প্রধান মন্ত্রীনা আচার্য় শ্রী মহাপ্রজ্ঞজীদা ঙসি লায়নিংবা অসিগী চহী চাম্মশুবা মপোক কুমওন থৌরমদা শ্রদ্ধাঞ্জলি উৎখ্রে‍।

থৌরমদুদা ৱা ঙাংলদুনা প্রধান মন্ত্রীনা হায়খিবদা আচার্য় শ্রী মহাপ্রজ্ঞজীনা মহাক্কী পুন্সি চুপ্পা মীওইবা অমদি খুন্নাইসিগী থৌগলদা কত্থোকখি‍।

প্রধান মন্ত্রীনা মহাক্কা অফাওবা লায়নীংবদুগা ৱারী ৱাতায় শান্নখিবা কয়াবু নীংশিংলদুনা হায়খিবদা মহাক লায়বক ফবদগী আচার্য় অদুগা তাঞ্জা কয়াদা ৱারী ৱাতায় শান্নবা ফংখি অমদি লায়নীংবা অদুগী খোঙচত্তগী মহাক্না পারা কয়া তমবা ফংহৌখি হায়না ফোঙদোকখি‍।

শ্রী মোদীনা মহাক লায়নীংবা অদুগী অহিংসা য়াত্রা অমদি মীওইবা খুন্নাইগী থৌগলদা শরুক য়াহৌবগী খুদোংচাবাসু ফংখি হায়নসু ফোঙদোকখি‍।

মহাক্না হায়খি, আচার্য় শ্রী মহাপ্রাগ্যগুম্বা য়ুগ রিসিশিংনা মখোয় মশাগীদমক করিগুম্বা অমত্তা মথৌ তাদে অদুবু মখোয়গী পুন্সি, ৱাখল্লোন অমসুং থবক থৌরমশিং মীওইবা খুন্নাইগী থৌগলদা কত্থোকখি‍।

“করিগুম্বা নহাক্না নহাক্কী পুন্সিদগী ‘ঐ অমসুং ঐগী’ হায়বসি থাদোক্লবদি, মালেম পুমবা নহাক্কী ওইগনি” হায়বা আচার্য়গী ৱাফমবু প্রধান মন্ত্রীনা থমখি‍।

লায়নীংবা অসিনা লায়রোল অসি মহাক্কী পুন্সিগী ৱাংউলোল (ফিলোসোফী) ওইহন্দুনা মহাক্কী থবক থৌরম খুদিংদা পানশিনখি হায়না শ্রী মোদীনা ফোঙদোকখি‍।

লায়নীংবা অসিগী মশাগী ওইজবা হায়ববু মীওই খুদিংমকপু নুংশিবা হায়বসিনি হায়না প্রধান মন্ত্রীনা হায়খি‍।

রাস্ত্রকবি রামধারি সিংহ দিনকরনা আচার্য় মহাপ্রাগ্য জিবু অনৌবা মতমগী ভিভেকানন্দনি হায়না হেক হেক হায়খিববুসু প্রধান মন্ত্রীনা নীংশিংখি‍।

মতৌ অসুম্না দিগমবরা চৎনবীগী অফাওবা লায়নীংবা আচার্য় ভিদ্যানন্দনসু মহাপ্রজ্ঞজীবু মহাক্না লেংলমবা নীংথিরবা লিতরেচরশিং অদুনা মরম ওইরগা দা: সর্বপলি রাধাকৃষ্ণনগা চাংদম্নরম্মী‍ হায়না প্রধান মন্ত্রীনা ফোঙদোকখি‍।

প্রধান মন্ত্রীনা অতল বিহারি ভাজপায়ীগী মতাংদা পল্লদুনা লিতরেচর অমদি লৌশিংগী লমদা অফাওবা মীশক অমা ওইরম্লিবা অতলজিনা– “ঐ আচার্য় মহাপ্রাগ্রজিগী লিতরেচর, মহাক্কী লিতরেচরগী অরুবা ৱাহন্থোক, মহাক্কী লৌশিং অমদি ৱাহৈশিংবু তশেংনা নুংশিজবা অমনি‍” হায়না তোয়না হায়রমবা ৱাহৈশু নীংশিংখি‍।

প্রধান মন্ত্রীনা আচার্য় শ্রীবু ফজরবা ৱারোল, পুক্নীং হুনিংঙাই ওইবা খোঞ্জেল অমদি ৱাহৈ ৱাতা ফজবা কয়ানা লৈতেংলবা মীওই অমনি হায়না ফোঙদোকখি‍।

আচার্য় শ্রীনা স্পিরিচুএলিতী, ফিলোসোফী, সাইকোলোজী অমদি শেন্মিৎলোনগী লমদা সংস্কৃত, হিন্দী, গুজরাতি, ইংলিস লোনদা লায়রিক ৩০০ হেন্না ইখ্রে হায়না প্রধান মন্ত্রীনা ফোঙদোকখি‍।

মহাপ্রজ্ঞজীনা দা: এ. পি. জে. অব্দুল কলামজিগা লোয়ননা ইখিবা লাইরিক অমা – “দি ফেমিলী এন্দ দি নেসন”বুসু প্রধান মন্ত্রীনা পনখি‍।

মহাক্না হায়খি “অফাওবা মীওই অনি অসি মতৌ করম্না ইমুং অমনা নুংঙাইবা ইমুং অমা ওইরক্কনি অমদি নুংঙাইবা ইমুংনা নুংঙাই য়াফরবা লৈবাক অমা শেমগৎকনি হায়বা মীৎয়েংশিং পীবিরম্মী‍।”

অফাওবা মীশক অনি অদুবা চাংদম্নরদুনা প্রধান মন্ত্রীনা মতৌ করম্না মহাক্না মখোয় অনিদগী তমখিবশিংগী মতাংদা ফোঙদোক্লদুনা, “ঐনা মখোয়দগী স্পিরিচুএল গুরু অমনা সাইন্তিফিক এপ্রোচপু কমদৌনা খংলিবা অমদি সাইন্তিস্ত অমনা স্পিরিচুএলিতীবু কমদৌনা শন্দোক্না তাকপা ঙম্লিবা হায়বসি মখোয়দগী খংবা ঙমহৌখি‍।”

মখোয় অনিমক্কা লোয়ননা ৱারী ৱাতা শানবা ফংহৌবা অসি ঐগী লাইবক ফবনি, হায়না মহাক্না হায়খি‍।

মহাক্না হায়খি মদুদি দা: কলামনা মহাপ্রজ্ঞজীগী মরমদা হেক হেক হায়খি, মহাক্কী পুন্সিগী পান্দম অমখক লৈ – চৎপা, লৌশিনবা অমদি পীথোকপা‍। মদুনা হায়রিবদি লেপ্পা নাইদনা চৎপা, লৌশিন তানশিনবা অমদি পুন্সিদা ফংলিব খুদিংমক খুন্নাইদা পীথোকপা হায়বসিনি‍।

মহাপ্রজ্ঞজীনা মহাক্কী পুন্সিদা কিলোমিতর লিশিং কয়া চৎলম্মী হায়না প্রধান মন্ত্রীনা হায়খি‍। মহাক্না শিদ্রিঙৈ মমাঙদসু মহাক নন-ভাইওলেন্সকী খোঙচৎ অমা চৎখি‍। পি. এম.না মহাক্কী ৱাফম “থৱায়না ঐগী ঈশ্বরনি, কত্থোকপনা ঐগী থৌনিনি, মরূপ মপাং ওইবনা ঐগী পুক্নীংগী ইহুলনি, তপথবনা ঐগী থৌনানি, অমদি নন-ভাইওলেন্সনা ঐগী লায়নীংনি” হায়বসিবু নীংশিংলদুনা হায়খিবদা মহাকনা পুন্সি মরেল অসিদা হিংখি, অমদি মীওই মিলিয়ন কয়াদসু তাক্লম্মী‍। য়োগাগী খুত্থাঙদা মহাক্না মীওই লিশিং কয়াদা পূক্নীং হন্থবা লৈতবা পুন্সি মহিং অমা হিংবগী লম্বী তাক্লম্মী হায়না মহাক্না হায়খি‍। মহাক্না ফোঙদোকখি “ইন্তরনেসনেল য়োগা দে অসি নোংমা চোন্থরগা তারিবা অসিসু তান চানবা অমনি‍। মহাক্কী ৱাখল্লোনবু খুন্নাইদা য়ৌহনবনা মহাপ্রজ্ঞজীগী ‘নুংঙাইবা পুন্সি অমদি নুংঙাই য়াইফবা লৈবাক’ হায়বা মঙলান অসি ফংননবগী ঐখোয়গী খুদিংমক্কী থৌরমসিগী থৌদাং ওইগদৌরিবনি‍।”

আচার্য় মহাপ্রজ্ঞজীগী অতোপ্পা লায়রোল – “মশা ফবা মীওই, মশা ফবা খুন্নাই, মশা ফবা শেন্মিৎলোন” অসিবু পল্লদুনা পি. এম.না হায়খিবদা মহাক্কী লায়রোল অসিনা ঐখোয় পুম্নমক্কী পুন্সিগী থৌনা ওইরি‍।

ঙসি লৈবাক অসিনা লায়রোল অসিগা লোয়ননা আত্মনির্ভর ভারত ফংনবগী পান্দমদা মাঙদা চঙশিল্লি‍।

মহাক্না হায়খি, “ঐনা থাজৈ, ঐখোয়গী মুনিশিং অমদি লায়নীংবশিংনা থম্বীরম্বা খুন্নাই অসিনা অমদি লৈবাক অসিগী ৱাখল্লোন, লৈবাকসিনা ফীরেপ অদুবু অথুবা মতমদা উৎলগনি‍। নখোয় পুম্নমক্তা মাঙলান অদু মংফাওনহল্লগনি‍।”

*****