ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଆସନ୍ତାକାଲି ବାରଣାସୀ ସ୍ଥିତ ବେସରକାରୀ ସଂସ୍ଥା ପ୍ରତିନିଧିଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ
• ପ୍ରଧାନମନ୍ତ୍ରୀ ସାମାଜିକ ସଂସ୍ଥାଗୁଡିକ ଦ୍ୱାରା ଲକଡାଉନ କାଳରେ କରାଯାଇଥିବା ଖାଦ୍ୟ ଆବଂଟନ ଏବଂ ଅନ୍ୟ ସହାୟତା କାର୍ଯ୍ୟଗୁଡିକ ବିଷୟରେ ଆଲୋଚନା କରିବେ
Posted On:
08 JUL 2020 2:17PM by PIB Bhubaneshwar
କରୋନା ମହାମାରୀ ଯୋଗୁ ଘୋଷିତ ଲକଡାଉନ ସମୟରେ ବାରଣାସୀର ଲୋକମାନଙ୍କୁ ସାମାଜିକ ସଂସ୍ଥାଗୁଡିକ ଦ୍ୱାରା ଜିଲ୍ଲା ପ୍ରଶାସନ ଜରିଆରେ ତଥା ନିଜସ୍ୱ ପ୍ରଚେଷ୍ଟାରେ ଖାଦ୍ୟ ଉପଲବ୍ଧ କରାଯାଇଥିଲା । ପ୍ରଧାନମନ୍ତ୍ରୀ ଆସନ୍ତାକାଲି ଏଭଳି ସଂସ୍ଥାଗୁଡିକର ପ୍ରତିନିଧିମାନଙ୍କ ସହ ଭିଡିଓ କନଫରେନସିଂ ଜରିଆରେ ଲକଡାଉନ ସମୟରେ କରାଯାଇଥିବା ବିଭିନ୍ନ ସାମାଜିକ କାର୍ଯ୍ୟଗୁଡିକ ବିଷୟରେ ଆଲୋଚନା କରି ଦେଶବାସୀଙ୍କୁ ଅବଗତ କରାଇବେ ।
ଲକଡାଉନର ସମୟରେ ବାରଣାସୀରେ ଭିନ୍ନ ଭିନ୍ନ କ୍ଷେତ୍ରର ଶହେରୁ ଅଧିକ ସଂସ୍ଥାଗୁଡିକ ଦ୍ୱାରା ଜିଲ୍ଲା ପ୍ରଶାସନର ଫୁଡ ସେଲ ଜରିଆରେ ତଥା ବ୍ୟକ୍ତିଗତ ଭାବେ ପ୍ରାୟ 20 ଲକ୍ଷ ଖାଦ୍ୟ ପ୍ୟାକେଟ ଓ 2 ଲକ୍ଷ ରାସନ କିଟ ଆବଂଟିତ କରାଯାଇଛି ।
ମହାମାରୀ ନିୟନ୍ତ୍ରଣ ପାଇଁ ଏହିସବୁ ସଂସ୍ଥାଗୁଡିକ ଦ୍ୱାରା ଖାଦ୍ୟ ଆବଂଟନ ବ୍ୟତୀତ ସାନିଟାଇଜର/ ମାସ୍କ ଆବଂଟନ ଆଦି କାର୍ଯ୍ୟ ମଧ୍ୟ କରାଯାଇଛି । ଜିଲ୍ଲା ପ୍ରଶାସନ ଦ୍ୱାରା ସେମାନଙ୍କୁ କରୋନା ଯୋଦ୍ଧା ଭାବେ ସମ୍ମାନିତ କରାଯାଇଛି ।
ଏହି ସଂସ୍ଥାଗୁଡିକ ସ୍ୱାସ୍ଥ୍ୟ, ଶିକ୍ଷା, ସାମାଜିକ, ହୋଟେଲ/ସାମାଜିକ କ୍ଲବ ତଥା ବ୍ୟବସାୟିକ କ୍ଷେତ୍ରରେ ସହାୟତା ପ୍ରଦାନ କରୁଛନ୍ତି ।
**********
(Release ID: 1637354)
Visitor Counter : 219
Read this release in:
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam