(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ঙসি লৈবাক অসিদা কোবিদ-১৯ নাবা মীগী অশেংবা কেস লোদ অসি লাখ ৩,৫৮,৬৯২ খক্তনি।
• নাবা ফখিবা কেস মশিংনা ৬,৫৩,৭৫০দা হেনগৎলক্লী; নাবা ফখিবগী চাং অসি হৌজিক চাদা ৬৩নি।  
• এক্তিভ কেস অমসুং ফগৎলক্লবগী মরক্তা খেন্নবা অসি লেপ্পা লৈতনা হেঙ্গৎলক্লি, অমদি ঙসি ২,৯৫,০৫৮দা লৈরি।
• য়ুমদা নাইতোম লৈরিবা অমদি হোস্পিতালদা লৈরিবা এক্তিভ কেস ৩,৫৮,৬৯২শিংসি হিদাক-লাংথক্কী চেকশিন থৌরাং লৌরি।  
• সেন্ত্রেল তিম অমসু বিহারদা থাদুনা স্তেত অসিদা কোভিদ কী শিন্দোক্নবা অমসুং তঙাইফদবশিং মতেং পাংখ্রে।
• ঐখোয়গী হকশেলগী সিস্তেমগী গ্রাস-রুৎশিংনা কোবিদকী মায়োক্তা লান্থেংনবদা ভারতনা মালেমগী ওইনা নাবা ফগৎলকপগী চাং খ্বাইদগী য়াম্বা অমা ওইবা ঙম্বদা মতেং পাংলি: পি.এম
• কোবিদ-১৯ লাইচৎ মনুংদা তেক্সপেয়রশিংবু মতেং পাংনবা হৌজিক ফাওবদা লুপা করোর ৭১,২২৯গী ইনকম তেক্স রিফন্দশিং পীখ্রে

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: লৈবাক অসিদা কোবিদ-১৯ নাবা মীগী অশেংবা কেস লোদ অসি লাখ ৩,৫৮,৬৯২ খক্তনি: নাবা ফখিবা মশিংনা ৬,৫৩,৭৫০দা হেনগৎলক্লী 

লৈবাক অসিদা কেন্দ্রনা লুচিংদুনা অমসুং স্তেত/য়ু.তি. সরকারনা মপুং ওইদুনা লৌখৎলিবা কোভিদ-১৯বু চপ চানা লাকশিনবা ঙমন্নবা মতম চানা, ঙাইবা তৌদনা অমদি পরিং চুম্না শিন-লাংবনা কোভিদনা নারব মীওইশিংবু য়াম্না শোকচিন্দনা লৈরি। ঙসি লৈবাক অসিগী ওইখরিবা চপ চাবা কোভিদ মশিং ৩,৫৮,৬৯২ নি। ফখিবা মশিংনা ৬,৫৩,৭৫০দা হেনগৎলক্লী।  এক্তিভ কেসগা খেন্নবা য়েংবদা ফরকপগী মশিং ফগৎলক্লী। ঙসিদি ২,৯৫,০৫৮দা লৈরি। য়ুমদা নাইতোম লৈরিবা অমদি হোস্পিতালদা লৈরিবা এক্তিভ কেস ৩,৫৮,৬৯২শিংসি হিদাক-লাংথক্কী চেকশিন থৌরাং লৌরি। সেন্ত্রেল তিম অমসু বিহারদা থাদুনা স্তেত অসিদা কোভিদকী শিন্দোক্নবা অমসুং তঙাইফদবশিং মতেং পাংখ্রে। হৌখিবা পুং ২৪গী মনুংসিদা কোভিদ-১৯গী অনাবা ১৭,৯৯৪ ফগৎলকপা উরি। ফগৎলকপা চাং অসি হৌজিক ৬৩% ওইরি।  পুং ২৪গী মনুংসিদা ৩,৬১,০২৪  সেম্পল তেস্ত  তৌখ্রে, ভারত্তা সেম্পল ১,৩৪,৩৩,৭৪২ তেস্ত তৌন্নবা কুমুলেতিব মশিংসি মিলিয়ন্দা ইন্দিয়াদা ৯৭৩৪.৬নি।   

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639598

পি.এম.না ই.সি.ও.এস.ও.সি.গী হাই লেবেল সেগমেন্ততা মরু ওইবা ৱারোল পীখ্রে: ঐখোয়গী হকশেলগী সিস্তেমগী গ্রাস-রুৎশিংনা কোবিদকী মায়োক্তা লান্থেংনবদা ভারতনা মালেমগী ওইনা নাবা ফগৎলকপগী চাং খ্বাইদগী য়াম্বা অমা ওইবা ঙম্বদা মতেং পাংলি: পি.এম

প্রধান মন্ত্রী শ্রী নরেন্দ্র মোদীনা ঙরাং চহি অসিগী য়ুনাইতেদ নেসন্স ইকনোমিক এন্দ সোসিএল কাউন্সিল (ই.সি.ও.এস.ও.সি.) সেসনগী হাই লেবেল সেগমেন্তদা ভর্চ্যুএল ওইনা মরু ওইবা ৱারোল পীখ্রে। হৌজিক্কী মালেম অসিদা ওইরক্লিবা অসি য়েংলগা প্রধান মন্ত্রীনা ভারতনা কোবিদ-১৯গী মতুংদা মালেম অসিদা ‘অওনবা মল্তিলেতরেলিজম’ অমা পুরকপা পাম্বা অদু অমুক হন্না ফোঙদোকখি। মহাক্না হায়খি ভারতকী চাউখৎ থৌরাংগী মোত্তো “সবকা সাথ,সবকা বিকাস, সবকা বিশ্বাস” অসিনা মীওই অমত্তা নাথৈরম্বা তৌদবা এস.দি.জি.গী মচং ওইবা ৱাখল্লোনগা মান্নৈ। ভারতনা মশাগী লমদমদা অহানবা রেস্পোন্দর অমা ওইনা লৌরিবা থৌদাংগী মতাংদা ৱা ঙাংলদুনা প্রধান মন্ত্রীনা ভারত সরকার অমসুং ভারতকী ফার্মা কম্পনীশিংনা তোঙান তোঙানবা লৈবাকশিংদা হীদাক সপ্লাই তৌবা ঙম্নবা মতেং পাংখিবা অমসুং এস.এ.এ.আর.সি. লৈবাকশিংগী অপুন্বা রেস্পোন্স স্ত্রেতেজী অমগীদমক পুন্না হোৎনবা অসি নীংশিংখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639467

৭৫শুবা য়ু.এন. লিংখৎখিবগী নিংশিং থৌরমগী ই.সি.ও.এস.ও.সি.দা পীখিবা প্রধান মন্ত্রীগী ৱারোল

অকুপ্পা ৱারোলগীদমক: https://pib.gov.in/PressReleasePage.aspx?PRID=1639468

সি.বি.দি.তি.না তেক্স থিরিবশিংদা কোবিদ-১৯ লাইচৎকী য়েংলগা হৌজিক ফাওবদা লুপা করোর ৭১,২২৯ হন্দোকখ্রে

সেন্ত্রেল বোর্দ ওফ দাইরেক্ত তেক্স (সি.বি.দি.তি.)না কোবিদ-১৯ লায়চৎকী মনুংদা ক্রোর লুঃ ৭১,২২৯ অমা পন্থবা লৈতনা ২০২০গী জুলাইগী ১১ ফাওবদা লৈরিবা লাখ ২১.২৪ হেনবা কেস হন্দোক্তুনা, ২০২০গী এপ্রিল ৮দা সরকারনা লেপখিবা ৱারেপ মতুং ইন্না পন্দুনা লৈরিবা ইনকম তেক্স হন্দোকহনখ্রে। কোবিদ-১৯ লায়চৎকী মনুংদা ক্রোর লুঃ ২৪,৬০৩ ইনকম তেক্সনা, ইনকম থিরিবশিংদা কেস ১৯.৭৯দা হন্দোকহনখ্রে অমসুং কোর্পোরেত তেক্সনা ক্রোর লুঃ ৪৬,৬২৬ ইনকম থিরিবশিংদা কেস ১.৪৫দা হন্দোকহনখ্রে। মখা তারকপদা তেক্স দিমান্দশিং হন্দোকপদা মরী লৈনবশিং থুনা পায়খৎপা অদুগা ২০২০গী ওগস্তকী ৩১ ফাওবদা লোয়শিন্নবা হোৎনবা।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639373

দাইবেতিক ওইবশিংনা কোবিদ লাইচৎ মনুংদা পরিং চুম্না সুগর কন্ত্রোল তৌবা মথৌ তাই: দা: জিতেন্দ্র সিংহ

কেন্দ্রগী মন্ত্রী দা: জিতেন্দ্র সিংহনা ঙরাং দাইবেতিক ওইবশিংনা কোবিদ লাইচৎ মনুংসিদা পরিং চুম্না সুগর কন্ত্রোল তৌবা মথৌ তাই হায়না ঙসি ফোঙদোকখ্রে‍। হেলো দাইবেতিস একাদমিয়া ২০২০গী দিজিতেল সিম্পোজিয়ম অমদা ৱা ঙাঙলদুনা মহাক্না হায়খিবদা কোবিদ লৈজরবসু ভারত্তদি থবক থৌওংশিং অমসুং একাদমিয়া অনিমক লাইচৎ মনুংসিদা মখোয়গী খ্বাইদগী ফবা ফীভমদা থবক তৌবা উরি‍। মহাক্না হায়, কোবিদনা ঐখোয়বু লাংফম মরকসিদা অনৌবা চৎন-কাংলোনশিং পুথোক্নবা ইনোৎ হাপ্লি‍। দা: জিতেন্দ্র সিংহনা হায়, দাইবেতিস নারিবা মীওইশিংদা ইম্ম্যুনো-কম্প্রাইজ স্তেতস অমা লৈরি, মসিনা মখোয়গী ঙাকথোকপা ঙমবগী মপাঙ্গল হন্থহল্লি অমদি মখোয়বু কোরোনাগুম্বা লায়না নারক্নিংঙাই অমসুং মতুং তারকপা ফীভমশিং ওইরক্নিংঙাইগী চাং হেনগৎহল্লি‍।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639421

য়ু.এস.-ইন্দিয়া স্ত্রেতেজিক ইনর্জী পার্তনরশিপতা জোইন্ত স্তেতমেন্ত

ঙসি, ইনর্জীগী য়ু.এস. সেক্রেতরী দান ব্রৌলেৎ অমসুং পেত্রোলিয়ম অমসুং নেচরেল গ্যাস অমসুং স্তীলগী ভারতকী মন্ত্রী ধর্মেন্দ্র প্রধান্না য়ু.এস. –ইন্দিয়া স্ত্রেতেজিক ইনর্জী পার্তনরশিপকী ভর্চুএল মিনিস্ত্রীয়েল মীতিং অমা কো-চিয়র ওইমিন্নদুনা প্রোগ্রেস, হাইলাইত মেজর একম্প্লিসমেন্ত অমসুং কোওপরেসনগীদমক অনৌবা লমশিংগী প্রায়োরিতীশিং য়েংশিনখি। নাকল অনিমক্না এচিবমেন্ত কয়া অনা অমসুং এস.ই.পি.গী মখাদা অনৌবা থবক্কীদমক প্রায়োরিতী কয়া অমা লাউথোকখি, মদুদা ইনর্জী সেক্যুরিতী হেঙ্গৎহনবা, হর্নেসিং ইনোবেসন, পাৱর সিস্তেম মোর্দনাইজ ওইহনবা, ইনর্জী ইফিসেন্সী অমসুং কঞ্জর্বেসন হেঙ্গৎহনবা, ইনর্জী ত্রেদ অমসুং ইনবেস্তমেন্ত প্রমোৎ তৌবা, ইনক্লুসিব অমসুং সস্তেনেবল ইকোনোমিক গ্রোথ প্রমোৎ তৌবা, ইনর্জী সেক্তরদা নুপীদা শক্তি শিন্নবা য়াওরি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1639482

পি.আই.বি. ফিল্দ ওফিসশিংদগী ফংবা পাউ

•           পঞ্জাব: রাজ্য অসিদা কেস হেনগৎলকপা অমসুং শিবা হেনগৎলকপা অসিদা মীপাইবা ফোংদোক্লদুনা, পঞ্জাবকী মুখ্য মন্ত্রীনা দি.জি.পি.দা থা খরগীদমক্তা নন-ইসেন্সিয়েল দ্যুতীশিংগীদমক্তা থাদোকখিবা পুলিস পর্সোনেলশিং অদু লৌথোক্তুনা অখন্নবা কোবিদ রিজার্বশিং শেম্নবা খঙহল্লকখ্রে।

•           হরিয়ানা: মুখ্য মন্ত্রীনা অনলোক-২গী মনুংদা কোবিদ-১৯গী খুদোংথিবা হেনগৎলকপা অসিনা মরম ওইরগা মীয়ামদা ফেস মাস্কশিং উপ্পগী মতাংদা থৌগৎনবা ওফিসরশিংদা অখন্নবা কেমপেন অমা হৌদোক্নবা হায়খ্রে।

•          হিমাচল প্রদেশ: গোবর্নর শ্রী বন্দারু দত্তাত্রায়ানা হন্দক্কী চহি অসিগী ইন্দিপেন্দেন্স দেদা রাজ ভাৱনদা ‘এত হোম’ শিন্দনবা ৱারেপ লৌখ্রে। মসিগী ৱারেপ অসি কোরোনা লাইচৎ অসিনা লৈবনা মরম ওইরগা লৌখিবনি হায়না মহাক্না হায়খি।

•          মহারাস্ত্র: ইরাই নুমিত্তা মহারাস্ত্রদা নোংমখক্তদা কোবিদ-১৯গী অনৌবা কেস ৮,৩০৮ হেনগৎলকখি, মসিনা রাজ্য অসিদা পেসেন্তকী মশিং অসি ২,৯২,৫৮৯ য়ৌখি। ইরাই নুমিতৎ খক্তদা ভাইরস অসিনা পুন্সি ২৫৮ লৌখি, মসিনা রাজ্য অসিগী শিবগী মশিং অদু ১১,৪৫২দা হেনগৎখি। কোবিদকী লাইচৎ অসিনা রাজ্য অসিদা শঙ্গোমগী সপ্লাই চেন্দা অকাইবা থোকহনখি। রাজ্য অসিদা নোংমদা পুথোকপা শঙ্গোম লিতর কোতি ১.১৯গী মনুংদা লিতর লাখ ৪৭ অমদি য়োনবা ঙমদদুনা লৈরে, মসিনা শঙ্গোম পুথোক্লিবা লৌমীশিংদা য়াম্না অৱাবগী মচাক অমা ওইহল্লি। 

•          গুজরাত। ইরাই নুমিত্তা কোবিকী অনৌবা কেস ৯৫০গী ময়া নক্না হেগৎখি, হায়রিবশিং অসিগী মনুংদা ২৩৪দি সুরত্তগীনি অমসুং ১৮৪না এহমেদাবাদতগীনি, রাজ্য অসিগী অপুনবা মশিং ৪৬,৪৪৯ য়ৌখ্রে। তেস্ত তৌবগী চাংসু হেনগৎলক্লি, পুং ২৪গী মনুংদা সেম্পল ১২,৮০০ লৌখি, ইরাই নুমিত্তা এহমেদাবাদতা সেম্পল ৩০০০ ময়া নক্না তেস্ত তৌখি।

•          রাজস্থান: রাজস্থানদা কোবিদ-১৯বু মাইথিবা পীবদা মাইপাক্লবা মীশিংগী মশিং ২০,০০০ লানখৎখ্রে। ইরাই নুমিত্তা মীওই ৬৫৬ নাবা ফদুনা লৈখিবা অপুনবা কেস ২৭,৭৮৬গী মনুংদা ফখিবগী অপুনবা মশিং অদু ২০,৬২৬ য়ৌরে। রাজ্য অসিদা শিবগী মশিং ৫৪৬ সুরে।

•          ছত্তিসগর: ছত্তিসগরদা মীয়াম তিনবা মফমশিংদা তিন শিৎপা অমসুং ওম ক্বারন্তিন থুগাইবা অমসুং সোসিয়েল দিস্তেন্সিংগী চৎনা-কাংলোনশিং কাইনা চৎপা মীওই থেংনরবদি লুপা ১০০দগীনা লুপা ১০০০ ফাওবগী ফাইন থিহনগনি। কমর্সিয়েল ইন্সতিত্যুশনশিং অমসুং দুকানশিংগী মপুশিংনা মখৌয়গী লৈরিবা মফমশিং অদুদা সোসিয়েল দিস্তেন্সিংগী চৎনা-কাংলোনশিংবু খোংগাওনরবদি লুপা ২০০গী ফাইন থিগনি। মীয়াম তিনবা মফমশিংদা মাস্কশিং উপ্পা হায়বসি শোইদনা ঙাক্না চৎকদবনি হায়খ্রে। হৌজিক্কী ওইনা ছত্তিসগরদা এক্তিব কেস ১,৮২৯ লৈরি।

•          কেরলা: রাজ্যগী হকশেল মন্ত্রী কে.কে শাইলাজানা কোবিদ-১৯গী শন্দোরকপা অসি য়েংলগা সরকার অসিনা মথৌ তাবা লাকশিন্নবগী পাম্বৈশিং লৌখৎলি হায়না হায়খি। রাজ্য অসিদা ঙরাং কোবিদ-১৯গী অনৌবা কেস ৭৯১ থেংনখি। মসিদা কেস ৫৩২দি অতোপ্পগা শোক্না-শম্নরুবদগী লৌনরকপনি অদুগা কেস ৪২ অমদি করাইদগী হৌরকখিবনো হায়বা খঙবা ঙমদ্রি। রাজ্য অসিদা কনফর্ম তৌরবা কেসশিগী অপুনবা মশিং ১১,০৬৬ সুখ্রে। হৌজিকমক্কী ওইনদি পেসেন্ত ১,০২৯ অমদি লাইনা অসিগীদমক্তা হৌজিক ফাওবা লাইয়েংলি।

•          তামিল নাদু: হৌখিবা পুং ২৪দা অহুম অমুক শিদুনা পুদুচেরীদা শিখিবগী মশিং ২৮ য়ৌখ্রে; হৌজিকমক্কীদি মীওই ৮০৪ লাইয়েং মখা চত্থরি। কোদিসিয়া ত্রেদ ফেয়র কমপ্লেক্সতা লৈবা কোয়েমবাতোরগী কোবিদ কেয়র সেন্তরদা লৈবা পোজিতিব ওইবা পেসেন্ত ৩০০গীদমক্তা ওইবা রেস্তরুম মরীদা চিংননীংঙাই ওইবা ৱাফম কয়া লাক্লি। এক্স-রে ইমেজিং য়াওবা মোবাইল ত্রিয়াগিং সেন্তরশিংনা মুদুরাইদা কোবিদ-১৯গী শিবগী চাং হন্থহনগনি হায়বগী থাজবা লৈরি। জুলাই ১৭ ফাওবদা মীওই ১৩৮ শিখিবগা লোইননা মদুরাইনা তি.এন.দা কোবিদ-১৯না মরম ওইরগা শিখিবগী চাংদা মরিসুবদা লৈরি। ঙরাং অনৌবা কেস ৪৫৩৮ অমসুং ৭৯ শিখিবগী পাউ লৈখি। চেন্নাইদগী কেস ১২৪৩। হৌজিক ফাওবদা অপুনবা কেসশিং: ১,৬০,৯০৭; এক্তিব কেসশিং: ৪৭,৭৮২; শিখিবশিং: ২৩১৫; চেন্নাইদা এক্তিব কেসশিং: ১৪,৯২৩।

•          কর্নাতকা: বেঙ্গলোর অমসুং অতোপ্পা জিলাশিংদা হন্দক কোবিদ-১৯গী কেসশিং হেনগৎলকপা অদু য়েংলগা, হকশেল অমসুং য়াইগ-য়ুম্বালগী কমিস্নরনা খরা কন্না নারবা অমসুং অরুবা ফিভমদা নারবা কোবিদকী পেসেন্তশিং খক্তগীদমক্তা হোসপিতালশিংগী ফমুংশিং অদু শিজিন্ননবগীদমক্তা সর্কুলর অমা থোকখি। ঙরাং অনৌবা কেস ৩৬৯৩ অমসুং ১১৫ শিখিবগী পাউ লৈখি।; বেঙ্গলোর সিতীদা কেস ২২০৮ লৈখি। অপুনবা পোজিতিব কেসশিং: ৫৫,১১৫; এক্তিব কেসশিং: ৩৩,২০৫; শিখিবশিং: ১১৪৭।

•          অন্ধ্র প্রদেশ: কোবিদ-১৯না মরম ওইরগা চেন্নাই অমসুং অতোপ্পা মফমশিংদগী এ.পি.দা লৈবা মশাগী খুঙ্গংদা হল্লকপা মীওইশিংনা খুঙ্গংশিংদা হিংনবগীদমক্তা ওইবা অতোপ্পা পাম্বৈশিং লৈতবনা মখৌয়শিং অদু অমুক হন্দুনা হান্নগী মফমদা চৎপা হৌখ্রে। সেম্পল ২৩,৮৭২ তেস্ত তৌরবা মতুংদা হৌখিবা পুং ২৪গী মনুংদা অনৌবা কেস ৩৯৬৩, ১৪১১ দিসচার্জ তৌখি অমসুং ৫২ শিখিবগী পাউ লৈখি। অপুনবা কেসশিং: ৪৪,৬০৯; এক্তিব কেসশিং: ২২,২৬০; দিসচার্জ তৌখিবশিং: ২১,৭৬৩; শিখিবশিং: ৫৮৬।

•          তেলঙ্গানা: রাজ্য অসিনা লাক্কদবা নুমিৎশিংদা তেস্ত তৌবগী চাং হেনগৎনবা রেপিদ এন্তিজেন কিৎশিং শিজিন্নদুনা লাখ ৫গী তেস্ত তৌনবা পান্দম থম্লি। সি.এম কে.সি.আর.না কোবিদ-১৯ কন্তিঞ্জেন্সী ফন্দগীদমক্তা লুপা কোতি ১০০ থাদোকখ্রে। ঙরাং অনৌবা কেস ১৪৭৮, ১৪১০ ফখি অমসুং ৭ শিখি; জি.ঐচ.এম.সি.দগী অনৌবা কেস ৮০৬ থেংনখি। অপুনবা কেস: ৪২,৪৯৬; এক্তিব কেস: ১৩,৩৯৮; শিখিবশিং: ৪০৩; দিসচার্জ তৌখিবশিং: ২৮,৭০৫।

•          অরুনাচল প্রদেশ: অরুনাচল প্রদেশতা হৌজিক ফাওবদা রাজ্য অসিদা মীওই ১৬০০০গী মথক্তা হল্লকখ্রে। কোবিদ-১৯গী তেস্ত তৌনবগীদমক্তা সেম্পল ৩৫০০০গী মথক্তা খোমগৎখি। অরুনাচল প্রদেশকী হকশেলগী মন্ত্রী আলো লিবাংনা কোবিদ-১৯ লাইয়েংনবগীদমক্তা পুন্সি কনগদবা তঙাইফদবা দ্রগশিং লৌরে হায়না হায়খি অমসুং লাক্কদবা নুমিৎশিংদা মসিগী অৱাংপা লৈরোই হায়না মহাক্না হায়খি। অনৌবা মেদিকেল এম্বুলেন্স ২০ লৈখ্রে হা্য়না মহাক্না খঙহল্লকখি।

•          অসাম: অসামদা গুৱাহাতিগী জি.এম.সি.ঐচ.তা কোবিদ-১৯গী পোজিতিব ওইরবী মমা ওইবী ১০না অঙাং নুপিমচা ৪ অমসুং নুপামচা ৬ পোকখি হায়না অসামগী হকশেলগী মন্ত্রী, শ্রী হিমন্তা বিস্বা সরমানা ত্বীত তৌরকখি।

•          মনিপুর: মনিপুরদা রিমসনা পি.জি. কোর্সতা হীজিক ফাইনেল য়িয়র ওইরিবা দোক্তর অমা কোবিদ-১৯গী পোজিতিব ওইবদগী ফিজ্যোলোজী অমসুং বায়োকেমিস্ত্রী দিপার্তমেন্ত অনিমক থিংখ্রে। মনিপুরদা, থৌবালদা কোবিদকী অনৌবা কেসশিং থেংনরবা মতুংদগী জিলাগী দিপ্যুতী কমিস্নরনা মোইজিং গ্রাম পঞ্চায়ত ৱার্দ নম্বর ১, ৬, ৮ অমসুং ১০দা কন্তেনমেন্ত জোন ওইনা লাউথোকখ্রে অমসুং এক্তিব সর্ভিলেন্স তৌহনখ্রে।

•          মিজোরাম: মিজোরামদা ঙসি পেসেন্ত অমা নাবা ফদুনা দিসচার্জ তোখ্রে। রাজ্য অসিদা হৌজিক অপুনবা কেস ২৮২ সুখ্রে, মসিগী মর্ক্তা ১২১না এক্তিব কেসনি অমসুং হৌজিক ফাওবদা কেস ১৬১দি নাবা ফখ্রে।

•          নাগালেন্দ: নাগালেন্দদা কোবিদ-১৯গী অনৌবা পোজিতিব কেস ২২ কনফর্ম তৌখ্রে। পেরেনদা ১১, দিমাপুর ৮ অমসুং কোহিমাদা ৩ ওইখি। হায়রিবা কেসশিং অসি ক্বরন্তিন সেন্তরশিংদগীনি। নগালেন্দদা পোজিতিব কেসশিংগী অপুনবা মশিং ৯৭৮ য়ৌখ্রে, মসিদা ৫৭৩দি এক্তিব কেসনি অমসুং ৪০৫না ফখিবগী মশিংনি।

•          সিক্কিম: সিক্কিমগী সি.এম.না ঙসি মরু ওইনা নোংপোক থংবা জিলাশিংগী সব-দিভিজন অনি রোংলি অমসুং পাক্যোংদা হন্দক হেনগৎলকখিবা কোবিদ-১৯গী পোজিতিব কেসশিং অদুগা মরী লৈনবা ৱাফমশিংগী মতাংদা খন্ননবগীদমক্তা সম্মান ভাৱনদা রিভ্যু তৌনবগী মীফম অমা পাংথোকখি।

********