নোংমদা খ্বাইদগী য়াম্বা ওইনা মীওই ২৮,৪৭২ অনাবা ফরে। মসি হৌখিবা পুং ২৪দা কোবিদ-১৯ অনাবা মীওই খ্বাইদগী য়াম্না ফগৎলকখি। মসিগী লোয়ননা অনাবা ফরবা মীওই মশিং ৭,৫৩,০৪৯ য়ৌরে। কোবিদ-১৯ অনাবা ফগৎলকপগী চাং চাদা ৬৩.১৩ য়ৌরে।

অনাবা ফগৎলকপা মশিং হেনগৎলকপদগী এক্তিব কেসশিং(ঙসি ফাওবদা ৪,১১,১৩৩)গা অনাবা মীওই মশিংগা লৈরম্বা খেন্নবা অদু ৩,৪১,৯১৬দা লৈরে। মসিগী খেন্নবা অসিনা লাইচৎ অসিগী ফিবম ফগৎলকপা অদু উৎলে।

লৈবাক্কী ওইনা অনাবা ফগৎলকপগী চাং হেনগৎলকলে , রাজ্য/য়ু.তি ১৯গী অনাবা ফগৎলকপগী চাং লৈবাক্কী ওইনা লৈরিবা চাং অসিদগী হেল্লে।

অনাবা ফবা মশিং লেপ্তনা হেনগৎলকপা অমসুং এক্তিব কেস অমসুং অনাবা ফরবা মীওইশিংগী মরক্তা খেন্নবা য়াম্না হেনগৎলকপা অসিনা কেন্দ্র অমসুং রাজ্যশিংনা পায়খৎলিবা থবকশিং মহৈ য়াল্লে হায়বগী খুদম অমনি। মরুওইনা য়ুম-য়ুমদা চঙদুনা থিদুনা ঙন্না খঙদোকপা, থিজিনবা, খোঙ্গুল লিবা, ফজনা লাকশিন্নবা থৌরাংশিং , খুদোংথিনিংঙাই ওইবা মীওইশিং স্ক্রিন তৌবা অমসুং পাক-শন্না চাংয়েং তৌনবা মিৎয়েং চঙলে। মরোল অহুম লৈবা হকশেলগী মচাক-মথুমশিং ফগৎহল্লে অমসুং হোস্পিতালশিংদা ফজনা লায়েংবা অমসুং য়ুমদা নাইতোম লৈদুনা লায়েংবগী থবকশিংদা অনা-লায়েংগী চৎন-পথাপশিংনা মতেং পাংলি।

এ.আই.আই.এম.এস, নই দিল্লিনা রাজ্যশিং/য়ু.তি.শিংগী সেন্তর ওফ এক্সলেন্সশিংগা লোয়ননা লায়েংবা অমসুং আই.সি.য়ু. অনাবশিং লায়েংবগী থবক ফগৎহল্লে অমসুং মসিনা ভারত্তা মী শিবগী চাং হন্থহল্লে। এ.আই.আই.এম.এস, নিউ দিল্লিগী ই-আই.সি.য়ু প্রোগ্রাম অসিনা সেন্তর-স্তেৎ হেন্না মতেং পীনদুনা শিবগী চাং হন্থহন্নবা পান্দম থম্লি। চয়োল অমদা থৌরম অনিরক পাংথোক্তুনা হায়রিবা তেলি-কন্সলতেসনগী থবকশিং অসিনা আই.সি.য়ুগী অনাবশিং লায়েংবগী মতাংদা রাজ্যশিংদা লৈরবা কোবিদ-১৯গী হোস্পিতালশিংদা তেক্নিকেলগী পাউতাক পীখি অমসুং মখোয়না খঙজবশিং শরুক য়াখি। হকশেলগী মীওইশিংনা কৎথোকপগা লোয়ননা থবক পায়খৎপদগী অনাবা ফগৎলকপগী চাং হেনগৎলে অমসুং শিবগী চাং লেপ্তনা হন্থরক্তুনা হৌজিক চাদা ২.৪১দা লৈরি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*******