(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• নাবা ফবগী চাং ৬২.৪২% য়ৌনা হাইগৎলে; লৈবাক্কী চাংচত্তগী হেন্না রাজ্য/য়ু.তি. ১৮না নাবা ফবগী চাং ৱাংলি;
• মী শিবগী চাং ২.৭২%দা হন্থরে, হৌজিক লৈবাক অসিগী মী শিবগী চাংদগী হেন্না নেম্বা রাজ্য/য়ু.তি. ৩০ লৈরে।
• এক্তিব কেস ২,৭৬,৮৮২ লৈরি
• প্রধান মন্ত্রীনা হায়খ্রে মদুদি সরকার নত্ত্রগা সোসিতী খুদিংমক্না অসিগুম্বা খুদোংথীবা মতমদা পুম্নমক্কীদমক মিনুংশিগা লোইননা চেকশিন্না হোৎনদুনা খ্বাইদগী চাউবা মোতিবেতর ওইরি
• কোবিদ-১৯ মনুংদা আয়ুশ্মান ভারত- হেল্থ এন্দ ৱেলনেস সেন্তরশিং (এ.বি.-ঐচ.দবল্যু.সি.শিং) লিশিং ৪১ হেনবনা য়ুনিবর্সেল অমসুং কমপ্রিহেন্সিব প্রাইমরী হেল্থ কেয়র ফংহনখি

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ নাবা ফবগী চাং ৬২.৪২% য়ৌনা হাইগৎলে; লৈবাক্কী চাংচত্তগী হেন্না রাজ্য/য়ু.তি. ১৮না নাবা ফবগী চাং ৱাংলি; মী শিবগী চাং ২.৭২%দা হন্থরে

কোবিদ-১৯দগী ফরবা মশীং খুমাং চাউশিন্না হেনগৎলক্লি। হৌখিবা পুং ২৪ অসিদা কোবিদ-১৯না নারবা মীওই ১৯,১৩৮ ফখ্রে, মসিনা কোবিদ-১৯ অনাবশিংগী মরক্তগী অপুনবা ওইনা নাবা ফরবা মীওই মশীং ঙসিগা থানা ৪,৯৫,৫১৫ শুখ্রে। মসিনা মরম ওইরগা, লৈবাক অসিগী ওইনা নাবা ফবগী চাংদসু ০.৩৩% হেনগত্তুনা ঙসি ফাওবদা ৬২.৪২% শুখ্রে। এক্তিব কেস ২,৭৬,৮৮২ লৈরি অমসুং মখোয় পুম্নমক চেকশিন্না লাইয়েংলি। ঙসি ফাওবদা ঐখোয়না কোবিদ খক্তগী ওইবা হোস্পিতাল ১২১৬, কোবিদ হেলথ কেয়র সেন্তর ২৭০৩ অমসুং কোবিদ কেয়র সেন্তর ৯৯০৯দা আইসোলেসন বেদ, ওক্সিজেন সপোর্ত অমসুং আই.সি.য়ু. ফেসিলিতীগা লোইননা লৈরে। লৈবাক অসিগী ওইবা নাবা ফবগী চাংদগী হেন্না ৱাংবা রাজ্য/য়ু.তি. ১৮সু লৈরি। ভারতকী থাক্তা, মী শিবগী চাং অসি ২.২৭%দা লৈরি। হায়রিবসি মালেমগী লৈবাক কয়াদা লৈরিবা শিবগী চাংদগী হেন্না নেম্লি। হৌজিক লৈবাক অসিগী মী শিবগী চাংদগী হেন্না নেম্বা রাজ্য/য়ু.তি. ৩০ লৈরে। লৈবাক শীনবা থুংনা তেস্ত, ত্রেক অমসুং ত্রিএৎ তৌনবগী খোংথাং লৌখৎখিবনা কোবিদ-১৯ খঙদোক্নবা তেস্ত তৌখ্রবা সেম্পল মশীং হৌজিক ফাওবদা ১,১০,২৪,৪৯১ শুরে। নোংমদা সেম্পল তেস্ত তৌবগী চাংসু ৱাংখৎলক্তুনা হৌখিবা পুং ২৪ অসিদা সেম্পল ২,৮৩,৬৫৯ তেস্ত তৌখ্রে। লৈবাক অসিদা লৈরিবা তেস্ত তৌনবা লেবসু সরকারগী লেব ৮৩৫ অমসুং প্রাইবেৎ লেব ৩৩৪ শুরবগা লোইননা লৈবাক অসিদা অপুনবা ওইনা ১১৬৯ শুদুনা মপাঙ্গল কনখৎলক্লি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637718

কোবিদ-১৯ মনুংদা আয়ুশ্মান ভারত- হেল্থ এন্দ ৱেলনেস সেন্তরশিং (এ.বি.-ঐচ.দবল্যু.সি.শিং) লিশিং ৪১ হেনবনা য়ুনিবর্সেল অমসুং কমপ্রিহেন্সিব প্রাইমরী হেল্থ কেয়র ফংহনখি

আয়ুশ্মান ভারতকী মরু ওইবা শরুক ওইরিবা হেল্থ এন্দ ৱেলনেস সেন্তরশিং (ঐচ.দবল্যু.সি.শিং)না সব হেল্থ সেন্তর অমসুং প্রাইমরী হেল্থ সেন্তর ১,৫০,০০০ ঐচ.দবল্যু.সি. দা ২০২২ ফাওবদা ওন্থোক্তুনা য়ুনিভর্সেল অমসুং কমপ্রিহেন্সিব প্রাইমরী হেল্থ ক্যের ফংহনবা পান্দম থম্লি। কোবিদ-১৯গী মায়োক্তা লান্থেংনবা অসিদা এ.বি.-ঐচ.দবল্যু.সি.শিংনা থোইদোক হেন্দোকপা থবক তৌখিবগী মশিং য়াম্লবা খুদমশিং লৈ।মখোয়না শেবা তৌরিবা মীয়ামগী থবক তৌখিবগী শাখি ওইনা চহি অসিগী ফেব্রুৱারী ১দগী হৌনা থা মঙা অসিদা ঐচ.দবল্যু.সি.শিংনা মতেং পাংখিবা মীশিং কোতি ৮.৮ রেকোর্দ তৌখি।  মসিগী মথক্তা হৌখিবা থা মঙাদা, ঐচ.দবল্যু.সি.শিংদা হাইপর্তেন্সনগী মীওই কোতি ১.৪১, দাইবেতিসকী কোতি ১.১৩ অমসুং ওরেল, ব্রেস্ত নত্রগা সর্ভিকেল কেন্সরগী কোতি ১.৩৪ স্ক্রীন তৌখি। কোইদ-১৯না পীবা খুদোংচাদবশিং লৈরবসু জুন থা অসি খক্তগী মনুংদা ঐচ.দবল্যু.সি.শিংনা হাইপর্তেন্সন নাবা মীওই লাখ ৫.৬২অমসুং দাইবেতিস নাবা মীওই লাখ ৩.৭৭গী হীদাক পীখি। কোবিদ-১৯ লায়চৎ হৌরকপা অসিগী মনুংদা ঐচ.দবল্যু.সি.শিংদা য়োগ অমসুং হকশেলগী সেসন য়াম্লবদা লাখ ৬.৫৪সু পাঙথোকখি। জনুৱারীদগী জুন ২০২০ ফাওনগী মরক্তা অহেনবা ঐচ.দবল্যু.সি. ১২,৪২৫ মখৌ তৌহন্দুনা ঐচ.দবল্যু.সি.শিংগী মশিং ২৯,৩৬৫তগী ৪১,৭৯০দা হেনগৎহনখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637694

প্রধান মন্ত্রী শ্রী নরেন্দ্রা মোদীনা রেৱা অলত্রা মেগা সোলর পাৱর জাতিদা কত্থোকখ্রে

ঙসি ভিদিও কনফরেন্সিংগী থোংদা প্রধান মন্ত্রী শ্রী নরেন্দ্রা মোদীনা রেৱা অলত্রা মেগা সোলর পাৱর জতিদা কত্থোকখ্রে। মসি এসিয়াগী খ্বাইদগী চাওবা পাৱর প্রোজেক্ত ওইরি। থৌরম অসিদা ৱা ঙাংলদুনা প্রধান মন্ত্রীনা হায় রেৱা প্রোজেক্ত অসিনা লমদম পুম্বা অসিবু দিকেদ অসিগী অশেংবা অমসুং অফবা ইনর্জীগী অচৌবা হব অমা ওইহল্লগনি। মসিগীদমক হোৎনবা অসি প্রধান মন্ত্রীনা থাগৎপা ফোঙদোকখি অমসুং মসিনা দিল্লী মেত্রো লোয়ননা রেৱাগী অকোয়বদা লৈরিবা লমদম পুম্নমক্তা পাৱর সপ্লাইসু তৌবা ঙম্লগনি। মহাক্না হায় সরকারগী প্রোগ্রাম পুম্নমক্তা মহৌশা ঙাকশেনবগা লোয়ননা পুন্সি মহিং ফগৎহনবনা মরু ওইনা লৌরি। স্বাচ ভারত, লাইরবা ইমুংশিংদা চাকথোং গ্যাসশিং ফংহনবা, লায়না হিংনবা অমদি পুন্সি মহিং ফগৎনবদা মীৎয়েং থম্বা সি.এন.জি. নেৎৱার্কশিং চাওখৎহনবা অসিগুম্বা প্রোগ্রামশিং অসি মহাক্না পনখি। মহাক্না হায় লোকদাউন হেক হৌবদগী সরকার অসিনা লৈত-লাইরশিংদা চীঞ্জাক অমসুং থোং থাক্নবা পোৎলমশিং ফংহন্নবা হোৎনরি। মহাক্না হায় চপ মান্নবা থৌনা অসিগা লোয়ননা অনলোকদাউন ফেজ মনুং ফাওবা য়াওনা চহি অসিগী নোভেম্বর ফাওবদা চীঞ্জাক অমসুং এল.পি.জি. লেম্না পীবা অসি মখা চত্থনবা ৱারেপ লৌখ্রে।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637693

ইন্দিয়া গ্লোবেল ৱীক ২০২০ হৌদোকপগী থৌরমদা পীখিবা পি.এম.গী ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637540

স্কিল দিবেলপমেন্ত অমসুং ইন্তরপ্রিনরশিপ মন্ত্রালয়না সেক্তর খুদিংগী হৈ-শিংলবা থৌমীশিংগী দিমান্দ-সপ্লাইগী অহাংববু শম্নহন্নবা এ.আই.দা য়ুম্ফম ওইবা অসীম দিজিতেল প্লেৎফোর্ম লোঞ্চ তৌখ্রে

মহৈ-মশিং লৈবা থৌমীশিংগী মার্কেত্তা ইনফোর্মেসন ফ্লো অমসুং দিমান্দ-সপ্লাইগী অহাংবা লৈরিবা অসিবু শম্নহনবদা তেংবাংনবা হায়দুনা স্কিল দিবেলপমেন্ত এন্দ ইন্তরপ্রিনরশিপ মন্ত্রালয় (এম.এস.দি.ই.)না ঙসি ‘আত্মানির্ভর স্কিল্দ ইমপ্লোয়ী ইমপ্লোয়র মেপ্পিং (অসীম) কৌবা পোর্তেল অমা মহৈ-মশিং হৈবা মীওইশিংবু চান্নবা পুন্সি মহিং তানবগী খুদোংচাবা পীনবা হৌদোকখ্রে। কারবারগী চাংদম্নবা অমসুং শেন্মিৎলোনগী শাহৌ লৌবদা তেংবাংগদবা মহৈ-মশিং হৈবা থৌমী লৌবতা নত্তনা মসিগী আর্তিফিএল ইন্তেল্লিজেন্সতা য়ুম্ফম ওইবা প্লেৎফোর্ম অসিনা মখোয়বু খুৎশমদুনা পুবিদুনা কোবিদ ইরাং অসিগী মতুংদা লাক্কদৌরিবা চান্নবা থবক ফংহন্দুনা মখোয়গী কেরিয়রবু পাঙ্গল হাপ্পদা তেংবাংগনি। স্কিল দিবেলপমেন্ত অমসুং ইন্তরপ্রিনরশিপকী মন্ত্রী দাঃ মহেন্দ্র নাথ পান্দেনা অসীম পোর্তেল লোঞ্চ তৌরদুনা হায়খি, “প্রধান মন্ত্রী শ্রী নরেন্দ্র মোদীগী ‘আত্মানির্ভর ভারত’কী মংলান অমসুং ইন্দিয়া গ্লোবেল ৱীক ২০২০ সম্মিত্তা ‘ভারত অসি হৈথোয় শিংথোয়বা ময়ামগী লৈফম্নি’ হায়খিবা অদুদা অসীম পোর্তেল অসিনা সেক্তরশিংদা লৈরিবা দিমান্দ-সপ্লাইগী অহাংবা মেনশিন্দুনা লৈবাকসিগী নহাশিংদা খুদোংচাবা কয়া অমা পীগনি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637755

ঙাকশেল মন্ত্রী শ্রী রাজনাথ সিংহনা কোরিয়াগী ঙাকশেল মন্ত্রীগা লোয়ননা তেলিফোন্দা ৱারী শাখ্রে

ঙাকশেল মন্ত্রী শ্রী রাজনাথ সিংহনা রিপব্লিক ওফ কোরিয়াগী (আর.ও.কে.) ঙাকশেল মন্ত্রী মিস্তর জিওং কিয়োং-দুগা লোয়ননা তেলিফোনগী থোংদা ঙসি ৱারী শাখ্রে। কোবিদ-১৯গী লায়চৎনা ওইহল্লিবা ফীভমগা মরী লৈনবা সমস্যাশিংদা ঙাকশেল মন্ত্রী অনিনা খন্ন-নৈনখি। শ্রী রাসনাথ সিংহনা মিস্তর জিওং কিয়োং-দুদা ভারতনা মালেমগী থাক্তা কোবিদ-১৯গী মায়োক্তা লান্থেংন্নবা হোৎনবদা মতেং পাংলিবা অদু ফোঙদোকখি অমসুং মালেমনা লায়চৎ অসি লান্থেংনবা পুন্না চুংশিন্নদুনা হোৎনবা য়াবা লমশিংগী মতাংদা খ্ন্নখি। লায়চৎ অসিনা থোকহল্লিবা অচৌবা শীংনবশিং অসি পুন্না মায়োক য়ামিন্ননবা থবক তৌমিন্নসি হায়না মন্ত্রী অনিনা য়ানখি। তেলেফোন্দা ৱারী শাখিবা অদুদা, মখল কয়াগী বাইল্তেরেল দেফেন্স কোর্পোরেসনগী খোংথাংশিংগী থবকশিং মন্ত্রীশিংনা য়েংশিনখি অমসুং মখা তানা আর্ম ফোর্স অনিগী মরক্তা লৈরিবা ঙাকশেলগী ওইবা মরী অসি ফগৎনবা হোৎনবগী অপাম্বা ফোঙদোকখি। লৈবাক অনিগী মরক্তা ঙাকশেলগী ইন্দস্ত্রী অমসুং ঙাকশেলগী তেক্নোলোজীগী লমদা য়ানবশিং পুরক্তুবা থবক লৌখৎনবসু য়ানখি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1637705

মে, ২০২০ (বেজ ২০১১-১২ = ১০০)গী ইন্দস্ত্রিএল প্রদক্সনগী ইন্দেক্স অমসুং য়ুজ- বেজ ইন্দেক্সকী ক্বিক ইস্তিমেৎ

ইন্দস্ত্রিএল প্রদক্সনগী ইন্দেক্সকী ক্বিক ইস্তিমেৎ (আই.আই.পি.) অসি থা খুদিংগী ১২দা (নত্ত্রগা তাং ১২না শুতি ওইবা তারবদি মমাংগী ৱার্কিং দেদা) চয়োল তরুক্কী লেগকা লোইননা অমসুং পুথোক্লিবা ফেক্তরীশিং/ইস্তাব্লিস্মেন্তশিংদগী খোমগৎলকপা সোর্স এজেন্সীশিংদগী ফংবা দেতাশিংগা পুনশিল্লগা ফোংই। কোবিদ-১৯ লাইচৎ লাকশিন্নবগীদমক সরকারনা লৈবাক পুম্বা লোকদাউন লাউথোক্তুনা লৌখৎলকপা লাকশিন্নবগী খোংথাংশিং য়েংদুনা ইন্দস্ত্রিএল সেক্তর ইস্তাব্লিশমেন্ত অয়াম্বনা মার্চ, ২০২০গী অরোইবদগী হৌদুনা থবক লেপনখি। মসিনা মরম ওইদুনা ইন্সতাব্লিশমেন্তশিং অসিনা লোকদাউনগী মনুংদা অমসুং অকক্ননা কোম্থোকপা থমখিবা মতমশিংগী মনুংদা পুথোক্লিবা পোত্থোকশিংদা অকায়বা পীখি। মে, ২০২০গী ইন্দেক্স অসি এপ্রিল ২০২০গী ৫৩.৬কা চাংদম্নবদা ৮৮.৪ লৈখি, মসিনা শেলথুমগী ইন্দস্ত্রিএল সেক্তরদা চাউনা খুমাং চাউশিলহনলে হায়বা উৎলি। পাউখুম পীরক্লিবা য়ুনিৎ মশীংসু লোকদাউনগী মমাং মনুংগা চাংদম্নব্দা মে ২০২০দা ফগৎলকখি। এপ্রিল ২০২০গী ক্যু.ই.গী মনুংদা পাউখুম পীরকপগী চাংসু চাদা ৮৭ ওইখি, হৌজিক্তি মসিসু অহানবা রিবিজন্দা চাদা ৯১ ওইখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637781

স্তেৎশিং/য়ু.তি.শিংনা অত্মা নির্ভর ভারতকী স্কিমগী মখাদা থাদরকপা লেমহৌরিবা চেঙ অমসুং চনা লেম্না য়েন্থোক্নবা ওগস্ত ৩১, ২০২০ ফাওবদা লোইশিনবা ঙম্লগনি

কঞ্জুমর এফিয়র্স, ফুদ এন্দ পব্লিক দিস্ত্রিব্যুসনগী কেন্দ্রগী মন্ত্রী শ্রী রাম ভিলাস পসৱননা ভিদিও কনফরেন্সিংগী খুত্থাংদা ঙসি মিদিয়দা ৱা ঙাংবদা প্রধান মন্ত্রী গরিব কল্যান অন য়োজনা অমসুং অত্মা নির্ভর ভারত অভিয়ানগী থবক থৌরমগী মতাংদা ফোঙদোকখি। শ্রী পসৱননা প্রধান মন্ত্রী শ্রী নরেন্দ্রা মোদীগী পি.এম.জি.কে.এ.ৱাই. নবেম্বর ২০২০ ফাওবা থা মঙা শাংদোকখিবগী ৱারেপ অদু তরাম্না ওকখ্রে। মহাক্না হায়রি প্রধান মন্ত্রী শ্রী নরেন্দ্রা মোদীনা লৈত-লাইরবা মীওইশিং কোবিদ-১৯গী লায়চৎকী মতম অসিদা চরা হেন্দনবগীদমক্তা খ্বাইদগী চাওবা চেঙ য়েন্থোকপগী স্কিম অনি– পি.এম.জি.কে.এ.ৱাই. অমসুং এ.এন.বি.এ. হৌদোকখি। থাদখিবা লেমহৌরিবা চেঙশিং অত্মা নির্ভর ভারত অভিয়ানগী বেনিফিসরিশিংদা লেম্না য়েন্থোকপগী অহেনবা মতম পীদুনা ওগস্ত ৩১, ২০২০ ফাওবা শাংদোকপগী মতাংদসু শ্রী পসৱননা মিদিয়াদা থমখি। শ্রী পাৱননা হায়খি স্কিম অনি অসি ইমপ্লিমেন্ত তৌবনা লৈবাক অসিদা থোক্লিবা কোবিদ-১৯গী লায়চৎনা শেন্মীলোনদা অকায়বা পীবনা মরম ওইরগা লৈত-লাইরবনা থেংনরিবা অৱাবশিং অসি ফগৎহন্নবা ঙম্লগনি। মহাক্না হায়খি হৌজিক স্তেৎশিং/য়ু.তি.শিংনা থাদখিবা লেমহৌরিবা চেঙ অমসুং চনা এ.এন.বি.গী মখাদা ওগস্ত ২০২০ ফাওবদা লেম্না য়েন্থোকপা ঙম্লগনি। য়ু.তি.শিংনা অপুনবা চেঙ এল.এম.তি. ১১৬.০২ চিংখি হায়না শ্রী পসৱননা ফোঙদোকখ্রে।

 অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637591

ই.এস.এস.এল.না নোইদা ওথোরিতীগা ই.ভি. চার্জিং য়ুনিৎ অমসুং মসিগা মরী লৈনবা ইনফ্রাস্ত্রকচরশিংগীদমক য়ানচে অমা খুৎয়েক পীনখ্রে

ভারত সরকারগী পাৱর মন্ত্রালয়গী মখাদা লৈবা পি.এস.য়ু.শিংগী জোইন্ত ভেঞ্চর অমা ওইরিবা ইনর্জী ইফিসেন্সী সার্বিসেস লিমিতেস (ই.ই.এস.এল.)না ন্যু ওখলা ইন্দস্ত্রিএল দিবেলপমেন্ত ওথোরিতী (নোইদা)গা ইলেক্ত্রিক গারীশিং হেন্না শীজিন্ননহন্নবা অমসুং মীয়াম্না শীজিন্ননবা ই.ভি. চার্জিং স্তেসনশিং অমসুং মসিগা মরী লৈনবা ইনফ্রাস্ত্রকচরশিং শেমগৎ শাগৎনবা য়ানচে অমা খুৎয়েক পীনখ্রে। লৈবাক অসিনা কোবিদ-১৯ লাইচৎকী লোকদাউনগী মতুংদা অমুক হিংগৎলকপা ওইনা ই.মোবিলিতী হেনগৎনবগীদমক ইনফ্রাস্ত্রকচরেল ইকোসিস্তেম অমা শাগৎপদা খোংলোই ওইমিন্নরিবসিনা মতেং ওইরগনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637314

 ৱাগী সেক্তরনা কোবিদ-১৯ মতুংগী শেন্মিৎলোন্দা খ্বাইদগী মরুওইবা মচাক অমা ওইরগনিঃ দা. জিতেন্দ্র সিংহ

কেন্দ্রগী রাজ্যগী মন্ত্রী দা. রাজেন্দ্র সিংহনা ঙসি হায়খ্রে মদুদি ৱাগী সেক্তরনা কোবিদ-১৯ মতুংগী শেন্মিৎলোন্দা খ্বাইদগী মরুওইবা মচাক অমা ওইরগনি হায়না ফোংদোকখ্রে। ৱেবিনার অমদা ৱা ঙাংলদুনা লী অমসুং ৱাগী তেক্নোলোজী সেন্তর (সি.বি.তি.সি.)গী ক্লস্তরশিংগা অমসুং ৱা লল্লোনবশিংগা উন্নবদা মহাক্না হায়খি মদুদি আত্মনির্ভর ভারত অভিয়ান্না অৱাং নোংপোক লমদমদা ভারতকী ললোন ইতিক্কী খ্বাইদগী মরুওইবা খুৎলাই অমা ওইরগনি হায়না ফোংদোকখি। মন্ত্রীনা হায়খ্রে, ৱা অসিনা অৱাং নোংপোক লমদমগী কোবিদ মতুংগী শেন্মিৎলোন্দা মরুওইবা মচাক অমা ওইবদা নত্তনা মসিনা প্রধান মন্ত্রী নরেন্দ্র মোদীগী 'ভোকেল ফোর লোকেল' হায়বা মংলান অসি ইনখৎপদা মতেং পাংলগনি।

  অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637786

পি.আই.বি. ফিল্দ ওফিসশিংদগী ফংবা পাউ

• চন্দিগরঃ মালেমগী নহাশিংগী স্কিলগী নুমিৎ কোবিদ-১৯গী খুদোংথীবা মরক্তা জুলাই ১৫, ২০২০দা পাঙথোক্কনি। লাইচৎ অমসুং লোকদাউন্না মরম ওইদুনা মালেমগী ওইনা থবক থৌরম কয়া তেক্নিকেল ইন্সতিত্যুসনশিং য়াওনা লেপ্লি। অদুমওইনমক, স্কিল দিবেলপমেন্তগী তঙাইফদবদি শেন্মিৎলোনগী থবক থৌরমশিং লেপখিবনা মরম ওইদুনা অমসুং ইমপ্লোইমেন্তকী থবকশিং শিথরকপনা হেনগৎলক্লি। মসিগী হীরম অসিদা য়েংদুনা, চন্দিগর স্কিল দিবেলপমেন্ত মিসন্না ইন্দিয়া স্কিলগা খুৎশম্নরগা নুমিৎ অসিবু নহাশিংগী নুমিৎনি ওইনা দিজিতাইজেসন / ওনলাইন ইন্তরেক্সন মোদতা পাঙথোক্নবা ৱারেপ লৌখ্রে।
• পঞ্জাবঃ রাজ্য সরকারনা মখোয়গী পাইলোৎ প্রোজেক্ত ওইনা খ্বাইদগী ফিবম শোক্লবা জিল্লা মঙাদা রেপিদ এন্তিজেন তেস্তিং প্রোজেক্ত পায়খৎনবা হোৎনরবসু পঞ্জাবকী মুখ্য মন্ত্রীনা রাজ্য অসিগী সরকারগী হোস্পিতালশিংদা আই.সি.এম.আর.না ত্রাইএল প্রোজেক্ত ওইনা পায়খৎলিবা কোবিদ প্লাজমা থেরাপীগী লাইয়েং চত্থনবগীদমক প্লাজমা বেঙ্ক অমা হাংদোকপদা অয়াবা পীখ্রে। প্লাজমা বেঙ্ক অসিনা শাথীবা লাইনাশিং নাবা য়াবা ফিবম থীনা নারবা অনাবশিংদা খুদক্তা শীজিন্নবা য়াবা ইনভেন্তরী সোর্স অমা ওইরগনি অমসুং অসুম্না মখল কয়াগী অহলশিংদা কোনবালেসেন্ত প্লাজমাগী লাইয়েং চত্থবা য়ারগনি।
• হরিয়ানাঃ হরিয়ানাগী নুপী অমসুং অঙাং চাউখৎ থৌরাংগী রাজ্যগী মন্ত্রীনা হরিয়ানা স্তেৎ ৱিমিন্স কম্মিসন্না হৌদোক্তুনা মীয়াম্বু নোভেল কোরোনা ভাইরস চঙদনবগীদমক মাস্ক অমসুং সেনিতাইজরশিং য়েন্থোকপগী কেম্পেন অমা হৌদোকখ্রে। মহাক্না হায়খি মদুদি কোবিদ-১৯ লানশিল্লকপা থিংনবগীদমক ঐখোয়না কেন্দ্র অমসুং রাজ্য সরকারনা মতম মতমগী ওইনা পীরকপা চৎন-কাংলোনশিং ইনবীবা তঙাইফদে। মসিগী মথক্তা, মীয়াম্বু লাইচৎ অসিগী মরমদা খঙহনগদবনি, মসিনা লাইচৎ অসি অথুবদা মুথৎখিবা ঙমগনি।
• মহারাস্ত্রাঃ মহারাস্ত্রদা হৌখিবা পুং ২৪ অসিদা মীওই ৬,৮৭৫ পোজিতিব ওইরকপগা লোইননা রাজ্য অসিগী অপুনবা মশীং লাখ ২.৩০ য়ৌখ্রে। কোবিদ অনাবা লাখ ১.২৭ ফখ্রে অমসুং এক্তিব কেস ৯৩৬৫২ লৈহৌরি। মুম্বাইদা লৈরিবা কোবিদ-১৯ কেস মশীং অসি ৮৮,৭৯৫ য়ৌখ্রে। মরক অসিদা রাজ্য সরকারনা মহারাস্ত্রদা রেপিদ এন্তিবোদী তেস্ত তৌবগী চপ চাবা মমল অমা লেপ্নবা হোৎনরি।
• গুজরাৎঃ শগোলশেল নুমিত্তা নোংমদা লাকপা খ্বাইদগী য়াম্বা অনৌবা কেস ৮৬১ লাকপগা লোইননা হৌজিক ফাওবদা রাজ্য অসিদা অপুনবা কেস ৩৯,২৮০ য়ৌরে। খ্বাইদগী য়াম্বা কেসনা সুরৎ জিল্লা অমসুং সুরৎ শহরদগী ৩০৭ লাকখি। অহেমদবাদ শহরদা অনৌবা কেস ১৫৩ লাকখি, অদুগা বদোদরাদগী ৪৩ লাকখি। রাজ্য অসিদা লৈরিবা এক্তিব কেস মশীং অসি ৯৫২৮নি। ফুদ অমসুং দ্রগ কন্ত্রোল ওথোরিতী, গুজরাৎনা কোবিদ-১৯ অনাবা ফহনবা ঙমই হায়না লৌনবা দ্রগ তোসিলিজুমাবগী ব্লেক মার্কেৎ অমা ফাগৎপা ঙমখ্রে। তোসিলিজুমাব অসি কোরোনা লাইনা নাবা ফহনবা ঙমই হায়না লৌনরি অমসুং মসি স্বিৎজরলেন্দদগী ইন্দিয়াগী ফার্ম অমখক্তনা ইম্পোর্ত তৌবনি। অদুমওইনমক, সপ্লাইগী চাংদগী দিমান্দনা কা হেন্না হেনবনা মরাং কাইনা ফংদে। মসিগী মরম অসিনা হিদাক অসি ব্লেক মার্কেত্তা য়োনবা হৌখিবনি।
• রাজস্থানঃ রাজ্য অসিগী অপুনবা মশীং ২২,৬৭৮ লানখ্রে। ঙসি অয়ুক্তা অনৌবা কেস ১১৫ লাকখি। অয়াম্বা কেস মশীংনা পাল্লি জিলাদগী ৩৫ লাকখি, মসিগী মতুংদা জয়পুরদগী ২২ অমসুং অজমেরদগী ১০ লাকখি।
• মধ্য প্রদেশঃ শগোলশেল নুমিত্তা রাজ্য অসিদা অনৌবা পোজিতিব কেস ৩০৫ লাকখ্রে, মসিনা অপুনবা কেস মশীংদা ১৬৩৪১ য়ৌহনখ্রে। রাজ্য অসিদা এক্তিব কেস মশীং ৩৪৭৫ লৈরি, অদুগা অপুনবা রিকোবরী মশীংনা ১২,২৩২ য়ৌখ্রে।
• ছতিশগরঃ অনৌবা কেস ১৩৩ লাকখ্রে, মসিনা কোবিদ-১৯গী অপুনবা মশীংদা ৩,৬৬৬ য়ৌহনখ্রে। রাজ্য অসিদা হৌজিক্কী ওইনা এক্তিব কেস ৭৪৮ লৈরি।
• গোৱাঃ অনৌবা সেম্পল ১১২ তেস্ত তৌবদা কোবিদ-১৯ পোজিতিব লাকখ্রে। রাজ্য অসিগী অপুনবা কোবিদ-১৯ মশীং ২,১৫১ য়ৌখ্রে অমসুং এক্তিব কেস মশীং ৮৬৯ লৈরি। 
• অসমঃ অসমদা কোবিদ-১৯ অনাবা মীওই ৪ জি.এম.সি.ঐচ. আই.সি.য়ু.দা লাইনা অসিনা মরম ওইদুনা লৈখিদ্রে হায়না হকশেল মন্ত্রীনা ত্বীৎ তৌখ্রে।
• মনিপুরঃ মনিপুরগী চান্দেলগী ওতোনোমস দিস্ত্রিক্ত কাউন্সিলনা খোংনা নোম্বা হেন্দ সেনিতাইজর কাপথোক্না অহুম, হেন্দ সেনিতাইজর, মাস্ক অমসুং কোবিদ-১৯ এৱেইয়রনেস পোস্তরশিং দিস্ত্রিক্ত এদমিনিস্ত্রেসন্দা খুদোল তমখ্রে। জেনিমস্তা দোক্তর ওইদুনা লৈবী নুপী অমা কোবিদ-১৯ পোজিতিব ওইরে। জিরিবাম দিস্ত্রিক্তা লৈবা অপুনবা অনাবা মশীং ৫১ শুখ্রে।
• মেঘালয়ঃ অমপ্লিং, মেঘালয়গী বি.এস.এফ.কী সিফাই ২৬ অমগসু কোবিদ-১৯ পোজিতিব ওইরে। রাজ্য অসিগী অপুনবা কেস মশীং ১২১ য়ৌরে অমসুং ৪৫না নাবা ফখ্রে। 
• মিজোরমঃ মিজোরমদা ঙসি কোবিদ-১৯ কেস ২৩ কনফার্ম্দ ওইখ্রে, মসিনা অপুনবা মশীং ২২৬ য়ৌরে অমসুং এক্তিব কেস ৮৩ লৈরি।
• নাগালেন্দঃ কোবিদ-১৯গী পোজিতিব কেস অনৌবা ৩৬ লাকখ্রে, মসিনা অপুনবা পোজিতিব মশীং ৭৩২ য়ৌহনখিবগা লোইননা এক্তিব কেস ৪২৮ অমসুং ৩০৪ লৈরি।
• কেরলাঃ হকশেল মন্ত্রী কে.কে. শ্যালাজানা রাজ্য অসিগী কোনুং পুন্থুরাদা লৈরিবা ফিবম অসি য়াম্না শাথিরে অমসুং মীয়ামদা অতোপ্পা রাজ্যদগী লাকপা মীশিংগা শোক্ন-শম্নবদা চেকশিনবীনা খঙহনলক্লি। তমিল নাদুদা কোবিদ-১৯ শন্দোরক্লি অমসুং কেরলাদা রাজ্য অসিদগী মীওই কয়া লল্লোন ইতিক্কীদমক লাক্লি। মন্ত্রীনা মীয়ামদা এন্তিজেন তেস্তকী অরানবা কেম্পেন্দা থাজবীগনু হায়না খঙহনলক্লি। মরক অসিদা, পুন্থুরাদা লৈবা মীওই কয়া মফম অসিদা ত্রিপ্পল লোকদাউন থমজিল্লকপবু য়ানিংদবা উৎখ্রে। ঙা ফাবা অমসুং ঙা য়োনবা কোল্লম অমসুং অলেপ্পেদা থিংজিনখ্রে। ঙরাং রাজ্য অসিদা অনৌবা এক্তিব কেস ৩৩৯ লাকখি মসিগী মনুংদগী ১৩৩না লোকেল ত্রান্সমিসন্নি অমসুং তরেৎনা হৌরকফম খঙদ্রি। অনাবা ২,৭৯৫ হৌজিক লাইয়েং চত্থরি অমসুং ১,৮৫,৯৬০না তোঙান-তোঙানবা জিল্লাশিংদা ক্বারেন্তিন তৌদুনা থম্লি।
• তমিল নাদুঃ পুদুচেরীগী করাইকালদা খুবাক ময়ি য়েংবা অমনা মীওই ১৩ লাইনা লানশিলহনখ্রে। এ.আইদি.এম.কে.গী এম.এল.এ.না পুদুচেরীগী এসেম্বলীগী মফম্মক্তদা রাসন কার্দ পায়বা ইমুং খুদিংমক্তা কোবিদ-১৯ রিলিফ ফংহল্লু হায়দুনা ধর্না ফমখ্রে। তমিল নাদুগী রাজ্যগী কোওপরেসন মন্ত্রী সেলর কে. রাজু কোবিদ-১৯ পোজিতিব ওইরে, রাজ্য অসিগী এম.এল.এ. ১১গা লোইননা মন্ত্রী অনীসু অঙনবা শরুক্তা পোজিতিব ওইখ্রবনি। তমিল নাদু জিল্লাদা কেস হেনগৎলকপনা মরম ওইদুনা, কেন্দ্রগী কাংবু অমনা রাজ্য অসিদা চত্তুনা য়েংশিনখ্রে। হৌখিবা নুমিৎ নিনি অসিদা খরা শাফবগী ফিবম লাকখ্রবা মতুংদা অনঊবা কেস ৪,৩২১ লাকখ্রে মসিগী মনুংদগী চেন্নইদগী ১,২১৬ য়াওরি। ঙরাং ফাওবদা লৈখিবা অপুনবা কেস মশীংঃ ১,২৬,৫৮১, এক্তিব কেসঃ ৪৬,৬৫২, লৈখিদ্রবাঃ ১৭৬৫, চেন্নইদা লৈবা এক্তিব কেস মশীংনা ২০২৭১নি।
• করনাতাকাঃ স্তাফ অহুম কোবিদ-১৯ পোজিতিব ওইরকপদগী মুখ্য মন্ত্রী হোম ক্বারেন্তিন তৌখ্রে। আসা ৱারকরশিংনা ইরাই নুমিত্তা মখোয়গী তোলোপকী ৱাফমগা মরী লৈননা অমসুং থবক্কী মতাংগা মরী লৈননা থবক লেপ্পগী খোংজং চঙশিনগদৌরি। করনাতাকা হায় কোর্তনা রাজ্য সরকারদা বেঙ্গলুরুদা লৈহৌগনি হায়বা মাইগ্রেন্ত ৱারকরশিংগী ফিবম পীখৎলক্নবা খঙহনখ্রে। রাজ্য সরকারনা ২০১৯-২০গী একাদেমিক ইয়রগী ইঞ্জিনীয়রিং য়াওনা দীগ্রী অমসুং পোস্ত গ্রেজুএৎকী ইন্তর্মেদিএৎ সেমেস্তরগী মহৈরোইশিংদা অমসুং দিপ্লোমা তৌরিবা মহৈরোইশিং পরিখা তৌদনা প্রোমোসন পীনবা ৱারেপ লৌখ্রে।  ঙরাং অনৌবা কেস ২২২৮ লাক্লে অমসুং ৯৫৭ দিসচার্জ অমসুং মীওই ১৭ লৈখিদবগী রিপোর্ত তৌরকখ্রে। অপুনবা পোজিতিব কেসঃ ৩১১০৫, এক্তিব কেসঃ ১৭৭৮২, লৈখিদ্রবাঃ ৪৮৬।
• অন্ধ্র প্রদেশঃ এ.পি.এস.আর.তি.সি.না 'প্রথম' মোবাইল এপ অমা জুলাই ২০দা পেসেঞ্জরশিংনা কেস্লেস ত্রাঞ্জেক্সন তৌনবগীদমক হৌদোক্লগনি। স্কুল এদ্যুকেসন কম্মিসনরনা মহৈলোইশঙ খুদিংমক জুলাই ৩১ ফাওবা লোন্নবা লাউথোকখ্রে। এ.পি. ইন্তর্মেদিএৎ বোর্দনা সেকেন্দ ইয়র ফেল ওইরবা মহৈরোই খুদিংমক কম্পার্তমেন্তেলদা পাস তৌহন্নবা ৱারেপ লৌখ্রে। রাজ্য অসিনা তিরুমলাবু চয়েৎনবা থোকখ্রবা মতুংদা কন্তেন্মেন্ত জোন্দগী লৌথোকখ্রে।  হৌখিবা পুং ২৪ অসিদা সেম্পল ২১,০২০ তেস্ত তৌরবা মতুংদা অনৌবা কেস ১৬০৮, দিসচার্জ তৌখিবা ৯৮১, অমসুং লৈখিদ্রবা ১৫ রিপোর্ত তৌরকখ্রে।  অপুনবা কেসঃ ২৫,৪২২, এক্তিব কেসঃ ১১৯৩৬, দিসচার্জঃ ১৩১৯৪, লৈখিদ্রবাঃ ২৯২।
• তেলঙ্গানাঃ হকশেল মন্ত্রী ইতালা রাজেন্দরনা কোবিদ-১৯দগী নাবা ফরবা খুদিংমক্তা চোংথোকপীরক্তুনা হৌজিক লাইয়েংলিবশিংগীদমক প্লাজমা দোনেৎ তৌবীনবা হায়জখ্রে। রাজ্য অসিনা লৈবাক অসিগী ওইনা পোজিতিব ওইবগী চাং খ্বাইদগী ৱাংলি। চয়োল খরগী মমাংদা, রাজ্য অসিনা মহারাস্ত্রা অমসুং দিল্লীগী মতুং ইল্লম্বনি। হৌজিক্তি, রাজ্য অসিনা ২১.৯১% (জুলাই ৮ ফাওবদা)লৈদুনা খ্বাইগী মকোক্তা লৈরি। ঙরাং ফাওবদা লৈখিবা  অপুনবা কেসঃ ৩০,৯৪৬, এক্তিব কেসঃ ১২,৪২৩, লৈখিদ্রবাঃ ৩৩১ দিসচার্জঃ ১৮১৯২।

ফেক্তচেক

****