প্রধানমন্ত্রীগী লোইশঙ
পি.এম.না হয়েং বরানাসীদা লৈবা এন.জি.ও.শিংগী মীহুৎশিংগা ৱারী-ৱাতায় শাগদৌরি
পি.এম.না হায়রিবা লুপশিং অসিনা লোকদাউন মনুংদা চিঞ্জাক য়েন্থোকপা অমসুং অতৈ থৌরাংশিংগী মতাংদা তৌরিবা থবক থৌরমশিং উত্থোকপগা লোয়ননা খন্নগদৌরি
Posted On:
08 JUL 2020 2:17PM by PIB Imphal
কোবিদ লাইচৎনা মরম ওইরগা লোকদাউন থমখিবা মনুংদা,বরানাসীগী মীওইশিং অমদি খুন্নাইগী লুপশিংগী লুপলোয়শিংনা মখোয়গী মশানা হোৎনজবা অমদি দিস্ত্রিক্ত এদমিনিস্ত্রেসন্দা মতেং পাংশিনদুনা মথৌ তাবা মীপুম খুদিংদা মতম চানা চানবা চিঞ্জাক য়ৌহন্নবা থৌদাং য়াখি। প্রধান মন্ত্রী শ্রী নরেন্দ্র মোদীনা হয়েং ভিদিও কনফরেসকী খুত্থাঙদা হায়রিবা লুপশিং অসিগী মীহুৎশিংগা ৱারী-ৱাতায় শান্নদুনা মখোয়না থেংনরকপশিং খন্নগনি অমদি মখোয়গী হোৎনখিবশিং উত্থোক্কনি।
লোকদাউন মনুংদা, বরানাসীদা লুপ ১০০ হেনবনা চানবা চিঞ্জা পেকেৎ লাখ ২০ হেন্না অমদি অকঙবা রাসন কিৎ লাখ ২ হেন্না দিস্ত্রিক্ত এদমিনিস্ত্রেসনগী ফুদ সেলগী খুত্থাঙদা অমদি মখোয়গী লনাই ওইবা থৌওংদা য়েনথোকখি।
চিঞ্জাক য়েন্থোকপখক নত্তনা, হায়রিবা লুপশিং অসিনা মায়খুম অমদি সেনিতাইজরনচিংবা য়েন্থোকপদসু মরুওইবা থৌদাং য়াখি। মখোয়বু দিস্ত্রিক্ত এদমিনিস্ত্রেসন্না ‘কোরোনা লান্মী’ হায়না ইকায় খুম্নখি।
হায়রিবা লুপশিং অসিনা মহৈ-মশিং, খুন্নাই, লাইনীং, হকশেল, হোতেল/সোসিএল ক্লবশিং অমদি অতৈ প্রোফেস্নেল সেক্তর য়াওনা তোঙান তোঙানবা লমশিংদা মীয়ামগীদমক থবক তৌরি।
***
(Release ID: 1637186)
Visitor Counter : 205
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam