(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা কোবিদ-১৯গী অনাবা ১০৩৮৬ নাবা ফখিদুনা অপুনবা মশিং লাখ ২ হেনখ্রে অমসুং রিকোবরী রেৎ ৫৩.৮%দা হেনগৎখ্রে
• কেন্দ্রগী গৃহ মন্ত্রীনা দিল্লী-এন.সি.আর.গী সেনিয়র ওফিসিয়েলশিংগা লোইননা কোবিদ-১৯গী চেকশিন থৌরাংগী মতাংদা মীফম পাংথোকখ্রে
• হায়দুনা ইন্দিয়ন রেলৱেজনা নন-এয়র কন্দিসন কোচ ৫২৩১বু আইসোলেসন কোচ ওইনা ওন্থোকখ্রে;এ.সি. কোচ অসি এ.সি. দক্তিংগী খুত্থাংদা ভাইরস শন্দোকপা য়াবনা কোবিদ-১৯গী ওইনদি চানবা ওইদে
• শ্রী রাম বিলাস পাসৱন্না চেং হৱাই মতিক চানা লৈরে অমসুং অৱাবা মতমসিদা কনা অমত্তা চরা হেল্লরোই হায়খ্রে
• কেন্দ্র সরকারনা করনাতকানা কোবিদ-১৯ লাকশিন্নবা শিজিন্নরিবা কন্তেক্ত ত্রেসিং মপুং ফানা তৌবা অমসুং য়ুম্থোং খুদিংদা চত্তুনা অমসুং ফোন তৌদুনা সর্বে তৌবগী মওংবু অতৈ রাজ্যশিংনশু মতৌ তম্নবা হায়খ্রে

কোবিদ-১৯গী অপদেৎ; হৌজিক ভারত্তা মীওই লাখ ২ হেন্না কোবিদ-১৯দগী অনাবা ফরে; অনাবা ফগৎলকপগী চাং হেনগৎলক্তুনা চাদা ৫৩.৭৯ য়ৌরে

হৌখিবা পুং২৪দা কোবিদ-১৯ অনাবা মীওই ১০,৩৮৬ অনাবা ফরে , হৌজিক অপুনবা ওইনা অনাবা মীওই ২,০৪,৭১০ কোবিদ-১৯দগী ফরে । কোবিদ-১ নারবা মীওইশিংগী মরক্তা অনাবা ফবগী চাং হেনগৎলক্তুনা চাদা ৫৩.৭৯ য়ৌরে । হৌজিক এক্তিব কেস ১,৬৩,৪২৮ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি । নুমিৎ খুদিংগী অনাবা ফবগী চাং হেনগৎলকপা উরে অমসুং একতিব কেস অমসুং অনাবা ফরবা কেসশিংগী য়াম্না চাউনা খেন্নবা হেনগৎলক্লে । অনাবা ফবগী চাং হেনগৎলকপা অসিনা ভারতনা মতম চানা কোবিদ-১৯ থেংনবা ঙম্বা অদু উৎলে ।

সরকারগী লেবোরেতোরি মশিং ৭০৩দা হেনগৎলে অমসুং লনাইগী লেব মশিংনা ২৫৭দা হেনগৎলে ।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632590

করনাতকাগী আই.তি.দা য়ুম্ফম ওইবা কন্তেক্ত ত্রেসিং মপুং ফানা তৌবা অমসুং য়ুম্থোং খুদিংগী সর্বে তৌবগী মোদেলবু কেন্দ্র সরকারনা থাগৎখ্রে

করনাতকাদগী লাকপা কোবিদ-১৯ শেন্নবগী ফজরবা থৌওং অমবু কেন্দ্র সরকারনা থাগৎপা ফোংদোকখ্রে। থৌওং অসিনা কোবিদ-১৯ পোজিতিব কেসশিংবু মপুং ফানা কন্তেক্ত ত্রেসিং তৌবগা লোয়ননা য়ুম্থোং খুদিংদা নত্ত্রগা ফোন্দা পাউ ফাওনদুনা ইমুং কোতি ১.৫গা নিংথিজনা পাউ ফাওনরি। রাজ্য সরকার অসিনা লৌখৎপা খোংথাং অনি অসি মলতি সেক্তোরিএল এজেন্সীশিং য়াওদুনা “অপুনবা গবর্নমেন্ত”কী মওংদা শেম্বনি অমসুং তেক্নোলোজীদা য়ুম্ফম ওইবা থবকশিং অমসুং ৱারোইশিন পীনবা থৌওংশিংনা তেংবাংই। মখোয়না কেস খুদিংমকপু মায় পাক্না ত্রেস অমসুং ত্রেক তৌদুনা লায়চৎ অসি শন্দোরকপা থিংনবা মায় পাক্না হোৎনরি। কেন্দ্র সরকারনা অতোপ্পা রাজ্যশিংনশু থৌওং অসি মখোয়গী মফমশিংদা পাংথোক্তুনা কোবিদ-১৯গী লায়চৎ অসি শন্দোরকপা থিংনবা নিংথিনা হোৎননবা হায়খি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632556

হেল্থ সর্ভে তৌবদগীনা তেস্তিং তৌবা ফাওবা অমসুং লন্নাইগী হোস্পিতালদা লায়েংনবগী অকক্নবা মমল লেপ্পা য়াওনা দিল্লীদা কোবিদ-১৯ শেন্নবগী থবক থৌরমশিং কেন্দ্রগী গৃহ মন্ত্রী শ্রী অমিৎ শাহনা হায়বগী মতুং ইন্না শেমদোকখ্রে

দিল্লীগী মীয়ামদা তেংবাংবগী মোদী সরকারনা খঞ্জবশিং অসি থবক ওইনা পাংথোক্লদুনা প্রধান মন্ত্রী শ্রী নরেন্দ্র মোদীগী পাউতাক মতুং ইন্না কেন্দ্রগী গৃহ মন্ত্রী শ্রী অমিৎ শাহনা দিল্লীদা ওইরিবা কোবিদ-১৯গী ফিভম অসি মশামক্না য়েংশিল্লি। হৌখিবা নুমিৎ খরনিদা দিল্লীগী কোবিদ-১৯গী ফিভমশিংগী মতাংদা কেন্দ্রগী গৃহ মন্ত্রী শ্রী অমিৎ শাহনা লুচিংদুনা পাংথোকখিবা মীফম কয়া অমদা পীখিবা য়াথংগী মতুং ইন্না দিল্লীগী কন্তেনমেন্ত জোন ২৪২দা য়ুম্থোং খুদিং চংদুনা পাংথোকপা সর্ভে অমা ঙরাং লোইশিনখ্রে। মদুদা অপুনবা মীওই লাখ ২.৩ সর্ভে তৌখি। মখা তাবা ওইনা, কেন্দ্রগী গৃহ মন্ত্রীনা দিল্লীদা তেস্ত তৌবা হেনগৎপা অমসুং অথুবা মতমদা রিজল্ত পীনবা হায়বগী মতুং ইন্না রেপিদ এন্তিজেন তেস্তিংগী থৌওং শিজিন্নদুনা ঙরাংদগী তেস্ত তৌবা হৌখ্রে। তেস্ত তৌফম ১৯৩দা পুন্না মীওই ৭,০৪০ তেস্ত তৌখ্রে। লাক্লিবা নুমিৎশিংদা তেস্ত তৌবগী কেপাসিতীশু হেনগৎলগনি। শ্রী অমিৎ শাহনা ৱারেপ হেক লৌখিবগা খুদক্তা সেম্পল তেস্ত তৌবগী চাং অসি শরুক অনি হেনগৎখি। হান্ননা নোংমদা ৪০০০-৪৫০০০গী চাংদা তেস্ত তৌরম্বা অদুদগী হেনগত্তুনা তাং ১৫দগী ১৭ ফাওবদা দিল্লীদা অপুনবা সেম্পল ২৭,২৬৩ তেস্ত তৌখি। 

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632589

কেন্দ্রগী গৃহ মন্ত্রীনা এন.সি.আর.গী সেনিয়র ওফিসিয়েলশিংগা লোইননা কোবিদ-১৯গী চেকশিন থৌরাংগী মতাংদা মীফম পাংথোকখ্রে 

কোবিদ-১৯ লাইচৎ অসি লাকশিন্নবা দিল্লী এন.সি.আর.গী রিজন্দা য়ুনিফাইদ ওইবা লালোং অমা দরকার ওই হায়দুনা কেন্দ্রগী গৃহ মন্ত্রী শ্রী অমিৎ শাহনা ফোংদোকখ্রে৷ কোবিদ-১৯গী লাইয়েং চৎথবগী চেকশিন থৌরাং অদু য়েংশিন্ননবগীদমক ঙসি মফম অসিদা পাংথোকখিবা মীফম অদুদা শ্রী অমিৎ শাহনা অসুম্না হায়খি মদুদি ভাইরস অসি লাকশিন্ননবগীদমক দিল্লীদা লৈরিবা মরী লৈনবা ওথোরিতী পুম্নমক অমসুং এন.সি.আর. রিজন্না পুন্না চৎমিন্নবা তঙাই ফদে হায়খ্রে৷ কেন্দ্রগী গৃহ মন্ত্রীনা অসুম্না হায়খি মদুদি ভাইরস অসি শন্দোকহন্দনা থম্নবগীদমক হেন্না হেন্না তেস্ত তৌবা তঙাই ফদে অমসুং কোবিদ পোজিতিব ওইরবা মীওইশিং খন্দোকপা অমসুং লাইয়েং চৎথবসু তঙাই ফদে হায়খ্রে৷ কেন্দ্রগী গৃহ মন্ত্রীনা মিসন মোদ অমদা থবক তৌবা য়াম্না মরু ওই হায়খ্রে৷

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632370

এ.সি. কোচ অসি এ.সি. দক্তিংগী খুত্থাংদা ভাইরস শন্দোকপা য়াবনা কোবিদ-১৯গী ওইনদি চানবা ওইদে

কোবিদ-১৯ লান্থেংনবা ঙম্বা হেনগৎনবা হায়দুনা ইন্দিয়ন রেলৱেজনা নন-এয়র কন্দিসন কোচ ৫২৩১বু কোবিদ কেয়র সেন্তরগী থাক্তা লৈবা আইসোলেসন কোচ ওইনা ওন্থোকখ্রে। মসিগী ফেসিলিতীশিং অসি এম.ও.ঐচ.এফ.দব্ল্যু. অমসুং নিতি আয়োগনা পুন্দুনা রাজ্যশিংগী ফেসিলিতীশিং অসি কোবিদকী লায়চৎনা লাকশিল্লকপা মতমদা শিজিন্ননবা শেমখিবনি। ফেসিলিতী অসি নুংশিৎ মরাং কায়না চংহনগদবনি অমসুং মহৌশাগী ওইবা মৈঙাল চংহনগদবনি অমসুং করিগুম্বা এ.সি.গী দক্ত লৈরবদি লৌথোক্তুনা এ.সি. য়াওহল্লোইদবনি। এ.সি. অমসুং এ.সি. নত্তবা কোচকী হীরমদা কোচশিং অসি কোবিদকী অনাবশিংগী শেমদোক্ত্রিঙৈগী মমাংদা নিতি আয়োগ অমসুং হকশেল অমসুং য়াইফ য়ুম্বাল মন্ত্রালয়না হান্ননা খন্নখ্রবনি। এ.সি. কোচ অসি এ.সি. দক্তিংগী খুত্থাংদা ভাইরস শন্দোকপা য়াবনা কোবিদ-১৯গী ওইনদি চানবা ওইদে অমসুং ভাইরস অসি থেংনবদা অৱাংবা তেম্পেরেচর অমসুং থোং থোংনাউদগী চংলকপা নুংশিৎকী তঙাই ফদবা লৈ হায়না য়ানখ্রবনি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632563

স্ত্রীৎ ভেন্দরশিংগীদমক্তা ওইবা অখন্নবা মাইক্রো-ক্রেদিৎ ফেসিলিতীগী স্কীম হৌদোকখ্রে - আত্মানির্ভর ভারতকী মাইকৈ তম্না কন্না হোৎনবা

ঙসি হাউজিং অমসুং অর্বান এফিয়র্সকী মন্ত্রালয় অমসুং স্মোল ইন্দস্ত্রীজ দিবেলপমেন্ত বেঙ্ক ওফ ইন্দিয়া (এস.আই.দি.বি.আই.)গী মরক্তা য়ানা ৱারোল খুৎয়েক পীনখি, হায়রিবা অসি পি.এম. স্ত্রীৎ ভেন্দরস আত্মানির্ভর নিধি (পি.এম. এস.ভি.নিধি) - স্ত্রীৎ ভেন্দরশিংগীদমক্তা ওইবা অখন্নবা মাইক্রো-ক্রেদিৎ ফেসিলিতী অসিগীদমক্তা এস.আই.দি.বি.আই.বু ইমপ্লিমেন্তেসন এজেন্সী অমা ওইনা মথৌ তৌহন্নবনি। এস.আই.দি.বি.আই.না এম.ও.ঐচ.য়ু.এ.গী লমজিং-লমতাক্কী মখাদা পি.এম. এস.ভি.নিধি স্কীম অসি চৎনহনগনি। মখোয়না মাইক্রো অমসুং স্মোল ইন্তরপ্রাইজশিং (সি.জি.তি.এম.এস.ই.)গীদমক্তা ওইবা ক্রেদিৎ গেরেন্তী ফন্দ ত্রস্তকী খুত্থাংদা লেন্দিং ইন্সতিত্যুশনশিংদা লৈরিবা ক্রেদিৎ গেরেন্তী অদুসু য়েংশিনগনি। মখোয়না এন্দ-তু-এন্দ সোলুশনশিং পীদুনা কস্তমাইজ তৌরবা অমসুং ইন্তিগ্রেতেদ আই.তি. প্লেৎফোর্ম দিবেলপ তৌগনি অমসুং মসিবু য়েংশিনগনি, হায়রিবা অসিদা অর্বান লোকেল বোদীশিং (য়ু.এল.বি.শিং), লেন্দিং ইন্সতিত্যুশনশিং, দিজিতেল পেমেন্ত এগ্রিগেতরশিং অমসুং অতোপ্পা স্তেকহোল্দরশিংগী মরক্তা এনগেজমেন্ত লৈহনবা অমসুং ই-পাউ নীংথিজনা ফাওদোক ফাওজিন লৈহন্নবা পোর্তেল অমসুং মোবাইল এপকী খুত্থাংদা থৌওংশিং অসিগী দোক্যুমেন্তেশন তৌবা অমসুং এন্দ-তু-এন্দ সোলুশনগীদমক্তা ৱার্কফ্লোশিং লৈহনবসু য়াওরি।

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632543

প্রধান মন্ত্রীনা লুচিংদুনা বরানসিদা পায়খৎলিবা চাউখৎ-থৌরাংগী প্রোজেকশিং য়েংশিনবগী মীফম পাংথোকখ্রে

ঙসি ভিদিও কনফরেন্সকী খুৎথাংদা প্রধান মন্ত্রীনা লুচিংদুনা বরানসিদা পায়খৎলিবা চাউখৎ-থৌরাংগী প্রোজেকশিং য়েংশিনবগী মীফম অমা পাংথোকখ্রে । দ্রোন ভিদিও অমা শীজিন্নদুনা মফম অদু উৎতুনা কাসি বিশ্বনাথ মন্দির শেমগৎপগী থবক খুমাংচাউশিনবা অদু মীফম অদুদা পাউদমখি । কোবিদ লাকশিন্নবা পায়খৎলিবা থবকশিংসু খন্নখি । কোবিদ-১৯ থেংননবা পায়খৎলিবা থবকশিং অমুক হন্না য়েংশিনখি । চাংয়েং তৌনবা, খোঙ্গুল লিনবা অমসুং লায়েংনবা অরোগ্যা সেতু এপ্প মপুংফনা শীজিন্ননবা প্রধান মন্ত্রীনা খঙহনখি । মফম অসিগী লৈঙাক্না চানবা অমসুং লৈফম পীনবা অমসুং ক্বারেনতাইনগী থবকশিংগীদমক মহাক্না থাগৎখি । ময়ুমদা হল্লক্লবা শিন্মীশিং থবক পীনবা চুনবা স্কিল মেপ্পিংগী থবক পায়খৎনবা মহাক্না খঙহনখি । প্রধান মন্ত্রী গরিব কলয়ান য়োজনানা কান্নবা পীবগী মতাংদা অমসুং কোবিদ-১৯গী অৱাবা কোকহন্নবা পায়খৎলিবা স্কিমশিংগী মতাংদা প্রধান মন্ত্রীনা ফিদবেক লৌখি । 

অকুপ্পা মরোলগীদমকঃ https://pib.gov.in/PressReleseDetail.aspx?PRID=1632595

ইন্তর্নেস্নেল দে ওফ যোগ (আই.দি.ৱাই.)দা প্রধান মন্ত্রীগী ৱারোল তেলিভিজনদা শন্দোক্কনি

প্রধান মন্ত্রী শ্রী নরেন্দ্র মোদিগী পাউজেলনা ইং ২০২০গী ইন্তর্নেস্নেল যোগ নুমিৎকী মরুওইবা থৌরম ওইগনি। প্রধান মন্ত্রীগী পাউজেল অসি জুন ২১, ২০২০গী অয়ুক পুং ৬.৩০দা তেলিভিজনদা শন্দোক্কনি। হন্দক চহিগী ইন্তর্নেস্নেল যোগ নুমিৎ অসি আয়ুশ মন্ত্রালয়না শিনদুনা ইলেক্ত্রোনিক অমসুং দিজিতেল মেদিয়াগী খুৎথাংদা পাক-শন্না পাংথোকলগনি। হৌখিবা চহিশিংদদি ইন্তর্নেস্নেল যোগ নুমিৎকী থৌরম অসি মীয়াম পাক-শন্না মীয়াম তিনবা মফমশিংদা যোগ তৌদুনা পাংথোকই। অদুবু হন্দক্কী চহি অসিদদি কোভিদ-১৯ লাইচৎনা মরম ওইদুনা মায়োক্নরিবা মলেমগী হকশেলগী ফিভম অসি য়েংদুনা মীয়ামতিনবা মফমশিংদা পাংথোক্ত্রবশু মীপুম খুদিংমক্না য়ুম-য়ুমদা ইমুং-মনুংগী মীওইশিংগা লোইননা যোগ তৌদুনা পাংথোক্নবা মায় ওনশিল্লি। লাইচৎকী মতম অসিদা যোগ অসি য়াম্না মরু ওই মরমদি যোগ তৌবনা ৱাখল অমদি হকচাংবু ফনা থম্বা ঙম্মী অমদি মীওইশিংদা লৈনা কয়া ময়োক্নবা ঙমবগী পাংগল হেনগৎহল্লি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632360

শ্রী রাম বিলাস পাসৱন্না রাজ্য অমসুং য়ু.তি.গী ফুদ মন্ত্রীশিংগা ভিদীও কনফরেন্সিংগী খুত্থাংদা লেমহৌরিবা রাজ্য/য়ু.তি. ১৪দা ৱান নেসন ৱান রেসন কার্দ থবক ওইনা পাংথোকপগী মতাংদা খন্নখ্রে

কেন্দ্রগী কঞ্জ্যুমর এফিয়ার্স, ফুদ এন্দ পব্লিক দিস্ত্রিব্যুসন মন্ত্রী শ্রী রাম বিলাস পাসৱন্না ভিদীও কনফরেন্সিংগী খুত্থাংদা ‘ৱান নেসন ৱান রেসন কার্দ’ প্রোগ্রামগী খুত্থাংদা এন.এফ.এস.এ.গী কার্দ রেসন কার্দ পায়বশিংগী নেস্নেল পোর্তেবিলিতীগী খুমাং চাউশিনবশিং য়েংশিন্নবা মীফম অমা ফমখ্রে। মীফম অসিগী পান্দমদি ‘ৱান নেসন ৱান রেসন কার্দ’কী ফেসিলিতী অসি হায়রিবা রাজ্য/য়ু.তি. ১৪দা থবক ওইনা পাংথোকপগী শেম-শাবা, শিজিন্নগদবা থৌওংগী মওং অমসুং চংগদবা মতমগী মতাংদা খংদোকপনি। রাজ্য/য়ু\তি. ৫গী, অসম, ছতিসগর, দিল্লী, মেঘালয় উমসুং তমিল নাদু, ফুদ মন্ত্রীশিং অমসুং অতোপ্পা রাজ্য/য়ু\তি.গীনা মখোয়গী ফুদ সেক্রেতরীশিংনা মীফম অদুদা শরুক য়াখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632376

মাইনর ফোরেস্ত প্রদ্যুসকীদমক মিনিম্ম সপ্পোর্ত প্রাইজকী লুপা কোতি ২০০০ হেন্না ত্রাইবেল ইকনোমিদা হাপচিনখ্রে

মাইনর ফোরেস্ত প্রদ্যুসকী পোৎলমশিং প্রোক্ব্যুর্মেন্ত তৌনবা কেন্দ্র অমসুং স্তেৎ সরকারগী ফন্দশিংগী খুত্থাংদা লুপা কোতি ৮৩৫ রোমগী অপুনবা প্রোক্ব্যুর্মেন্ত অমসুং লুপা কোতি ১২০০না লনাই ত্রেদকী খুত্থাংদা (মান্দিস/ হাত বাজারশিংদা য়োনবগী খুত্থাংদা) স্তেৎ ১৭দা এপ্রিল ২০২০দগী হৌখ্রে। মসিনা চহি অসিগী প্রোক্ব্যুর্মেন্ত লুপা কোতি ২০০০ য়ৌহনখ্রে অমসুং ত্রাইবেল মীয়ামদা মখোয়গী মাইনর ফোরেস্ত প্রদ্যুসশিংগী মহুৎ ওইনা দাইরেক্ত বেনিফিৎ ত্রান্সফর অমা পীরি।.কোবিদ-১৯ লায়না লাইচৎ অসিনা মরম ওইরগা অমুক্তা থোকখিদ্রিবা ফীভমশিংনা খুদোংচাদবশিং থোকহল্লি অমসুং ত্রাইবেল মীয়ামশিংগী মরক্তা খমথেংনা অৱাবা থেংনহল্লি। নহাশিংগী মরক্তা থবক ফংদবা, ত্রাইবেলশিংগী রিভর্স মাইগ্রেসননা ত্রাইবেল পুম্নমক্কী শেনমিৎলোনদা শোইথহল্লকই। মসিগুম্লবা ফীভম অসিদা এম.ই.পি.গীদমক্তা এম.এস.পি.না স্তেৎ পুম্নক্তা খুদোংচাবা অমা পীরি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632397

আই.আই.তি. গুৱাহাতিনা অহোংবা কোবিদ-১৯গী দাইগ্নোস্তিক কিৎ পুথোকখ্রে

নোবেল কোরোনাভাইরসকী খুৎপায়দগী নান্থোক্নবা অচুম্বা তেস্তিং তৌবগী তঙাই ফদবা লৈ। হীরমসিগী মতাংদা থবক কনশিল্লদুনা ইন্দিয়ন ইন্সতিত্যুত ওফ তেক্নোলোজী (আই.আই.তি.)গুৱাহাতিনা আর.আর. এনিমেল হেলথকেয়র লিমিতেদ অমসুং গুৱাহাতি মেদিকেল কোলেজ অমসুং হোস্পিতাল (জি.এম.সি.ঐচ.)গা খুৎশম্নদুনা অহোংবা দাইগ্নোস্তিক কিৎ অমা পুথোকখ্রে। মখোয়শিং অদুদি ভাইরেল ত্রান্সপোর্ত মীদিয়া (ভি.তি.এম.) কিৎশিং, আর.তি.-পি.সি.আর. কিৎশিং অমসুং আর.এন.এ. আইসোলেসন কিৎশিংনি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1632576

লৈবাকসিগী কৈথেলগী মতিক চাবা স্তোক লৈরবা মতুংদা ঐচ.সি.ক্যু.দা থম্লমবা মপান লমদা থাবগী অথিংবা লৈবা অদু লোউথোকখ্রে

সরকারনা খুদক্তগী হৌনা এন্তি-মেলেরিএল দরগ হাইদ্রোক্সিক্লোরোক্বিন (ঐচ.সি.ক্যু.) এ.পি.আই. অমসুং মসিগী ফোরম্যুলেসনবু মপান লমদা থাদোকপদা থম্লম্বা অথিংবদু লৌথোকখ্রে। মসিগী মতাংদা ফোরেন ত্রেদকী দাইরেক্তোরেৎ জেনেরেলনা ঙরাং চেরোল অমা থোকখ্রে। মন্ত্রীশিংগী ওইবা অৱাংবা থাক্কী ইম্পাৱর্দ কম্মিত্তীনা থাখায় খুদিংগী লৈবাক অসিদা ফংলিবা হিদাকশিং লৈরি নত্ত্রগা লৈত্রে য়েংশিন্নবা মীফম ফম্মি অমসুং ওইরিবা ফিভমশিং অসি য়েংশিন্নবা অদুমক ফমখিগনি। হকশেল অমসুং য়াইফ য়ুম্বাল মন্ত্রালয়গী তঙাই ফদবা হাইদ্রোক্সিক্লোরোক্বিনগী এম.জি. ২০০গী গুলি কোতি ১২.২২ অসি সেন্ত্রেল পব্লিক সেক্তর অন্দরতেকিং ওইরিবা ঐচ.এল.এল. লাইফকেয়রদা কোবিদ-১৯ থেংননবগীদমক পীখ্রবনি। হৌজিক্কী ওইনা এম.ও.ঐচ.এফ.দব্ল্যু.না লৈবাক অসিগী অপাম্বা থেংনবা ঙম্নবা ঐচ.সি.ক্যু. গুলি মতিক চানা থম্লি। মসিগী মথক্তা এম.জি. ২০০গী ঐচ.সি.ক্যু. গুলি কোতি ৭.৫৮ অসি রাজ্য সরকার অমসুং অতোপ্পা ইন্সতিত্যুসনশিং অমসুং বি.পি.পি.আই./জন ঔশধি কেন্দ্রশিংদা মখোয়গী তঙাই ফদবগী মতুং ইন্না পীখ্রবনি। মখা তানা এম.জি. ২০০গী ঐচ.সি.ক্যু. গুলি কোতি ১০.৮৬ অসি লোকেল মফমশিংদা হিদাক য়োনফমশিংদা দিমান্দ থেংনবা ঙম্নবা পীখ্রবনি। অসুম্না লৈবাক অসিগী তঙাই ফদবশিং থেংনবা ঙম্নবা হায়দুনা এম.জি. ২০০গী ঐচ.সি.ক্যু. গুলি কোতি ৩০.৬৬ ফংহনখ্রবনি। হৌজিক্কী ওইনা লৈবাকসিদা হিদাক অসি মরাং কায়না লৈরে। 

অকুপ্পা মরোলগীদমকঃ https://pib.gov.in/PressReleasePage.aspx?PRID=1632608

পি.আই.বি. ফিল্দ ওফিসশিংদগী লাকপা ইনপুৎশিং

• চান্দিগরঃ চান্দিগর য়ু.তি.গী লৈঙাক্লোইনা হেলথকী প্রিন্সিপাল সেক্রেতরীদা সেল-ক্বারেন্তাইনখক তৌবগী মহুত্তা সেলফ-হোম ক্বারেন্তাইন তৌদুনা মপান্দগী লাকপা মীওইশিংনা মরম চাদনা শহরগী মনুংদা কোয়চৎ থিংনবা হোৎনবনা ফগদরা হায়না হৌদোরকপা অসি য়েংশিন্নবা হায়খ্রে। হৌদোরকইবশিং অসিনা সেলফ-ক্বারেন্তাইন ইন্দবা মীওইশিংবু চৈরাক পীবা ওইনা ইন্সতিত্যুস্নেল ক্বারেন্তাইন সেন্তরশিংদা থম্বা য়াগদরা য়েংশিল্লু হায়না লৈঙাক্লোইনা হায়খ্রে।
• পঞ্জাবঃ পঞ্জাবকী হকশেল অমসুং য়াইফ য়ুম্বাল মন্ত্রীনা কোবিদকী অনাবশিংনা লন্নাই ওইনা হোংনা লায়েংবা ঙমজনবা সরকারনা চৎনবা য়াবা মমল লেপ্লগনি হায়খ্রে। মহাক্না লন্নাইগী হোস্পিতাল শেন্নরিবা মীওইশিংনা হীরম অসিগা মরী লৈননা কোবিদ-১৯ লায়েংবগী চৎনবা অমসুং পুথোকপা ঙমগদবা মমল লেপ্তুনা হায়রক্নবা হায়খ্রে। সরকারনা লন্নাইগী হোস্পিতালদা মাংজবা ওইবসু পামদে অদুবু লৈজদবা মীওইশিংদগী লায়েংবগী মিংদা শেল য়াম্না লৌবদুসু য়ারোই হায়না হন্না হন্না হায়খি।
• কেরলাঃ কেরলা হাই কোর্ততা থাখিবা এফিদেবিৎ অমদা রাজ্য সরকারনা খোংফম চেৎনা লেপ্তুনা মপান্দগী লাকপা কেরলা মচাশিংনা কোবিদ তেস্ত তৌরগা লাক্কদৌবনি হায়খ্রে। রাজ্য অসিদা তেংবাং পীনবা লাকপা মীওইশিংদা পীবা ইন্সতিত্যুস্নেল ক্বারেন্তাইন য়াওবা অতৈ খুদোংচাবশিং অসি রাজ্যসিদা হল্লকপা মীওইশিংদদি পীরোই হায়বা ৱারোল অমা থোকখ্রে। রাজ্যসিদা কোবিদকী কেস মশিং হেনগৎলক্লিবা অসি য়েংলদুনা সরকারগী লোয়শংশিংদা মতম অমদা মীওই ৫০% খক লৈগদবনি হায়খ্রে অমসুং অতোপ্পা ৫০%না য়ুমদগী থবক শুগদবনি হায়খ্রে। ঙরাং রাজ্যসিদা অনৌবা কোবিদ-১৯ কেস ৯৭ অমসুং মীওই ৮৯ নাবা ফবগী রিপোর্ত লাকখি। অনাবা ১৩৫৮ লায়েংলি অমসুং রাজ্য শিনবা থুংবগী মীওই ১২৭২৩১ অসি য়েংশিন্দুনা লৈরি।
• তমিল নাদুঃ চেন্নই অমসুং য়ুম্লোন্নবা জিলা ৩দা নুমিৎ ১২নিগী অকনবা লোকদাউন থমখ্রে। রাজ্যগী ইদুকেসন মন্ত্রী শ্রী কে.পি. অনবাঝগন কোবিদ-১৯ পোজিতিব ওইখ্রে। কোবিদ-১৯না রিসোর্স য়াম্না শিজিন্নকপা অসিগী মতুং ইন্না রাজ্য সরকারনা দাক্তরশিংগী পেন্সন ককথনবা ৱাফম অমা হৌদোকখ্রে। কোলেজ গেস্ত লেকচররশিংনা লায়চৎ অসিগী মনুংশিদা থাগী তোলোব চাং নায়না পীথোকপিনবা রাজ্য সরকারদা হায়জখ্রে। ঙরাং অনৌবা কেস-২১৪১, নাবা ফবা-১০১৭ অমসুং মীওই ৪৯ লৈখিদবগী রিপোর্ত লাকখি। চেন্নইদগী কেস ১২৭৬ লাকখি। অপুনবা কেস-৫২৩৩৪, এক্তিব কেস-২৩০৬৫, লৈখিদবা-৬২৫, দিসচার্জ তৌখিবা-২৮৬৪১নি। চেন্নইগী এক্তিব কেস ১৬০৬৭নি।
• করনাতকাঃ মীওই ৮গী কম্মিসন্না হায়রকখিবা লন্নাই হোস্পিতালদা কোবিদ লায়েংবগী শেমদোক্লবা মমল অদু চৎনবদা স্তেৎ কোবিদ তাস্ক ফোর্সনা অয়াবা পীখ্রে অমসুং মমল অসি রাজ্যগী কেবিনেত্তা অয়াবা পীনবা হায়খ্রে। কোবিদ-১৯বু মরু ফংনা মুথৎপা ঙম্নবা বি.বি.এম.পি.না সিতিজন ক্বারেন্তাইন স্ক্বাদ শেমদুনা হোম ক্বারেন্তাইন তৌরিবা মীওইশিংনা কাংলোন ঙাক্না চৎহন্নবা থবক পায়খৎপা হৌখ্রে। মরক অসিদা বি.বি.এম.পি.না ক্বারেন্তাইন ৱাৎচ এপ্তগী কান্নদবা দেতাশিং লৌথোক্নবা কোল সেন্তর শেম্বা হৌখ্রে। ঙরাং অনৌবা কেস ২১০, দিসচার্জ ১৭৯ অমসুং মীওই ১২ লৈখিদবগী রিপোর্ত লাকখি। অপুনবা পোজিতিব কেস-৭৯৪৪, এক্তিব কেস-২৮৪৩, দিসচার্জ-৪৯৮৩নি।
• আন্ধ্র প্রদেশঃ সি.এম.না রাজ্য শিনবা থুংনা তুরেল অমসুং সমুদ্র মপান্দা তেক্ত কায়দনা হি হোন্নবগীদমক তুরিজম কন্ত্রোল রুম লিংখ্রে। এ.পি.না পুলিবেন্দুলা (কদাপা)দা বেক্সিন শাবগী য়ুনিৎ হাংনবা আই.জি.ৱাই. ইম্ম্যুনোলোজিক্স ইন্দিয়া প্রাইবেৎ লিমিতেদকা এম.ও.য়ু. অমগী খুৎয়েক পীনখ্রে। হৌখিবা পুং ২৪দা সেম্পল ১৭৬০৯ তেস্ত তৌবদা অনৌবা কেস ৩৭৬ লাকখি অমুং মীওই ৪ লৈখিদে, মীওই ৮২ দিসচার্জ তৌখি। অপুনবা কেস-৬২৩০, এক্তিব-৩০৬৯, নাবা ফরবা-৩০৬৫ অমসুং লৈখিদবা-৯৬নি।
• তেলঙ্গানাঃ তেলঙ্গানা পুম্বদা কোবিদ-১৯গী কেস হেনগৎলক্লি অদুবু কন্তেনমেন্ত জোন্দি পিকশল্লক্লি। জোনশিং অসিবু য়েংশিনবগী মতাংদা সরকারগী মাইকৈদগী করিগুম্বা অমত্তা হায়রক্ত্রবসু পোলিসী খরদা অহোংবা উবা ফংই অমসুং কেস হেনগৎলবসু অনৌবা কন্তেনমেন্ত জোন শেম্বগী থবক্তি উবা ফংদ্রি। হৌজিক ফাওবগী অপুনবা কেস-৬০২৭, এক্তিব কেস-২৫৩১ অমসুং নাবা ফরবা ৩৩০১নি।
• মহারস্ত্রাঃ রাজ্যসিগী অপুনবা কোবিদ-১৯গী অনাবগী মশিং অসি হৌখিবা পুং ২৪দা অনৌবা কেস ৩৭৫২ লাক্তুনা ১২০৫০৪ য়ৌরে। মুম্বাইদগী কেস ১২৯৮ লাকপগী রিপোর্ত লৈ। মুম্বাইদা কোরোনাভাইরসনা নাবা মশিং হেনগৎলকপদগী ওক্সিজেনগী তঙাই ফদবা মশিং হেনগৎলক্লি অমসুং হৌজিক লৈরিবা ফেসিলিতীশিং অসিনা মপুং ফানা পীবা ঙমদ্রে। ব্রিহনমুম্বাই ম্যুনিসিপাল কোরপোরেসন (বি.এম.সি.)না ম্যুনিসিপালনা চলায়বা হোস্পিতাল কে.ই.এম., নাইর, সিওন অমসুং অচৌবা ফেসিলিতীশিংদা য়াওনা মফম ২০দা অচৌবা লিক্বিদ ওক্সিজেন তেঙ্ক খিনবগী থবক্কী অরোয়বা থাক্তা য়ৌখ্রে। সিলিন্দরশিং অসি খিন্নবা প্লেৎফোর্ম শাবা লোয়রে অমসুং সিলিন্দর খিনবগী থবক অসি মথং চয়োলদা লোয়রগনি।
• গুজরাতঃ হৌখিবা পুং ২৪দা অনৌবা কেস ৫১০ লাক্তুনা রাজ্যসিদা লৈবা কোবিদ-১৯গী অপুনবা কেস মশিং ২৫৬৬০ য়ৌখ্রে অমসুং মীওই ২২ লৈখিদবদগী অপুনবা মশিং ১৫৯২ য়ৌখ্রে। মীওই ৩৮৯ দিসচার্জ তৌখিবগা লোয়ননা অপুনবা নাবা ফরবা মীওই মশিং ১৭৮২৯ য়ৌখ্রে। ঙরাং লাকখিবা অনৌবা কেস ৫১০গী মনুংদা অহমেদাবাদ খক্তদগী কেস ৩১৭ লাকখি। অদুগা লোয়ননা সুরত্তগী অনৌবা কেস ৮২ অমসুং বদোদরাদগী কেস ৪৩ লাকখি। রাজ্য অসিদা মীওই লাখ লিশিং ৬ হোম ক্বারেন্তাইন্দা চেকশিন তৌরাং লৌখৎপা ওইনা লৈরি।
• মধ্য প্রদেশঃ হৌখিবা পুং ২৪দা অনৌবা কেস ১৮২ লাক্তুনা রাজ্যসিগী অপুনবা মশিং ১১৪২৬ য়ৌখ্রে। অদুবু এক্তিব কেস্তি ২৩০৮ খক ওইরি। লায়চৎসিনা খ্বাইদগী য়াম্না শোকহনবা ইন্দোরদদি কেস ৪১৯১ লাক্তুনা হেনগৎলক্লি। রাজ্যসিদা লায়চৎ অসিগী ফিভম তত্তনা ফগৎপগী রিপোর্ত লাক্লি। রাজ্যসিগী রিকোবরী রেৎ অসি ৭৫.৫%নি অমসুং লৈবাক্কী রেৎ অসিনা ৫৩%নি। তৌবতবু রাজ্যসিগী কোরোনাগী দব্লিং রেৎ অসি নুমিৎ ৪৩.২ য়ৌখ্রে। রাজ্যসিগী জিলা ৬তি কোরোনা লৈত্রে অমসুং জিলা ২৪দা এক্তিব কেস ১০দগী তানা লৈরে।
• ছতিসগরঃ ঙরাং পোজিতিব কেস ৮২ লাক্তুনা রাজ্যসিগী কোবিদ-১৯গী অপুনবা কেস মশিং ১৯৪৬ য়ৌখ্রে। মসিগা লোয়ননা অনাবা ৪৬ নাবা ফদুনা অপুনবা ফরবা মশিং ১২০২ লৈরে অমসুং এক্তিব কেস ৭৩৫ লৈরি।
• রাজস্থানঃ ঙসি রাজ্যসিদা অনৌবা কেস ৮৪ লাকপগী রিপোর্ত তৌরকপদগী কোবিদ-১৯গী অপুনবা কেস মশিং ১৩৬২৬ য়ৌরে। কোবিদ-১৯গী রিকোবরী রেৎ অসি ৭৭%দা হেনগৎখ্রে। হৌজিক ফাওবদা মীওই ১০৫৮২ নাবা ফখ্রে অমসুং মীওই ৩২৩ রাজ্যসিগী ওইনা লায়না অসিদগী লৈখিদ্রে।
• গোৱা: হৌখিবা পুং ২৪দা অনৌবা কেস ৪৯ লাক্তুনা রাজ্যসিগী কোবিদ-১৯গী অপুনবা কেস মশিং ৭০৫ য়ৌখ্রে। এক্তিব কেস ৫৯৬ লৈরি। 

ফেক্তচেক

*****