PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 15 JUL 2020 6:27PM by PIB Imphal

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌখিবা পুং ২৪দা কেস ২০,০০০ হেন্না অনাবা ফরক্তুনা অনাবা ফগৎলকপগী চাং চাদা ৬৩.২৪ য়ৌরে
  • অনাবা ফরবা কেস মশিং লাখ ৬ য়ৌগদৌরে
  • হৌজিক কোবিদ-১৯গী এক্তিব কেস ৩,১৯,৮৪০ খক ঙাইরে
  • ভারতকী স্তেৎ/য়ু.তি. ২২দা হান্নদগী হৌনা মিলিয়ন অমদা নোংমগী তেস্ত ১৪০ হেন্না তৌরি, দবল্যু.ঐচ.ও.গী পাউতাক্তগী হেল্লি
  • ঐচ.আর.দি. মিনিস্তরনা আই.আই.তি. দিল্লীনা দিবেলপ তৌবা মালেমগী খ্বাইদগী এফোর্দেবল ওইবা কোবিদ-১৯ দাইগ্নোস্তিক কিৎ কোরোস্যুর হৌদোকখ্রে
  • কোবিদ-১৯ থেংনবা লম্বীশিং থিরিবা স্তার্তঅপশিং শৌগৎনবা অতল ইন্নোবেসন মিসন্না মিনিস্তরশিং, পার্তনরশিংগা পুল্লে

Image

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: হৌখিবা পুং ২৪দা কেস ২০,০০০ হেন্না অনাবা ফরক্তুনা অনাবা ফগৎলকপগী চাং চাদা ৬৩.২৪ য়ৌরে; অনাবা ফরবা কেস মশিং লাখ ৬ য়ৌগদৌরে; হৌজিক কোবিদ-১৯গী এক্তিব কেস ৩,১৯,৮৪০ খক ঙাইরে

হৌখিবা পুং ২৪দা কোবিদ-১৯ অনাবা  ফগৎলকপা মশিং অঙকপা ফংনা হেনগৎলক্লে। মীওই ২০,৫৭২ অনাবা ফদুনা কোবিদ-১৯ অনাবা মীওইশিংগী মরক্তগী অপুনবা ওইনা ফগৎলবা মীওই মশিং ৫,৯২,০৩১ য়ৌরে। ঙসি অনাবা ফগৎলকপগী চাং চাদা ৬৩.২৪ য়ৌরে।  অকনবা মওংদা তেস্ত তৌবা, মতম চানা লাইওং খঙদোকপা অমসুং অনাবশিং ফজনা লায়েংবদগী অমসুং য়ুমদা নাইতোম লৈবা নৎত্রগা হোস্পিতালশিংদা নিংথিংনা লায়েংবগী অনাবা ফগৎলকপগী মশিং হেনগৎলকপনি। হৌজিক কোবিদ-১৯গী এক্তিব কেস ৩,১৯,৮৪০ লৈরি। মখোয় খুদিংমক লায়েংলিং। য়ুমদা নাইতোম লৈবগী নিয়মশিংগা লোয়ননা ওক্সিমিতরশিং শীজিন্নবনা হোস্পিতালশিংদা থমদবা লাইওং উৎতবা নৎত্রগা লাইওং খজিক্তং উৎপা অনাবশিং ফিবম ফগৎলকপদা মতেং পাংলি।  অনাবা ফগৎলকপা মশিং অমসুং এক্তিব কেস অনিগী মরক্তা লৈরিবা খেন্নবা অসি হেনগৎলক্লি। খেন্নবা অসি ঙসি ২,৭২,১৯১দা লৈরি। অনাবা ফগৎলকপগী কেসশিংনা এক্তিব কেসশিংগী শরুক ১.৮৫ হেল্লি।  

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638792

 

দবল্যু.ঐচ.ও.না মীশিং মিলিয়ন অমদা নোংমদা তেস্ত ১৪০ তৌনবা পাওতাক পীখ্রে; ভারতকী স্তেৎ/য়ু.তি. ২২দা হান্নদগী হৌনা মিলিয়ন অমদা নোংমগী তেস্ত ১৪০ হেন্না তৌরি; মিলিয়ন অমদা তৌখিবা তেস্ত অসি ৮৯৯৪ হেনখ্রে

দবল্যু.ঐচ.ও.গী গাইদেন্স নোৎ “কোবিদ-১৯গী হীরম অসিদা মীয়ামগী হকশেল অমসুং খুন্নাইনা পায়খৎকদবা খোঙথাংশিংগা চান্নবা মীয়ামগী হকশেলগী ক্রাইএরিয়া”না চিংনবা কেসশিংগী পাকশন্না সর্বিলেন্স চত্থনবা পাওতাক পীখ্রে। অমরোমদা চিংনবা কেসশিংগী সর্বিলেন্স অমসুং তেস্ত পাকশন্না তৌবগী ৱাখল্লোন অসি শন্দোক্না তাক্লদুনা দবল্যু.ঐচ.ও.না হায় লৈবাক অমনা মীশিং মিলিয়ন অমদা নোংমদা তেস্ত ১৪০ তৌবা মথৌ তাই হায়না পাওতাক পীখি। স্তেৎশিং/য়ু.তি.শিংগা লোয়ননা কেন্দ্র সরকারনা পুন্না অমসুং কন্না হোৎনবনা ভারতকী স্তেৎ/য়ু.তি. ২২দা নোংমদা মিলিয়ন অমদা তেস্ত ১৪০ হেন্না তেস্ত তৌবা হান্ননা ঙমখ্রে।

 

States testing more than 140 per day per million.jpg

লৈবাক অসিদা কোবিদ-১৯গী তেস্ত তৌবা হেনগৎলকপগী মরু ওইবা মরমশিংগী মরক্তা অমদি কোবিদ-১৯গী তেস্তিং লেবশিংগী নেৎৱার্ক লেপ্পা লৈতনা চাওথোরক্লিবা অসিনা ওইগনি। লৈঙাক্কী লেব ৮৬৫ অমদি লন্নাইগী লেব ৩৫৮গা লোয়ননা ঙসি ফাওবদা অপুনবা তেস্তিং লেব ১২২৩ লৈবা ঙমখ্রে‍। তেস্ত তৌনবা গোল্দ স্তেন্দর্দকী মথক্তা আর.তি.-পি.সি.আর., ত্রুনেত অমসুং সি.বি.এন.এ.এ.তি. অসিসু ফেসিলিতী চাওথোকপদা শীজিন্নরি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638696

 

ঐচ.আর.দি. মিনিস্তরনা আই.আই.তি. দিল্লীনা দিবেলপ তৌবা মালেমগী খ্বাইদগী এফোর্দেবল ওইবা কোবিদ-১৯ দাইগ্নোস্তিক কিৎ কোরোস্যুর হৌদোকখ্রে

 

কেন্দ্রগী হ্যুমেন রিসোর্স দিবেলপমেন্ত মিনিস্তর শ্রী রমেশ পখ্রিয়াল ‘নিশঙ্ক’না ঙসি নই দিল্লীদা আই.সি.এম.আর. অমসুং দি.সি.জি.আই.না এপ্রুব তৌরবা আই.আই.তি. দিল্লীনা দিবেলপ তৌবা অমদি  মালেমগী খ্বাইদগী এফোর্দেবল ওইবা কোবিদ-১৯ দাইগ্নোস্তিক কিৎ কোরোস্যুর হৌদোকখ্রে।

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638780

ৱর্ল্দ য়ুথ স্কিল্স দেগী থৌরমদা প্রধান মন্ত্রীনা নহাশিংদা স্কিল, রিস্কিল অমসুং অপস্কিল লৈহন্নবা ৱাফমশিং থম্লি

ঙসি ৱর্ল্দ য়ুথ স্কিল্স দে অমসুং ‘স্কিল ইন্দিয়া’ মিসনগী মঙাসুবা কুমওন নুমিৎকী থৌরমদা পাঙথোকপা তিজিতেল স্কিল্স কনক্লেবতা পীখিবা মহাক্কী পাউজেলদা প্রধান মন্ত্রীনা থুনা হোংলক্লিবা লল্লোন ইতিক্কী মওং মতৌ অমদি কৈথেলগী ফীভম অসিগা চুননা লৈনবগীদমক নহাশিংদা স্কিল, রিস্কিল অমসুং অপস্কিলগী তঙাইফদবশিংগী মতাংদা ৱাফমশিং থমখি‍। থৌরম অদুদা নহাশিংদা হরাও তয়ামবা ফোঙদোক্লদুনা মতম পুম্নমক্তা নহাশিংনা অনৌবা স্কিল তমশিনবা ঙমবগী মতিং লৈবা মরম্না মালেম অসি মখোয়গীনি হায়না মহাক্না হায়খি‍। মহাক্না হায়খি, চহী মঙাগী মমাঙদা নুমিৎসিমক্তদা হৌদোকখিবা স্কিল ইন্দিয়া মিসননা স্কিল, রিস্কিল অমদি অপস্কিলগী অচৌবা মচাক-মথুম অমা শেমগৎলে অমদি ইরমদমসিদা অমদি মালেমগী মফমশিংদা থবক ফংবগী খুদোংচাবা হেনগৎহল্লে‍। মসিনা মরম ওইরগা লৈবাক শিনবা থুংনা পি.এম. কৌসাল কেন্দ্র চা কয়া লিংখৎখ্রে অমদি আই.তি.আই. ইকোসিস্তেমগী কেপেসিতী হেনগৎহল্লে‍। পুন্না হোৎনমিন্নবা অসিনা, হৌখিবা চহী মঙাসিদা নহা করোর মঙা হেন্না স্কিল লৈহনখ্রে‍। হৈশিংলবা শিন্মীশিং অমদি থবক পীরিবা মীওইশিং খঙদোক্নবা হন্দক্তা নৌনা হৌদোকখিবা পোর্তেল অদুগী মতাংদা পল্লদুনা, মহাক্না হায়, মসিনা মশা মশাগী ময়ুমদা হল্লকখ্রবা মাইগ্রেন্ত শিন্মীশিং য়াওনা হৈশিংলবা শিন্মীশিংবু থবক লায়না ফংহনবদা অমদি থবক পীরিবা মীওইশিংবু মাউস অমুক নমবদা হৈশিংলবা শিন্মীশিং পাউ ফাওনবা ঙমহল্লগনি‍। মাইগ্রেন্ত শিন্মীশিংগী হৈশিংবনা মফম মফমগী শেন্মিৎলোনদা অহোংবা পুরকপদসু মতেং ওইরগনি হায়বা ৱাফম মহাক্না ফোঙদোকখি‍।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638686

 

ৱর্ল্দ য়ুথ স্কিল্স দেগী থৌরমদা ঙাঙখিবা প্রধান মন্ত্রীগী ৱারোল

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638689

১৫শুবা ইন্দিয়া-ই.য়ু. (ভর্চুএল) সম্মিত: প্রধান মন্ত্রী শ্রী নরেন্দ্র মোদীগী হৌদোক ৱারোল

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638783

অল্কোহোল বেজ হেন্দ সেনিতাইজরশিংদা জি.এস.তি. রেৎকী ইসুদা ক্লেরিফিকেসন

মীদিয়াগী সেক্সন খরদা অল্কোহোল বেজ হেন্দ সেনিতাইজরশিংদা জি.এস.তি. রেৎকী ইসু রিপোর্ত তৌরক্লি।  মসি ফোংদোক্লি মদুদি হেন্দ সেনিতাইজরদা চাদা ১৮গী চাংদা জি.এস.তি. লৌরি।  সেনিতাইজরশিং অসি সাপোন, এন্তি-বেক্তরেল লিক্বুইদ, দেতোল অসিনচিংবা জি.এস.তি. রেজিমগী মখাদা চাদা ১৮গী স্তেন্দর্দ রেৎ লৌরিবা দিসইন্ফেক্তেন্সশিংনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638769

 

কোবিদ-১৯ থেংনবা লম্বীশিং থিরিবা স্তার্তঅপশিং শৌগৎনবা অতল ইন্নোবেসন মিসন্না মিনিস্তরশিং, পার্তনরশিংগা পুল্লে

 

কোবিদ-১৯ লাইচৎ অমসুং মালেমগী শেন-থুমগী থবকশিং লেপখিবা অসিনা মালেমগী শেন-থুমদা অচৌবা চৈথেং অমা পীরকপদগী, মখা তানা কোবিদ-১৯ থেংননবা অমসুং কোবিদ-১৯ থেংনবা অনৌবা লম্বীশিং থিরিবা স্তার্দঅপশিং শৌগৎনবা নিতি অয়োগকী অতল ইন্নোবেসন মিসন্না মিনিস্তরশিং, পার্তনরশিংগা পুননা থবক পায়খৎপা হৌরে। কোবিদ-১৯ থেংননবা অনৌবা ৱাখল্লোনশিং পুথোকপা ঙমগদবা অফবা স্তার্দঅপশিং মশক খঙদোক্নবা অমসুং মখোয়না পুথোকপা পাম্বৈশিং লৈবাক শীনবা থুংনা শীজিন্ননবা অতল ইন্নোবেসন মিসন্না পরিং নাইনা চৎথরকপা ভর্চুএল কোবিদ-১৯ দেমো-দেশিং ঙরাং পাংথোকখ্রে। সরকারগী লুপশিং হায়বদি বাইওতেক্নোলোজি ইন্দস্ত্রি রিছর্স এসিস্তেন্স কাউন্সিল(বিরাক), বাইওতেক্নোলোজি দিপার্তমেন্ত; সাইন্স অমসুং তেক্নোলোজি দিপার্তমেন্ত, স্তার্দঅপ ইন্দিয়া, এ.জি.এন.এল.আই অমসুং অতোপ্পা মিনিস্ত্রিশিংগা লোয়ননা ভারত সরকারগী প্রিন্সিপাল সাইন্তিফিক এদভাইজর দোক্তর বিজয় রগাবন অমসুং নিতি অয়োগকী মেম্বর(হেল্থ) দোক্তর বিনোদ পাউলগী লমজিং মখাদা থবক অসি পায়খৎপনি। কোবিদ-১৯গা মরী লৈনবা স্তার্দ-অপ ১,০০০গী মনুংদগী ভর্চুএল কোবিদ-১৯ দেমো-দেশিংগীদমক স্তার্দ-অপ ৭০ হেন্না খনগৎলে। হায়রিবা স্তার্দ-অপশিং অসি ফন্দ, মেনুফেকচরিংগী খুদোংচাবশিং, সপ্লাই চেন অমসুং লোজিস্তিক অমসুং অফবা ভেন্দরশিং ফংনবা হোৎনবা মতেং পাংগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638572

 

শ্রী পিয়ুশ গোয়লনা মালেমগী ওইনা লেংদবা, শোইনিঙাই ওইদবা অমসুং শেন্মিৎলোন মরাং কায়না লৈহনবদা পুক্নিং থৌগৎনবা অকনবা মওংদা শরুক য়ামিন্নরিবা অসিগী মপান্দগী ভারত-য়ু.এস. নাকল অনিমক্কী ওইবা মরীদা থোইদোক-হেন্দোকপা মওংদা চাওখৎলক্লিবা অসিগী মতাংদা অমুক হন্না নিংশিংদুনা ৱাফম ফোংদোকখ্রে

তেলিফোনগী থোংদা কনফরেন্স তৌদুনা ভারত-য়ু.এস.কী সি.ই.ও. ফোরম জুলাই ১৪, ২০২০দা  মীফম পাংথোকখ্রে। মীফম অসি কমর্স অমসুং ইন্দস্ত্রী অমসুং রেলৱেজগী মন্ত্রী শ্রী পিয়ুশ গোয়ল অমসুং য়ু.এস.কী মায়কৈদগী য়ু.এস. কমর্সকী সেক্রতরী শ্রী ৱিলবর রোসনা পুন্না ময়াই তাংবল লৌদুনা পাংথোকখি। সেক্রতরী রোসনা শ্রী গোয়ল, ময়াই তাংবল লৌমিন্নখিবাশিং অমসুং সি.ই.ও. ফোরমগী মীহুৎশিংবু অনিমক্কী ওইবা মরি অসি ফগৎহনবদা মরুওইনা তমথিরবা লায়চৎ কোবিদ-১৯গী অরুবশিং শিংনবগী তানফম অসিদা ফার্মাস্যুতিকেশিং, মেদিকেল ইক্বীপমেন্ত অমসুং অতৈশিং পরিং নাইনা ফংহনবগী লমদা লৈবাক অসিনা নকশিন্ননা তেংবাংনবগী তাঞ্জা অমশু ওইরিবা অসিদা লৌরিবা থৌদাং অমসুং থৌরাংশিং অদুগীদমক্তা থাগৎপা ফোংদোকখি। শ্রী পিয়ুশ গোয়লনা মালেমগী ওইনা লেংদবা, শোইনিংঙাই ওইদবা অমসুং শেন্মিৎলোন মরাং কায়না লৈহন্নবদা পুক্নিং থৌগৎনবা অকনবা মওংদা শরুক য়ামিন্নরিবা অসিগী মপান্দগী  ভারত-য়ু.এস. নাকল অনিমক্কী ওইবা মরিদা ময়ামদগী তোঙানবা মওংদা চাওখৎলক্লিবা অসিগী মতাংদা অমুক হন্না ফোংদোকখি। লৈবাক অনিমক্কী ওইবা শেন্মিৎলোন্দা অপিকপা লল্লোন-ইতিক মরুওইবা অমসুং সেক্তর অসিদা থবক অমসুং হৈথোই-শিংথোইবা হেনগৎহনবদা অথোইবা মীৎয়েং থমখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638702

সি.বি.এস.ই.গী ক্লাস Xগী ফল লাউথোকখ্রে; ত্রিবান্দ্রমগী রিজন্না পাস পর্সন্তেজ খ্বাইদগী ৱাংখ্রে

সেন্ত্রেল বোর্দ ওফ সেকেন্দরী ইদুকেসন (সি.বি.এস.ই.)গী ক্লাস Xগী ফলশিং ঙসি লাউথোকখ্রে। রিজন পুম্নমক্কী মরক্তা পাস পর্সন্তেজ ৯৯.২৮%গা লোয়ননা ত্রিবান্দ্রমনা খ্বাইদগী পাস তৌবা ওইরি ৯৮.৯৫%গা লোয়ননা চেন্নাই রিজননা মতুং ইল্লি অমরোমদা বেঙ্গলুরুনা পাস পর্সন্তেজ ৯৮.৩২%গা লোয়ননা অহুমশুবা মফম কল্লি। অপুনবা মহৈরোয় ১৮,৭৩,০১৫না একজাম অসি থাখিবগী মনুংদা মহৈরোয় ১৭,১৩,১২১না একজাম অসি মায় পাকখি। চহি অসিগী অপুনবা পাস পর্সন্তেজ অসি ৯১.৪৬ ওইরি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638740

 

রুরেল দিবেলপমেন্ত অমসুং পঞ্চায়তী রাজগী কেন্দ্র মন্ত্রী শ্রী নরেন্দ্র সিংহ তোমারনা ঙসি ভিদিও কনফরেন্সকী থোংদা রাজ্য তরুক্কী মীহুৎশিংগা লোয়ননা গরীব কল্যান রোজগার অভিয়ানগী চত্থরিবা থবক অসিগী মতাংদা মীফম অমা পাংথোকখ্রে

 

রুরেল দিবেলপমেন্ত অমসুং পঞ্চায়তী রাজগী কেন্দ্র মন্ত্রী শ্রী নরেন্দ্র সিংহ তোমারনা ঙসি ভিদিও কনফরেন্সকী থোংদা রাজ্য তরুক্কী রুরেল দিবেলপমেন্তকী মন্ত্রীশিং অমসুং মকোক থোংবা ওফিসিএলশিংগা গরীব কল্যান রোজগার অভিয়ানগী খুমাং চাওশিনবগী মতাংদা মীফম অমা পাংথোকখ্রে। প্রধান মন্ত্রী শ্রী নরেন্দ্র মোদীনা জুন ২০, ২০২০দা হৌদোকখিবা গরীব কল্যান রোজগার য়োজনা অসি বিহার, উত্তর প্রদেশ, ঝারখন্দ, মধ্য প্রদেশ, ওরিশা অমসুং রাজস্থানগী জীলা ১১৬তা থবক পায়খৎখ্রে। অভিয়ান অসি নুমীৎ ১২৫নি মখা তানা চত্থগনি অমসুং তোঙান-তোঙানবা মন্ত্রালয় ১১গী মনুং চনবা থবক ২৫ মপুং ফাহন্নবগীদমক মশক খংদোকখ্রে। অভিয়ান অসি নিংথিনা চাং নাইনা য়েংশিন্দুনা তোঙান-তোঙানবা পেরামিতরশিংদা নিংথিজনা খুমাং চাওশিন্না পাংথোক্লি হায়বা খংবা ঙমখ্রে। মন্ত্রীনা হায়খি মদুদি মাইগ্রেন্ত লেবরশিংবু মাগী-মাগী মরমদা থবক ফংহন্নবা সরকার অসিনা হোৎনরি হায়না ফোংদোকখি। অভিয়ান অসি ময়ুমদা হল্লকপা মাইগ্রেন্তশিং অমসুং মান্নবা মওংদা চৈথেং ফংলবশিংদা থবক ফংহনবদা নত্তনা শেন্মিৎলোন মপাঙ্গল কনখৎহন্দুনা মীয়ামগী ওইবা ইনফ্রাস্ত্রকচরশিং খুঙ্গং অদুদা ফগৎহন্দুনা লম্বিশিং, য়ুমসি, আঙ্গনৱাদী সেন্তরশিং, পঞ্চায়েৎকী শঙলেনশিং, তোঙান-তোঙানবা পুন্সি মহিংগী মচাকশিং অমসুং কংলুপকী ওইবা কম্প্লেক্সশিংনচিংবা পুন্সি মহিংগী খুদোংচাবশিং শেমগৎকনি। সেন্তর অমসুং রাজ্যশিং অসিগী মরক্তা নিংথিনা তেংবাং পীনদুনা অখন্নবা কোংজং অসি খুমাং চাওশিনবগী চাং অসিদা অপেনবা ফোংদোকখি অমসুং মখা তানা খোংজং অসি য়াংনা চংশিলহন্নবা অমসুং খ্বাইদগী য়াম্বা ইনফ্রাস্ত্রকচর শেম্নবা অকনবা মীৎয়েং থমখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638602

শ্রী কিরেন রিজিজুনা এন.ৱাই.কে.এস., এন.এস.এস. ভোলুন্তীয়রশিংগী থোংদা আত্মনির্ভর ভারতকী মতাংদা এৱার্নেস শাগৎনবা রাজ্যশিংদা খংহনখ্রে

য়ুথ এফিয়র্স অমসুং স্পোর্তসকী কেন্দ্রগী মন্ত্রী কিরেন রিজিজুনা ঙসি ভিদিও কনফরেন্সিংগী খুথাংদা রাজ্য অমসুং য়ুনিয়ন তেরিতোরী ১৮গী মন্ত্রীশিং অমসুং য়ুথ এফিয়র্স অমসুং স্পোর্তস বিভাগকী মকোক থোংবা ওফিসিএলশিংগা লোইননা মীফম অমা পাংথোকখ্রে। মীফম অদুনা রাজ্য অমসুং য়ুনিয়ন তেরিতোরীশিং পুম্নমক্না কোবিদ-১৯গী মতুংদা শান্ন-খোৎনবগী থবক মখা চত্থনবগী লম্বী য়াত্থোক্নবা অমসুং নেহরু য়ুব কেন্দ্র সংগথন (এন.ৱাই.কে.এস.) অমসুং নেসনেল সর্বিস স্কিম (এন.এস.এস.)কী ভোলুন্তীয়রশিংবু রাজ্যগী থাক্তা তোঙান-তোঙানবা থৌশিলশিং চাউখৎহন্নবা হোৎনবদা শরুক য়াহন্নবগী মতাংদা নুমিৎ নিনি পাংথোক্কদবা মীফমগী অহানবা শরুকনি। মীফম অদুদা ৱা ঙাংলদুনা শ্রী রিজিজুনা হায়খি, "এন.ৱাই.কে.এস. অমসুং এন.এস.এস. ভোলুন্তীয়রশিং অসিনা কোবিদ-১৯গী মনুংদা সিবিল এদমিনিস্ত্রেসনগী মখাদা শিংথানিংঙাই ওইবা থবক কয়া অমা পায়খৎখ্রে। হৌজিক হৌজিক্কী ওইনা ভোলুন্তীয়র লাখ ৭৫ রোম লৈরি অমসুং অনলোক-২গী মতমদা ঐখোয়না মশীং অসি কোতি ১ য়ৌহন্নবা ৱারেপ লৌরে। প্রধান মন্ত্রীনা মাংজৌননা আত্মনির্ভর ভারত লাউথোকখ্রে। লৈবাক অসিনা অথিংবশিং লৌথোক্লকপনা, ঐখোয়গী ভোলুন্তীয়রশিংনা সমাজ অসিগী তোঙান-তোঙানবা কাংলুপশিং হায়বদি লৌমীশিং, অপীকপা করবারগী মপুশিং অমসুং অতোপ্পা মীওইশিংদা দাইরেক্ত বেনিফিৎকী মতাংদা মখোয় মশানা মরোমদোম লেপচদুনা কান্নবশিং ফংজনবগীদমক ৱাখল লৌশিং য়েন্থোক্কনি। ঐহাক্না রাজ্যশিংদা ভোলুন্তীয়রশিংবু থৌগৎপীনবা অমসুং মখোয়বু থবক হেন্না ফনা তৌনবগীদক মতেং পাংবীনবা পুক্নিং চিংশিনখি। মখোয়না দিস্ত্রিক্ত এদমিনিস্ত্রেসনগা লোইননা কেন্দ্র সরকারদগী খুৎ কয়া কন্না থিংজিন্দবা মওংদা হকথেংননা থবক পায়খৎকনি।"

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638566

 

 

পি.আই.বি. ফিল্দ ওফিসশিংদগী ফংবা পাউ

• চান্দিগর: য়ুতি.তি. চান্দিগরগী এদমিনিস্ত্রেতরনা লেবরগী সেক্রেতরীদা কোবিদকী লায়েংলবা অমসুং নাবা ফরবা মীওই অমত্তা লনাইগী ওইবা সেক্তর নত্রগা সরকারগী সেক্তরদা মহাক্কী থবক্তা অমুক হল্লকপদা অথিংবা থমদনবা খঙহল্লকখ্রে। মআক্না হায়খি মদুদি হায়রিবা মীওইশিং অসিদগী খুদোংথিনীংঙাই ওইদে মরমদি মখোয়শিং অসি কোরোনা অমুক হন্না লৌনদবনা হেন্না নম্মি।

• পঞ্জাব: পঞ্জাবতা পুং ৭২দগী হন্থবা মতমগীদমক্তা লাক্লিবশিংগীদমক্তদি শোয়দনমক্কী হোম ক্বারন্তিন তৌবদগী কোমথোক্লে। হায়রিবা অসি রাজ্য অসিদা য়ৌরকপা মতমদগী হৌরগা পুং ৭২ য়ৌদনা লৈবা, পরিখা থাবা লাক্নীংবা মহৈরোইশিং নত্রগা বিজনেসকীদমক্তা লাক্লিবশিংদা খুদোংচনবগীদমক্তা কন্সেসন অসি পীনবা লেপখিবনি।

• হরিয়ানা: মুখ্য মন্ত্রীনা হায়খি মদুদি রাজ্য সরকারনা কোবিদ-১৯গী শিংনবা অসিবু খুদোংচাবা অমা ওইনা লৌই অমসুং হায়রিবা মতম অসিগী মনুংদা ইন্দস্ত্রীগী ওইবা অমসুং ইকোনোমিক রিফোর্মস কয়া অমা হৌদোকখ্রে, মসিনা মরম ওইরগা অচৌবা কমপনী ৬০গী মথক্তা হরিয়ানাদা ইনভেস্তমেন্ত তৌনীংবগী থৱায় য়াওবা উৎলি।

• হিমাচল প্রদেশ: মুখ্য মন্ত্রীনা হেল্থ দিপার্তমেন্তকী সেনিয়র ওফিসরশিংগা রিভ্যু তৌবগী মীফম অমগী মনুংদা মহাক্না হায়খি মদুদি রাজ্য সরকারনা রাজ্য অসিদা কোবিদ-১৯ লাকশিন্নবা ফগদবা খোংথাং কয়া অমা লৌখৎলি। মহাক্না হায়খি মদুদি লাল্লোন-ইতিক অমসুং ইকোনোমিক্কী ওইবা থবক থৌওংশিং অদু রাজ্য অসিদা অনলোক তৌরবা মতুংদা হৌখ্রে।

• মহারাস্ত্র: হৌখিবা পুং ২৪ অসিদা কোবিদ-১৯গী অনৌবা কেস ৬,৭৪১ থেংনখ্রে, রাজ্য অসিদা থেংনখিবা অপুনবা কেসকী মশিং অদু ২,৬৭,৬৫৫ য়ৌখ্রে। মসিগী মনুংদা পেসেন্ত লাখ ১.৪৯ অমদি নাবা ফখ্রে অদুগা রাজ্য অসিদা এক্তিব কেসশিংগী মশিং অদু ১,০৭,৯৬৩দা লৈরি। মুম্বাইদা লৈবাকপোকপা নুমিত্তা ফগৎখিবা ১০১১ অমসুং ৭০ শিখিবা অদু য়াওদনা পোজিতিব ওইবা পেসএন্ত ৯৬৯ খঙবা ঙমখ্রে। মসিগা থারগা মুম্ববাইদা কোবিদ-১৯গী মশিং অসি ৯৪,৮৬৩ য়ৌখ্রে; অদুগা ফগৎখিবা পেসেন্তশিংগী অপুনবা মশিং  অদুনা ৬৬,৬৩৩ নি অমসুং শিখিবগী মশিংনা ৫৪০২ নি। হৌজিক্কী ওইনা সিতী অসিদা এক্তিব ওইবা পেসেন্ত ২২,৮২৮ লৈরি। মুম্বাইদা কোবিদ-১৯গী কেসশিং শরুক অনিগী চাংদা হেনগৎলকপা অদু নুমিৎ ৫২নিদা তপথরকখ্রে।

• গুজরাত: গুজরাত্তগী অনৌবা কেস ৯৫১ থেংনখ্রে, মসিনা রাজ্য অসিদা অপুনবা কেস ৪৩,৭২৩ য়ৌহনখ্রে।  লৈবাকপোকপা নুমিত্তা  পেসেন্ত ১৪ লৈখিদ্রে, মসিনা শিখিবগী মশিং ২০৭১ য়ৌহনখ্রে। সুরত জিলানা খ্বাইদগি য়াম্লবা কেস মশিং  ২৯১, মথংদা এহমেদাবাদনা কেস মশিং ১৫৪। দুকান ৩৫,০০০গী মথক্তা লৈবা তেক্সতাইল মার্কেৎ ২৫ ময়া নক্না জুলাইগী ২০ ফাওবা তোএল শতদাউন লাউথোকখ্রে।

• রাজস্থান: ঙসি অয়ুক অনৌবা পোজিতিব কেস ২৩৫ লৈকিবগা লোইননা রাজ্য অসিদা কোবিদ-১৯গী মশিং ২৫,৮০৬তা হেনগৎখ্রে। ফগৎলকপগী অপুনবা মশিং অদু ১৯,১৯৯দা হেগৎলকখ্রে অদুগা এক্তিব কেসকী মশিংনা শুনতগি ৬,০৮০ নি। রাজস্থানদা শিখিবগী মশিং অদু ৫২৭ নি।

• মধ্য প্রদেশ। অনৌবা ওইনা নোংমদা খ্বাইদগী য়াম্না হেনগৎলকপদা,  লৈবাকপোকপা নুমিত্তা পোজিতিব কেস ৭৯৮ থেংনখ্রে মসিনা রাজ্য অসিদা কোবিদ-১৯গী মশিং ১৯,০০৫ য়ৌহনখ্রে। এম.পি.দা এক্তিব পেসেন্তশিংগী মশিং ৪৭৫৭ নি, ফগৎলকখিবা পেসেন্তকী মশিংনা ১৩,৫৭৫ অমসুং শিখিবগী  মশিংনা ৬৭৩ নি।

• ছত্তিসগর। অনৌবা পোজিতিব পেসেন্ত ১০৫ খঙবা ঙঞখ্রে মসিনা রাজ্য অসিদা কোবিদ-১৯গী মশিং অদু ৪,৩৭৯ য়ৌহনখ্রে। অদুগা হৌজিক্কী ওইবা এক্তিব পেসেন্তশিংগী মশিং অদু ১,০৮০ নি।

• গোৱা: লৈবাকপোকপা নুমিত্তা অনৌবা পেসেন্ত ১৭০ তেস্ত তৌবদা পোজিতিব ওইরে মসিনা রাজ্য অসিগী অপুনবা মশিং ২,৭৫৩ য়ৌখ্রে। হোজিক্কী ওইবা ফখ্রবা পেসেন্তশিংগী মশিং অদু ১,৬০৭ নি অমসুং কোবিদ-১৯না শিখিবগী মশিংনা ১৮ নি। এক্তিবা ওইবা পেসেন্তশিংগী মশিংনা ১,১২৮ নি।

• অরুনাচল প্রদেশ: অরুনাচল প্রদেশতা, নামসি জিলাগী এদমিনিস্ত্রশন্না কোবিদ-১৯ শন্দোরকপা থিংনবা ঙসি নুংমিদাং পুং ১০দগী জজুলাইগী ২৩ (অয়ুক্কী পুং ৫) ফাওবা নুমিৎ মাপলনিগী লোকদাউন থমজিনখ্রে।

• অসাম: অসামগী সি.এম., শ্রী সর্বানন্দা সোনোৱালনা ঙসি তিয়োক রাজাবারি ঐচ.এস. স্কুলগী ফ্লদ রিলীফ কেম্পতা লৈরিবা মীয়ামশিং অদুবু উনখি। রাজ্য অসিগী ঈশিং-ঈচাউনা শোকহল্লবা মফমশিংদা অসামগী সরকারনা থম্লিবা রিলীফ কেম্প ১৯৮দা হৌজিক-হৌজিক চাউরাক্না মী ৪৪,০০০ লোম লৈরি।

• মনিপুর: মনিপুরদা কাকচিংগী পালেল বাজারদা য়ুনাইতেদ পিপলস এদমিনিস্ত্রেতিব কাউন্সিলগা খুৎশম্নদুনা কোলিশন অগেন্সত দ্রগস এন্দ আল্কোহোল কাকচিং দিস্ত্রিক্ত কমিতীনা কোবিদ-১৯গী মতাংদা এৱেয়রনেস প্রোগ্রাম অমা শিনখি।

• মিজোরম: মিজোরম বোর্দ ওফ স্কুল এজুকেশন (এম.বি.এস.ই.)না ঙরাং ক্লাস ১২কী ফল লাউথোকখ্রে। মহৈরোই চাদা ৭৮.৫২ পরিকা অসিদা মাই পাকখি।

• কেরলা: কেরলা হাইকোর্তনা ঙসি রাজ্য অসিদা জুলাই ৩১ ফাওবা  প্রোতেস্ত, স্ত্রাইকশিং অমসুং মার্চ খুদিংমক অথিংবা থমখ্রে। হাই কোর্ত অসিনসু কোবিদ-১৯গী লাইচৎ অসিগী মতাংদা কেন্দ্রনা পীখিবা ইন্সত্রক্সনশিং অদু হকচিন্না ঙাক্না চৎহন্নবা রাজ্য সরকারদসু হায়খ্রে। ঙরাং রাজ্য অসিদা অনৌবা কেস ৬০৮ থেংনখ্রে মসিদা ৩৯৬ অমদি কন্ত্রক্ত কেসশিংনি। হৌজিক্কী ওইনদি পেসেন্ত ৪,৪৫৪ লাইয়েং চত্থরি অমসুং জিলা কয়া অমদা  মীওই ১,৮১,৮৪৭ সর্ভিলেন্স তৌদুনা থম্লি।

• তামিল নাদু: পুদুচেরীদা অনৌবা কেস ৬৭ থেংনখিবগা লোইননা মী অহুম অমগা কোবিদনা মরম ওইরগা লৈখিদ্রে; অপুনবা মশিং ১,৫৯৬ য়ৌখ্রে। ঙরাং অনৌবা কেস ৪৫২৬ অমসুং ৬৬ শিখিবা থেংনখ্রে। চেন্নাইদগী কেস ১০৭৮। হৌজিক ফাওবদা অপুনবা কেস: ১,৪৭,৩২৪; এক্তিব কেসশিং: ৪৭,৯১২; চেন্নাইদা এক্তিব কেসশিং: ১৫,৮১৪।

• কর্নাতকা: বেঙ্গলোর অর্বান অমসুং বেঙ্গলোর রুরেলগী জিলাশিংদা নুমিৎ তরেৎনিগী লোকদাউন থমজিনখ্রে। শিৱামোগা জিলাসু মখাতানা ওর্দর থোরক্ত্রিফাওগী ওইনা হয়েংদগী লোকদাউন হৌরগনি। রাজ্য অসিনা নর্স ১৪১৯, লেব তেক্নিসিয়ান ৫০৬, ফার্মাসিস্ত ৯১৬ অমসুং দি-গ্রুপকী অহাংবা ফমশিং অদু অথুবা মতমদা মেন্সিল্লগনি। ঙরাং অনৌবা কেস২৪৯৬ অমসুং ৮৭ শিখ্রে; বেঙ্গলোর সিতীদা কেস ১২৬৭। অপুনবা পোজিতিব কেসশিং: ৪৪,০৭৭; এক্তিব কেসশিং: ২৫,৮৩৯; শিখিবশিং: ৮৪২।

• আন্ধ্র প্রদেশ: মেদিকেল অমসুং পেরামেদিকেল য়াওনা মখৌয়গী স্তাফ নিফুগী মথখ্তা কোবিদ-১৯না নারবা, এস.ভি.আই.এম.এস. সুপর-স্পিসিয়েলিতী হোসপিতাল, তিরুপতিনা মখোয়গী আউত-পেসেন্ত সার্বিস অদু নুমিৎ মঙানিগী লোনখি। ৱজায়ৱাদাগী গন্নাৱরম এয়র্পোর্ত্তা মথৌ তৌরিবা এ.পি.এস.পি.গী মেম্বর ২৬ কোবিদ পোজিতিব ওইরম্বা থেংনখি। মখৌয়শিং অদু হোসপিতাল কয়া অমদা লাইয়েংলি। ঙরাং অনৌবা কেস ১৯১৬,  ৯৫২ দিসচার্জ তৌখ্রে অমসুং ৪৩ থেংনখ্রে।  অপুনবা কেসশিং: ৩৩,০১৯; এক্তিব ওইরিবা কেসশিং: ১৫,১৪৪; শিখিবশিং: ৪০৮।

• তেলঙ্গানা: জিলাগী লাইয়েংশঙশিং অমসুং তেলঙ্গানা ইন্সতিত্যুত ওফ মেদিকেল সাইন্সেসনা কোবিদ-১৯গী লাইয়েংবা হৌরগনি। হাইদ্রবাদতা লৈবা নিজামস ইন্সতিত্যুত ওফ মেদিকেল সাইন্সেস (এন.আই.এম.এস.) না কোভাক্সিন হায়বা কোরোনাভাইরসকী ভেক্সিনগীদমক্তা ক্লিনিকেল ত্রায়লশিং পাংথোকপগী থৌওংশিং হৌখ্রে। লৈবাক অসিগী লমদম অসিদা শেমজবা কোবিদ-১৯ কোভাক্সিন ভেক্সিন অসি আই.সি.এম.আর. অমসুং নেস্নেল ইন্সতিত্যুত ওফ ভাইরোলোজীগা লোইননা খুৎশম্নদুনা ভারত বায়োতেক্না পুথোকপনি। ঙরাং থেংনখিবা অপুনবা কেসশিং: ৩৭,৭৪৫; এক্তিব কেসশিং; ১২,৫৩১; শিখিবশিং: ৩৭৫; দিসচার্জ তৌখিবশিং: ২৪,৮৪০।

******



(Release ID: 1638910) Visitor Counter : 9