(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• অনাবশিংগী মরক্তা রিকোবরী রেৎ ৫৯.৪৩% য়ৌরে। হৌখিবা পুং ২৪ অসিদা, কোবিদ-১৯ অনাবা মীওই ২০,০৩৩ নাবা ফখ্রে, মসিনা অপুনবা ফিগরদা ৩,৭৯,৮৯১ য়ৌরে।
• হৌজিক-হৌজিক্কী ওইনা, কোবিদ-১৯ এক্তিব কেস মশীং ২,২৭,৪৩৯ চেকশিন্না লাইয়েংদুনা লৈরি
• নোংম-নোংমগী সেম্পল তেস্ত তৌবগী চাং ৱাংখৎলকপনা, নোংমদা লাখ ৯৩ য়ৌনা তেস্ত তৌখৎলকই; হৌখিবা পুং ২৪ অসিদা সেম্পল ২,৪১,৫৭৬ তেস্ত তৌখ্রে।
• কেন্দ্র সরকারনা রাজ্য সরকারশিংদা এন.৯৫ মাস্ক কোতি ২ হেন্না অমসুং পি.পি.ই কোতি অমা হেন্না শেল তিংদনা লেম্না য়েন্থোকখ্রে।
• কেন্দ্রগী য়ুম্লৈ কৈরৈ মন্ত্রীনা দিল্লী, হরিয়ানা অমসুং উত্তর প্রদেশকী মুখ্য মন্ত্রীশিংগা এন.সি.আর.গী ওইবা অপুনবা কোবিদ-১৯গী লাল্লোং য়াথোক্নবা খন্নখ্রে।
• কোবিদ-১৯ লাইচৎকী মনুংদা ইঙ্কম তেক্স পেয়র লাখ ২০ লোমদা কোতি ৬২,৩৬১ রিফন্দ তৌখ্রে।
• লোকদাউনগী মনুংদা ইমুং লাখ ১৯দা তোতি কন্নেক্সন পীখি।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ ফগৎলকপগী চাং ৬০% হেনখ্রে; নোংমদা ফগৎলকপশিং মশিং য়াম্না হেনগৎখ্রে: হৌখিবা পুং ২৪দা ২০,০৩৩ ফগৎখ্রে নাবা ফগৎলকপগী কেসশিংনা এক্তিব কেসশিংদগী লাখ ১.১৫ হেন্না হেনগৎখ্রে; “তেস্ত, ত্রেস, ত্রীৎ”কী ললোং শীজিন্নদুনা হৌখিবা পুং ২৪দা তেস্ত লাখ ২.৪ হেন্না তৌখ্রে

স্তেৎশিং/য়ু.তি.শিংগা লোয়ননা কেবিনেৎ সেক্রেতরীনা কোবিদ-১৯গী শেম-শানবা অৱাংবা থাক্কী য়েংশিন মীফম অমা ঙসি পাঙথোকখ্রে। কোবিদ-১৯ নাবা অনাবশিংগী মরক্তা ফগৎলকপগী চাং ৬০% লানখ্রে। ঙসি ৬০.৭৩% য়ৌখি। কোবিদ-১৯ কেসশিং ঙন্না খঙদোকপা অমসুং মতম চানা ক্লিনিকেল মেনেজমেন্ত তৌবনা নোংমদা ফগৎলকপগী চাং হেনগৎলক্লি। হৌখিবা পুং ২৪গী মনুংদা, কোবিদ-১৯ নাবা মীওই ২০,০৩৩ লায়েংদুনা অপুনবা মশিং ৩,৭৯,৮৯৭ শুদুনা ফগৎলকপগী মশিং য়াম্না হেনগৎখ্রে। হৌজিক্কী ওইনা এক্তিব কেস ২,০৩,০৫১ লৈ অমদি মখোয় পুম্নমক মেদিকেলগী মীৎয়েং মখাদা লৈরি‍। কোবিদ-১৯ ঙাকথোক্নবা, লাকশিন্নবা অমসুং য়েংশিন্নবা সরকারগী থাক পুম্নমক্তা পুন্না হোৎনবনা ফগৎলকপশিং অমসুং এক্তিব কেসশিংগী মরক্তা খেৎনবা লেপ্তনা হেনগৎপগা লোয়ননা অফবা ফলশিং উবা ফংলি। ঙসি ফাওবদা কোবিদ-১৯গী এক্তিব কেসশিংদগী ফগৎখিবা কেসনা ১,৫২,৪৫২ হেনখ্রে। নুমিৎ খুদিংগী তেস্ত তৌবা সেম্পল তপ্না-তপ্না হেনগৎলক্লি লোয়ননা ঙসি ফাওবদা সেম্পল লাখ ৯৩রোম তেস্ত তৌখ্রে। হৌখিবা পুং ২৪গী মনুংদা সেম্পল ২,৪১,৫৭৬ তেস্ত তৌখ্রে। ঙসি ফাওবদা তেস্ত তৌখিবা সেম্পলগী অপুনবা মশিং ৯২,৯৭,৭৪৯ শুখ্রে। মসি লৈবাক অসিদা তেস্তিং লেবশিংগী চাওথোরক্লিবা নেৎৱার্ক অসিনা মরম ওইরগা ওইথোকপা ঙম্বনি। লৈঙাক্কী লেব ৭৭৫ অমদি লন্নাইগী লেব ২৯৯গা লোয়ননা ঙসি লেব ১০৭৪ লৈবা ঙমখ্রে‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636094

কেন্দ্র সরকারনা রাজ্যশিংদা এন ৯৫ মাক্স ক্রোর ২ হেন্না অমসুং পি.পি.ই. ক্রোর অমা হেন্না লেম্না য়েন্থোকখ্রে

কেন্দ্র সরকারগী মরুওইবা থৌদাংদি লাইচৎ অসি থেংননবা হকশেলগী মচাক—মথুমশিং মরাং কাইনা ফংহনবনি। ২০২০গী এপ্রিল ১দগী কেন্দ্র সরকারনা রাজ্যশিংদা লেম্না এন ৯৫ মাক্স ক্রোর ২.০২ অমসুং পি.পি.ই কিত ক্রোর ১.১৮ য়েন্থোকখ্রে। লোয়ননা রাজ্যশিংদা ঐচ সি ক্বিউ তেব্লেত ক্রোর ৬.১২ হেন্না য়েন্থোকখ্রে। মসিগী মথক্তা, হৌজিক ফাওবদা ভারত্তা শাবা ভেন্তিলেতর ১১,৩০০ রাজ্যশিংদা য়েন্থোকখ্রে , মসিগী মনুংদা তোঙান-তোঙানবা হোস্পিতালশিংদা ভেন্তিলেতর ৬১৫৪ মমাংদা য়েন্থোকখ্রে। ভেন্তিলেতরশিং পানখৎপা অমসুং শীজিন্নবা হৌবগী থবকশিং ভারত সরকারনা পাংথোকলি। হেল্থ অমসুং ফেমিলি ৱেলফিয়ার মিনিস্ত্রিনা রাজ্যশিংদা ওক্সিজেন সিলিন্দর লাখ ১.০২ পীখ্রে, মসিগী মনুংআ ৭২,২৯৩ ওক্সিজেন বেদশিংদা শীজিন্নরি। হৌজিক ফাওবদা , দিল্লিদা পি.পি.ই লাখ ৭.৮১ অমসুং এন ৯৫ মাক্স লাখ ১২.৭৬ , মহারাস্ত্রাদা পি.পি.ই লাখ ১১.৭৮ অমসুং এন ৯৫ মাক্স লাখ ২০.৬৪ অমসুং তামিল নাদুদা পি.পি.ই লাখ ৫.৩৯ অমসুং এন ৯৫ মাক্স লাখ ৯.৮১ মিনিস্ত্রিনা পীখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636094

কোবিদ-১৯ লাইচৎ মনুংদা তেক্স থিবা মীওই ক্রোর ২০ হেনবদা ইনকম তেক্স দিপার্তমেন্তনা লুপা ক্রোর ৬২,৩৬১ রিফন্দ তৌখ্রে

কোবিদ-১৯ লাইচৎ মনুংদা তেক্স থিবা মীওইশিং মতেং পাংনবা অমসুং পন্দুনা লৈরিবা ইনকম তেক্স রিফন্দশিং পীথোক্নবা ২০২০গী এপ্রিল ৮দা প্রেস নোত অমা থোক্তুনা সরকারনা ৱারেপ লৌখিবদগী ২০২০গী এপ্রিল ৮দগী জুন ৩০ ফাওবদা ইনকম তেক্স দিপার্তমেন্তনা মিনিত অমদা য়াম্না য়াংনা কেস ৭৬ তেক্স রিফন্দ তৌখি। চয়োল ৫৬গী মনুংদা সেন্ত্রেল বোর্দ ওফ দাইরেক্ত তেক্সেসনা কেস লাখ ২০.৪৪ হেনবগী লুপা ক্রোর ৬২,৩৬১ রিফন্দ তৌখি। কোবিদ-১৯ লাইচৎ মতম অসিদা আই-তি দিপার্তমেন্তনা তেক্স থিরিবশিং মতেং পাংবা খক নত্তনা শেন ওইনা ফংনবা খুদোংচাবা পীখি। তেক্স থিবা মীওই ১৯,০৭,৮৫৩দা লুপা ক্রোর ২৩,৪৫৩.৫৭গী শেনফম রিফন্দ তৌখি অমসুং কেস ১,৩৬,৭৪৪দা লুপা ক্রোর ৩৮,৯০৮.৩৭গী কোরপোরেত তেক্স রিফন্দ তৌখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636095

কেন্দ্রগী গৃহ মন্ত্রী শ্রী অমিত শাহনা ঙসি নেস্নেল কেপিতেল রিজন (এন.সি.আর.)গী য়ুনিফাইদ ওইবা কোবিদ-১৯ লালোং অমগীদমক দিল্লী, হরিয়ানা অমসুং উত্তর প্রদেশকী মুখ্য মন্ত্রীশিংগা মীফম অমা পাংথোকখ্রে

কেন্দ্রগী গৃহ মন্ত্রী শ্রী অমিত শাহনা ঙসি নেস্নেল কেপিতেল রিজন (এন.সি.আর.)গী য়ুনিফাইদ ওইবা কোবিদ-১৯ স্ত্রাতিজী অমগীদমক দিল্লী, হরিয়ানা অসমুং উত্তর প্রদেশকী মুখ্য মন্ত্রীশিংগা মীফম অমা পাংথোকখ্রে৷ এন.সি.আর. রিজনদা লাইচৎ শন্দোকপগী চাং অসি হন্থনবা কোবিদ-১৯ নারমগনি হায়না চিংনবশিং অদু তেস্ত হেন্না হেন্না তৌবদা মীৎয়েং চংবা তঙাই ফদে হায়না মহাক্না ফোংদোকখ্রে৷ রেপিদ এন্তিজেন তেস্ত কিৎশিং শিজিন্নদুনা তেস্ত হেন্না হেন্না তৌবা অসিনা ৱল্দ হেল্থ ওর্গনাইজেসন্না পীবা পাউতাক্কী মতুং ইন্না লাইনা শন্দোকপগী চাং অসি চাদা ১০গী মখাদা লৈহনবদা মতেং পাংলগনি হায়না শ্রী অমিত শাহনা ফোংদোকখ্রে৷ মীওইবগী মীনুংশিদা য়েংদুনা লাইরবা অমসুং মতেং দরকার লৈরবা মীওইশিংগী পুন্সি কনবা য়াম্না মরু ওই হায়না শ্রী অমিত শাহনা ফোংদোকখ্রে৷ শ্রী অমিত শাহনা এন.সি.আর.দা কোবিদ-১৯ মেপিংদা মতেং পাংনবগীদমক অরোগ্য সেতু অমসুং ইতিহাস এপশিং পাক শন্না শিজিন্নবা তঙাই ফদে হায়না ফোংদোকখ্রে৷ কোবিদ অনাবাশিংগীদমক দিল্লীদা শিজিন্নরিবা এম্স দিল্লী তেলিমেদিসিন কন্সল্তেসন মোদেল অদু উত্তর প্রদেশ অমসুং হরিয়ানাদসু শিজিন্নগদবনি হায়না কেন্দ্রগী গৃহ মন্ত্রীনা মখা তানা ফোংদোকখ্রে৷ উত্তর প্রদেশ অমসুং হরিয়ানানা মখোয়গী অনাবাশিং অদু এক্সপর্ত দোক্তরশিংদগী পাউতাক ফংনবগীদমক এম্স –তেলিমেদিসিন কোবিদ কন্সল্তেসন অদু য়াওবা য়াগনি হায়না মহাক্না ফোংদোকখ্রে৷ উত্তর প্রদেশ অমসুং হরিয়ানাদা লৈরিবা অপিকপা হোস্পিতালদা লৈরিবা দোক্তরশিংদা তৌগদবা ত্রনিং অদুসু তেলি-ভিদিওগ্রাফীগী মতেংনা এম্সনা পাংথোকপা ঙম্লগনি৷

অকুপ্পা ৱারোলগীদমক, https://pib.gov.in/PressReleasePage.aspx?PRID=1635978

আশাগী থৌমী ৪২০০০না ইমুং কোতী ১.৫৯রোম থুংনা খুদোংথিনিংঙাই ওইবা-ওইদবা য়েংবগী সর্ভে তৌবা

কর্নাতকাগী আশা ৪২,০০০না রাজ্য অসিনা কোবিদ-১০ অসি মায় পাক্না লান্থেংনরিবা অসিদা মরুওইবা য়ুম্বি অমা ওইনা চংশিল্লক্লি। মখোয়শিংনা কোবিদ-১৯গী ইমুং-মনুংশিং সর্ভে তৌবদা নিংথিজনা শরুক য়াখ্রে অমসুং রাজ্য অমদগী রাজ্য চত্থোক-চৎশিন তৌরিবা পেসেঞ্জরশিং, মাইগ্রেন্ত শিন্মীশিং অমসুং খুন্নাইদুগী অতৈ মীওইশিং অদু কোবিদ-১৯গী লাইওংশিংগী স্ক্রীনিং তৌখ্রে। কোবিদ-১৯ অসি মীওই কাংলুপ খরদা খুদোংথিনিংঙাই ওইবা মওংদা হেনগৎলকপা অসি খংদোক্লদুনা অনাবা, নারি-শারি তৌবা মীশিং অমসুং ইম্যুন ৱাৎনা লৈবা মীশিং লৈবা ইমুংশিংদা মতম অমুক্তংদা মসক খংদোক্তুনা ইমুং কোতী ১.৫৯ থুংনা পাংথোকপা ঙমখ্রে। আশাশিংনা কন্তেনমেন্ত জোনশিংদা নোংমদা অমুরক্তগী হৌরগা নুমীৎ ১৫গী মনুংদা অমুক চত্তুনা মখোয়গী মফম অদুদা য়াত্থোক্লবা মতমশিংদা চাং ৱাংনা খুদোংথিনিংঙাই ওইরবা কাংলুপশিংগুম্বশিং চাং নাইনা নিংথিনা য়েংশিল্লি। আই.এল.আর./এস.এ.আর.আই.গী লাইওংশিং লৈবা মীশিংগী ইমুংদা অমসুং স্তেত হেল্থ দিপার্তমেন্ত হেল্পলাইন নম্বরশিংদা কোল তৌরকপা চাং ৱাংনা খুদোংথিনিংঙাই ওইরবা মীশিংগী য়ুমশিংদসু চত্তুনা য়েংশিল্লি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636106

জল জীবন মিসন: লোকদাউন মনুংদা য়ুমথোং লাখ ১৯দা তোতি ঈশিং ফংহনখ্রে

লৈবাক পুম্বনা কোবিদ-১৯ লায়চৎ লান্থেংনরিঙৈ মতমদা, কেন্দ্র সরকারনা খুঙ্গংগী য়ুমথোং খুদিংদা তোতি ঈশিং ফংহন্দুনা ‘খুঙ্গংগী মফমশিংদা অফবা থক্নবা ঈশিংগী প্রোবিজন’ শেম্নবা অঙম্বা হোৎনরি, মসিনা মীয়ামদা মখোয়গী ময়ুমদা ঈশিং ফংহন্দুনা মীয়াম পুন্না ঈশিং শোকনবা মফমশিং মী তীনদনবা লোয়ননা মফম অদুগী মীয়াম অমদি রিতর্নীশিংদা থবক পীদুনা মসিনা খুঙ্গংগী লেন্মীৎলোন ফগৎহনগনি। ২০২০-২১গী অহানবা থা অহুমদা, লৈবাক অসিগী খুঙ্গংশিংদা তোতি ঈশিং লাখ ১৯ ফংহনবা ঙমখ্রে। মসি পুম্নমক অসি কোবিদ-১৯ লায়চৎনা মরম ওইরগা থবক শুবদা অকাইবা পীবসু স্তেৎশিংনা কন্না হোৎনবনা ওইথোকপা ঙমখি। মিসন অসিনা লৈবাক অসিগী মীয়াম পুন্না হোৎন্দুনা প্রধান মন্ত্রীগী খুঙ্গংগী য়ুমথোং খুদিংদা থক্নবা ঈশিং ফংহনবগী ৱাখল্লোন হায়বদি জল জীবন মিসন অসি ‘জন অন্দোলন’-মীয়ামগী ইহৌ অমা ওইন্নবা পান্দমসু থম্লি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1635954

কোবিদ-১৯না মরোমদোম লেপচবা ভারত ফংবা ঙম্নবা তাঞ্জা অমা পীরি, হায়না দা: রঘুনাথ মশেলকরনা হায়খ্রে

কোবিদ-১৯না লৈবাকসিদা লৈরিবা মীপুম খুদিংদা ইরোমদোম লেপচবা ভারত ফংবা ঙম্নবা অমুক হন্না শাগৎনবা, অমুক হিংগৎহন্নবা অমদি ঐখোয় ইশাবু অমুক হন্না শেমদোকচনবা তাঞ্জা অমা পীরে, হায়না প্ম ভিভুষন, দা: রঘুনাথ অনন্ত মশেলকরনা ফোঙদোকখ্রে‍। ৱাফমসি মহাক্না নোর্থ ইস্ত ইনস্তিত্যুত ওফ সাইন্স এন্দ তেক্নোলোজী (সি.এস.আই.আর.-এন.ই.আই.এস.তি.)না শীন্দুনা পাঙথোকপা কাউন্সিল ফোর সাইন্তিফিক এন্দ ইন্দস্ত্রিএল রিছর্চ-সম্মর রিছর্চ ত্রেনিং প্রোগ্রাম (সি.এস.আই.আর.-এস.আর.তি.পি.), ২০২০গী মনুং চন্না “ইশাদা থাজবগা লোয়ননা ইরোমদোম লেপচবা ভারত” হায়বা হীরমসিদা ৱা ঙাঙবদা ফোঙদোকখিবনি‍। দা: মশেলকরনা হায়খিবদা ঐখোয়না ইরোমদোম লেপচপবা ভারত ফংনবা হোৎনবদা ঐখোয়না ইশাবু মালেমসিদগী তোখাইনা থম্লোইদবনি মদুগী মহুত্তা মালেমগী সপ্প্লাই চেন অসিগা পুনশিনগদবনি‍। মহাক্না ‘ইরোমদোম লেপচবা ভারত’কী য়ুম্বী মঙা – লৈয়ু, শাউ, হেন্না ফবা শাননবা লৈয়ু, হেন্না ফবা লৈননবা শাউ, অমদি পুন্না শামিন্নৌ (পব্লিক-প্রাইভেত পার্ত্নরসিপ শেমবা)‍, হায়বা হীরমসিদা ৱাফমশিং থমখি‍।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636108

পি.আই.বি. ফিল্দ ওফিসশিংদগী ফংবা পাউ

• কেরলাঃ মরম চাবা হৌরকফম লৈত্রবসু কোবিদ-১৯ পোজিতিব কেস মশীং হেনগৎলক্লিবসি য়েংদুনা রাজ্য অসিগী কোনুং থিরুবানন্তপুরমদা এন্তিজেন তেস্ত তৌবা হৌরগনি। শহরগী ৱার্দ ১৮দা কন্তেন্মেন্ত জোন লাউথোকখ্রে। ভি.এস.এস.সি.দা ভাইরস অসি পোজিতিব ওইবা স্তাফ অনী লৈরকপদগী অহেনবা তেস্ত তৌরগনি। লম্বোইবী অমা য়াওনা কেরলা মচা তরুক রাজ্য অসিগী মপান্দা কোরোনানা মরম ওইদুনা মীওই লৈখিদ্রে, তোঙানবা রাজ্যশিংদা অহুম অমসুং গল্ফ লৈবাক্তা অমা। ঙরাং, কোবিদ-১৯গী অনৌবা কেস ১৬০ লাকপা অমসুং নাবা ফবা মশীং ২০২ লাকপগা লোইননা নাবা ফবা মশীংনা অনৌবা কেস মশীংদগী হেনখ্রে। অনাবা মীওই ২০৮৮ রাজ্য অসিদা তোঙান-তোঙানবা হোস্পিতালশিংদা লাইনা অসিদগী লাইয়েংলি।
• তমিল নাদুঃ চহী ৯৩ শুরবী নুপী অমা কোবিদ-১৯না মরম ওইদুনা পুদুচেরীদা লৈখিদ্রে অনৌবা কেস ২৪ লাকপগা লোইননা অপুনবা কেস ৮২৪ শুরে; অনৌবা কেসশিং অসিগী মনুংদগী পুচেরীদা ২৩ অমসুং করাইকালদা অমনি। মদুরাইদা, কোবিদ-১৯ কেস হেনগৎলকপদগী হোম আইসোলেসন্দা মাইল্দ ওইবা সিম্পতোমশিং তেস্ত তৌবা হৌরে। তমিলনাদুদা নোংমদা লাকপা খ্বাইদগী য়াম্বা কেস ওইনা ৪,৩৪৩ লাকখ্রে অমসুং ৫৭ লৈখিদ্রে, ২০২৭না চেন্নইদগীনি। রাজ্য অসিগী অনৌবা কেস মশীং অসি ৯৮,৩৯২নি, মসিগী মনুংদগী ৪১০৪৭না এক্তিব কেসনি। অপুনবা ওইনা মীওই ১৩২১ লাইচৎ অসিনা মরম ওইদুনা লৈখিদ্রে।
• করনাতাকাঃ অনৌবা চৎন-কাংলোনগী মতুং ইন্না, লাইওং উত্তবা, চহী ৫০গী মখাদা লৈবা অমসুং ওক্সিজেন লেবেলনা ৯৫% নত্ত্রগা মসিদগী হেনবা অনাবশিংবু হোম আইসোলেসনগীদমক য়াথং পীখ্রে। হকশেল অমসুং য়াইফ-য়ুম্বাল মন্ত্রালয়গী মখাদা কন্ত্রেক ওইনা থবক তৌরিবা দোক্তরশিংনা মখোয়না থবক রিগুলার ওইহনবীনবা দিমান্দ পীবদা থেংথবদগী রাজ্য সরকারনা মখোয়গী থাগী তোলোপ ৪৫,০০০দগী ৬০,০০০দা হেনগৎখ্রে। ঙরাং অনৌবা কোবিদ কেস ১৫০২, দিসচার্জ ২৭১ অমসুং ১৯ লৈখিদ্রে। অপুনবা পোজিতব কেসঃ ১৫০২, এক্তিব কেসঃ ৯৪০৬, লৈখিদ্রবাঃ ২৭২।
• অন্ধ্র প্রদেশঃ আই.সি.এম.আর.না কিং জিওর্জ হোস্পিতাল, বিশাখাপতনম্বু আই.সি.এম.আর. অমসুং ভারত বাইওতেক ইন্তর্নেসনেল লিমিতেদকা পুন্না খুৎশম্নদুনা পুথোকপা কোবিদ-১৯ তিকা (বি.বি.ভি.১৫২ কোবিদ ভেক্সিন)গী ক্লিনিকেল ত্রাইএল তৌনবগীদমক লৈবাক অসিদা লৈরিবা সেন্তর ১২গী মনুংদা চল্লে। তিকা অসি ক্লিনেকেল ত্রাইএল তৌরবা মতুংদা ঙল্লবদা ওগস্ত ১৫ ফাওবগী মনুংদা মীয়ামগী হকশেলগীদমক শীজিন্নবা হৌনবা পান্দম থম্লি। দিজল লোকো সেদ, বিশাখাপতনম্না চেগী শেলশিং, চে অমসুং খুৎশু খুৎলাইশিংবু সেনিতাইজ তৌনবা অলত্রাভাইওলেৎ রেদিএসন্দা য়ুম্ফম ওইবা দিসইনফেক্তেন্ত অমা পুথোকখ্রে। খুৎলাই অসি ভাইরস, নুংশিত্তা পাইদুনা চৎপা বেক্তরিয়াশিং অমসুং মোল্দ স্পোর্সশিংবু ৯৯% হাৎপা ঙম্বা জর্মিকে অলত্রাভাইওলেৎ রাইত্তগী থাদোক্লকপা য়ু.ভি. রেদিএসনগী প্রিন্সিপালদা শেম্বনি। হৌখিবা পুং ২৪ অসিদা সেম্পল ৩৮,৮৯৮ তেস্ত তৌরবা মতুংদা অনৌবা কেস ৮৩৭, দিসচার্জ তৌখিবা ২৫৮, অমসুং লৈখিদ্রবা ৫ রিপোর্ত তৌরকখ্রে। কেস ৮৩৭গী মনুংদগী ৪৬না ইন্তর স্তেত কেসনি অমসুং অনীনা মপান্দগীনি। অপুনবা কেসঃ ১৬,৯৩৪, এক্তিব কেসঃ ৯০৯৬, দিসচার্জঃ ৭৬৩২, লৈখিদ্রবাঃ ২০৬।
• তেলঙ্গানাঃ রাজ্য সরকারনা হাই কোর্ত্তা রাজ্য অসিদা মোবাইল তেস্তিং লেব হাংনবগী থৌরাং লৈতে অমসুং আর.তি.-পি.সি.আর. তেস্তনা হেন্না মরীক চুম্না রিজলৎ পীবনা মখা তানা চত্থখিগনি হায়খ্রে। হাইদেরবাদতা লৈবা ভারত বাইওতেক্না পুথোকপা কোবিদ-১৯গী তিকা অসি আই.সি.এম.আর.না ওগস্ত ১৫ ফাওবদা হৌদোক্নবা থৌরাং তৌরি। কোভাক্সিন হায়না মিং থোন্দুনা হ্যুমেন ক্লিনিকেল ত্রাইএল তৌনবা হোৎনরি। পঞ্জাগত্তাগী নিমসসু তেস্তিং সাইৎ অমা ওইরি। ঙরান ফাওবদা লৈখিবা অপুনবা কেসঃ ১৮৫৭০, এক্তিব কেসঃ ৯২২৬, লৈখিদ্রবাঃ ২৭৫ দিসচার্জঃ ৯০৬৯।
• মহারাস্ত্রাঃ রাজ্য অসিদা শগোলশেল নুমিত্তা কোবিদ-১৯দগী নাবা ফরবা মীওই লাখ অমা লানখ্রে, অনৌবা কেস ৬,৩৩০ হাপচিল্লকপগা লোইননা অপুনবা কেস মশীং ১,৮৬,৬২৬ য়ৌরে। রাজ্য অসিদা লৈরিবা অপুনবা এক্তিব মশীংনা ৭৭২৬০নি। মুম্বাই অনৌবা কেস ১৫৫৪ হাপচিল্লক্তুনা অপুনবা রিপোর্ত তৌরকখ্রবা কেস মশীং ৮০,২৬২ শুহনখ্রে।
• গুজরাৎঃ পুং ২৪গী মনুংদা অনৌবা কেস ৬৮১ লাকপগা লোইননা হৌজিক ফাওবদা অপুনবা কেস ৩৩৯৯৯ য়ৌরে। রাজ্য অসিদা কোবিদ-১৯না মরম ওইদুনা ১৯ লৈখিদবগা লোইননা অপুনবা লৈখিদবা মশীং ১,৮৮৮ শুখ্রে। অহেমদবাদতগী খ্বাইদগী য়াম্বা কেস ২০২ লাকখি অদুগা সুরত্তগী ১৯১ লাকখি। রাজ্য অসিদা এক্তিব কেস মশীগ ৭,৫১০ লৈরি। রাজ্য অসিদা অপুনবা সেম্পল ৩.৮৮ লাখ তেস্ত তৌখ্রে।
• রাজস্থানঃ ঙসি অঙনবা অয়ুক ফাওবদা অনৌবা কেস ১২৩ লাকপগা লোইননা মীওই ৫ লৈখিদ্রে। শগোলশেল নুমিত্তা অনৌবা কেস ৩৫০ অমসুং মীওই ৯ লৈখিদ্রে। রাজ্য অসিগী অপুনবা মশীং ১৮৭৮৫ য়ৌখ্রে। এক্তিব কেসনা ৩৩০৭নি।
• মধ্য প্রদেশঃ অনৌবা কেস ২৪৫ লাক্তুনা অপুনবা কেস মশীং ১৪,১০৬ য়ৌখ্রে। রাজ্য অসিদা এক্তিব কেস মশীং ২,৭০২ য়ৌখ্রে। লৈখিদ্রবা মশীংনা ৫৮৯নি।
• ছতিশগরঃ অনৌবা পোজিতিব কেস ৭২ লাকপগা লোইননা মসিনা অপুনবা কোবিদ-১৯ কেস মশীং ৩০১৩ শুখ্রে। খ্বাইদগী নৌবা রিপোর্ত অমগী মতুং ইন্না রাজ্য অসিদা এক্তিব কেস মশীং ৬৩৭ লৈরি।
• গোৱাঃ শগোলশেল নুমিত্তা অনৌবা কেস ৯৫ কোবিদ-১৯না নারে হায়বা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ১৪৮২ য়ৌরে। রাজ্য অসিদা এক্তিব কেস ৭৪৪ লৈরি।
• অসমঃ জি.এম.সি.ঐচ. গৌহাতীদা প্লাজমা বেঙ্ক হৌদোকখ্রে, অহানবা কোবালেসেন্ত দোনর দা. লিথিকেস মশামক দোক্তর অমনি।
• মনিপুরঃ বোক্সিং আইকোন অমসুং এসিয়ান গেমস্তা সনাগী তক্মান ফংখিবা মনিপুরগী দিঙ্কো সিংহ কোবিদ-১৯দগী নাবা ফরে অমসুং মহাক হৌজিক কোবিদ১৯ নেগেতিব ওইরে।
• মেঘালয়ঃ মেঘালয়দা মীওই অহুম অমগা কোবিদ-১৯ পোজিতিব অইরে, অনী অমনা নোংপোক খাসি হিলস্তগীনি (বি.এস.এফ.) অমসুং অমনা হাই রিস্ক কন্তেক ওইরিবা রি ভোইদগীনি। অপুনবা এক্তিব কেস মশীং ১৮শুরে অমসুং ৪৩ নাবা ফখ্রে।
• মিজোরমঃ মিজোরমদা ঙসি রিকোবর্দ তৌখ্রবা অনাবা অমা দিসচার্জ তৌখ্রে। হৌজিক রাজ্য অসিদা এক্তিব কেস ৩৫ লৈরি, ১২৭ নাবা ফখ্রে। অপুনবা কোবিদ-১৯ কেস মশীংনা ১৬২নি।
• নাগালেন্দঃ নাগালেন্দদা অনৌবা কোবিদ-১৯ কেস লাক্তুনা রাজ্য অসিগী অপুনবা মশীংদা ৫৩৯ শুখ্রে, এক্তিব কেস ৩৪২ অমসুং রিকোবর্দ তৌখ্রবনা ১৯৭নি।
• পঞ্জাবঃ পঞ্জাবকী মুখ্য মন্ত্রীনা পাবা লাইবা পনাব কোবিদ-১৯ ক্লিনিকেল মেনেজমেন্ত মেনুএল অমা হেলথকেয়র প্রোবাইদরশিংগীদমক ফোংখ্রে। মসিগী মরুওইবা পান্দমদি লাইচৎ অসিগী মাইকৈশিং খঙদোক্তুনা মসিদগী ঙাকথোক্তুনা লৈতবগী চাং হন্থনবা হোৎনবনি। মেনুএল অসিবু মহাক্কী লৈঙাক্কী 'মিসন ফতে'গী শরুক অমনি হায়রদুনা মুখ্য মন্ত্রীনা হায়খি, মসিনা লৈবাক অসিগী চৎকদবা প্রোতোকোলশিং অমসুং পঞ্জাবকী ওইবা তঙাইফদবা কোবিদ মেনেজমেন্তকগী মরক্তা থোং ওইনা মথৌ তৌরগনি অমসুং লাইচৎ অসিবু শেন্নবদা হেন্না লাইহন্নবা ওইনা অনাবশিংবু শেন্নবদা হেন্না খুদোংচারগনি হায়না মহাক্না মখা তাখি।

ফেক্তচেক

*******