(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা মীওই ১৭,৯৮৯ কোবিদতগী নাবা ফরে, কোবিদ-১৯ অনাবশিংগী মরক্তা নাবা ফখিবগী অপুনবা কেস মশিং অসি ৫,৭১,৪৫৯ য়ৌরে অমদি নাবা ফগৎখিবগী চাংনা চাদা ৬৩.০২ ওইরে।
• এক্তিব কেস ৩,১১,৫৬৫ লৈরি অমদি মখোয় পুম্নমক মেদিকেলগী মীৎয়েং মখাদা লৈরি।
• ভারতকী শিখিবগী চাং অসি মখা তানা চাদা ২.৬২দা হায়থরে।
• ঙসি ফাওবা তেস্ত তৌনবা লেবকী মশিং পুন্না ১২০৬ লৈরে।
• অৱাববু খুদোংচাবদা ওন্থোক্নবা দোক্তর হর্শ বর্ধন্না হায়খ্রে
• ইন্দিয়ন রেলৱেনা হেন্না শাফবা মওংদা চৎনবগীদমক কোবিদ মতুংগী ওইবা কোচ শেমখ্রে

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯দা অপদেৎ:

সরকারগী সেক্তরদা লেব ৮৫৩ অমসুং প্রাইভেৎ লেব ৩৫৩গা লোয়ননা তেস্তিং লেব অসি পুন্না ১২০৬ য়ৌরে।  হৌখিবা পুং ২৪গী মনুংদা সেম্পল ২,৮৬,২৪৭ তেস্ত তৌখি।  তেস্ত তৌখিবগী অপুনবা মশিং অসি ১,২০,৯২,৫০৩নি।  মীওই মিলিয়ন অমদা তেস্ত তৌখিবগী চাং অসি ঙসি ৮৭৬২.৭ য়ৌরে।  হৌখিবা পুং ২৪দা মীওই ১৭,৯৮৯ কোবিদতগী নাবা ফখ্রে অমদি পুন্না মীওই ৫,৭১,৪৫৯ নাবা ফখিবগা লোয়ননা নাবা ফখিবগী চাংনা চাদা ৬৩.০২নি। এক্তিব কেস ৩,১১,৫৬৫ লৈরি অমদি মখোয় পুম্নমক মেদিকেলগী মীৎয়েং মখাদা লৈরি। এক্তিব কেসতগী নাবা ফখিবনা ২,৫৯,৮৯৪ হেল্লে। ভারতকী শিখিবগী চাং অসি মখা তানা চাদা ২.৬২দা হায়থরে।

অৱাববু খুদোংচাবদা ওন্থোকপা- দোক্তর হর্শ বর্ধন্না ওস্ত্রেলিয়াগী হকশেল মন্ত্রীগা কোবিদ-১৯ লাকশিনবা য়াওনা লৈবাক অনিগী হকশেলগী লমদা মতেং পাংনবদা খন্নখ্রে

হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দোক্তর হর্শ বর্ধন্না ওস্ত্রেলিয়াগী হকশেল মন্ত্রী মিস্তর গ্রেগরি এন্দ্রিয়ু হন্তকা লোয়ননা ঙসি হকশেলগী লমদা মতেং পাংনবদা খন্ননবা দিজিতেলগী থোংদা ৱারি শাখ্রে। লায়চৎ অসিবু লাকশিনবা অমসুং য়েংশিনবদা ভারতকী মেদিকেলগী ইচিল-ইনাওশিংনা লৌরিবা থৌদাং অসিগী মতাং ফোঙদোক্লদুনা দা. হর্শ বর্ধননা হায় কোবিদ-১৯ অসি লাকশিনবদা ভারতকী মেদিকেলগী লমদা লৈরিবশিং, পেরামেদিকশিং অমসুং সাইন্তিস্তশিংনা মরু ওইবা থৌদাং অমা লৌরি। মহাক্না হায় মখোয়না হীদাক পুথোকপদা অমসুং হান্না লৈরবা হীদাকশিং অমুক হন্না শীজিন্নবদা মতেং পাংলি। মখোয়না লায়না অসি হৌরকপা মতমদা ভারস অসু আইসোলেৎ তৌখি অমসুং জিনোম সিক্বেন্সিং শীজিন্নদুনা ভাইরস অসি থিজিনবগী থবক তৌরি। “জনুৱারিদা ভাইরস অসি তেস্ত তৌনবা লেব অমখক লৈরম্বদগী ভারত্তা হৌজিক লৈবাক শীনবা থুংনা মীয়ামদা পাক শন্না তেস্ত তৌবা ফংহন্নবা লেব ১২০০ হেন্না লৈরে হায়না মহাক্না মখা তাখি। ভারতকী হীদাক শারিবশিংনসু লৈবাক ১৪০দা ভারতনা হাইদ্রোক্সিক্লোরোক্বিন সপ্লাই তৌবা ঙমহল্লি।” হকশেল অমসুং অতোপ্পা তঙাই ফদবা লমশিংদা পুন্না থবক তৌমিন্নবদা হকশেল মন্ত্রীশিংনা য়ানবা পুরকখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638517

ইন্দিয়ন রেলৱেনা হেন্না শাফবা মওংদা চৎনবগীদমক কোবিদ মতুংগী ওইবা কোচ শেমখ্রে

ইন্দিয়ন রেলৱেনা কোবিদ-১৯ ভাইরস লাইনা শন্দোকপা থিংননবা তোঙান-তোঙানবা খোংথাং কয়া অমা লৌখৎলি। কোবিদ-১৯গী মাইয়োক্তা থেংনরিবা হনবা লৈত্রবা লানফম অসিবু তুং কোইনা লৈহৌনবগীদমক, ইন্দিয়ন রেলৱেগী প্রদক্সন য়ুনিৎ অমা ওইরিবা রেল কোচ ফেক্তরী, কাপুর্থালানা কোবিদ-১৯ থেংননবগীদমক কোবিদ-১৯ মতুংগী ওইবা কোচ অমা পুথোকখ্রে। মসিগী কোবিদ-১৯গী মতুংগী কোচ অসিদা দিজাইনগী ওইবা হেন্না ফরবা মওং য়াওরি, মখোয়শিংগী মনুংদা কোবিদ য়াওদ্রবা মীয়ামগী খোংচৎ অমা ওইনবগীদমক খুৎনা পায়হন্দবা এমিনিতীশিং, কোপ্পরনা কুপ্লবা থোংনা, প্লাজমা এয়রপ্যুরিফায়র অমসুং তাইতনিয়ম দাই-ওক্সাইদ কোতিং য়াওরি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638516

কেন্দ্রগী ঐচ.আর.দি. মন্ত্রীনা দিজিতেল এজুকেসন্দা প্রগ্যাতা গাইদলাইনশিং ভর্চ্যুল ওইনা ফোঙখ্রে

কেন্দ্রগী হ্যুমেন রিসোর্স দিবেলপমেন্ত মিনিস্তর শ্রী রামেশ পোখ্রিয়াল ‘নিশঙ্ক’না দিজিতেল এজুকেসন্দা প্রগ্যাতা গাইদলাইনশিং ওনলাইন মিদিয়মগী থোংদা ঙসি ন্যু দিল্লীদা ফোঙখ্রে। প্রগ্যাতা গাইদলাইনশিং অসি লোকদাউন্না মরম ওইরগা হৌজিক ময়ুমদা লৈরিবা মহৈরোয়শিংগী ওনলাইন/ব্লেন্দেদ/দিজিতেল এজুকেসন্দা মীৎয়েং অমা থম্বগা লোয়ননা লর্নর্সকী পর্সপেক্তিবতগী শেমগৎপনি। মহাক্না মখা তারদুনা মসিগী দিজিতেল/ওনলাইন এজুকেসন্দা গাইদলাইনশিং অসিনা এজুকেসনগী ক্বালিতি হেনগৎহন্দুনা ওনলাইন এজুকেসনবু মাংলোমদা পুনবা লম্বেল নত্রগা পোইন্তর অমা পীরি। থৌরম অদুদা ৱা ঙাংলদুনা শ্রী রামেশ পোখ্রিয়াল ‘নিশঙ্ক’না হায় কোবিদ-১৯ লায়চৎ অসিনা স্কুলশিং থোং লোনখিবনা লৈবাক অসিগী স্কুলশিংদা মিং চনখ্রবা অঙাং কোতি ২৪০গী মথক্তা শোকহল্লি। কুইনা শাংনা স্কুলশিং থোং লোনখিবনা মরম ওইরগা মহৈ তম্বদা অমাংবা থোক্লকপা য়াই। শ্রী পোখ্রিয়ালনা হায় লাইচৎ অসিগী চৈথেং অসি হন্থহন্নবা স্কুলশিংনা হৌজিক ফাওবদা চত্থরক্লিবা তাকপী-তম্বীবগী পাম্বৈ অসি শেমদোক-শাদোকপখক্তা নত্তনা য়ুমদা মহৈ তম্বা অমসুং স্কুলদা মহৈ তম্বা অনিগী অফবা অপুনবা অমগী থোংদা ক্বালিতি এজুকেসন পীনবা চান্নবা পাম্বৈ অমা হৌদোকপা মথৌ তাই।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638541

পি.এম.জি.কে.পিগী মখাদা কোবিদ-১৯ থেংনরিবা হকশেলগী মীওইশিংগীদমক পায়খৎলিবা ইন্সুরেন্স স্কিম ফাইনান্স মিনিস্তরনা অমুক হন্না য়েংশিনখ্রে

প্রধান মন্ত্রী গরিব কলয়ান পেকেজগী মখাদা কোবিদ-১৯ থেংনরিবা হকশেলগী মীওইশিংগী পায়খৎলিবা ইন্সুরেন্সকী ফিবম অমুক হন্না য়েংশিনবগী মীফম অমা ঙসি ভিদিও কনফরেন্সকী খুৎথাংদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না লুচিংদুনা পাংথোকখ্রে। ন্যু ইন্দিয়া এসুরেন্সগী চেয়রমেন অমসুং মেনেজিং দিরেক্তরনা স্কিম অসিগী মতাংদা অমসুং হৌজিক ফাওবগী ওইনা থবক ওইনা পায়খৎখ্রবা স্কিম অসিগী ফিবমগী মতাংদা পাউদমখি। ক্লেম লাকপশিং অথুবা ফংহন্নবা স্তেৎ নোদেল ওথোরিতিশিংগা লোয়ননা পায়খৎলিবা থবকশিংগী মতাংদা হেল্থ অমসুং ফেমিলি ৱেলফিয়ার মিনিস্ত্রিগী ওফিসিএলশিংনা পাউদমখি অমসুং লৈখিদ্রবা মীওইশিংগী ইমুং-মনুংগী মীওইশিং উননবা অমসুং লিগেল হিয়র সর্তিফিকেত লৌনবা হোৎনবদা মায়োক্নরিবা খুদোংচাদবশিংগী মতাংদা খঙহনখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638348

শেলথুম মন্ত্রী শ্রীমতি নিরমলা সিতারামন্না প্রধান মন্ত্রী ফসল বিমা য়োজনা হঙ্গৎনা য়েংশিনখ্রে

কেন্দ্রগী শেলথুম অমসুং কোর্পোরেৎ এফিয়ার্স মন্ত্রী শ্রীমতি নিরমলা সিতারামন্না লুচিংদুনা ঙসি ভিদিও কনফরেন্সিংগী খুত্থাংদা প্রধান মন্ত্রী ফসল বিমা য়োজনা (পি.এম.এফ.বি.ৱাই.) থবক ওইনা পাংথোকপগী মতাংদা য়েংশিনবগী মীফম অমা ফমখ্রে। লৌউবশিংগী মরক্তা মসিগা মরী লৈনবা ৱারোলশিং অসি শন্দোক্তুনা মখোয় পুম্নক্না স্কিম অসিগীদমক্তা থোক্লকহন্নবা থবকশিং পাংথোকপগী তঙাইফদবশিং অমসুং ফংফম থোকপশিং মতম চানা ফংহন্নবা রাজ্যশিংনা প্রিমিয়ম সবসিদী মতম চানা পীথোকপগী তঙাই ফদবগী মতাংদশু শেলথুম মন্ত্রীনা ৱাফম কয়া থমখি। শ্রীমতি সিতারামন্না লৌউবশিংনা ফংফম থোকপশিং ফংহন্নবা হায়দুনা মরু ওইনা কান্নবা পীথোক্ত্রিবা অমসুং খরিফ ২০২০গী ওইনা স্কিম অসিগী থবক হৌদ্রিবা রাজ্যশিংদা হীরম অসিগী মতাংদা অকনবা শেন্নবগী থৌওং পাংথোকপগী মতাংদশু পনখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638347

সি.বি.এস.ই.গী ক্লাস ১২গী পরিখা হায়দোকখ্রে; সি.বি.এস.ই.না ‘ফেল’ হায়বগী মহুত্তা ‘ইসেন্সিএল রিপীৎ’ হায়বা ৱাহৈ শিজিন্ননবা ৱারেপ লৌখ্রে

সেন্ত্রেল বোর্দ ওফ সেকেন্দরী ইদুকেসন (সি.বি.এস.ই.)না ঙসি ক্লাস ১২গী পরিখা হায়দোকখ্রে। মফম ময়ামগী মনুংদগী ত্রিবেন্দ্রম্না চাদা মায় পাকপগী চাং ৯৭.৬৭% ওইদুনা খ্বাইদগী ফজখি অমসুং বেঙ্গালোরনা ৯৭.০৫% ওইদুনা অনিশুবা অমসুং চেন্নইনা ৯৬.১৭% ওইদুনা অহুমশুবা ওইখি। মহৈরোয় অপুনবা ১১,৯২,৯৬১না পরিখা থাখি অমসুং মহৈরোয় ১০,৫৯,০৮০না মায় পাকখি। মায় পাকপগী চাদা ওইবা অপুনবা অসি ৮৮.৭৮% ওইখি অমসুং মমাংগী চহীদগী ৫.৩৮% হেনখি। সি.বি.এস.ই.গী ক্লাস ১২গী পরিখা অসি তাং ১৫/০২/২০২০দগী ৩০/০৩/২০২০ ফাওবগী মনুংদা পাংথোক্নবা লেপখি। অদুবু কোবিদ-১৯গী লায়না শন্দোরকপদগী তাং ১৯/০৩/২০২০দগী ৩০/০৩/২০২০ ফাওবগী মনুংদা থোকপা সবজেক্ত ১২গী অমসুং অৱাং-নোংপোক দিল্লীগী মহৈরোয়শিংগীনা সবজেক্ত ১১গী পরিখা খুদিংমক লেপ্পা তাখি। মসিগী পরিখাশিং অসি জুলাই ১-১৫ ফাওবগী মনুংদা অমুক পাংথোক্নবা মতম লেপখ্রে। করি থোক্লক্কনি খংদবা, মমাংদা অমুক্তা থোকখিদ্রিবা ওইবা অমসুং মহৈরোয়শিংগী হকশেল অমসুং তেক্ত কায়দবগী ৱাফমশিং খন্নরবা তুংদা ভারতকী সুপ্রীম কোর্তনা মখাদা পীরিবা ফিভমশিং অসিগী মতুং ইন্না পরিখাগী মহৈ লাউথোক্নবা সি.বি.এস.ই.গী এসেস্মেন্ত তৌবগী স্কিম্বু অয়াবা পীবগী ৱারোল অমা ২৬/০৬/২০২০দা থোকখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638385

পি.আই.বি. ফিল্দ ওফিসশিংদগী ফংবা পাউ

• পঞ্জাব: কোবিদকী মায়োক্তা লান্থেংনবদা হেনগত্তুনা, পঞ্জাব সরকারনা মীয়াম তিনবদা অথিংবা থমজিনখ্রে, খুনাইগী ওইবা থবক থৌওংগী মী তিনবদা মী মঙাদগী হেনবা য়াদবা অমসুং লুহোংবা/ খুনাইগী ওইবা থৌরমশিংদা হৌজিক অয়াবা পীরিবা ৫০গী মহুত্তা ৩০দগী হেনবা য়াদবা।
• অরুনাচল প্রদেশ: ইতানাগরদা লৈবা রাজ ভাৱনদা কোবিদ-১৯গী তেস্ত তৌখ্রে, হায়রিবা অসি অরুনাচলগী ইকাইখুম্নরবা গোবর্নর, মহাক্কী ইমুং-মনুং, ওফিসিয়েলশিং অমসুং গোবর্নরগী সক্রেতরিয়েৎকী মেম্বরশিংগীদমক্তা পাংথোকখি।
• অসম: অসমগী  সি.এম., শ্রী সর্বানন্দা সোনোৱালনা ঙসি অসামদা জোনাইগী ওকলেন্দদা ঈশিং-ঈচাউ অমসুং মসিনা চেন্থদুনা শোকহল্লবা  মফমশিংবু ঙাক-শেনবগী পান্দমদা ৱাতর রিসোর্স দিপার্তমেন্তকী হৌজিক হৌজিক চত্থরিবা প্রোজেক্তশিং অমসুং থবকশিং অদুবু য়েংশিনখ্রে।
• মনিপুর: মনিপুর পুলিস দিপার্তমেন্তনা লোকদাউন থুগাইদুনা চৎপশিং ফাগৎনবা দ্রাইব চত্থবদা ফেস মাস্কশিং উপতবা অমসুং মীয়াম তিনবা মফমশিংদা সোসিয়েল দিসতেন্সিং ঙাক্না চত্তবা মীওই ৪১১ফাগৎখ্রে অমসুং গারী ৩১০ অমসুং ফাইন ওইনা লুপা ৬০,৭৫০গী শেনফম অমা খোমগৎখি।
• মিজোরম: মিজোরামদা ঙসি কোবিদ-১৯গী পেসেন্ত নিপান (৮) লাইনা অসিদগী নাবা ফদুনা দিসচার্জ তৌখ্রে। হৌজিক  রাজ্য অসিদা এক্তিব কেস ৭৪ লৈরি অদুগা হৌজিক ফাওবদা ১৫৯ নাবা ফখ্রে।
• নাগালেন্দ: কোহিমা দিস্ত্রিক্ত এদমিনিস্ত্রেসন্না হৌজিক লৈরিবা কন্তেনমেন্ত জোনশিংদা কোবিদ-১৯ লৌনরক্তুনা শন্দোরকপদগী থিংনবা মাংজৌননা খঙদোকপা ঙম্নবগীদমক্তা এক্তিব সর্ভিলেন্স তৌরি।
• সিক্কিম: মুখ্য মন্ত্রী, শ্রী প্রেম সিং তামাংনা ঙসি রোংলি সবদিভিজনদা হন্দক কোবিদ-১৯গী কেসকী মশিং য়ামখৎলকপা অমসুং মসিগীদমক্তা খুদক্কী ওইবা লৌখৎকদবা পাম্বৈশিং অদুগী মতাংদা খন্ননবগীদমক্তা স্তেত তাস্ক ফোর্সকী ইমর্জেন্সী  মীতিং অমা পাংথোকখি। মীফম অসিদা কেবিনেৎকী মন্ত্রীশিং, চীফ সেক্রেতরী, দি.জি.পি. অমসুং দিপার্তমেন্তকী মকোকশিং শরুক য়াখি। সিক্কিমগী সরকারনা কোবিদ-১৯ লাকশিন্নবা অনৌবা পাম্বৈশিং লাউথোকখ্রে। হায়রিবা চৎনা-কাংলোনশিং অসি খুদক্তগী চৎনবা হৌগনি অমসুং মসি জুলাইগী ৩১ ফাওবা চত্থগনি।
• মহারাস্ত্র: হৌখিবা পুং ২৪দা রাজ্য অসিদা কোবিদ-১৯গী পোজিতিব ওইবা অনৌবা পেসেন্ত ৬,৪৯৭ থেংনখ্রে। রাজ্য অসিগী কোবিদ-১৯গী পেসেন্তকী মশিং হৌজিক ২,৬০,৯২৪ য়ৌরে। ইনফেক্সন অসিনা মরম ওইরগা পেসেন্ত ১৯৩ লৈখিদ্রে, মসিনা রাজ্য অসিদা শিখিবগী মশিং ১০,৪৮২ য়ৌখ্রে। হৌজিক রাজ্য অসিগী অপুনবা এক্তিব পেসেন্তকী মশিং অসি ১,০৫,৬৩৭ নি। কোবিদ-১৯গী কেসশিং হেগৎলকপনা মরম ওইরগা ঙরাং অহিং-নোংয়াইদগী পুনে অমসুং পিমপ্রি-চিঞ্চ্বারগী মফমশিংদা লোকদাউন অমুক হন্না থমজিনখ্রে।
• গুজরাত: গুজরাত্তা হৌখিবা পুং ২৪দা কোবিদকী অনৌবা কেস ৯০২ লৈখ্রে। রাজ্য অসিদা হৌজিক ফাওবদা থেংনখিবা অপুনবা কেসশিংগী মশিং অসি ৪২,৮০৮তা হেনগৎখ্রে। রাজ্য অসিগী অপুনবা এক্তিব কেস ১০,৯৪৫গী মনুংদা পেসন্ত ৭৪ অমদি অরুবা ফিভমদা লৈরি অমসুং মখোয়শিং অদু ভেন্তিলেতর হাপ্তুনা থম্লি। রাজ্য অসিনা হৌজিক ফাওবদা তেস্ত লাখ ৪.৭০ তৌখ্রে।
• রাজস্থান: লৈবাকপোকপগী অয়ুক্তা অনৌবা কেস ৯৮ লৈখ্রে। রাজ্য অসিগী কোবিদ-১৯গী মশিং অসি ২৫,০০০ লান্থোকখ্রে। হোজিক ২৫,০৩৪ সুখ্রে। হোজিক্কী ওইনা এক্তিব কেস ৫,৭৫৯ লৈরি।
• মধ্যা প্রদেশ: নিংথৌকাবা নুমিত্তা অনৌবা পোজিতিব কেস ৫৭৫ অমসুং ১০ অমনা শিখিবগী পাউ লৈখি। রাজ্য অসিগী ওইনা হৌজিক ফাওবদা মসিনা নোংমা খক্তদা খ্বাইদগী হেন্না য়াম্না হেনগৎলকপা ওইরি, মসিনা রাজ্য অসিগী কোবিদ-১৯গী পেসেন্তকী মশিং অদু ১৮,২০৭দা য়ৌহনখ্রে। হৌজিকমক্কী ওইনদি এক্তিব পেসেন্ত ৪,৩৩৬ লৈরি অদুগা হৌজিক ফাওবদা পেসেন্ত  ১৩,২০৮ অমদি লাইনা অসিদগী নাবা ফখ্রে।  গ্বালিয়রনা অনৌবা হোৎস্পোৎ ওইরে মসিদা অনৌবা কেস ১১০ লৈখ্রে, মথংদা ইন্দোর কেস ৯২ অমসুং ভোপালনা ৮৮।
• ছত্তিসগর: হৌজিক ফাওবদা নোংমদা খ্বাইদগী য়াম্না হেনগৎলকপদা, ছত্তিসগরদা নিংথৌকাবা নুমিত্তা অনৌবা কোরোনাগী পোজিতিব ওইবা পেসেন্ত ১৮৪ লৈখি, মসিনা রাজ্য অসিগী পোজিতিব কেস ৪২৬৫ য়ৌহনখ্রে। এক্তিব কেস ১০৪৪ লৈরি। খ্বাইদগী য়াম্বনা রায়পুরদগী কেস ৮৭, মথংদা রাজনন্দগাউন কেস ২৬ অমসুং দুর্গতগি কেস ২৫।
• গোৱা: অনৌবা পোজিতিব কেস ১৩০ লৈখ্রে, মসিনা রাজ্য অসিদা কোবিদ-১৯গী মশিং ২,৫৮৩ য়ৌহনখ্রে। হৌজিকমক্কী ওইনা রাজ্য অসিদা এক্তিব পেসেন্ত ১,০২৬ লৈরি।
• কেরলা: রাজ্য অসিগী অলাপুঝা মেদিকেল কোলেজতা কোবিদ-১৯না মরম ওইরগা মীওই অমগা অমুক লৈখিদ্রে; লৈকিদ্রবা মীশক অদু গুলফতগী হল্লকপা মীওইননি অমসুং মসিনা রাজ্য অসিদা শিখিবগী মশিং ৩৪ সুরে। কোচি অমসুং ত্রিবান্দ্রম অনিমক্তা দোক্তর অনি পোজিতিব ওইখ্রে।মরক অসিদা কোবিদ-১৯গী লাইচৎ অসিগী মনুংদা প্রোতেস্ত তৌবা থিংনবা কেরলা হাইকোর্ত্তআ পেতিশন অমা ফাইল তৌখ্রে। ঙরাং অনৌবা কেস ১৪৪ লৈখ্রে, অসিগী মনুংদা ১৪৪ অমদি কন্তেক্ত কেসশিংনি অমসুং ১৮ অমদি করম্না তৌরকপনৌ হায়বা খঙবা ঙমদ্রি। রাজ্য অসিদা এক্তিব কেস ৪,০২৮ লৈ। ঙরাং মীওই ৭১৩ হোসপিতালদা এদমিৎ তৌখি, মসিনা হৌজিক ফাওবদা খ্বাইদগী হেন্না য়াম্বা ওইরি। 
• তামিল নাদু: পুদুচেরীদা কেস মশিং ১,৫৩১ য়ৌরকপনা মরম ওইরগা মীওই লাখ অমদা সেমপল ৩,০০০ কোবিদ তেস্ত তৌবা হেনগৎনবা থৌরাং তৌরি; য়ু.তি. অসিদা ঙসি কোবিদ-১৯গী অনৌবা কেস ৬৩ ফাওবগী লৈখ্রে। তি.এন. সি.এম., সি.এম.ও.  ওফিসকী এমপলোয়িশিং কোবিদ-১৯গী তেস্ততা নেগেতিব ওইরে; হনদক্তা লেজিসলেতর ১১গী মনুংদা মিনিস্তর অহুম অমসুং সি.এম.ও.দা লৈবা এমপ্লোয়ী খরা পোজিতিব ওইখি। কোএমবাতোরনা ওগস্ত ফাওবদা কেস মশিং ৪,০০০ য়ৌবা য়ানা লৈরি, তৌবতবু জিলা অসিনা লিশিং অমা জুলাই ৯ লান্থোকখ্রে; ঙরাং অনৌবা কেস ৪৩২৮ অমসুং ৬৬ শিখিবগী পাউ লৈখি। অপুনবা কেসশিং: ১,৪২,৭৯৮; এক্তিব কেসশিং। ৪৮,১৯৬; শিকিবশিং: ২০৩২; চেন্নাইদা এক্তিব কেসশিং: ১৬,৬০১।
• কর্নাতকা: বেঙ্গলুরু অরবান অমসুং বেঙ্গলুরু রুরেলদা ঙসি নুমিদাংগী পুং ৮দগী লোকদাউন লৈরগনি। বি.বি.এম.পি.না কোবিদকী পেসেন্তশিং মতেং পাংনবা রিয়েল-তাইম বেদ এভেলেবিলিতী ইনফোর্মেশন সীস্তেম হৌখ্রে। ঙরাং অনৌবা কেস ২৭৩৮ অমসুং ৭৩ শিখিবগী পাউ লৈখি, মসিদা কেস ১৩১৫ অমদি বেঙ্গলোর সিতীদগীনি। অপুনবা পোজিতিব কেসশিং: ৪১,৫১৮; এক্তিব কেসশিং: ২৪,৫৭২; শিখিবশিং: ৭৫৭।
• আন্ধ্র প্রদেশ: রাজ্য অসিনা লৈবাক অসিগী তোঙান-তোঙানবা মফমশিং অমসুং অতোপ্পা লৈবাক্তগী রাজ্য অসিদা লাকপা মীওইশিংগী ক্বারন্তিনগীদমক্তা ওইবা অনৌবা গাইদলাইনশিং থৌকখ্রে, মসিনা হোম ক্বারন্তিন নুমিৎ ১৪নিগীদমক্তা  নীংথিনা ঙাক্না চৎনবা হায়রি। হৌখিবা পুং ২৪দা অনৌবা কেস ১৯১৬, দিসচার্জ তোখিবা ৯৫২ অমসুং ৪৩ শিখিবগী পাউ লৈখ্রে।  অপুনবা কেসশিং: ৩৩,০১৯, এক্তিব কেসশিং: ১৫,১৪৪, দিসচার্জ তোখিবশিং: ১৭,৪৬৭, শখিবশিং: ৪০৮।
• তেলঙ্গানা: তেলঙ্গানা হাই কোর্তনা রাজ্য সরকারদা কোবিদ-১৯গী মাস তেস্তিং তৌদবগীদমক্তা হকচিন্না য়েংশিনখ্রে অমসুং পব্লিক হেল্থ দাইরেক্তর দা. স্রিনিবাসা রাওদা কোর্ত্তা লাকতুনা পাউখুম পীনবা কৌখৎখ্রে। ঙরাং ফাওবদা লৈখিবা অপুনবা কেসশিং। ৩৬,২২১; এক্তিব কেসশিং: ১২,১৭৮, শিখিবশিং: ৩৬৫; দিসচার্জ তৌখিবশিং: ২৩,৬৭৯।

*****