(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কোবিদ-১৯দগী অনাবা লাখ ৫.৩ হেন্না নাবা ফখ্রে; এক্তিব কেস মশীংদগী নাবা ফখ্রবা মশীংনা ২.৪ হেল্লে; হৌখিবা পুং ২৪ অসিদা মীওই ১৯০০০ হেন্না নাবা ফখ্রে
• নাবা ফবগী চাং অসি হৌজিক্কী ওইনা ৬২.৯৩% য়ৌনা ফগৎলে
• এক্তিব কেস মশিং লাখ ২.৯
• মিলিয়ন অমদা তেস্ত তৌবা মশিং ৮৩৯৬.৪ য়ৌরে; হৌজিক ফাওবদা সেম্পল করোর ১.১৬কী ময়া তেস্ত তৌখ্রে
• শেল-থুমগী মন্ত্রী শ্রীমতী নির্মলা সিতারমননা মহাক্কী মন্ত্রালয়গা মরী লৈননা ইমপ্লিমেন্ত তৌখিবা আত্মা নির্ভর ভারত পেকেজ য়েংশিনখ্রে- ই.সি.এল.জি.এস. ফন্দগী মখাদা এম.এস.এম.ই.শিং য়াওনা বিজিনেসকীদমক লুপা করোর লাখ ১.২ হেনবগী লোন সেঙ্কসন তৌখ্রে

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯দা অপদেৎ: কোবিদ-১৯দগী অনাবা লাখ ৫.৩ হেন্না নাবা ফখ্রে; এক্তিব কেস ২.৯; এক্তিব কেস মশীংদগী নাবা ফখ্রবা মশীংনা ২.৪ হেল্লে; হৌখিবা পুং ২৪ অসিদা মীওই ১৯০০০ হেন্না নাবা ফখ্রে; মিলিয়ন অমদা তেস্ত তৌবা মশিং ৮৩৯৬.৪ য়ৌরে

হৌখিবা পুং ২৪ অসিদা, অপুনবা মীওই ১৯,২৩৫ কোবিদ-১৯দগী নাবা ফখি। মসিনা কোবিদ-১৯ নাবা ফরবশিংগী অপুনবা মশীং অসি ঙসি ফাওবদা ৫,৩৪,৬২০ য়ৌখ্রে। হৌজিক লৈরিবা নাবা ফবগী চাং অসি ৬২.৯৩% য়ৌনা ফগৎলে। অপুনবা ওইনা মাইকৈ খুদিংদগী হোৎনবনা মী কয়া নাবা ফগৎলকপদগী, নাবা ফরবা মশীংনা এক্তিব কেস মশীংদগী ২,৪২,৩৬২ হেনখ্রে। হৌজিক লৈরিবা এক্তিব কেস মশীং ২,৯২,২৫৮দা নিংথীনা লাইয়েং চত্থরি। হৌখিবা পুং ২৪ অসিদা সেম্পল ২,৮০,১৫১ তেস্ত তৌখ্রে। হৌজিক ফাওবদা অপুনবা ওইনা তেস্ত তৌখ্রবা সেম্পল মশীং অসি ১,১৫,৮৭,১৫৩ শুখ্রে। মসিগী হোৎনজমলনা ভারতকী ওইনা মিল্লিয়ন অমদা তেস্ত তৌবগী মশীং অসি ৮৩৯৬.৪ য়ৌরে। তেস্ত তৌবগী মশীং কা হেন্না হেনগৎলক্লিবসিগী মরুওইবা মরমদি লৈবাক শীনবা থুংনা লৈরিবা দাইগ্নোস্তিক লেবকী নেৎৱার্ক পাক শন্না য়ামখৎলকপননি, হায়রিবসি হৌজিক ফাওবদা সরকারগী লেব ৮৫০ অমসুং প্রাইবেৎ লেব ৩৪৪  (পুন্না ওইনা ১১৯৪) লৈরে।

দা. হর্শ বর্ধন্না দিল্লীগী ছত্তারপুরগী সরদার পতেল কোবিদ ক্যের সেন্তর অমসুং হোস্পিতালদা চৎখ্রে

কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী, দা. হর্শ ভর্ধাননা ন্যু দিল্লীগী ছত্তর্পুরগী সর্দর পতেল কোবিদ ক্যের সেন্তরদা (এস.পি.সি.সি.সি.) ঙসি চত্তুনা সেন্তর অসিগী কোবিদ-১৯ লাকশিনবগী ফীভম অদু য়েংশিনখ্রে। ফমুং ১০,২০০ লৈবা “সর্দর পতেল কোবিদ ক্যের সেন্তর” অসি দিল্লীগী ছত্তর্পুরগী রাধা স্বামি সতসঙ বীস (আর.এস.এস.বি.)দা কেন্দ্র অমসুং দিল্লী সরকারনা পুন্না চুংশিন্নদুনা লাকশিন্নবা খোংথাং কনখৎনবগী শরুক অমা ওইনা শেমগৎখি। কেন্দ্রগী হকশেলগী মন্ত্রীদা ফেসিলিতী অসিগী মতাংদা পাউদমখিবদা, এস.পি.সি.সি.সি.দা লৈরিবা ফমুং ১০২০০গী মনুংদা হৌজিক্কী ওইনা ২০০০ শীজিন্নরি হায়না মঙোন্দা পাউদমখি। মসিদা এনক্লোজর ৮৮ লৈবদা অমদা ফমুং ১০০-১১৬ থারি লোয়ননা নর্সিং স্তেসন অমনা এনক্লোজর অনি য়েংশিল্লি। ঙসি ফাওবদা, এস.পি.সি.সি.সি.দা এনক্লোজর ২০ অমসুং নর্সিং স্তেসন ১০ শেম্বা লোইদুনা লৈরে। মসিগী ফমুং ১০%না ওক্সিজেন য়াওবা দেদিকেতেদ কোবিদ হেল্থ সেন্তর (দি.সি.ঐচ.সি.) ওইরি। ঙসি ফাওবদা অনাবা মীওই ১২৩ এদমিদ তৌরকপগী মনুংদা ৫না কো-মোর্বিদিতীশিং লৈবা ওইবনা অহেনবা মীৎয়েং চংনবা হোস্পিতালশিংসা হোংদোকখ্রে।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638162

আত্ম নির্ভর ভারত পেকেজ – হৌজিক ফাওবদা খুমাং চাউশিনবা

প্রধান মন্ত্রীনা মে ১২দা ভারত্তা কোভিদ-১৯ লাইচৎ মায়োক্ননবা- ভারতকী জি.দি.পি.গী ১০%গা মান্নবা –লুপা কোতি লাখ ২০গী অখন্নবা শেল-থুমগী অমসুং অপুনবা পেকেজ অমা লাওথোকখি। মহাক্না আত্মা নির্ভর নত্রগা মীপাল তাংদবা ভারতকী খোংজং অমা হৌদোকখি। ইকাই খুম্নরবা প্রাইম মিনিস্তরদগী খোংথাং অসি তুং ইল্লদুনা ফাইনান্স অমসুং কোর্পরেৎ এফিয়র্সকী মন্ত্রী শ্রীমতী নির্মলা সিতারমন্না ২০২০গী মে ১৩দগী মে ১৭ ফাওবা মথং-মথং পাংথোকখিবা পাউগী মীফমশিংদা আত্মা নির্ভর ভারতকী অকুপ্পা ৱারোল অদু ফোঙদোকখি। ফাইনান্স অমসুং কোর্পরেৎ এফিয়র্সকী মন্ত্রালয়শিংনা আত্মা নির্ভর ভারতকা অভিয়ানগী মখাদা লৈবা ইকনোমিক পেকেজকা মরি লৈনবা লাউথোকখিবশিং খুদক্তা ইমপ্লিমেন্ত তৌবা হৌখি। ইকনোমিক পেকেজ ইমপ্লিমেন্তেসনগী চাং নায়না য়েংশিনবা অমসুং মোনিতর তৌবা অসি শেল-থুম মন্ত্রীনা হকথেংননা পাংথোকখি। শ্রীমতী নির্মলা সিতারমন্না খ্বাইদগী নৌনা য়েংশিনখিবদা মখাগী খুমাং চাওশিনবা অসি হৌজিক ফাওবদা রিপোর্ত তৌখি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638112

উপ-রাস্ত্রপতিনা মীয়ামদা কোরোনাগী মতমসিদা পুন্সিগী অচুম্বা পরা তম্লদুনা মখোয়গী পুন্সিবু অমুক হঙ্গৎনা য়েংনবা হায়খ্রে

কোবিদ-১৯ লাইচৎকী মরম অমদি ওইহল্লকপা ফীভমদা মীয়ামগা পুন্না শরুক য়ামিন্ননবা ৱাফম থম্লদুনা, শ্রী নাইদুনা ঙসি ফেসবুক্তা “ম্যুসিংস ওফ লাইফ ইন কোরোনা তাইম্স” থাগৎলকখি‍। ৱারী-ৱাতায় শান্নবগী মওংদা ইরদুনা, মদুগী পাউখুম্না ফাজিন-পুনশিন্দুনা লৈরুরবা হৌখিবা থা মরিসিদা পুন্সিনা পুরকপা অহোংবশিং অমদি তমখিবা পরাশিং অমুক য়েংশিনবদা মতেং ওইগদবা, মহাক্না ৱাহং ১০ হংখি‍। শ্রী নাইদুনা হায়খি, মসিগী পোইন্ত ১০গী মেত্রিক্স অসিনা মীয়াম অসি তুংদা অসিগুম্বা খুদোংথিবা ফীভম লাকপা মতমদা থিংহৌনবা মখৌ তাবা ৱাখল্লোন লৈরবরা হায়বদু খঙদোকপদা মতেং ওইগনি‍।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638108

এফ.আই.সি.সি.আই. ফ্রেমস লোইশিনবা থৌরমদা পিয়ুস গোয়লনা ৱা ঙাংখ্রে

মিনিস্তরনা হায়খি ভারতকী এদভর্তাইজমেন্তগী মীওইশিং অসি য়াম্না হৈথোই-শিংথোই অমসুং মখোয় অয়াম্বা মালেমগী ব্রান্দশিং লুচিংলি । কন্তেন্তশিং শেম্বদা ভারতনা মালেমগী মাংজিল থাগদবনি । লৈবাক খরনা ভারতকী ফিল্ম ইন্দস্ত্রিদা অথিংবা থম্লিবা অমসুং অপনবা পীরিবা অসি চৎনবা য়ারোই অমসুং করিগুম্বা ৱাফম অসি সরকারদা খঙহল্লবদি ভারতনা চপ মান্নবা পাউখুম পীগনি । লৈবাক অসিদা ফিল্ম নম্বা য়ানবা অয়াবা পীনবা সিঙ্গল-ৱিন্দো ক্লিয়ারেন্স, থবকশিং লাইহনবা, ওনলাইন ক্লিয়ারেন্স, ই-গভরনান্সকী মতাংদা ইন্দস্ত্রিনা তকশিল্লিবা অসি মরম য়াম্না চাবনা ঙন্না খন্নবা দরকার ওই । কোবিদ থেংননবা ভারতকী সেনিমানা লৌরিবা থৌদাংশিং অমসুং হকশেলগী চেকশিন-থৌরাংশিং লৌখৎনবা ৱাখল তাহন্নবা লৌরিবা মরুওইবা থৌদাং অসিগীদমক মিনিস্তরনা থাগৎখি । লৈবাক অসিগী মীয়াম্না ইরাই লাইনা খঙগদবা খুন্নাইগা মরী লৈনবা থিমশিং পুৎলকপগীদমক মহাক্না ইন্দস্ত্রি অসি থাগৎখি । মিনিস্তরনা হায়খি ফিল্ম ইন্দস্ত্রি অসি ভারতকী ঙাংবা-শকপা হৈবগী খুদম অমা ওইনা ভারতকী নহারোলশিংগী অনিংবশিং মমি তারি ।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638044

দা. হর্শ বর্ধন্না ফেমিলী প্লান্নিং তৌবসি হ্যুমেন রাইৎসকী হীরম অমনি হায়না মালেমগী পোপুলেসন নুমিত্তা হায়খ্রে

কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী দাঃ হর্শ বর্ধন্না ঙসি মালেমগী পোপুলেসন নুমিৎকী থৌরমগা মরী লৈননা ঙরাং পাংথোকপা ভর্চুএলগী মীফম অমা মকোক থোংদুনা ফমখ্রে। দা. হর্শ বর্ধন্না মীয়াম্বু তরাম্না ওক্লদুনা হায়খি, “ মালেমগী পোপুলেসনগী নুমিৎ অসি পালন তৌবা অসি য়াম্না মরু ওই মরমদি মসিনা মীশিং হেনগৎলক্লিবা অসিবু থিংনবা হোৎনবগী মরু ওইবশিংদা মিৎয়েং চংহল্লি অমসুং মসিনা তুংদা লাক্কদৌরিবা মতমদা মীওইশিং অমসুং মখোয়গী হকশেলদা য়াম্না মরু ওইবা থৌদাং অমসু লৌগনি”। মহাক্না মখা তানা হায়খিবদা হৌজিক ওইরিবা কোবিদ-১৯গী লায়চৎ অসিনা মরম ওইদুনা অঙাং উন্নবগী তোখায়বা হেলথ সর্বিস অমা পীবগী মরু ওইবা অমা লৈরক্লিবা অসি খংলুবদা হেন্না লুনা খনফম থোকই হায়খি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638029

শ্রী ধর্মেন্দ্র প্রধাননা মালেম শিনবা থুংনা লৈরিবা ভারতকী মহৈরোয়শিংদা ভারত্তা লাক্তুনা অনৌবা ৱাখল্লোনশিং পুথোক্নবা অপিল তৌরি

পেত্রোলিয়ম অমসুং নেচরেল গ্যেস অমদি স্তীল মন্ত্রী শ্রী ধর্মেন্দ্র প্রধাননা মালেমগী মকোক থোংবা য়ুনিভর্সিতীশিংদা তম্লিবা ভারতকী মহৈরোয়শিংদা ভারত্তা লাক্তুনা মফমসিদা নৌনা ময়োল চোংখৎলক্লিবা খুদোংচাবশিংগী লমদা অনৌবা ৱাখল্লোনশিং পুথোক্লনবা অপিল তৌখ্রে‍। মহাক্না ঙরাং ভারত্তা লাস্ত-মাইল ইনর্জী এক্সেস হায়বা হীরমদা নহা ওইরিবা মপানদা লৈরিবা ভারতকী স্কোলারশিং, মহৈরোয়শিং অমদি মরূপশিংগী ইচঙ থৌরবা কাঙলুপ অমগা ৱারী ৱাতায় শান্নখি‍। হৌজিক লৈরিবা লাইচৎ অসিগী মতাংদা, শ্রী প্রধাননা হায়খি, “ঐখোয় ঐখোয়গী পুন্সিগী মরমদা হান্না লৈরমবা ৱাখল্লোনদা শীংনরিবা কোবিদ-১৯ লাইচৎ শন্দোরকপগী তানফম অমগী মনুংদা লৈরি‍। খুদক্কী ওইবা শেন্মিৎলোনদা পীরিবা চৈথেং অসিনা ঐখোয়গী খোঙজেল খরা তপথহল্লবসু, ঐখোয়দা ঙাইহাক লেপ্তুনা অমুক হন্না খন্থনবা অমদি অমুক হন্না মওং মতৌ শেমদোক্নবা তাঞ্জা অমা পীররি‍।”

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638110

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাবকী মুখ্য মন্ত্রীনা প্রধান মন্ত্রীদা চিথী ইদুনা রাজ্যদা কোবিদ কেস লেপতনা হেঙ্গৎলক্লিবা অসি য়েংদুনা য়ুনিবর্সিতী/কোলেজ পরিখাশিং কেন্সেল তৌনবা রাজ্যনা জুলাই ৩দা লৌখিবা ৱারেপ অদু অয়াবা পীবীনবা হায়জখ্রে।
• হিমাচল প্রদেশ: হিমাচল প্রদেশতা লমকোইবশিং চংবা য়াবগী অয়াবা পীখ্রবা মতুং তুরিজম অমসুং সিভিল এভি্য়েসন বিভাগনা রাজ্যদা তুরিজম য়ুনিৎশিং হাংদোক্নবগীদমক স্তেন্দর্দ ওপরেতিং প্রোসেদ্যুর ইসু তৌখ্রে।
• কেরলা: ঙসি অয়ুক ইর্নাকুলমদা লৈবা প্রাইভেৎ হোস্পিতাল অমদা কোবিদ-১৯ নারবী ইদুক্কীদগী নুপী অমা লৈখিদ্রে। হকশেল বিভাগনা এন্তিজেন তেস্তকী মায়োক্তা তোকঙা শন্দোরক্লিবা অদু থাজদবা প্রজাশিংদা তকশিনখ্রে। ঙরাং রাজ্যদা অনৌবা কোবিদ-১৯ কেস ৪৮৮ কনফার্ম তৌখি।  মদুগী মনুংদা ২৩৪দি কন্তেক্তকী থোংদা ওইরকপনি।  হৌজিক্কী ওইনা অনাবা ৩৪৪২ লাইয়েং চত্থরি অমদি মীওই লাখ ১.৮২ তোঙান তোঙানবা জিলাশিংদা সর্ভিলেন্সকী মখাদা থম্লি।
• তমিল নাদু: পোদুচেরীনা অনৌবা কেস ৮১ রিপোর্ত তৌরক্তুনা অপুনবা মশিং ১৪১৮ য়ৌরে; হৌজিক্কী ওইনা মীওই ৬৬১ লাইয়েং চত্থরি।  তমিলনাদু সরকারনা রাজ্য পুম্বদা লৈরিবা মহৈরোইশিংদা তেক্সবুক য়েন্থোকপগী এস.ও.পি. ইসু  তৌখ্রে।  ঙরাং অনৌবা কেস ৩৯৬৫ অমসুং ৬৯ শিখিবগী রিপোর্ত তৌরকখি।  অপুনবা কেস ১৩৪২২৬, এক্তিব কেস ৪৬৪১০, শিখিবা ১৮৯৮, চেন্নাইদা  এক্তিব কেস ১৭,৯৮৯
• কর্নাতকা: ঙসি রাজ্য পুম্বদা সন্দে লোকদাউন থমখ্রে।  রাজ্য সরকারনা জুলাই ১৪দগী জুলাই ২২ ফাওবা বেঙ্গলোর অর্বান অমসুং বেঙ্গলোর রুরেল দিস্ত্রিক্তশিংদা লোকদাউন থম্নবা ৱারেপ লৌরে।  ঙরাং অনৌবা কেস ২৭৯৮ অমসুং ৭০ শিখিবগী রিপোর্ত তৌরকখি; বেঙ্গলোর সিতীদা কেস ১৫৩৩, অপুনবা কেস ৩৬২১৬, এক্তিব কেস ২০৮৮৩, শিখিবা ৬১৩  
• আন্ধ্র প্রদেশ: অলিপিরিদা ১৭০৪ অমসুং তিরুমলাদা ১৮৬৫ তেস্ত তৌবগী মনুংদা তি.তি.দি. পর্সনেল ৯১ কোবিদ-১৯ পোজিতিব ওইরে। রাজ্যনা মফম ৯৭পু রেদ জোন ওইনা মশক খংদোক্লে। হৌখিবা পুং ২৪দা সেম্পল ১৭৬২৪ তেস্ত তৌরবা মতুংদা অনৌবা কেস ১৯৩৩ ফংখ্রে, ৮৪৬ দিসচার্জ তৌখ্রে অমদি ১৯ শিখিবগী রিপোর্ত তৌরকখ্রে।  অপুনবা কেস ২৯১৬৮, এক্তিব কেস ১৩৪২৮, শিখিবা ৩২৮, দিসচার্জ ১৫৪১২
• তেলঙ্গনা: য়ুনিয়ন মিনিস্তর জি. কিশন রেদ্দীনা নোংমাইজিং নুমীত্তা দিজিগনেতেদ কেবিদ-১৯ গান্ধী হোস্পিতালদা চৎখ্রে অমদি ফীভম য়েংশিনখ্রে।  ঙরাং ফাওবদা রিপোর্ত তৌরকখিবা অপুনবা কেস: ৩৩,৪০২; এক্তিব কেস: ১২,১৩৫; শিখিবা: ৩৪৮; দিসচার্জ: ২০,৯১৯
• অরুনাচল প্রদেশ: অরুনাচল প্রদেশতা জুলাই ২০ ফাওবা ইতানগর কেপিতেল কমপ্লেক্স লোকদাউন থম্বগী অকুপ্পা গাইদলাইন।  শকখংলবা  ইসেন্সিয়েল সর্বিসশিং নত্তনা গারী অমদি কমর্সিয়েল ইস্তাব্লিসমেন্ত পুম্নমক অথিবা থম্লি।  
• অসম: জি.এম.সি.ঐচ. কোবিদ আই.সি.য়ু.দা এদম্ত তৌবা কোবিদ-১৯ পেসেন্ত ৩ মখোয়গী ইনফেক্সন্না মরম ওইদুনা লৈখিদ্রে।
• মনিপুর: মনিপুরগী থৌবালদা ফমুং ১০০ লৈবা কোবিদ কেয়র সেন্তর শঙ্গাখ্রে।  সেন্তর অসিনা জিলা অসিদা কোবিদ কেয়রগী মথৌতাবশিং খুদক্তগী ফংহল্লগনি।
• মেঘালয়: মেঘালয়দা, বি.এস.এফ.তগী ১৭৮ য়াওনা কোবিদ-১৯ এক্তিব কেস মশিং পুন্না ২৪৮ য়ৌরে, অমদি হৌজিক ফাওবদা ৪৫ রিকোবর তৌখ্রে।
• মিজোরম: মিজোরমগী রাজ্যপালনা সি.এম. রিলিফ ফন্দদা লুপা ১,০৫,০০০ (মহাক্কী ২০২০গী জুনগী তলবকী চাদা ৩০) দোনেৎ তৌখ্রে।
• মহারাস্ত্র: হৌখিবা নুমিৎ ২৫দগী, মহারাস্ত্রত্রদা কোবিদ-১৯না মরম ওইদুনা মশিং  হেঙ্গৎলকখিবা অসি  নুমিৎ মঙা খুদিংগী শিবগী মশিং ১০০০দা হেঙ্গৎলক্লি।  হৌখিবা পুং ২৪দা অনৌবা কেস ৮১৩৯ রিপোর্ত তৌখিবগা লোয়ননা রাজ্য অসিগী মশিং ২৪৬৬০০ য়ৌরে।  এক্তিব কেস মশিং অসি ৯১,৪৫৭নি।
• গুজরাত: রাজ্য অসিনা থাংজগী নুমিদাংৱাইরমদা কোবিদ-১৯ এক্তিব কেস ১০,৩০৮ য়ৌদুনা এক্তিব কেস ১০.০০০ য়ৌখ্রে।  অনৌবা কেস ৮৭২ হাপচিন্দুনা অপুন্বা মশিং ৪১,০২৭ রিপোর্ত তৌরকখ্রে।
• রাজস্থান: ঙসি রাজস্থান্দা কোবিদ কেস ১৫৩ রিপোর্ত তৌরকখি। রাজ্য অসিদা হৌজিক অপুনবা  কেস ২৩,৯০১ য়ৌরে, এক্তিব কেস ৫,৪৯২ অমদি শিখিবা ৫০৭।
• মধ্য প্রদেশ: থাংজ নুমিত্তা মধ্য প্রদেশতা খ্বাইদগী ৱাংবা ওইনা নোংমদা অনৌবা কোবিদ-১৯ কেস ৫৪৪ রিপোর্ত তৌরকখি।  মসিগা লোয়ননা রাজ্যদা অপুনবা মশিং ১৭,০০০ য়ৌখ্রে। হৌজিক অপুনবা কেস মমশিং ১৭,২০১নি। এক্তিব কেস মশিং ৩৮৭৮নি। হৌজিক ফাওবদা নাবা ফক্রবা মশিং ১২৩,৬৭৯নি।
• ছতিসগর: অনৌবা পোজিতিব কেস ৬৫ মশক খংদোক্লে, মদুনা রাজ্যগী কোবিদ-১৯গী মশিং ৩,৮৯৭ শুরে। এক্তিব কেস মশিং ৮১০নি।
• গোৱা: অনৌবা মীওই ১১৭ কোবিদ-১৯ পোজিতিব ওইদুনা কোরোনা ভাইরসনা শোকহল্লবা মশিং পুন্না ২,৩৬৮ শুরে। রাজ্য অসিদা শিখিবা মশিং ১২ শুরে অম দি এক্তিব কেসনা ৯২৮ ওইরে।

*****