PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 22 JUL 2020 6:21PM by PIB Imphal

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • হৌখিবা পুং ২৪দা মশিং খ্বাইদগী য়াম্না অনাবা ফরে; অনাবা মীওই ২৮,৪৭২ দিসচার্জ তৌখি
  • হৌজিক ফাওবদা কোবিদ অনাবা মীওই লাখ ৭.৫ অনাবা ফরে; অনাবা ফগৎলকপগী চাং চাদা ৬৩ য়ৌরে।
  • রাজ্য/য়ু.তি. ১৯ অনাবা ফগৎলকপগী চাং চাদা ৬৩.১৩ দগী হেল্লে
  • দিল্লীদা খ্বাইদগী ৱাংনা ফগৎলকপগী চাং চাদা ৮৪.৮৩ ওইরি তুংদা লদাখনা চাদা ৮৪.৩১ ওইদুনা তুংদা ইন্নরি।
  • ঙসিগী ওইনা এক্তিব কেস ৪,১১,১৩৩ ওইরি।
  • তেমাসেক ফাউন্দেসন, শিঙ্গাপুরদগী অহানবা তাঙ্কক্কী ওক্সিজেন কন্সেন্ত্রেতর ৪,৪৭৫ য়ৌরক্লে।

হৌখিবা পুং ২৪দা মশিং খ্বাইদগী য়াম্না অনাবা ফরে; অনাবা মীওই ২৮,৪৭২ দিসচার্জ তৌখি; হৌজিক ফাওবদা কোবিদ অনাবা মীওই লাখ ৭.৫ অনাবা ফরে; অনাবা ফগৎলকপগী চাং চাদা ৬৩ য়ৌরে, রাজ্য/য়ু.তি. ১৯ অনাবা ফগৎলকপগী চাং চাদা ৬৩.১৩ দগী হেল্লে

নোংমদা খ্বাইদগী য়াম্বা ওইনা মীওই ২৮,৪৭২ অনাবা ফরে। মসি হৌখিবা পুং ২৪দা কোবিদ-১৯ অনাবা মীওই খ্বাইদগী য়াম্না ফগৎলকখি। মসিগী লোয়ননা অনাবা ফরবা মীওই মশিং ৭,৫৩,০৪৯ য়ৌরে। কোবিদ-১৯ অনাবা ফগৎলকপগী চাং চাদা ৬৩.১৩ য়ৌরে। অনাবা ফগৎলকপা মশিং হেনগৎলকপদগী এক্তিব কেসশিং(ঙসি ফাওবদা ৪,১১,১৩৩)গা অনাবা মীওই মশিংগা লৈরম্বা খেন্নবা অদু ৩,৪১,৯১৬দা লৈরে। মসিগী খেন্নবা অসিনা লাইচৎ অসিগী ফিবম ফগৎলকপা অদু উৎলে। লৈবাক্কী ওইনা অনাবা ফগৎলকপগী চাং হেনগৎলকলে , রাজ্য/য়ু.তি ১৯গী অনাবা ফগৎলকপগী চাং লৈবাক্কী ওইনা লৈরিবা চাং অসিদগী হেল্লে। দিল্লীদা খ্বাইদগী ৱাংনা ফগৎলকপগী চাং চাদা ৮৪.৮৩ ওইরি অমদি মদুগী তুংদা লদাখনা চাদা ৮৪.৩১ ওইদুনা তুংদা ইন্নরি। এ.আই.আই.এম.এস, নই দিল্লিনা রাজ্যশিং/য়ু.তি.শিংগী সেন্তর ওফ এক্সলেন্সশিংগা লোয়ননা লায়েংবা অমসুং আই.সি.য়ু. অনাবশিং লায়েংবগী থবক ফগৎহল্লে অমসুং মসিনা ভারত্তা মী শিবগী চাং হন্থহল্লে। এ.আই.আই.এম.এস, নিউ দিল্লিগী ই-আই.সি.য়ু প্রোগ্রাম অসিনা সেন্তর-স্তেৎ হেন্না মতেং পীনদুনা শিবগী চাং হন্থহন্নবা পান্দম থম্লি। চয়োল অমদা থৌরম অনিরক পাংথোক্তুনা হায়রিবা তেলি-কন্সলতেসনগী থবকশিং অসিনা আই.সি.য়ুগী অনাবশিং লায়েংবগী মতাংদা রাজ্যশিংদা লৈরবা কোবিদ-১৯গী হোস্পিতালশিংদা তেক্নিকেলগী পাউতাক পীখি অমসুং মখোয়না খঙজবশিং শরুক য়াখি।

অকুপ্পা ৱারোলগীদমক : https://pib.gov.in/PressReleasePage.aspx?PRID=1640356

 

অশ্বিনি কুমার চৌবেনা তেমাসেক ফাউন্দেসন, শিঙ্গাপুরদগী অহানবা তাঙ্কক্কী ওক্সিজেন কন্সেন্ত্রেতর ৪,৪৭৫ ওকখ্রে

ঙসি হেল্থ অমসুং ফেমিলি ৱেলফিয়ারগী রাজ্য মন্ত্রী অশ্বিনি কুমার চৌবেনা তেমাসেক ফাউন্দেসন, শিঙ্গাপুরদগী অহানবা তাঙ্কক্কী ওক্সিজেন কন্সেন্ত্রেতর ৪,৪৭৫ ওকখ্রে। ফাউন্দেসন অসিনা ভারত্তা ওক্সিজেন কন্সেন্ত্রেতর ২,০০০ মতেং ওইনা পীরক্কদবনি । লেমহৌরবা ওক্সিজেন কন্সেন্ত্রেতরশিং ২০২০গী অগস্ত থাদা ফংলগনি। হায়রিবা খুৎলায়শিং অসি কোবিদ-১৯ মোদরেত কেসশিং লায়েংনবা রাজ্যশিং অমসুং য়ু.তিশিংদা পীরগনি। তেমাসেক ফাউন্দেসন, শিঙ্গাপুর থাগৎলদুনা মিনিস্তরনা হায়খি লৈবাক অসিনা কোবিদ-১৯ থেংনবদা ওক্সিজেন কন্সেন্ত্রেতরশিং অসিনা মতেং পাংগনি । মসিগী মতেং অসি মতম চানা পীরকই অমসুং অথুবা মতমদা হায়রিবা খুৎলায়শিং অসি পুশিল্লক্নবা মতেং পাংবগীদমক ইন্দিয়ান রেদ ক্রোস সোসাইতি থাগৎলি।  

অকুপ্পা ৱারোলগীদমক : https://pib.gov.in/PressReleasePage.aspx?PRID=1640426

 

এস.এন.বি.এন.সি.বি.এস.না শেমবা এক্তিব রেস্পিরেতর মায়খুম অমসুং নেনো-সেনিতাইজরনা কোবিদ-১৯ লান্থেংনবদা মতেং ওইগনি

কোবিদ-১৯ লাইচৎ অসিনা মায়খুম শীজিন্নবা অসি নুংতিগী পুন্সিগী থাদোক্নবা য়াদ্রবা শরুক অমা ওইহল্লে‍। অদুম ওইনমক মীয়ামনা থাদোক্নবা য়াদ্রবা ঙাকথোক্নবগী পোৎলম অসিদা হৈননবা হোৎনবসিদা শীজিন্নবদা নুংঙাইতবা কয়া থেংনবনা মরম ওইরগা ভাইরস অসি শন্দোরকপা থিংননবা শীজিন্নরিবা অসিদা খুরৌ থাংহল্লি‍। নুংঙাইতবা ৱাফমশিংগী মরক্তা খরদি কারবোন দাইওক্সাইদ (সি.ও) অমুক হন্না নীংশা হোঞ্জিন্দুনা মীওইবগী মতিং হন্থহনবা অমদি মতম শাংনা শীজিন্নবনা ব্রেন-হাইপোক্সিয়া থোকহনবা, নীংশা হোন্দোরকপদা য়াওবা মনিলনা অনোক মকশিলহনবা, মায়খুম মনুংদা শাগৎলকপনা হুমাং চোৎলকপদা শাফনিংঙাই ওইরক্তবা, মায়খুম উপ্তুনা ৱারী শান্নবদা মরোন শেংদবা অসিনচিংবনি‍। নীংশা হোন্দোক্নবা ভাল্ব অমদি মায়খুম উপ্পা মতমদা নুংঙাইনবা অমদি লু নান্না লৈনবগীদমক সস্পেন্সেদ পার্তিকুলেত ফিল্তর য়াওরবা এক্তিব রেস্পিরেতর অমা প্রোফেসর সমির কে. পাল অমসুং মহাক্কী কাঙবুনা ভারত লৈঙাক্কী দিপার্তমেন্ত ওফ সাইন্স এন্দ তেক্নোলোগীগী মখাদা লৈবা মনীং তমবা থিজিনবগী ইনস্তিত্যুৎ এস.এন. বোস নেসনেল সেন্তর ফোর বেসিক সাইন্সেস (এস.এন.বি.এন.সি.বি.এস.), কোলকতাগী দাইরেক্তর প্রোফেসর সমিত কুমার রেগী লুচিং মখাদা পুথোক্লে‍। এক্তিব রেস্পিরেতর মায়খুম অসি কারবোন দাইওক্সাইদ হোঞ্জিনবা, ঈশিং মনীং হোন্দোরকপা অমদি মায়খুম মনুংদা শাগৎপা অমসুং হুমাং কাখৎপা অসিদগী ঙাকথোক্নবা অনৌবা মখলগী পাম্বৈ অমনি‍। মসিনা মায়খুম উপ্লিবা মীওই অমনা ৱা ঙাঙবদা মরোল শেংবা হেনগৎহল্লি অমদি নুংশিত্তা য়াওবা মহিক মতাংদগী শীজিন্নরিবা মী অদুবু নুংঙাইনা অমদি লুনা নান্না ঙাকথোকই‍।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1640358

 

জল জীবন মিসনঃ রাজ্যশিংনা অমনা অমদগী হেন্নবা চাংয়েংনরি; রাজ্য ৭না ইং ২০২০-২১গী পান্দমগী ১০% ফংবা ঙমখ্রে

ওগস্ত ২০১৯দা লোঞ্চ তৌখিবদগী থা ৭কী মনুংদা জল জীবন মিসন্না ২০১৯-২০দা খুঙ্গংগী ইমুং মনুং লাখ ৮৫দা তোতি ঈশিং পীখ্রে। মখা তাবা ওইনা কোবিদ-১৯গী ইরাং মনুংদশু, অনলোক ১ হৌবদগী, ২০২০-২১গী চহি মনুংদশু তোতি ঈশিং লাখ ৫৫ পীখি। ঙসি ফাওবগী মনুংদা রাজ্য ৭, বিহার, তেলঙ্গানা, মহারাস্ত্রা, গুজরাত, হিমাচল প্রদেশ অমসুং মিজোরমনা মশানা থমজখিবা ইমুং মনুংশিংদা তোতি ঈশিং য়ৌহনবগী পান্দমগী ১০% হেনবদি ফংবা ঙম্নখ্রে। তমিল নাদু, করনাতকা, ওরিশা অমসুং মনিপুরনা হায়রিবা মতমশিং অসিদা থবক নিংথিজনা তৌনখি। লৈবাক অসিদা লৈরিবা খুঙ্গংগী ইমুং কোতি ১৮.৯৩গী মনুংদা কোতি ৪.৬০ (২৪.৩০%)দি হান্ননা তোতি ঈশিং পীখ্রবনি। মখা তাবা পান্দমদি তোতি পুশিনবগী খুদোংচাবা খুদিংমক ফংহন্দুনা লেমহৌরিবা ইমুং কোতি ১৪.৩৩ অসিদা অকক্নবা মতমগী মনুংদা তোতি ঈশিং য়ৌহনবা অসিনি।

অকুপ্পা ৱারোলগীদমক : https://www.pib.gov.in/PressReleseDetail.aspx?PRID=1640244

 

ভারত্তা অনলোক লাকপদগী পুন্সি অমসুং হিংনবা লম্বীশিং খল চানা থম্নবা ধর্মেন্দ্র প্রধান্না তকশিল্লি

স্তিল মিনিস্ত্রিনা শীন্দুনা “কোবিদ-১৯ মতমদা থবক শুবা” হায়বা হিরম অসিদা ঙরাং পাংথোকখিবা ৱেবিনার অমদা স্তিল, পেত্রোলিয়ম অমসুং নেচরেল গ্যাসকী মিনিস্তর ধর্মেন্দ্র প্রধান্না ৱা ঙাংখ্রে। হায়খি লৈবাক অসিদা অনলোক লাকপদগী মীয়াম অমুক হন্না থবক শুবা হৌরে, ভাইরস অসি মফম খুদিংদা লৈরি হায়বা ঐখোয় খঙগদবনি অমসুং চেকশিন-থৌরাং লৌখৎপা অমসুং পুন্সি অমসুং হিংনবা লম্বীশিং খল চানা থম্বা মরুওই। কোবিদ লাইচৎ লাকশিন্নবা হৌখিবা থা খর অসিদা ঐখোয়না চৎন-পথাপশিং শেম্লে অমসুং চৎনরে অমসুং লাইচৎ অসি লাকশিন্নবা মীয়াম থাপ্না লৈনবা, মাক্স উপ্নবা, খুৎ তোইনা হাম্নবা অখঙ-অহৈশিংনা তাক্লিবা অসি মখা তানা ইনবা দরকার ওই। থৌরম অদুদা স্তিলগী রাজ্য মন্ত্রী ফাগগান সিংহ কুলাস্তেনা হায়খি লাইচৎ অসি লাকশিন্নবা স্তিল সি.পি.এস.ইশিংনা মরুওইবা থৌদাং লৌখি অমসুং সরকারনা থবক ফজনা পায়খৎপদগী ভারত্তা অনাবা ফগৎলকপগী চাং য়াম্না ৱাংলে অমসুং মীয়ামগী য়াইফনবা সরকারনা ইকোনোমিক পেকেজ লাউথোক্লে অমসুং হকচাং ফনা লৈনবা অফবা পুন্সি মহিং অমা দরকার ওই। এ.আই.আই.এম.এস দিল্লিগী দিরেক্তর দোক্তর রনদিপ গুলেরিয়ানা হায়খি অমুক থবক শুবা হৌরকপদা লায়না লৌনবা হন্থহন্নবা থবকশিং পায়খৎপা দরকার ওই, মাক্স উপ্পা, মীয়াম থাপ্না লৈবা, খুৎ হাম্বা, ইশা ইরোমদোম চেকশিনবা, শম্নরুবশিং খোঙ্গুল লিবা অমসুং লাইচৎ শন্দোরকপদা হন্থহন্নবা থবক মফমশিং অমুক হন্না শেমদোক-শেমজিন তৌবা দরকার ওই।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1640243

 

 

পি.আই.বি. ফিল্দ ওফিসশিংদগী ফংবা পাউ

•           হরিয়ানা: হরিয়ানা সরকারনা হরিয়ানাদা জুদিসিয়েল কস্তদীদা রিমান্দ তৌদুনা থম্বা অনৌবা নুপাগী বন্দিশিং অদুনা মখোয়গী কোবিদ-১৯গী রিপোর্তশিং অদু লাক্ত্রিবা ফাওবগী ফাদুনা থম্নবগীদমক্তা অখন্নবা জেলশিং ওইনা (মতম খরগী ওইবা জেলশিং) রাজ্য অসিদা সেন্ত্রেল জেল অমা অমসুং দিস্ত্রিক্ত জেল অহুম লাউথোক্নবা ৱারেপ লৌখ্রে।

•           হিমাচল প্রদেশ: গোবর্নরনা লাইচৎকী মতম অসিগী মনুংদা লৌউ-শিংউবগী সেক্তরদা অখন্নবা মিৎয়েং চংবা মথৌ তাই হায়না হায়খি। লৌমীশিংনা কানবা লৌবা ঙম্নবা কেন্দ্র সরকারনা হন্দক্তা থোকখিবা ওর্দিনেন্স অহুম অদুগী মতাংদা পাকশন্না পব্লিসিতী পীবা মথৌ তাই হায়না মহাক্না হায়খি।কেন্দ্র সরকারনা অয়াবা পীরবা ওর্দিনেন্স অহুম অসি ভরতকী লৌমীশিংদা কানগদবা অমসুং লৌউ-শিংউবগী সেক্তরদা অওনবা পুরক্কদবা মশক্নাইবা অচৌবা খোংথাং অমনি হায়না মহাক্না মখা তাখি।

•           কেরলা: কোবদকী কেসশিং য়াম্না ফিভম শোক্কদবা মওংদা হেগৎলকপনা মরম ওইরগা ঙসি অইং নোংয়াইদগী অলুভা মুনিসিপালিতী অমসুং পঞ্চায়ত ৭ তা করফ্যু থমজিনখ্রে। রাজ্য অসিদা কোবিদ-১৯দগী ৪ অমুক শিখিবগী পাউ লৈখি, মসিনা অপুনবা মশিং ৪৮ শুহনখ্রে। হৌজিক-হৌজিক ওইরিবা ফিভম অসিগী মতাংদা খন্ননবা সি.এম.না পার্তী পুম্বগী ওইবা মীফম অমা ইরাই নুমিত্তা পাংথোক্নবা খঙহনখ্রে। ঙরাং অনৌবা কেস ৭২০ থেংনখি, মসিগী মনুংদা ৫২৮দি কন্তেক্ত কেসনি অদুগা ৩৪ অমদি হৌরকফম খঙদ্রি। হৌজিক্কী ওইনা পেসেন্ত ৮,০৫৬ লাইয়েংদুনা লৈরি অমসুং মীওই লাখ ১.৫৪না ওবজার্বেশন্দা থম্লি।

•           তামিল নাদু: বস এন্দ কার ওপরেতর্স কনফিদরেশন ওফ ইন্দিয়া (বি.ও.সি.আই.) ঞাসুং তামিল নাদু ওম্নি বস ওনর্স এসোসিয়েশন (তি.ও.বি.ও.এ.)না লানাইগী পেসেঞ্জর ত্রান্সপোর্ত ওপরেতরশিংগী মীহুৎ শিন্দুনা কোবিদ লোকদাউন্না মরম ওইরগা ইন্কম মাংখিবগী খুদক্কী ওইবা রিলীফ পীনবা রাজ্য সরকারদা তকশিনখ্রে। অনৌবা কেস ৪৯৬৫ অমসুং ৭৫ শিখিবগী পাউ লৈখি। হৌজিক ফাওবগী অপুনবা কেসশিং: ১,৮০,৬৪৩; এক্তিব কেসশিং: ৫১,৩৪৪; শিখিবশিং: ২৬২৬; চেন্নাইদা লৈরিবা এক্তিব কেসশিং: ১৪,৯৫২।

•           কর্নাতকা: ঙরাং পাংথোকখিবা কোবিদ তাস্ক ফোর্স কমিতীগী মীফমদা তেস্ত তৌবগী চাং হেনগৎনবা এন্তিজেন তেস্ত কিৎ লাখ ৪ অমসুং স্বাব তেস্ত কিৎ লাখ ৫ লৈনবা ৱারেপ লৌখ্রে। সরকারনা লানাইগী ওইবা লেবশিংদা কোবিদ তেস্তশিংগীদমক্তা শেলগী মমল লেপখ্রে; সরকারনা রিফর তৌবা কেসশিংগীদমক্তা লুপা ২০০০ অমসুং ইশানা রিপোর্ত তৌজবা কেসশিংগীদমক্তনা লুপা ৩০০০। বি.বি.এম.পি.না অরৈবা বেদশিং মতাংদা অকুপ্পা মরোল পীদবগীমদক্তা সিতী অসিদা লৈবা লনাইগী হোসপিতাল ২৯১দা শো কোজ নোতিস থৌকখ্রে। ঙরাং অনৌবা কেস ৩৬৪৭ অমসুং ৬১ শিখিবা থেংনখি; বেঙ্গলোর সিতীদা কেস ১৭১৪। রাজ্য অসিদা এক্তিব কেসশিংগী মশিং অদু ৪৪,১৪০ সুখ্রে। 

•           অন্ধ্র প্রদেশ: এ.পি. গোবর্নরনা রাজ্য অসিগী ওফিসিয়েলশিংদা মথৌ তাবশিংদা কোবিদ-১৯গী হোসপিতালশিংদা লৈরিবা বেদশিংগী মতাংদা দেতা পীবা ওনলাইন ইনফোর্মেশন সীস্তেম পীনবা পাউতাক পীখ্রে। ঙরাং অনৌবা কেস ৪৯৪৪ অমসুং ৬২ শিখিবগী পাউ লৈখি। অপুনবা কেসশিং: ৫৮,৬৬৮; এক্তিব কেসশিং: ৩২,৩৩৬; শিখিবশিং: ৭৫৮।

•           তেলঙ্গানা: ইন্সুরেন্স রেগুলেতরী অমসুং দিবেলপমেন্ত ওথোরিতী (আই.আর.দি.এ.)না হাইদ্রবাদতা কোবিদ-১৯গী পেসেন্তশিং শেল থিদদনা লাইয়েংবা য়াদবগী মায়োক্তা নেতৱার্ক হোসপিতালশিংদা মদু তৌদনবা খঙহনখ্রে। ঙরাং অনৌবা কেস ১৪৩০ অমসুং ০৭ শিখিবা থেংনখি; রাজ্য অসিদা অপুনবা কেসশিং: ৪৭,৭০৫; এক্তিব কেসশিং: ১০,৮৯১; শিখিবশিং: ৪২৯।

•           মহারাস্ত্র: উধব থাকরে সরকারদা মঙসুবা মন্ত্রী, অবদুস সত্তর, এম.ও.এস. এনিমল হসবেন্দরী, কোবিদ-১৯গী তেস্ত তৌববা  মতমদা পোজিতিব ওইখ্রে,  রাজ্য অসিদা কোবিদ-১৯গী কেস ৩,২৭০৩১ য়ৌখ্রে। অদুবু লৈবাপোকপা নুমিত্তা এক্তিব কেসশিংগী মশিং অদু ১,৩২,২৩৬ ওইখি। নোংমদা তেস্ত ৬,০০০-৭,০০০দা হেগৎলবা ফাওবদা, মুম্বাইদা কেস ৯৯৫ থেংনখি।

•           গুজরাত: গুজরাত্তা কোবিদ কেসশিংগী মশিং অদু ৫০,০০০ লান্থোকখ্রে। রাজ্য অসিদা হৌখিবা পুং ২৪ অসিদা কেস ১০২৬ থেংনখি, মসিনা হৌজিক ফাওবদা রাজ্য অসিদা নোংমদা খ্বাইদগী হেনগৎলকপা ওইখি। লৈবাকপোকপা নুমিত্তা পেসেন্ত ৩৪ ভাইরস অসিনা মরম ওইরগা লৈখিদ্রে, মসিনা শিবগী মশিং অদু ২,২০১ য়ৌহনখ্রে। সুরতনা কেস মশিং খ্বাইদগী য়াম্না লৈখি, মথংদা এহমেদাবাদ (কেস ১৯৯), বদোদরা (কেস ৭৫) অমসুং রাজকোত (কেস ৫৮)।

•           রাজস্থান: রাজ্য অসিদা ঙসি পুং ১০৩০ ফাওবদা কোবিদ-১৯গী পোজিতিব ওইবা পেসেন্ত ২২৬ থেংনখি। লৈবাকপোকপগী নুমিদাং পুং ৮.৩০ ফাওবদা পোজিতিব কেস ৯৮৩ থেংনখি। রাজ্য অসিদা এক্তিব কেস ৮,১২৯, ফখিবা ২২,৮৮৯ অমসুং ৫৮১ শিখিবা য়াওরগা পুন্না পোজিতিব কেসশিংগী মশিং অদু হৌজিক ৩১,৫৯৯ য়ৌখ্রে। রাজ্যগী কেবিনেতনা কোবিদ-১৯গী চিরবা তাঙ্কক অসি মায়োক্নবা ঙম্নবা কনা লৈজদ্রবা লাইরবা ইমুং লাখ ৩৫দা ইমুং অমগী লুপা ১০০০ পীনবগী পুখৎলকপা ৱাফম অদু অয়াবা পীখ্রে।

•           মধ্য প্রদেশ: মধ্য প্রদেশতা অনৌবা পোজিতিব কেস ৭৮৫ খঙবা ঙমখ্রে মসিনা রাজ্য অসিগী মশিং অদু ২৪,৯০৫ য়ৌহনখ্রে। অদুবু লৈবাকপোকপা নুমিত্তা থেংনখিবা পোজিতিব কেসশিং অদুদি ৭,০৮২ ওইখি। হায়রিবা নুমিৎ অসিমক্তদা পেসেন্ত ৫৭৩ ফখিবগা লোইননা ফখিবশিংগী অপুনবা মশিং অদু ১৬,২৫৭দা হেনগৎখি।

•           ছত্তিসগর: ছত্তিসগরগী রায়পুর, সুরগুজা, রায়গর অমসুং বালোদা বজার জিলাশিংদা নুমিৎ তরেতনিগী ওইবা তোতেল লোকদাউনা অমুক থমজিনখ্রে, অসিগা চপ মান্নবা অথিংবশিং ঙসি অহিং নোংয়াইদগী দুর্গ, কোরবা অমসুং বিলাসপুর জিলাশিংগী অর্বান এরিবাশিংদা চৎনহল্লগনি। ছত্তিসগরদা এক্তিব কেস ১,৫৮৮ লৈরি।

•           গোৱা: গোৱাদা কোবিদ-১৯গী কেস ৱাংখৎলকপদা, মুখ্য মন্ত্রী প্রমোদ সাৱন্তনা য়ুমশকৈশ নুমিত্তা কোবিদ-পোজিতিব অসীম্পতোমেতিক পেসেন্তশিংগীদমক্তা রাজ্য সরকারনা হোম আইসোলেশনগী অয়াবা পীরগনি হায়না হায়খি। হৌজিক ফাওবদা, হৌখিবা পুং ২৪দা গোৱাদা অনৌবা কেস ১৭৪গা লোইননা এক্তিব কেস ১,৫৫২ থেংনখি।

•           অরুনাচল প্রদেশ: চীফ সেক্রেতরীনা পাপুমপারেগী মিদপুদা লৈবা হান্নদগী সেম-শাদুনা লৈরবা কোবিদকীদমক্তা ওইবা হোসপিতাল অদু হন্দক্কী থাগী অরোইবদগী মথৌ তৌবা হৌরগনি হায়না হায়খি।

•           মঘালয়া: মঘালয়াগী সরকারনা হেল্থ ইনফ্রস্ত্রকচর অপগ্রেদ তৌনবা রাজ্য অদুদা লৈরিবা পি.ঐচ.সি.১৮৬ অমসুং সি.ঐচ.সি.দা লুপা কোতি ৭৫ থাডনবগী ৱারেপ লৌখ্রে।

•           মনিপুর: কোবিদ রিলীফ কমিতী মেম্বরশিং অমসুং মৈরা পাইবীগী লুচিংবশিংনা বিস্নুপুর দিস্ত্রিক্ত হোসপিতালদা লৈরিবা কোবিদ কেয়র সেন্তর অদুবু য়েংশিন্দুনা অমসুং মসিবু বিস্নুপুরগী লৌকোইপাত্তা লৈবা অরিবা দি.সি.ওফিস্তা খুদক্তা হোংদোক্নবা ৱারেপ লৌখ্রে। মনিপুরদা, রিজনেল ইন্সতিত্যুত ওফ মেদিকেল সাইন্সেস (আর.আই.এম.এস.), ইমফালনা লোক অমসুং লাইহৌগী লাইয়োংশিং লৈবা এমপ্লোয়ীশিংনা ওফিস করক্তনবা খঙহনখ্রে।

•           মিজোরাম: সক্যুরিতী ফোর্সশিংগী মেম্বরশিগী মরক্তা কোবিদ-১৯ শন্দোকপা থিংনবগীদমক্তা লুংলৈ জিলাগী এদমিনিস্ত্রেশন অমসুং সেক্যুরিতী ফোর্সশিংগী সেনিয়র ওফিসিয়েলশিংনা মীফম অমদা ৱাফম অসিগী মতাংদা অহকপা এস.ও.পি. ইন্নবা ৱারেপ লৌখি।

•           নাগালেন্দ: মোন জিলাগী এদমিনিস্ত্রেশন্না কোবিদ-১৯না নারবা মীওইশিংগী কন্তেক্ত ত্রেসিং তৌবদা করিগুম্বা মথৌ তারবদি, মদুবু মতেং পাংনবগীদমক্তা মখল অমহেক্তগী ওইবা মওংদা মীয়াম তিনবা মতমদা শরুক য়াখিবা ভিজিতরশিং/গেস্তশিং অদুগী রেকোর্দশীং অদুগা লোইননা রেজিস্তর অমা তঙাইফদনা শোইদনা থম্নবা নোতিফিকেশন থোকখ্রে।

*************

 



(Release ID: 1640504) Visitor Counter : 9