জুন ২৪, ২০২০দা প্রধান মন্ত্রী শ্রী নরেন্দ্র মোদীনা কেন্দ্রগী কেবিনেৎকী মীফম পাংথোকখ্রে অমসুং তমথিরবা লায়চৎ অসিদা অরুবা ফীভমদা লৈরবা সেক্তরশিং পুম্নমক্কী ইনফ্রাস্ত্রকচরশিং খংচাউ চাউখৎহনবদা তুং কোইনা মথৌ তাগদবা শিংথানিংঙাই ওইবা ৱারেপ কয়া অমসু লৌখ্র্রে।

১. এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ শেমখ্রে

বেকগ্রাউন্দ :

হন্দক্তা লাওথোকখিবা আত্মনির্ভর ভারত অভিয়ানগী তেকখৎ-কাখৎহন্নিংঙাই ওইরবা পেকেজ অসি পাংথোকহল্লদুনা ঙসি কেবিনেৎনা শেনফম লুপা কোতী ১৫০০০গী এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ শেম্নবগী অয়াবা পীখ্রে।

সরকারনা হান্ননা মমাংদা দাইরীগী ইনফ্রাস্ত্রকচরশিং চাওখৎহন্নবা তেংবাংগী ওইবা সেক্তরনা ইন্সেন্তিব ওইবা ইনবেস্তমেন্তকীদমক্তা লুপা কোতী ১০,০০০গী দাইরী ইনফ্রাস্ত্রকচর দিবেলপমেন্ত ফন্দ (দি.আই.দি.এফ.)গী অয়াবা পীখি। অদুম ওইনমক, এম.এস.এম.ই.শিং অমসুং লন্নাইগী কম্পেনীশিংসু এনিমেল হজবেন্দরী সেক্তরদা ভেল্যু এদিসন ইনফ্রাস্ত্রকচর প্রোসেসিং তৌবদা মখোয়গী শরুক য়ারিবদু শৌগৎপীবা অমসুং থৌগৎপীবগী মথৌ তাই।

এ.ঐচ.আই.দি.এফ.না ঙসি অয়াবা পীখিবা অসিনা দাইরী, শাদোংশিং প্রোসেসিং তৌবা অমসুং শাগী মচিঞ্জাক্কী প্লান্তশিংগী ইনফ্রাস্ত্রকচর ইনভেস্তমেন্তশিংদা ইন্সেন্তিব স্কীম অসিগী মখাদা মতিক চারগদবা বেনিফিসিয়রীশিং অসি ফার্মর প্রদ্যুসর ওর্গনাইজেসন(এফ.পি.ও.শিং), এম.এস.এম.ই.শিং, সেক্সন ৮গী কম্পেনীশং, লন্নাইগী কম্পেনীশিং অমসুং নাইতোমগী ওইবা ইন্তর্প্রিন্যুরশিংনা মখোয়দা মার্জিনগী শেল চাদা ১০ খক্কী ওইগদবনি। চাদা ৯০গী বেলেঞ্চ অসি সেদ্যুল বেঙ্কশিং অদুনা লোনগী কম্পোনেন্তকী ওইনা মখোয়দা ফংহনগনি।

পাংথোক্নিংবা পাম্বা জীলাশিংদগী মতিক চারবা বেনিফিসিয়রীশিংদা চাদা ৪গী শেন্দোংগী শেনবাং ওইনা ভারত সরকারনা পীগনি অদুগা অতোপ্পা জীলাশিংগীনা চাদা ৩ পীগনি। মদুগী মতুং তারকপদা লোন অদুগী শেল থিগৎনবগীনবগা চহি ৬ কা কোন্ননা মোরেতোরিয়মগী চহি ২গী মতম লৈগনি। ভারত সরকারনা এম.এস.এম.ই.গী লেপথোক্লবা সিলিংগী ওইগদবা প্রোজেক্তশিংদা পীগদবা ক্রেদিৎ গরেন্তী নাবার্দনা শিল-লাংবা লুপা কোতী ৭৫০গী ক্রেদিৎ গরেন্তী ফন্দ অমা শেম্লগনি। গরেন্তী কোভরেজ অদু পুরিবশিংদা ক্রেদিৎকী খুদোংচাবা অদু চাদা ২৫ ফাওবা ওইগনি।

কান্নবশিং:

এনিমেল হজবেন্দরী সেক্তরদা প্রাইভেৎ সেক্তরশিংদা ইনভেস্ত তৌদুনা অনলোক তৌগদবা থবক পাংথোকপা ঙমগদবা কয়ানা ঙাইনদুনা লৈরি। লন্নাইগী ইনভেস্তরশিংগীদমক্তা শেন্দোইগী শেনবাংগা কোন্নবা স্কীমগা কোন্ননা এ.ঐচ.আই.দি.এফ.না প্রোজেক্তশিং অসিগী অহৌবগী ওইনা মথৌ তাবা ইনভেস্তমেন্ত অদু মপুং ফানবা কেপিতেল অদু শোইদনবা ফংহন্নবা লেপথোক্কনি অমসুং ইনভেস্তরশিংগীদমক্তা মপুং ওইনা হন্দোক্কদবা/শেল থিদোক্কদবা অদু হেনগৎহনবদসু মতেং পাংগনি। অসিগুম্বা ইনভেস্তমেন্তশিং অসিনা প্রোসেসিং তৌবদা অমসুং ভেল্যু এদিসন তৌবগী ইনফ্রাস্ত্রকচর মতিক চারবা বেনিফিসিয়রীশিংনসু এক্সপোর্ত তৌবদা শৌগৎকনি।

ভারত্তা দাইরীগী আওতপুৎ অসি ফাইনেল ভেল্যুগী চাদা অয়াম্বনা ৫০-৬০ অসি লৌমীশিংদা অমুক হল্লকখিবদগী, সেক্তর অসদা হেনগৎলক্লিবশিং অসিনা লৌমীশিংগী শেন্মিৎলোন্দসু অখন্নবা মওংদা হকথেংননা মমি তাহনবা য়াই। শঙ্গোম য়োনবদগী দাইরীগী কৈথেল অমসুং লৌমীশিংনা ৱাখল তারকপা অসিগী চাওবা-পীকপা অসি কোওপরেতিব অমসুং লন্নাইগী দাইরীশিংনা শেমগৎখিবা অদু থিংজিনখিবা অদু চাওখৎহল্লকপগা য়াম্না নক্না মরি লৈনৈ। মতৌ অসুম্না এ.ঐচ.আই.দি.এফ.তগী ইনভেস্তমেন্ত অসি লুপা কোতী ১৫,০০০ অসি লন্নাইগী ইনভেস্তমেন্তা শরুক কয়া হেন্না কান্নবা ফংহনবদা নত্তনা লৌমীশিংগী ইনপুৎতসু হেন্না ইনভেস্ত তৌনবগীদমক্তা পুক্নিং থৌগত্তুনা পোত্থোকশিং হেনগৎহন্দুনা লৌমীশিংগী শেন্মিৎলোন হেনগৎহনগনি। ঙসি এ.ঐচ.আই.দি.এফ.তগী অয়াবা পীখিবা থৌরাংশিং অসি না মীওই লাক্ষ ৩৫রোমগী পুন্সি মহিংদসু হকথেংননা অমদি নাকোইননা তেংবাং পীরগনি।

২. কুশিনগর এয়রপোর্তপু অন্তর্রাস্ত্রীয় এয়রপোর্ত ওইনা লাওথোকখিবা

বেকগ্রাউন্দ:

কুশিনগর অসি গৌতম বুদ্ধনা থুপখ্রবা মতুংদা মহাপরিনির্বনা য়াওখিবা মরুওইবা বুদ্ধিস্তকী তীর্থ মফম অমনি। মসি মালেম পুম্বগী মফম কয়াদগী তীর্থগীদমক্তা লাকপা বুদ্ধিস্তকী তীর্থ চৎপশিংনা য়াম্না শেংলবা বুদ্ধিস্তকী তীর্থগী মফম্নি হায়না লৌনৈ। কুশিনগর অসি অকোয়বদা নক্না লৈরিবা শ্রবস্তি(কি.মি.২৩৮), কপিলাবস্তু(কি.মি.১৯০) অমসুং লুম্বিনি (কি.মি.১৯৫)নচিংবা অতৈ বুদ্ধিস্তকী মফমশিংগা লোয়ননা লৈদুনা মাগী নিংলিবশিং অমসুং অরাকপা মীশিংগা মান্নদনা অনিমক্কী ওইনা পুক্নিং চিংশিন্নিংঙাই ওইরি। কুশিনগর অসি হান্না মাংজৌননা ভারত অমসুং নেপালদগী লাকপা বুদ্ধগী লাইনিং চৎপা সর্ক্যুৎকী তীর্থ চৎপশিংগী থৌগল তৌদুনা লাক্লি। কেন্দ্রগী কেবিনেৎনা উত্তর প্রদেশতা কুশিনগর অসি অন্তর্রাস্ত্রীয় এয়রপোর্ত অমা ওইনা লাওথোকপগী অয়াবা পীখ্রে।

কান্নবশিং :

বুদ্ধিস্তকী সর্ক্যুৎ অসি মালেম অসিগী বুদ্ধগী লাইনিং চৎপা তীর্থ চৎপা মীওই মিলিয়ন ৫৩০গী মরুওইবা পন্থুংফম অমনি। মরম অসিনা কুশিনগর অসি ‘অন্তর্রাস্ত্রীয় এয়রপোর্ত’ অমা ওইনা লাওথোকখিবা অসিনা কন্নেক্তিবিতী অসি ফগৎহনগনি, এয়র ত্রেভেলিং তৌবশিংনা দোমেস্তিক/অন্তর্নেস্নেল তুরিজমদা চাংদম্ননিংঙাই ওইবা মমলদা সর্ভিসশিং অসি হেন্না য়াম্বা মওংদা খন্নবা লৈবা অমসুং মফমদুগী শেন্মিৎলোন অদু খংহেন হেনগৎহনগনি।

অপীবা নুমীৎ অমদা, থাইলেন্দ, কম্বোদিয়া, জপান, বর্মানচিংবদগী লাকপা লাইনিংবা ২০০-৩০০লোম্না লাকই অমসুং কুশিনগরদা মখোয়গী লাইশোন-তিনশোন পাংথোকই। অদুম ওইনমক মতম শাংনদগী পন্দুনা লৈরক্লিবা অন্তর্রাস্ত্রীয়গী তুরিস্তকী লমথুংফম অসিগী হেকথেংননা শমজিন্নবা অমত্তা লৈত্রি।

কুশিনগরগা হেকথেংননা অন্তর্রাস্ত্রীয়গী শমজিন্নবা অসিনা মীরৈবাক্তগী অমসুং ইরমসিগী লমকোইবশিংনা কুশিনগরদা লাকপগী চাং অসি মশিং কয়া অমা হেনগৎহন্দুনা মফমদুগী শেন্মিৎলোন অদু মপাঙ্গল কনবা হেনগৎহনগনি।

অন্তর্রাস্ত্রীয় এয়রপোর্ত অসি লৈবাক অসিদা হান্নদগী হেনগৎনরক্লিবা তুরিজম অমসুং হোসপিতেলিতীগী ইকোসিস্তেম অসি খংহেন হেনগৎনগনি হায়বগী থাজবা লৈ।

৩. ম্যান্মারদা শ্বে থাও অমসুং গ্যাসকী প্রোজেক্ত মখা তানা চাওখৎহন্নবা অহেনবা ইনভেস্তমেন্তকী অয়াবা পীবা
 

বেকগ্রাউন্দ :

ও.এন.জি.সি. বিদেশ (ও.ভি.এল.) অসি খা-কোরিয়া, ভারত অমসুং ম্যান্মারদগী কম্পেনীশিং কন্সোর্তিয়মগী শরুক অমা ওইনা ২০০২দগী ম্যানমারদা শ্বে গ্যাস প্রোজেক্ত থিজিনবগী অমসুং চাওখৎহনবগা লোইনদুনা লাক্লি। ভারতকী পি.এস.ইয়ু., জি.এ.আই.এল. অসিসু প্রোজেক্ত অসিগী কো-ইনভেস্তরনি। ও.ভি.এল.না ইয়ু.এস. দোলর মিলিয়ন ৭২২ (চাওরাক্না চহিগী একচেঞ্জ রেৎকী চাংচৎকী ওইনা লুপা কোতী ৩৯৪৯) অসি মার্চ ৩১, ২০১৯ ফাওবদা প্রোজেক্ত অসিদা ইনবেস্ত তৌখ্রে। শ্বে প্রোজেক্তগী অহানবা গ্যাস অসি জুলাই ২০১৩দা ফংখি অমসুং প্রদক্সনগী পন্দোন অসি দিসেম্বর ২৯১৪দা য়ৌখ্রে। প্রোজেক্ত অসি শেনবা চহি ২০১৪-১৫দগী নিংথিজবা মওংদা পুথোরক্তুনা লাক্লি। ইকোনোমিক এফেয়র্সকী কেবিনেৎ কম্মিতীনা ম্যান্মারদা শ্বে অমসুং থাউগী প্রোজেক্ত অসি মখা তানা চাওখৎহন্নবা ও.এন.জি.সি. বিদেশ লিমিতেদ (ও.ভি.এল.)না ইয়ু.এস. দোলর মিলিয়ন ১২১.২৭(লুপা কোতী ৯০৯রোম, ইয়ু.এস. ১=লুপা ৭৫)কী অহেনবা ইনভেস্তমেন্ত তৌবগী অয়াবা পীখ্রে। কান্নবশিং:

য়ুমথংনবা লৈবাক্তা থাও অমসুং গ্যাস থিজিনবা অমসুং চাওখৎহনবগী প্রোজেক্তশিংদা ভারতকী পি.এস.ইয়ু.শিংনা থৌদাং লৌরিবা অসি ইন্দিয়াগী এক্ত ইস্ত পোলিসীগা লোয়ননা য়াশিন্নবনি অমসুং ভারতকী ইনর্জীগী সেক্যুরিতীগী মথৌ তাবশিং অদু কনখৎহনবদা নত্তনা য়ুমথংনবদা লৈরিবশিংগা শক্তিগী থোং অদু ফগৎহন্নবগী ভারতকী লাল্লোংগী শরুক অমনি।

*****