থংন থংননা নিনি শুবা ওইনা নোংমদা ফগৎলকখিবশিংগী মশিং লেপ্তনা হেনগৎলক্লি। হৌখিবা পুং ২৪ অসিদা নোংমদা লায়েংখিবা অমসুং দিচার্জ তৌখিবগী মশিং ২৯,৫৫৭ ওইদুনা খ্বাইদগী য়াম্লি। অমরোমদা ফগৎখিবা কেসকী অপুনবা মশিং অসি ৭,৮২,৬০৬তা খংহেন হেনগৎখ্রে, ফগৎলকপগী চাং অসি শীংথানিংঙাই ওইনা হেনগৎলক্তুনা ৬৩.১৮%দা লৈরি। অনাবা মীওইশিং লায়েংবা অমসুং দিচার্জ তৌবগী মশিং হেনগৎলকপনা মরম ওইরগা ফগৎলকখিবা অমসুং অপুনবা এক্তিব কেসশিংগী মরক্তা লৈবা খেৎনবা অসি হেনগৎহনবদা মতেং পাংলি। ঙসি ৩,৫৬,৪৩৯ য়ৌখ্রে।

মায় পাক্লিবা অসিনা কেন্দ্র সরকারগী কোবিদ-১৯ লাকশিন্নবা ললোংশিংদা মতেং ওইরবা য়াই। কেন্দ্র অমসুং ৱাজ্য/য়ু.তি.শিংনা লেপ্তনা হৌৎবনা মরম ওইরগা হেন্না মপুং ফানা লাকশিনবা, তেস্ত তৌবা কনশিনবা অমসুং খুদক্তা অমসুং কন্নবা মওংদা ক্লিনেকেল ত্রেৎমেন্তগী লালোং লৌখৎপা ঙমহল্লি। জোইন্ত মোনিতরিং গ্রুপ (জে.এম.জি.) গুম্বা হকশেল অমসুং য়াইফ য়ুম্বাল মন্ত্রালয়গী মরু ওইবা এক্সপর্তশিংনা মখোয়বু লমজিংলি অমসুং ন্যু দিল্লীগী এমস,  তোঙান তোঙানবা রাজ্যশিং/য়ু.তি.শিংগী খঙহৈরবা সেন্তরশিং, আই.সি.এম.আর., অমসুং এন.সি.দি.সি.গী তেক্নিকেল এক্সপর্তশিংনা মতেং পাংলি। কেন্দ্রগী সরকারনা রাজ্যশিং/য়ু.তি.শিংনা হোৎনরিবশিং অসিদা ন্যু দিল্লীগী এমসনা লুচিংদুনা তেলি-কন্সল্তেসন প্রোগ্রামগী খুত্থাংদা রাজ্যশিংগী কোবিদ হোস্পিতালশিংদা লমজিং-লমতাকপীরি অমসুং কেসলোদ য়াম্না থেংনরিবা মফমশিংদা কেন্দ্রগী এক্সপর্ত তিমশিং থাদুনা লেপ্পা লৈতনা পুন্না হোৎনরি। অসুম্না পুন্না হোৎনবা অসিনা মরম ওইরগা কেস ফেতেলিতী রেৎ অসি অনেম্বা থাক্তা থম্বা ঙমলিবনি। ঙসি ফাওবদা ২.৪১% ওইরি অমসুং তপ্না-তপ্না হন্থরক্লি।

মসিনা অশেংবা কোবিদ-১৯ কেসকী কেস লোদ হন্থহনবদা মতেংসু পাংলি লোয়ননা এক্তিব ওইরিবা মীওই অসি ৪,২৬,১৬৭ খক্তা ওইহল্লি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

******