবা, অন্দমান-নিকোবরগী চাওরবা শরুক অমদা সর্ভিস অসি মথৌ তৌবা হৌখ্রে।  

ঐহাক্না অন্দমান অমসুং নিকোবরগী মীশিংদা খুদোংচাবা অসিগীদমক্তা মশিং নাইদ্রবা তাঞ্জাশিংনা থল্লবা কনেক্তিবিতী অসিগীদমক্তা য়াইফ-পাউজেল পীজরি, নুংঙাইবা ফোংদোকচরি। নিং তম্বা নুমিৎকী মাংওইননা অন্দমান্দা লৈরিবা মীশিংগীদমক্তা অগস্ত ১৫গী মমাংদা চয়োল অসিদা নুংশিবনা থল্লবা খুদোলগুম্বা তাঞ্জানি হায়না ঐহাক্না লৌজৈ।  

মরূপশিং, সমু্দ্রগী মনুংদা কিলোমিতর ২৩০০ ফাওবগী কেবল তিংনবগী থবক অসি লেপ্নখিবা মতমগী মতুং ইন্না মপুং ফাহনবা হায়বসি য়াম্না থাগৎনিংঙাইনি। লুরবা সমুদ্রদা সর্ভে তৌবা, কেবল কনেক্তিবিতী অসি নিংথিনা য়েংশিনবা, মরুওইবা জহাজশিংদগী কেবল অসি তিংবা হায়বসি অরাইবসু ওইখিদে। মসিগী মথক্তা ৱাংলবা ইথক-ইপোমশিং, নোংলৈ-নুশিৎ অমসুং মোন্সুনগী অপনবশিং লৈখি। প্রোজেক অসি চাওবগী মতিক শিংনবসু অদুক্কী মতিক চাওখি। চহি কয়াদগী মসিগী খুদোংচাবা অসি মথৌ তারে হায়বসি খংলদুনসু মসিদা থবক ওইনা পাংথোকপা ঙমখিদে। অদুবু অপনবশিং অদু মতাইদা থম্লগা থবক অসি মপুং ফাহনখিবা অসিদা ঐহাক হরাওই।  থবক খুদিংমক চপ লেপহনখ্রবা অসিগুম্বা কোরোনাগী লুরবা তানফম অসিনফাওবা থবক অসি লেপহনবা ঙমখিদে।

 মরূপশিং, লৈবাক অসিগী পুৱারী, হৌজিক্কী ওইরবা মতম অমসুং তুংদা লাক্কদবা মতমগী ওইনা অসুক্কী মতিক মরুওইরবা মফম অসিগী ওইনা, মফমদুগী হোৎনবা কল্লবা নাগরিকশিংগী ওইনা অনৌবা তেলিকোম কনেক্তিভিতী পীবিবা অসি লৈবাক অসি তৌদ্রবা য়াদ্রবা থৌদাংনি। মসি কত্থোকপনা মপুং ওইরবা তীমদগী তীমগী ওইবা ৱাখল্লোন অসিদগী ঙসি অরিবা মংলান অমা মপুং ফারে। ঐহাক্না প্রোজেক অসিগা মরি লৈনরিবা মরূপ খুদিংমকপুসু য়াইফ পাওজেল পীজরি, খুরুমজরি।

মরূপশিং, অসি সিংনবনা থল্লবা থবক অসি থৌনা লৈনা, অচেৎপা ৱাশক্কা লোয়ননা থবক তৌরবতদা মপুং ফাবা ঙম্মি। লৈবাক অসিগী নাগরিক খুদিংমক, মফম খুদিংগী দিল্লীদগী অমদি থম্মোইদগী লাপ্নবশিং অসিগী মরক্তা থোংনা শমজিন্ননবা কত্থোক্তুনা লাক্লি।  লৈবাক খুদিংমক্কী মীপুম খুদিংমক্তা লম খুদিংমক্কী অনৌবা খুদোংচাবশিং য়ৌহন্নবা, মখোয়গী পুন্সিনা লায়না হিংনবা কত্থোক্তুনা লাক্লি। লৈবাক অসি ঙাক-শেন্নবগা মরি লৈনবা ঙমখৈগী মফমশিং অমসুং সমুদ্রগী পনখৈশিংদা লৈরিবা মফমশিংদা য়াংনা চাওখৎহন্নবা কত্থোক্তুনা লাক্লি।

মরূপশিং, অন্দমান নিকোবর অসি লৈবাক অসিগী লৈবাকশিং অমসুং মালেমগা শমজিন্নহনগদবা ওপ্তিকেল ফাইবর প্রোজেক অসি পুন্সিনা লায়না হিংনবগীদমক্তা ওইবা ঐখোয়গী ৱাশক অদুগী থুদম্নি। হৌজিক অন্দমান অমসুং নিকোবরগী মীশিংনা মোবাইল কনেক্তিবিতীদা হেন্না য়াংবা ইন্তর্নেৎ অসি হোংনা অমদি অফবা খুদোংচাবশিং ফংবা ঙম্লগনি, মসিগীদমক্তা ঙসি ভারত অসি মালেমদগী মাংজিল থারি। হৌজিক অন্দমান নিকোবরগী মীশিংদা, ইচে-ইচলশিংদা, অঙাংশিংদা, নহাশিংদা, লল্লোন-ইতিক তৌবশিংদসু দিজিতেল ইন্দিয়াগী কান্নবা খুদিংমক অতৈ লৈবাকশিংনা ফংবগুম ফংবা ঙম্লগনি।  ওনলাইন্দা লাইরিক তম্ববু ওইরো, তুরিজমদগী শেল তানবা ওইরো, বেঙ্কিংদা ওইরো, শোপ্পিংদা ওইরো নত্রগা হিদাকশিংগী ওইরো হৌজিক অন্দমান নিকোবরগী ইমুং লিশিং-লিশিংদসু মিসগী ওনলাইনশিং অসি ফংলগনি।  

মরূপশিং, ঙসি অন্দমান্না ফংলিবা খুদোংচাবা অসিদগী মফমদুদা চৎকদৌরিবা তুরিস্তশিংদসু য়াম্না কান্নবা ফংলগনি। অফবা নেতকী কনেক্তিবিতী অসি ঙসি তুরিস্তকী নাৎ অমা হেক্তগী খ্বাইদগী অহানবা মরুওইনা পাংথোক্কদবা ওইরে। হান্নদি লৈবাক অমসুং মালেমগী তুরিস্তশিংদা মোবাইল অমসুং ইন্তর্নেতকী কনেক্তিবিতী অসি তানা ফংবনা অৱাবা কয়া লৈখি। মখোয়গী ইমুং-মনুংগা, মখোয়গী বিজিনেসকী ওইনা লেপ্তনা পাও ফাওনবদা হেক্তা তৎখিবগী মওংদা লৈরম্মি। হৌজিক্তি মসিগী অৱাৎপসিসু লৈররোই। হৌজিক্তি ইন্তর্নেত অদু ফজনা ফংলগনি অদুনা মীশিংনা মফমদুদা অশাংবা মতমগী ওইনা চৎনরগনি হায়না  ঐহাক্না থাজৈ। মীশিংনা মতম কুইনা লৈরগদি অন্দমান নিকোবরগী সমুদ্রগী, মফমদুগী চান-থক্নবশিংগী নুংঙাইবা লৌরগদি মসিগী অচৌবা ইনোৎ অমসু থবক্কীদসু পীরগনি, থবক্কীসু অনৌবা খুদোংচাবা লৈরগনি। 

মরূপশিং, অন্দমান অমসুং নিকোবর অসি ভারতকী শেন্মিৎলোনগী লাল্লোংগী মওংদা খুৎশম্নবগী অচৌবা মফম অমনি।  হিন্দ মহাসাগর অসি চহি লিশিং কয়াদগী ভারতকী লল্লোন-ইতিক অমদি লাল্লোংগী মপাঙ্গলগী মফম ওইদুনা লাক্লি। হৌজিক ভারত অসি ইন্দো-পেসিফিক্তা লল্লোন-ইতিক্কী অমদি তেংবাং পীনবগী অনৌবা থৌশীল অমসুং চৎনবীদা পাংথোক্লবা মতম অসিদা অন্দমান অমসুং নিকোবর য়াওনা ঐখোয়গী দ্বীপ কয়াশিং অসি হেন্না মরুওইবা হেনগৎলক্লি। এক্ত-ইস্ত-পোলিসীগী মখাদা নোংপোক থংবা এসিয়াগী লৈবাকশিং অমসুং সমুদ্রগা শম্নবা অতোপ্পা লৈবাকশিংগা কোন্নবা কনশিল্লক্লিবা মরিশিংদা  অন্দমান অমসুং নিকোবরগী থৌদাং অসি য়াম্না য়াম্মি অমসুং লেপ্তনা য়ামখৎলক্লগনি।  অনৌবা ভারত অসিদা অন্দমান-নিকোবরগী দ্বীপকী চবুনগী থৌদাং অসিনা মসি হেন্না কনখৎহন্নবগীদমক্তা  চহি ৩গী মমাংদা আইলেন্দ দিভেলপমেন্ত এজেন্সী শেমখি।  । অন্দমান নিকোবরদা চহি কয়াদগী মপুং ফাদনা লৈরক্লবা প্রোজেক অদু হৌজিক্তি থুনা-য়াংনা মপুং ফাগদৌরে হায়বসি ঙসি ময়াম পুম্নমক্না উবিরি।  মরূপশিং, অন্দমান অমসুং নিকোবরগী ইথৎ ১২তা চাওনা ইনোৎ হাপ্পা প্রোজেকশিং পাক-চাওথোকহনগদৌরে। মোবাইল অমসুং ইন্তর্নেত কনেক্তিবিতীগী চাওনা খুদোংচাদবা অমা ঙসি সোল্ব তৌরে। মসিদা নত্তনা লম্বি, নুংশিৎ অমসুং ঈশিংদগী ফিজিকেল কনেক্তিবিতীসু হেন্না ফগৎহল্লগনি। অৱাং অমসুং ময়ায়থংবা  অন্দমানগী লম্বিগী কনেক্তিবিতী অসি হেন্না ফগৎহন্নবগীদমক্তা অচৌবা থোং ২ অমসুং এন.ঐচ.-৪ অসি পাকথোকহন্নবা য়াংনা থবক চংশিল্লি। পোর্তব্লেয়রগী এয়রপোর্তা অমুক্তংদা পুন্না পেসেঞ্জর ১২০০ হেন্দল তৌবা ঙম্বা চাংদা লাক্কদৌরিবা থা খরসিদা শেম-শাবা লোইরগনি।

মসিদা নত্তনা দিগ্লিপুর, কার নিকোবর অমসুং কেম্পবেল-বেদসু এয়র্পোর্ত অসি ওপরেসনগীদমক্তা শেম্বা লোইখ্রে। নিং-তম্বগী দ্বীপ, থৌনা লৈনা থৱায় কত্থোকপগী দ্বীপ অমসুং শাংলবা ইথৎ অসিদা পেসেঞ্জর তর্মিনেল, ফ্লোত্তিং জেত্তীগুম্বা ঈশিংগী এরোদ্রোমগী ইনফ্রাস্ত্রকচরসু লাক্কদৌরিবা থা খরসিদা সাবা লোইরগনি। মসিগী মথংদা মফমশিগী ফ্লাইতকী প্রোজেক্তগী সমুদ্রগী প্লেন সর্বিস হৌরগনি। মসিদগী ইথৎদগী লাপ্না অতোপ্পা ইথত্তা কনেক্তিবিতী হেন্না ফহল্লগনি অদুগা চত্থোক-চৎশিন তৌবদসু মতম খজিক্তং চংলগনি।  

মরূপশিং, ইথৎ অসিগী ময়াইদা অতোপ্পা লৈবাকশিংদগী ঈশিংগী কনেক্তিবিতীগী খুদোংচাবা অসি হেনগৎহন্নবগীদমক্তা কোচীগী শিপয়ার্দতা শারিবা জহাজ ৪ অসি থা খরসিদা য়ৌরক্লগনি। মথং চহি খরদা অচৌবা জহাজশিং অসি শেমজিন্নবগী খুদোংচাবা অসি ইথৎ অসিদা শেমগৎনবা হোৎনগনি। মসিদগী অদোমগী মতম চংহল্লরোই, চাদিং হন্থরগনি অমসুং থবক ফংনবগী খুদোংচাবসু লৈরগনি। মসিদগী ফিসরীজরী সেক্তরদসু চাউনা কান্নবা ফংলগনি।

মরূপশিং, লাক্কদৌরিবা মতম খরদা অন্দমান নিকোবর অসি পোর্ত লেদ দিভেলপমেন্তকী হবকী মওংদা শেমগৎলগনি। অন্দমান নিকোবর অসি মালেমগী হিথাংফম কয়াগী অচৌবা চাংদম্ননিংঙাই ওইবা মফমদা লৈরে। ঙসি মালেম পুম্নমক্না হিতাংফমগী নেতৱর্ক অমসুং মাগী  কনেক্তিবিতী অসি অফবা ওইরগা ২১ শুবা চহি  চা অসিগী লল্লোন-ইতিক্কী থবক অসিসু থুনা ফগৎলগনি হায়না লৌনরি। মসিগী ওইনা অন্দমান অমসুং নিকোবরদা শেমগৎলক্লিবা ইনফ্রাস্ত্রকচরগা মরি লৈনবা থবক অসিনা চাওখৎপগী অনৌবা পন্দোন লোম্না চাওখৎহল্লগনি।

মরূপশিং, ঙসি ভারতকী আত্মনির্ভরতাগী ৱাশক অসিগা লোয়ননা মমাং থানা চংশিল্লবা মতমসিদা মালেমগী মেনুপেকচরিং হবকী মওংদা মালেমগী সপ্লাই অমসুং ভেল্যু চেনগী অথোইবা শান্নরোই অমগী মওংদা মশানা শেমগৎচনবা মাই ওনশিন্না হোৎনরিবা অসিদা ঐখোয়গী ঈশিংগী লম্বি অমসুং ঐখোয়গী হিথাংফমশিংগী নেতৱর্ক অসি হেন্না মপাহ্গল দনখৎহনবা হায়বসি য়াম্না মরু ওইবনি। হৌখিবা চহি ৬-৭তগী পোর্ত দিভেলপমেন্ত অমসুং পোর্ত লেদ দিভেলপমেন্তকী চত্থরিবা থবকশিং অসিদগী লৈবাক অসিনা অনৌবা পাহ্গল কয়া ফংলি। ঙসি ঐখোয়গী তুরেলগী লম্বিদা অচৌবা নেতৱর্ক শারিবা অসিদগী সমুদ্রগী অচৌবা হিতাংফমশিং অসি লৈবা অসিগী লেন লোক তৌরবা রাজ্যশিংগা শম্নরগনি।  হিথাংফমগী ইনফ্রা অসি অসিদা ৱায়েলগী সরকারনা সমুদ্রগী লল্লোন-ইতিক লাইনা তৌবদা মতেং ওইনবা অমসুং মেরিতাইম লোজিস্তিকশিং অসি লাইথোকহন্নবসু খল্লি। অসিগুম্বা মালেমগী খ্বাইদগী চাওবা সিঙ্গল ৱিন্দো প্লেতফোর্ম অসি শেম্বগীসু থবক চত্থরি।

মরূপশিং, অসিগুম্বা হোৎনবশিং অসিগী মরম্না হৌজিক লৈবাক অসিগী হিথাংফমগী নেতৱর্ককী কেপাসিতী অমসুং কেপেবিলিতী অনিমক অসি পাকথোক-চাওথোকখ্রে।  চহি ৩০ রোম ঙাইরবা মতুংদা নোংচুপ থংবা সমুদ্র তোর্বান্দা অহানবা দীপ দ্রাফ গ্রীনফীল্দ সি-পোর্ত অসি  থোইদোকপা মওংদা অয়াবা পীখ্রে। মতৌ অসিগুম্না নোংপোক থংবা সমুদ্র তোর্বান্দা দীপ দ্রাফ ইন্নর হার্বর অসি শেম্নবা থবকসু য়াংনা চত্থরি। হৌজিক গ্রেত নিকোবরদা চাওরাক্না লুপা কোতী লিশিং ১০রোম চংগদবা ত্রান্স শিপমেন্ত পোর্ত শানবা ৱাফম লৈরি।  লাক্কদৌরিবা চহি ৪-৫সিদা মসিগী অহানবা তাঙ্কক অসি মপুং ফানবা হোৎনরি। হিথাংফম অসি অমুক হেক শাবা লোইবগা অচৌ-অচৌবা জহাজশিংসু লেপ্পা য়ারগনি। মসিদগী সমু্দ্রগী লল্লোন-ইতিক্তা ভারতকী শরুক য়াবসু হেনগৎলগনি, ঐখোয়গী নহাশিংদা অনৌবা তাঞ্জা পীরগনি।

মরূপশিং, ঙসি অন্দমান নিকোবরদা অনৌবা ইনফ্রাস্ত্রকচরশিং অসি লোইরগদি ব্লু ইকোনোমীদসু য়াংবা হেনগৎহল্লগনি।  ব্লু ইকোনোমীগা মরু ওইবা শরুক অসি ফিশরিজ, এক্বাকলচর অমসুং সি ৱীদ ফার্মিংদা লৈরি। সিৱীদকী কান্নবা অসি মালেম্না শোন্নরি, লৈবাক কয়ানা মসিদগী ওইথোকপা য়াবশিং অসি পুথোক্তুনা খংহন্নবা তৌরি।অন্দমান-নিকোবরগী ওইথোরকপা য়াবশিং অসি থিননবগীদমক্তা পোর্তব্লেয়রদা পায়লত প্রোজেকশিং পাংথোকখিবা অদুগী মহৈ অসি পুক্নিং থৌগৎনিংঙাইনি। হৌজিক মসি ফার্মিং তৌনবা ইথৎশিংদা ফুক্নিং থৌগৎহন্নবা নৈনবা হৌখ্রে।  মসি অচৌবা স্কেলদা মায় পাক্লবদি মসি মালেমগী অতৈ মফমশিংদসু পাকথোক-চাওথোকহনবা ঙম্লগনি। মসিদগী মরু ওইবা মওংদা ঐখোয়গী ঙামী মরূপশিংদা চাউনা কান্নবা ফংলগনি। হন্দক্কী চহি খরসিদা অন্দমান অমসুং নিকোবর অসিদা অনৌবা  খুদোংচাবা ফংহনবগী থাজবা পীবদা নত্তনা মালেমগী তুরিজম মেপ্তসু অথোইবা মফম অমা কন্নবা হোৎনগনি হায়না থাজৈ।

অন্দমান-নিকোবরদা লৈবিরিবা অদোম পুম্নমকপু মোবাইল ফোন অমসুং ইন্তর্নেত কনেক্তিবিতীগী অনৌবা খুদোংচাবা অসিগীদমক্তা অমুক হন্না  নুংঙাইবা ফোংদোকচরি অমসুং হৌজিক কোরোনাগী মতম অসিদা মরু ওইবা মওংদা ঐহাক্না  অদোমগীদমক্তা হকচাং ফনা, শোই-ঙামদনা, অদোমগী ইমুং-মনুংশিং হকচাং ফনা লৈনবা লাইদা খুরুমজরি। কোরোনাগী মতম অসিদা গজ অনি থাপ্না লৈনবা অসি মতম পুম্বদা ঙাক্না চৎপিদুনা মতুং তানা পাংথোকপিয়ু।

মসি নিজদুনা নিং-তম্বা কত্থোকপগী লম অসিদা অগস্ত ১৫গী মাংওইননা ঙসি ঐহাক্না অদোম পুম্নমকপু খুরুমজনবগী তাঞ্জা অদু ফংলে।  ঐহাক্না অদোম পুম্নমকপু অগস্ত ১৫গী মাংওইননা নিং-তম্বগী থৌরম অসিগী মাংওইননা অসুক য়াম্না চাওরবা তাঞ্জা অসিগীদমক্তা হন্না-হন্না য়াইফ-পাওজেল পীজরি অমসুং তুংদা অফবা পুন্সিদা অনৌবা খোংফম তান্না য়ৌনা চোংনবগীদমক্তা মমাং থানা লাকপিনবা হায়জরি। হন্না-হন্না থাগৎচরি।

******